Surah Al-Fatihah
بِسْمِ اللّٰهِ الرَّحْمٰنِ الرَّحِيْمِ١
Bismillāhir-raḥmānir-raḥīm(i).
[1]
Dengen nami Allah yên Maha Pengasî, Maha Penyayang 1
1) Maksudnyo: kulo ngawali (mula’i) maco al-Fatihah niki ngen ngelap nami Allah. Sedanten damelan yên saê, ayunnyo dimula’i ngen ngelap asma Allah, pecak nedo, minum, nyemle binatang serto liannyo. Allah niku la nami zat yên Maha Suci, yên wênten hak disemba ngen seleser-lesernyo, yên nano mutuke makhluk-Nyo, tapi makhluk yên mutuke-Nyo. Ar Rahmaan (Maha Pemura): sala sios nami Allah yên ngesung makno bahwo Allah ngelimpake karunio-Nyo kepado makhluk-Nyo sedeng Ar Rahiim (Maha Penyayang) ngesung pengertian bahwo Allah senantiaso besifat rahmah yên nyebabke Dio sesampun niku ngelimpake rahmat-Nyo kepado makhluk-Nyo.
اَلْحَمْدُ لِلّٰهِ رَبِّ الْعٰلَمِيْنَۙ٢
Al-ḥamdu lillāhi rabbil-‘ālamīn(a).
[2]
Sedanten puji 2 peranti Allah, Tuhan semesto alam. 3
2) Alhamdu (sedanten puji). Muji wong wênten la kerno damelannyo yên sai yên didamelkenyo atas kendak-Nyo dewek. Mako muji Allah retinyo: nyanjung-Nyo kreno damelannyo yên sai. Lian halnyo ngen syukur yên retinyo ngako’i keutamoan sesios wong tehadep nikmat yên disungke-Nyo. kito ngadepke sedanten puji bagi Allah lan kerno Allah sumber dari sedanten kesaian yên patut dipuji.
3) Rabb (tuhan), retinyo: Tuhan yên ditoati yên Ngewênteni, nidik serto meliharo. Lafal Rabb nano angsal digunoke selian peranti Tuhan, kacowali kalu wênten sambungannyo, pecak robbul bait (tuan rompok). 'Alamiin (semesto alam): sedanten yên diciptoke Tuhan yên tediri dari beragem jenis serto macem, pecak: alam manusio, alam binatang, alam tumbu-tumbuan, bendo-bendo padem serto liannyo. Allah Pencipto sedanten alam-alam niku.
الرَّحْمٰنِ الرَّحِيْمِۙ٣
Ar-raḥmānir-raḥīm(i).
[3]
Maha Pemura jugo Maha Penyayang.
مٰلِكِ يَوْمِ الدِّيْنِۗ٤
Māliki yaumid-dīn(i).
[4]
Yên nguasoi 4 dinten Pembalesan 5
4) Maalik (yên nguasoi) ngen manjangke mim retinyo: pemilik. angsal pulo dibaco ngen Malik (ngen mendekke mim), retinyo: Rajo.
5)Yaumiddin (dinten Pembalesan): dinten yên diwaktu niku dewek-dewek wong nerimo balesan amalannyo yên sai jugo yên jahat. Yaumiddin dikelapke juga yaumulqiyaamah, yaumulhisaab, yaumuljazaa' lan liannyo.
اِيَّاكَ نَعْبُدُ وَاِيَّاكَ نَسْتَعِيْنُۗ٥
Iyyāka na‘budu wa iyyāka nasta‘īn(u),
[5]
Saos Niko la yên Kamê’ semba 6, saos kepado Niko la Kame’ nedo petolongan 7 .
6) Na'budu diembil dari kelap 'ibaadat: kepatuan serto ketundukan yang ditongolke ole perasoan tehadep keagengan Allah, sebagî Tuhan yên disemba, kerno bekeyakinan bahwo Allah wênten kekuasoan yên mutlak tehadepnyo.
7) 7Nasta'iin (nedo petolongan), dari kelap isti'aanah: ngarepke petulungan peranti angsal ngerampungke sios damelan yên nano sanggup didamelke ngen tenago dewek.
اِهْدِنَا الصِّرَاطَ الْمُسْتَقِيْمَۙ٦
Ihdinaṣ-ṣirāṭal-mustaqīm(a).
[6]
Sûng wikan 8 Kame’ jalan yên leser,
8) Ihdina (tunju’ila Kame’), dari kelap hidayaat: ngesûng hidayah ke jalan yên sai. Yên dimaksud ngen ayat niki didinyo sekadar ngesung hidayah saos, tapi jugo ngesung taufik.
صِرَاطَ الَّذِيْنَ اَنْعَمْتَ عَلَيْهِمْ ەۙ غَيْرِ الْمَغْضُوْبِ عَلَيْهِمْ وَلَا الضَّاۤلِّيْنَ ࣖ٧
Ṣirāṭal-lażīna an‘amta ‘alaihim, gairil-magḍūbi ‘alaihim wa laḍ-ḍāllīn(a).
[7]
(Ya’ni) jalan sedanten wong yên sampûn Niko sûng nikmat kepado wong-wong niku; didinyo (jalan) wong-wong niku yên dimurkoi serto didinyo (pulo jalan) wong-wong niku yên seset. 9
9) Yên dimaksud ngen wong-wong niku yang dimurkoi serto wong-wong niku yên seset nikula sedanten golongan yên nyimpang dari ajaran Islam.