Surah Al-Mulk
بِسْمِ اللّٰهِ الرَّحْمٰنِ الرَّحِيْمِ
تَبٰرَكَ الَّذِيْ بِيَدِهِ الْمُلْكُۖ وَهُوَ عَلٰى كُلِّ شَيْءٍ قَدِيْرٌۙ١
Tabārakal-lażī biyadihil-mulk(u), wa huwa ‘alā kulli syai'in qadīr(un).
[1]
Mahaberkah Zat nang manguasoi (sagalo) kerajoan dan Dio Mahakuaso atas sagalo sasuatu.
ۨالَّذِيْ خَلَقَ الْمَوْتَ وَالْحَيٰوةَ لِيَبْلُوَكُمْ اَيُّكُمْ اَحْسَنُ عَمَلًاۗ وَهُوَ الْعَزِيْزُ الْغَفُوْرُۙ٢
Allażī khalaqal-mauta wal-ḥayāta liyabluwakum ayyukum aḥsanu ‘amalā(n), wa huwal-‘azīzul-gafūr(u).
[2]
Yaitu nang manciptokan kamatian dan kahidupan untuk manguji kamu, siapo di antaro kamu nang lebih baik amalnyo. Dio Mahaperkaso lagi Maha Pangampun,
الَّذِيْ خَلَقَ سَبْعَ سَمٰوٰتٍ طِبَاقًاۗ مَا تَرٰى فِيْ خَلْقِ الرَّحْمٰنِ مِنْ تَفٰوُتٍۗ فَارْجِعِ الْبَصَرَۙ هَلْ تَرٰى مِنْ فُطُوْرٍ٣
Allażī khalaqa sab‘a samāwātin ṭibāqā(n), mā tarā fī khalqir-raḥmāni min tafāwut(in), farji‘il-baṣara hal tarā min fuṭūr(in).
[3]
(Dio jugo) nang manciptokan tujuh langit balapis lapis. Kamu idak bakal mangimak pado ciptaan Tuhan Nang Maha Pangasih kaidaksaimbangan sadikit pun. Mako, imaklah baulang-ulang! Adokah kamu mangimak suatu celo?
ثُمَّ ارْجِعِ الْبَصَرَ كَرَّتَيْنِ يَنْقَلِبْ اِلَيْكَ الْبَصَرُ خَاسِئًا وَّهُوَ حَسِيْرٌ٤
Ṡummarji‘il-baṣara karrataini yanqalib ilaikal-baṣaru khāsi'aw wa huwa ḥasīr(un).
[4]
Kemudian, imaklah sakali lagi (dan) sakali lagi (untuk mancari celo dalam ciptoan Allah), niscayo pangliatanmu bakal balik kapadomu dengan kecewa dan dalam kaadoan litak (kareno idak manemukannyo).
وَلَقَدْ زَيَّنَّا السَّمَاۤءَ الدُّنْيَا بِمَصَابِيْحَ وَجَعَلْنٰهَا رُجُوْمًا لِّلشَّيٰطِيْنِ وَاَعْتَدْنَا لَهُمْ عَذَابَ السَّعِيْرِ٥
Wa laqad zayyannas-samā'ad-dun-yā bimaṣābīḥa wa ja‘alnāhā rujūmal lisy-syayāṭīni wa a‘tadnā lahum ‘ażābas-sa‘īr(i).
[5]
Sungguh, Kami benar-benar lah manghiasi langit dunio dengan bintang-bintang, dan Kami jadikan (bintang-bintang tu) sabagai alat-alat palempar tahadap setan, dan Kami sediokan bagi orang-orang tu (setan-setan tu) azab (sikso nerako) Sa’ir (nang manyalo-nyalo).
وَلِلَّذِيْنَ كَفَرُوْا بِرَبِّهِمْ عَذَابُ جَهَنَّمَۗ وَبِئْسَ الْمَصِيْرُ٦
Wa lil-lażīna kafarū birabbihim ‘ażābu jahannam(a), wa bi'sal-maṣīr(u).
[6]
Orang-orang nang kafir kapado Tuhannyo bakal mamperoleh azab (nerako) Jahannam. Tulah saburuk-buruk genah balik.
اِذَآ اُلْقُوْا فِيْهَا سَمِعُوْا لَهَا شَهِيْقًا وَّهِيَ تَفُوْرُۙ٧
Iżā ulqū fīhā sami‘ū lahā syahīqaw wa hiya tafūr(u).
[7]
Apabilo dilemparkan ka dalamnyo (nerako), orang-orang tu pasti manganing suaro nerako nang mangerikan katiko nerako tu mabara.
تَكَادُ تَمَيَّزُ مِنَ الْغَيْظِۗ كُلَّمَآ اُلْقِيَ فِيْهَا فَوْجٌ سَاَلَهُمْ خَزَنَتُهَآ اَلَمْ يَأْتِكُمْ نَذِيْرٌۙ٨
Takādu tamayyazu minal-gaiẓ(i), kullamā ulqiya fīhā faujun sa'alahum khazanatuhā alam ya'tikum nażīr(un).
[8]
(Nerako tu) hampir maledak lantaran marah. Satiap kali dilemparkan ka dalamnyo sakumpulan (orang-orang kafir), panjago-panjago (nerako tu) batanyo kapado orang-orang tu, “Apokah belum pernah datang kapadomu (di dunio) saorang pambagih peringatan?”
قَالُوْا بَلٰى قَدْ جَاۤءَنَا نَذِيْرٌ ەۙ فَكَذَّبْنَا وَقُلْنَا مَا نَزَّلَ اللّٰهُ مِنْ شَيْءٍۖ اِنْ اَنْتُمْ اِلَّا فِيْ ضَلٰلٍ كَبِيْرٍ٩
Qālū balā qad jā'anā nażīr(un), fa każżabnā wa qulnā mā nazzalallāhu min syai'(in), in antum illā fī ḍalālin kabīr(in).
[9]
Orang-orang tu manjawab, “Pernah! Sungguh lah datang kapado kami saorang pambagih peringatan, tapi kami mandustokan(-nyo) dan mangatokan, “Allah idak manurunkan sasuatu apo pun.” (Paro malaikat bakato,) “Kamu idak lain hanyolah (barado) dalam kasesatan nang besak.”
وَقَالُوْا لَوْ كُنَّا نَسْمَعُ اَوْ نَعْقِلُ مَا كُنَّا فِيْٓ اَصْحٰبِ السَّعِيْرِ١٠
Wa qālū lau kunnā nasma‘u au na‘qilu mā kunnā fī aṣḥābis-sa‘īr(i).
[10]
Orang-orang tu jugo bakato, “Sakironyo dahulu kami manganing atau mamikirkan (peringatan tu), niscayo idaklah kami tamasuk ka dalam (golongan) panghuni-panghuni (nerako) Sa’ir (nang manyalo-nyalo).”
فَاعْتَرَفُوْا بِذَنْۢبِهِمْۚ فَسُحْقًا لِّاَصْحٰبِ السَّعِيْرِ١١
Fa‘tarafū biżambihim, fasuḥqal li'aṣḥābis-sa‘īr(i).
[11]
Orang-orang tu mangakui dosonyo (saat panyesalan idak lagi bamanfaat). Mako, jauhlah (dari rahmat Allah) bagi panghuni-panghuni (nerako) Sa’ir (nang manyalo-nyalo) tu.
اِنَّ الَّذِيْنَ يَخْشَوْنَ رَبَّهُمْ بِالْغَيْبِ لَهُمْ مَّغْفِرَةٌ وَّاَجْرٌ كَبِيْرٌ١٢
Innal-lażīna yakhsyauna rabbahum bil-gaibi lahum magfiratuw wa ajrun kabīr(un).
[12]
Sasungguhnyo orang-orang nang takut kapado Tuhannyo dengan idak mangimak-Nyo bakal mamperoleh ampunan dan pahalo nang besak.
وَاَسِرُّوْا قَوْلَكُمْ اَوِ اجْهَرُوْا بِهٖۗ اِنَّهٗ عَلِيْمٌ ۢبِذَاتِ الصُّدُوْرِ١٣
Wa asirrū qaulakum awijharū bih(ī), innahū ‘alīmum biżātiṣ-ṣudūr(i).
[13]
Rahasiokanlah pakatoanmu atau nyato-kanlah. Sabenarnyo Dio Maha Mangetaui sagalo isi hati.
اَلَا يَعْلَمُ مَنْ خَلَقَۗ وَهُوَ اللَّطِيْفُ الْخَبِيْرُ ࣖ١٤
Alā ya‘lamu man khalaq(a), wa huwal-laṭīful-khabīr(u).
[14]
Apokah (patut) Zat nang manciptokan tu idak mangetaui, sedangkan Dio (jugo) Mahahalus lagi Maha Mangetaui?
هُوَ الَّذِيْ جَعَلَ لَكُمُ الْاَرْضَ ذَلُوْلًا فَامْشُوْا فِيْ مَنَاكِبِهَا وَكُلُوْا مِنْ رِّزْقِهٖۗ وَاِلَيْهِ النُّشُوْرُ١٥
Huwal-lażī ja‘ala lakumul-arḍa żalūlan famsyū fī manākibihā wa kulū mir rizqih(ī), wa ilaihin-nusyūr(u).
[15]
Diolah nang manjadikan bumi tu mudah dimanfaatkan bagi kamu. Mako, bajalanlah di sagalo panjurunyo dan makanlah saba-gian dari rezeki-Nyo. Hanyo kapado-Nyo-lah kamu (balik sasudah) dibangkitkan.
ءَاَمِنْتُمْ مَّنْ فِى السَّمَاۤءِ اَنْ يَّخْسِفَ بِكُمُ الْاَرْضَ فَاِذَا هِيَ تَمُوْرُۙ١٦
A'amintum man fis-samā'i ay yakhsifa bikumul-arḍa fa'iżā hiya tamūr(u).
[16]
Apokah kamu sudah maraso aman dari Zat nang di langit, yaitu (dari bencano) dijungkir-balikkan bumi oleh-Nyo basamo kamu katiko tibo-tibo bumi tu bagoncang?
اَمْ اَمِنْتُمْ مَّنْ فِى السَّمَاۤءِ اَنْ يُّرْسِلَ عَلَيْكُمْ حَاصِبًاۗ فَسَتَعْلَمُوْنَ كَيْفَ نَذِيْرِ١٧
Am amintum man fis-samā'i ay yursila ‘alaikum ḥāṣibā(n), fa sata‘lamūna kaifa nażīr(i).
[17]
Atau, sudah maraso amankah dari Zat nang di langit, yaitu (dari bencano) dikirimkannyo badai nang babatu oleh-Nyo kapadomu? Kagi kamu bakal mangetaui bagaimano (akibat mandustokan) peringatan-Ku.
وَلَقَدْ كَذَّبَ الَّذِيْنَ مِنْ قَبْلِهِمْ فَكَيْفَ كَانَ نَكِيْرِ١٨
Wa laqad każżabal-lażīna min qablihim fakaifa kāna nakīr(i).
[18]
Sungguh, orang-orang nang sabelum orang-orang tu pun benar-benar lah mandustokan (rasul-rasul-Nyo). Mako, alangkah hebatnyo kamurkoan-Ku!
اَوَلَمْ يَرَوْا اِلَى الطَّيْرِ فَوْقَهُمْ صٰۤفّٰتٍ وَّيَقْبِضْنَۘ مَا يُمْسِكُهُنَّ اِلَّا الرَّحْمٰنُۗ اِنَّهٗ بِكُلِّ شَيْءٍۢ بَصِيْرٌ١٩
Awalam yarau ilaṭ-ṭairi fauqahum ṣāffātiw wa yaqbiḍn(a), mā yumsikuhunna illar-raḥmān(u), innahū bikulli syai'im baṣīr(un).
[19]
Idakkah orang-orang tu mamparatikan bu-rung-burung nang mangembangkan dan mangatupkan sayapnyo di atas orang-orang tu? Idak ado nang manahannyo (di udara) salain nang Maha Pamurah. Sasungguhnyo Dia Maha Mangimak sagalo sasuatu.
اَمَّنْ هٰذَا الَّذِيْ هُوَ جُنْدٌ لَّكُمْ يَنْصُرُكُمْ مِّنْ دُوْنِ الرَّحْمٰنِۗ اِنِ الْكٰفِرُوْنَ اِلَّا فِيْ غُرُوْرٍۚ٢٠
Am man hāżal-lażī huwa jundul lakum yanṣurukum min dūnir-raḥmān(i), inil-kāfirūna illā fī gurūr(in).
[20]
Atau, siapokah nang bakal manjadi tentaro bagimu nang dapat manolongmu salain daripado (Allah) nang Maha Pamurah? Orang-orang kafir tu idak lain hanyolah dalam (kaadoan) tatipu.
اَمَّنْ هٰذَا الَّذِيْ يَرْزُقُكُمْ اِنْ اَمْسَكَ رِزْقَهٗ ۚ بَلْ لَّجُّوْا فِيْ عُتُوٍّ وَّنُفُوْرٍ٢١
Am man hāżal-lażī yarzuqukum in amsaka rizqah(ū), bal lajjū fī ‘utuwwiw wa nufūr(in).
[21]
Atau, siapokah nang dapat mambagih kamu rezeki kalu Dio (Allah) manahan rezeki-Nyo? Sabaliknyo, orang-orang tu terus manerus dalam kasombongan dan manjauhkan diri (dari kabenaran).
اَفَمَنْ يَّمْشِيْ مُكِبًّا عَلٰى وَجْهِهٖٓ اَهْدٰىٓ اَمَّنْ يَّمْشِيْ سَوِيًّا عَلٰى صِرَاطٍ مُّسْتَقِيْمٍ٢٢
Afamay yamsyī mukibban ‘alā wajhihī ahdā ammay yamsyī sawiyyan ‘alā ṣirāṭim mustaqīm(in).
[22]
Apokah orang nang bajalan dengan muko tatelungkup tu lebih banyak mandapatkan patunjuk ataukah orang nang bajalan tegap di atas jalan nang lurus?
قُلْ هُوَ الَّذِيْٓ اَنْشَاَكُمْ وَجَعَلَ لَكُمُ السَّمْعَ وَالْاَبْصَارَ وَالْاَفْـِٕدَةَۗ قَلِيْلًا مَّا تَشْكُرُوْنَ٢٣
Qul huwal-lażī ansya'akum wa ja‘ala lakumus-sam‘a wal-abṣāra wal-af'idah(ta), qalīlam mā tasykurūn(a).
[23]
Katokanlah, “Diolah Zat nang manciptokan kamu dan manjadikan bagi kamu panga-ningan, pangimakan dan hati nurani.” (Tapi) amat sadikit kamu basyukur.
قُلْ هُوَ الَّذِيْ ذَرَاَكُمْ فِى الْاَرْضِ وَاِلَيْهِ تُحْشَرُوْنَ٢٤
Qul huwal-lażī żara'akum fil-arḍi wa ilaihi tuḥsyarūn(a).
[24]
Katokanlah, “Diolah nang manjadikan kamu bakembang biak di muko bumi dan hanyo kapado-Nyo-lah kamu kagi dikumpulkan.”
وَيَقُوْلُوْنَ مَتٰى هٰذَا الْوَعْدُ اِنْ كُنْتُمْ صٰدِقِيْنَ٢٥
Wa yaqūlūna matā hāżal-wa‘du in kuntum ṣādiqīn(a).
[25]
Orang-orang tu bakato, “Kapankah (datangnyo) janji (azab) ko kalu kamu adolah orang-orang nang benar?”
قُلْ اِنَّمَا الْعِلْمُ عِنْدَ اللّٰهِ ۖوَاِنَّمَآ اَنَا۠ نَذِيْرٌ مُّبِيْنٌ٢٦
Qul innamal-‘ilmu ‘indallāh(i), wa innamā ana nażīrum mubīn(un).
[26]
Katokanlah (Nabi Muhamamd), “Sasung-guhnyo ilmu (tentang hari kiamat tu) hanyo ado pado sisi Allah. Aku hanyolah saorang pambagih peringatan nang jelas.”
فَلَمَّا رَاَوْهُ زُلْفَةً سِيْۤـَٔتْ وُجُوْهُ الَّذِيْنَ كَفَرُوْا وَقِيْلَ هٰذَا الَّذِيْ كُنْتُمْ بِهٖ تَدَّعُوْنَ٢٧
Falammā ra'auhu zulfatan sī'at wujūhul-lażīna kafarū wa qīla hāżal-lażī kuntum bihī tadda‘ūn(a).
[27]
Katiko orang-orang tu mangimak azab (pado hari kiamat) sudah dekat, muko orang-orang kafir tu manjadi muram. Dikatokan (kapado orang-orang tu) ko adolah (sasuatu) nang dahulunyo kamu salalu mangaku (bahwo kamu idak bakal dibangkitkan).
قُلْ اَرَءَيْتُمْ اِنْ اَهْلَكَنِيَ اللّٰهُ وَمَنْ مَّعِيَ اَوْ رَحِمَنَاۙ فَمَنْ يُّجِيْرُ الْكٰفِرِيْنَ مِنْ عَذَابٍ اَلِيْمٍ٢٨
Qul ara'aitum in ahlakaniyallāhu wa mam ma‘iya au raḥimanā, famay yujīrul-kāfirīna min ‘ażābin alīm(in).
[28]
Katokanlah (Nabi Muhammad), “Taukah kamu kalu Allah mamatikan aku dan orang-orang nang basamo dengan aku atau mambagih rahmat kapado kami, (dengan mamperpanjang umur kami), lalu siapokah nang dapat malindungi orang-orang nang kafir dari sikso nang pedih?”
قُلْ هُوَ الرَّحْمٰنُ اٰمَنَّا بِهٖ وَعَلَيْهِ تَوَكَّلْنَاۚ فَسَتَعْلَمُوْنَ مَنْ هُوَ فِيْ ضَلٰلٍ مُّبِيْنٍ٢٩
Qul huwar-raḥmānu āmannā bihī wa ‘alaihi tawakkalnā, fasata‘lamūna man huwa fī ḍalālim mubīn(in).
[29]
Katokanlah (Nabi Muhammad), “Diolah Allah Zat nang Maha Panyayang, kami baiman kapado-Nyo dan hanyo kapado-Nyo-lah kami batawakal. Kagi kamu bakal tau siapo nang barado dalam kasesatan nang nyato.”
قُلْ اَرَءَيْتُمْ اِنْ اَصْبَحَ مَاۤؤُكُمْ غَوْرًا فَمَنْ يَّأْتِيْكُمْ بِمَاۤءٍ مَّعِيْنٍ ࣖ٣٠
Qul ara'aitum in aṣbaḥa mā'ukum gauran famay ya'tīkum bimā'im ma‘īn(in).
[30]
Katokanlah (Nabi Muhammad), “Terang-kanlah kapadoku kalu (sumber) aek kamu surut ka dalam tanah, siapo nang bakal mambagihmu aek nang mangalir?”