Surah Qaf
بِسْمِ اللّٰهِ الرَّحْمٰنِ الرَّحِيْمِ
قۤ ۗوَالْقُرْاٰنِ الْمَجِيْدِ ۖ١
Qāf, wal-qur'ānil-majīd(i).
[1]
Qāf. Demi Al-Qur’an nang mulio.
بَلْ عَجِبُوْٓا اَنْ جَاۤءَهُمْ مُّنْذِرٌ مِّنْهُمْ فَقَالَ الْكٰفِرُوْنَ هٰذَا شَيْءٌ عَجِيْبٌ ۚ٢
Bal ‘ajibū an jā'ahum munżirum minhum faqālal-kāfirūna hāżā syai'un ‘ajīb(un).
[2]
(Orang-orang tu manolaknyo,) bahkan orang-orang tu heran kareno lah datang kapado orang-orang tu saorang pambagih peringatan dari (kalangan) orang-orang tu dewek. Bakatolah orang-orang kafir, “Ko adalah sasuatu nang sangat mangherankan.
ءَاِذَا مِتْنَا وَكُنَّا تُرَابًا ۚ ذٰلِكَ رَجْعٌۢ بَعِيْدٌ٣
A'iżā mitnā wa kunnā turābā(n), żālika raj‘um ba‘īd(un).
[3]
Apokah sasudah kami mati dan sudah manjadi tanah (bakal dibalikkan)? Tu adolah pangembalian nang amat jauh.”
قَدْ عَلِمْنَا مَا تَنْقُصُ الْاَرْضُ مِنْهُمْ ۚوَعِنْدَنَا كِتٰبٌ حَفِيْظٌ٤
Qad ‘alimnā mā tanquṣul-arḍu minhum, wa ‘indanā kitābun ḥafīẓ(un).
[4]
Sungguh, Kami lah mangetaui apo nang dimakan bumi dari (tubuh) orang-orang tu kareno pado Kami ado kitab (catatan) nang tapeliharo baik.
بَلْ كَذَّبُوْا بِالْحَقِّ لَمَّا جَاۤءَهُمْ فَهُمْ فِيْٓ اَمْرٍ مَّرِيْجٍ٥
Bal każżabū bil-ḥaqqi lammā jā'ahum fahum fī amrim marīj(in).
[5]
Bahkan, orang-orang tu mandustokan kabenaran katiko datang kapadonyo. Mako, orang-orang tu barado dalam kaadoan kacau balau.
اَفَلَمْ يَنْظُرُوْٓا اِلَى السَّمَاۤءِ فَوْقَهُمْ كَيْفَ بَنَيْنٰهَا وَزَيَّنّٰهَا وَمَا لَهَا مِنْ فُرُوْجٍ٦
Afalam yanẓurū ilas-samā'i fauqahum kaifa banaināhā wa zayyanāhā wa mā lahā min furūj(in).
[6]
Apokah orang-orang tu idak mamperatikan langit nang ado di atas orang-orang tu, bagaimano caro Kami membangunnyo dan manghiasinyo tanpo ado retak-retak padonyo sadikit pun?
وَالْاَرْضَ مَدَدْنٰهَا وَاَلْقَيْنَا فِيْهَا رَوَاسِيَ وَاَنْۢبَتْنَا فِيْهَا مِنْ كُلِّ زَوْجٍۢ بَهِيْجٍۙ٧
Wal-arḍa madadnāhā wa alqainā fīhā rawāsiya wa ambatnā fīhā min kulli zaujim bahīj(in).
[7]
(Macam tu pulak) bumi nang Kami hamparkan serto Kami pancangkan di atasnyo gunung-gunung nang kokoh dan Kami tumbuhkan di atasnyo babagai jenis (tatumbuhan) nang indah
تَبْصِرَةً وَّذِكْرٰى لِكُلِّ عَبْدٍ مُّنِيْبٍ٨
Tabṣirataw wa żikrā likulli ‘abdim munīb(in).
[8]
Untuk manjadi palajaran dan pangingat bagi satiap hambo nang balik (tunduk kapado Allah).
وَنَزَّلْنَا مِنَ السَّمَاۤءِ مَاۤءً مُّبٰرَكًا فَاَنْۢبَتْنَا بِهٖ جَنّٰتٍ وَّحَبَّ الْحَصِيْدِۙ٩
Wa nazzalnā minas-samā'i mā'am mubārakan fa'ambatnā bihī jannātiw wa ḥabbal-ḥaṣīd(i).
[9]
Kami turunkan dari langit aek nang diberkahi, lalu Kami tumbuhkan dengannyo kebun-kebun dan biji-bijian nang dapat dipanen.
وَالنَّخْلَ بٰسِقٰتٍ لَّهَا طَلْعٌ نَّضِيْدٌۙ١٠
Wan-nakhla bāsiqātil lahā ṭal‘un naḍīd(un).
[10]
Macam tu pulak pohon-pohon kurmo nang tinggi nang mayangnyo basusun-susun
رِّزْقًا لِّلْعِبَادِۙ وَاَحْيَيْنَا بِهٖ بَلْدَةً مَّيْتًاۗ كَذٰلِكَ الْخُرُوْجُ١١
Rizqal lil-‘ibād(i), wa aḥyainā bihī baldatam maitā(n), każālikal-khurūj(u).
[11]
Sabagai rezeki bagi hambo-hambo (Kami). Kami hidupkan pulak dengan (aek) tu negeri nang mati (tandus). Seperti tulah tajadinyo kabangkitan (dari kubur).
كَذَّبَتْ قَبْلَهُمْ قَوْمُ نُوْحٍ وَّاَصْحٰبُ الرَّسِّ وَثَمُوْدُ١٢
Każżabat qablahum qaumu nūḥiw wa aṣḥābur-rassi wa ṡamūd(u).
[12]
Sabelum orang-orang tu, kaum Nuh, penduduk Rass, dan (kaum) Samud lah mandustokan (rasul-rasul).
وَعَادٌ وَّفِرْعَوْنُ وَاِخْوَانُ لُوْطٍۙ١٣
Wa ‘āduw wa fir‘aunu wa ikhwānu lūṭ(in).
[13]
(Demikian juga kaum) ‘Ad, Fir‘aun, kaum Lut,
وَّاَصْحٰبُ الْاَيْكَةِ وَقَوْمُ تُبَّعٍۗ كُلٌّ كَذَّبَ الرُّسُلَ فَحَقَّ وَعِيْدِ١٤
Wa aṣḥābul-aikati wa qaumu tubba‘(in), kullun każżabar-rusula faḥaqqa wa‘īd(i).
[14]
penduduk Aikah, dan kaum Tubba’. Sagalonyo lah mandustokan rasul-rasul, mako balakulah ancaman-Ku (atas orang-orang tu).
اَفَعَيِيْنَا بِالْخَلْقِ الْاَوَّلِۗ بَلْ هُمْ فِيْ لَبْسٍ مِّنْ خَلْقٍ جَدِيْدٍ ࣖ١٥
Afa ‘ayīna bil-khalqil-awwal(i), bal hum fī labsim min khalqin jadīd(in).
[15]
Apokah Kami letih dengan panciptoan nang pertamo? (Samo sekali idak,) bahkan orang-orang tu dalam kaadoan ragu tentang panciptoan nang baru.
وَلَقَدْ خَلَقْنَا الْاِنْسَانَ وَنَعْلَمُ مَا تُوَسْوِسُ بِهٖ نَفْسُهٗ ۖوَنَحْنُ اَقْرَبُ اِلَيْهِ مِنْ حَبْلِ الْوَرِيْدِ١٦
Wa laqad khalaqnal-insāna wa na‘lamu mā tuwaswisu bihī nafsuh(ū), wa naḥnu aqrabu ilaihi min ḥablil-warīd(i).
[16]
Sungguh, Kami benar-benar lah manciptokan manusio dan mangetaui apo nang dibisikkan oleh dirinyo. Kami lebih dekat kapadonyo daripado urat lehernyo.
اِذْ يَتَلَقَّى الْمُتَلَقِّيٰنِ عَنِ الْيَمِيْنِ وَعَنِ الشِّمَالِ قَعِيْدٌ١٧
Iż yatalaqqal-mutalaqqiyāni ‘anil-yamīni wa ‘anisy-syimāli qa‘īd(un).
[17]
(Ingatlah) katiko duo malaikat mancatat (perbuatannyo). Nang sekok duduk di sebelah kanan dan nang lain di sebelah kiri.
مَا يَلْفِظُ مِنْ قَوْلٍ اِلَّا لَدَيْهِ رَقِيْبٌ عَتِيْدٌ١٨
Mā yalfiẓu min qaulin illā ladaihi raqībun ‘atīd(un).
[18]
Idak ado suatu kato pun nang tarucap, malainkan ado di sisinyo malaikat pangawas nang salalu siap (mancatat).
وَجَاۤءَتْ سَكْرَةُ الْمَوْتِ بِالْحَقِّ ۗذٰلِكَ مَا كُنْتَ مِنْهُ تَحِيْدُ١٩
Wa jā'at sakratul-mauti bil-ḥaqq(i), żālika mā kunta minhu taḥīd(u).
[19]
(Sakatiko tu) datanglah sakratul maut dengan sabenar-benarnyo. Tulah nang dahulu hendak kamu hindari.
وَنُفِخَ فِى الصُّوْرِۗ ذٰلِكَ يَوْمُ الْوَعِيْدِ٢٠
Wa nufikha fiṣ-ṣūr(i), żālika yaumul-wa‘īd(i).
[20]
Ditiuplah sangkokalo. Tulah hari nang diancamkan.
وَجَاۤءَتْ كُلُّ نَفْسٍ مَّعَهَا سَاۤىِٕقٌ وَّشَهِيْدٌ٢١
Wa jā'at kullu nafsim ma‘ahā sā'iquw wa syahīd(un).
[21]
Lalu, satiap orang bakal datang basamo (malaikat) panggiring dan saksi.
لَقَدْ كُنْتَ فِيْ غَفْلَةٍ مِّنْ هٰذَا فَكَشَفْنَا عَنْكَ غِطَاۤءَكَ فَبَصَرُكَ الْيَوْمَ حَدِيْدٌ٢٢
Laqad kunta fī gaflatim min hāżā fakasyafnā ‘anka giṭā'aka fabaṣarukal-yauma ḥadīd(un).
[22]
Sungguh, kamu dahulu benar-benar lalai tentang (peristiwo) ko, mako Kami singkapkan penutup matomu, sahinggo pangliatanmu pado hari ko sangat tajam.
وَقَالَ قَرِيْنُهٗ هٰذَا مَا لَدَيَّ عَتِيْدٌۗ٢٣
Wa qāla qarīnuhū hāżā mā ladayya ‘atīd(un).
[23]
(Malaikat) nang manyertoinyo bakato, “Kolah (catatan perbuatan) nang ado padoku.”
اَلْقِيَا فِيْ جَهَنَّمَ كُلَّ كَفَّارٍ عَنِيْدٍ٢٤
Alqiyā fī jahannama kulla kaffārin ‘anīd(in).
[24]
(Allah bafirman,) “Lemparkanlah olehmu baduo ka dalam (nerako) Jahanam sagalo orang nang sangat engkar, keras kepalo,
مَنَّاعٍ لِّلْخَيْرِ مُعْتَدٍ مُّرِيْبٍۙ٢٥
Mannā‘il lil-khairi mu‘tadim murīb(in).
[25]
Sangat enggan mangerjokan kabajikan, malampaui batas, basikap ragu-ragu,
ۨالَّذِيْ جَعَلَ مَعَ اللّٰهِ اِلٰهًا اٰخَرَ فَاَلْقِيٰهُ فِى الْعَذَابِ الشَّدِيْدِ٢٦
Allażī ja‘ala ma‘allāhi ilāhan ākhara fa'alqiyāhu fil-‘ażābisy-syadīd(i).
[26]
(Dan) nang mampersekutukan Allah dengan tuhan lain. Mako, lemparkanlah dio ka dalam azab nang keras.”
۞ قَالَ قَرِيْنُهٗ رَبَّنَا مَآ اَطْغَيْتُهٗ وَلٰكِنْ كَانَ فِيْ ضَلٰلٍۢ بَعِيْدٍ٢٧
Qāla qarīnuhū rabbanā mā aṭgaituhū wa lākin kāna fī ḍalālim ba‘īd(in).
[27]
(Setan) nang manyertoinyo bakato (pulak), “Ya Tuhan kami, aku idak manyesatkannyo, tapi dia dewek nang berado dalam kasesatan nang jauh.”
قَالَ لَا تَخْتَصِمُوْا لَدَيَّ وَقَدْ قَدَّمْتُ اِلَيْكُمْ بِالْوَعِيْدِ٢٨
Qāla lā takhtaṣimū ladayya wa qad qaddamtu ilaikum bil-wa‘īd(i).
[28]
(Allah) bafirman, “Janganlah batengkar di hadapan-Ku dan sungguh, dahulu Aku lah mambagihkan ancaman kapadomu.
مَا يُبَدَّلُ الْقَوْلُ لَدَيَّ وَمَآ اَنَا۠ بِظَلَّامٍ لِّلْعَبِيْدِ ࣖ٢٩
Mā yubaddalul-qaulu ladayya wa mā ana biẓallāmil lil-‘abīd(i).
[29]
Kaputusan-Ku idak dapat diubah dan Aku (samo sekali) idak manzalimi hambo-hambo-Ku.”
يَوْمَ نَقُوْلُ لِجَهَنَّمَ هَلِ امْتَلَـْٔتِ وَتَقُوْلُ هَلْ مِنْ مَّزِيْدٍ٣٠
Yauma naqūlu lijahannama halimtala'ti wa taqūlu hal mim mazīd(in).
[30]
(Ingatlah) pada hari (katiko) Kami batanyo kapado (nerako) Jahanam, “Apokah kamu sudah penuh?” Ia manjawab, “Adokah tambahan lagi?”
وَاُزْلِفَتِ الْجَنَّةُ لِلْمُتَّقِيْنَ غَيْرَ بَعِيْدٍ٣١
Wa uzlifatil-jannatu lil-muttaqīna gaira ba‘īd(in).
[31]
Adopun surgo didekatkan kapado orang-orang nang batakwa pado tempat nang idak jauh (dari orang-orang tu).
هٰذَا مَا تُوْعَدُوْنَ لِكُلِّ اَوَّابٍ حَفِيْظٍۚ٣٢
Hāżā mā tū‘adūna likulli awwābin ḥafīẓ(in).
[32]
(Dikatokan kapado orang-orang tu,) “Kolah nang dijanjikan kapadomu, (Yaitu) kapado satiap hamba nang batobat lagi patuh.
مَنْ خَشِيَ الرَّحْمٰنَ بِالْغَيْبِ وَجَاۤءَ بِقَلْبٍ مُّنِيْبٍۙ٣٣
Man khasyiyar-raḥmāna bil-gaibi wa jā'a biqalbim munīb(in).
[33]
(Diolah) orang nang takut kapado Zat Nang Maha Pangasih (sakalipun) dio idak maliat-Nyo dan dia datang (mangadap Allah) dengan hati nang batobat.
ۨادْخُلُوْهَا بِسَلٰمٍ ۗذٰلِكَ يَوْمُ الْخُلُوْدِ٣٤
Udkhulūhā bisalām(in), żālika yaumul-khulūd(i).
[34]
Masuklah ka (dalam surgo) dengan aman dan damai. Tulah hari nang abadi.”
لَهُمْ مَّا يَشَاۤءُوْنَ فِيْهَا وَلَدَيْنَا مَزِيْدٌ٣٥
Lahum mā yasyā'ūna fīhā wa ladainā mazīd(un).
[35]
Orang-orang tu di dalamnyo mamperoleh apo nang orang-orang tu kendaki dan pado Kami masih ado lagi tambahan (nikmat).
وَكَمْ اَهْلَكْنَا قَبْلَهُمْ مِّنْ قَرْنٍ هُمْ اَشَدُّ مِنْهُمْ بَطْشًا فَنَقَّبُوْا فِى الْبِلَادِۗ هَلْ مِنْ مَّحِيْصٍ٣٦
Wa kam ahlaknā qablahum min qarnin hum asyaddu minhum baṭsyan fanaqqabū fil-bilād(i), hal mim maḥīṣ(in).
[36]
Betapo banyak umat sabelumnyo (kaum kafir Quraisy) nang lah Kami binasokan! Orang-orang tu lebih hebat kakuatannyo daripado (kaum kafir Quraisy) tu, sahinggo mampu manjelajah (dan mangamati) baberapo negeri. Adokah tempat palarian (bagi orang-orang tu dari kebinasoan)?
اِنَّ فِيْ ذٰلِكَ لَذِكْرٰى لِمَنْ كَانَ لَهٗ قَلْبٌ اَوْ اَلْقَى السَّمْعَ وَهُوَ شَهِيْدٌ٣٧
Inna fī żālika lażikrā liman kāna lahū qalbun au alqas-sam‘a wa huwa syahīd(un).
[37]
Sasungguhnyo pada nang demikian tu pasti tadapat peringatan bagi orang-orang nang mampunyoi hati atau nang manggunokan panganingannyo dan dio manyaksikan.
وَلَقَدْ خَلَقْنَا السَّمٰوٰتِ وَالْاَرْضَ وَمَا بَيْنَهُمَا فِيْ سِتَّةِ اَيَّامٍۖ وَّمَا مَسَّنَا مِنْ لُّغُوْبٍ٣٨
Wa laqad khalaqnas-samāwāti wal-arḍa wa mā bainahumā fī sittati ayyām(in), wa mā massanā mil lugūb(in).
[38]
Sungguh, Kami benar-benar lah manciptokan langit, bumi, dan apo nang ado antaro kaduonyo dalam enam maso dan Kami idak maraso letih sadikit pun.
فَاصْبِرْ عَلٰى مَا يَقُوْلُوْنَ وَسَبِّحْ بِحَمْدِ رَبِّكَ قَبْلَ طُلُوْعِ الشَّمْسِ وَقَبْلَ الْغُرُوْبِ ۚ٣٩
Faṣbir ‘alā mā yaqūlūna wa sabbiḥ biḥamdi rabbika qabla ṭulū‘isy-syamsi wa qablal-gurūb(i).
[39]
Mako, basabarlah kamu (Nabi Muhammad) tahadap apo nang orang-orang tu katokan dan batasbihlah serayo batahmid (mamuji) Tuhanmu sabelum terbit dan tabenamnyo matohari.
وَمِنَ الَّيْلِ فَسَبِّحْهُ وَاَدْبَارَ السُّجُوْدِ٤٠
Wa minal-laili fasabbiḥhu wa adbāras-sujūd(i).
[40]
Bertasbihlah pulak kapado-Nyo pado sabagian malam hari dan satiap sasudah sembahyang.
وَاسْتَمِعْ يَوْمَ يُنَادِ الْمُنَادِ مِنْ مَّكَانٍ قَرِيْبٍ٤١
Wastami‘ yauma yunādil-munādi mim makānin qarīb(in).
[41]
Aninglah (seruan) pado hari (katiko malaikat) penyeru memanggil dari tempat nang dekat!
يَوْمَ يَسْمَعُوْنَ الصَّيْحَةَ بِالْحَقِّ ۗذٰلِكَ يَوْمُ الْخُرُوْجِ٤٢
Yauma yasma‘ūnaṣ-ṣaiḥata bil-ḥaqq(i), żālika yaumul-khurūj(i).
[42]
Pado hari tulah orang-orang tu manganing suaro dahsyat dengan sabenar-benarnyo. Tulah hari (katiko manusio) kaluar (dari kubur).
اِنَّا نَحْنُ نُحْيٖ وَنُمِيْتُ وَاِلَيْنَا الْمَصِيْرُۙ٤٣
Innā naḥnu nuḥyī wa numītu wa ilainal-maṣīr(u).
[43]
Sasungguhnyo Kamilah nang manghidupkan dan mamatikan dan kapado Kamilah baliknyo (sagalo makhluk).
يَوْمَ تَشَقَّقُ الْاَرْضُ عَنْهُمْ سِرَاعًا ۗذٰلِكَ حَشْرٌ عَلَيْنَا يَسِيْرٌ٤٤
Yauma tasyaqqaqul-arḍu ‘anhum sirā‘ā(n), żālika ḥasyrun ‘alainā yasīr(un).
[44]
Pado hari tu bumi tabelah dengan mangeluarkan orang-orang tu, (kemudian orang-orang tu) bagegas (manuju Padang Mahsyar). Nang macam tu adolah pangumpulan nang mudah bagi Kami.
نَحْنُ اَعْلَمُ بِمَا يَقُوْلُوْنَ وَمَآ اَنْتَ عَلَيْهِمْ بِجَبَّارٍۗ فَذَكِّرْ بِالْقُرْاٰنِ مَنْ يَّخَافُ وَعِيْدِ ࣖ٤٥
Naḥnu a‘lamu bimā yaqūlūna wa mā anta ‘alaihim bijabbār(in), fażakkir bil-qur'āni may yakhāfu wa‘īd(i).
[45]
Kami lebih mangetaui apo nang orang-orang tu katokan dan kamu (Nabi Muhammad) bukanlah saorang pemakso tahadap orang-orang tu. Mako, bagihlah peringatan dengan Al-Qur’an kapado siapo pun nang takut pado ancaman-Ku.