Surah Al-Hujurat
بِسْمِ اللّٰهِ الرَّحْمٰنِ الرَّحِيْمِ
يٰٓاَيُّهَا الَّذِيْنَ اٰمَنُوْا لَا تُقَدِّمُوْا بَيْنَ يَدَيِ اللّٰهِ وَرَسُوْلِهٖ وَاتَّقُوا اللّٰهَ ۗاِنَّ اللّٰهَ سَمِيْعٌ عَلِيْمٌ١
Yā ayyuhal-lażīna āmanū lā tuqaddimū baina yadayillāhi wa rasūlihī wattaqullāh(a), innallāha samī‘un ‘alīm(un).
[1]
Oi orang-orang nang baiman, janganlah mandahului Allah dan Rasul-Nyo 695 dan batakwalah kapado Allah. Sasungguhnyo Allah Maha Mannganing lagi Maha Mangetahui.
695) Maksudnyo adolah bahwa orang-orang mukmin idak boleh manetapkan suatu hukum sabelum ado katetapan dari Allah dan Rasul-Nyo dalam hal nang dimungkinkan adonyo panjelasan dari Allah atau Rasul-Nyo.
يٰٓاَيُّهَا الَّذِيْنَ اٰمَنُوْا لَا تَرْفَعُوْٓا اَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوْا لَهٗ بِالْقَوْلِ كَجَهْرِ بَعْضِكُمْ لِبَعْضٍ اَنْ تَحْبَطَ اَعْمَالُكُمْ وَاَنْتُمْ لَا تَشْعُرُوْنَ٢
Yā ayyuhal-lażīna āmanū lā tarfa‘ū aṣwātakum fauqa ṣautin-nabiyyi wa lā tajharū lahū bil-qauli kajahri ba‘ḍikum liba‘ḍin an taḥbaṭa a‘mālukum wa antum lā tasy‘urūn(a).
[2]
Oi orang-orang nang baiman, janganlah maninggikan suaromu malebihi suaro Nabi dan janganlah bakato kapadonyo dengan suaro keras samacam mano kerasnyo (suaro) sabagian kamu tahadap nang lain. Hal tu dikhawatirkan bakal membuat (pahalo) sagalo amalmu tahapus, sedangkan kamu idak manyadarinyo.
اِنَّ الَّذِيْنَ يَغُضُّوْنَ اَصْوَاتَهُمْ عِنْدَ رَسُوْلِ اللّٰهِ اُولٰۤىِٕكَ الَّذِيْنَ امْتَحَنَ اللّٰهُ قُلُوْبَهُمْ لِلتَّقْوٰىۗ لَهُمْ مَّغْفِرَةٌ وَّاَجْرٌ عَظِيْمٌ٣
Innal-lażīna yaguḍḍūna aṣwātahum ‘inda rasūlillāhi ulā'ikal-lażīnamtaḥanallāhu qulūbahum lit-taqwā, lahum magfiratuw wa ajrun ‘aẓīm(un).
[3]
Sasungguhnyo orang-orang nang maren-dahkan suaronyo di sisi Rasulullah, orang-orang tulah orang-orang nang lah diuji hatinyo oleh Allah untuk batakwa. Orang-orang tu bakal mamperoleh ampunan dan pahalo nang besar.
اِنَّ الَّذِيْنَ يُنَادُوْنَكَ مِنْ وَّرَاۤءِ الْحُجُرٰتِ اَكْثَرُهُمْ لَا يَعْقِلُوْنَ٤
Innal-lażīna yunādūnaka miw warā'il-ḥujurāti akṡaruhum lā ya‘qilūn(a).
[4]
Sasungguhnyo orang-orang nang mamanggil kamu (Nabi Muhammad) dari luar kamar(-mu), kabanyakan orang-orang tu idak mangerti.
وَلَوْ اَنَّهُمْ صَبَرُوْا حَتّٰى تَخْرُجَ اِلَيْهِمْ لَكَانَ خَيْرًا لَّهُمْ ۗوَاللّٰهُ غَفُوْرٌ رَّحِيْمٌ٥
Wa lau annahum ṣabarū ḥattā takhruja ilaihim lakāna khairal lahum, wallāhu gafūrur raḥīm(un).
[5]
Saandainyo orang-orang tu basabar sampe kamu kaluar manemui orang-orang tu, tentu bakal lebih baik bagi orang-orang tu. Allah Maha Pangampun lagi Maha Panyayang.
يٰٓاَيُّهَا الَّذِيْنَ اٰمَنُوْٓا اِنْ جَاۤءَكُمْ فَاسِقٌۢ بِنَبَاٍ فَتَبَيَّنُوْٓا اَنْ تُصِيْبُوْا قَوْمًاۢ بِجَهَالَةٍ فَتُصْبِحُوْا عَلٰى مَا فَعَلْتُمْ نٰدِمِيْنَ٦
Yā ayyuhal-lażīna āmanū in jā'akum fāsiqum binaba'in fa tabayyanū an tuṣībū qaumam bijahālatin fa tuṣbiḥū ‘alā mā fa‘altum nādimīn(a).
[6]
Oi orang-orang nang baiman, kalu seorang fasik datang kapadomu membawak berito penting, mako telitilah kabenarannyo supayo kamu idak mancelakokan suatu kaum kareno keidaktauan(-mu) nang baakibat kamu manyesali perbuatanmu tu.
وَاعْلَمُوْٓا اَنَّ فِيْكُمْ رَسُوْلَ اللّٰهِ ۗ لَوْ يُطِيْعُكُمْ فِيْ كَثِيْرٍ مِّنَ الْاَمْرِ لَعَنِتُّمْ وَلٰكِنَّ اللّٰهَ حَبَّبَ اِلَيْكُمُ الْاِيْمَانَ وَزَيَّنَهٗ فِيْ قُلُوْبِكُمْ وَكَرَّهَ اِلَيْكُمُ الْكُفْرَ وَالْفُسُوْقَ وَالْعِصْيَانَ ۗ اُولٰۤىِٕكَ هُمُ الرّٰشِدُوْنَۙ٧
Wa‘lamū anna fīkum rasūlallāh(i), lau yuṭī‘ukum fī kaṡīrim minal-amri la‘anittum wa lākinnallāha ḥabbaba ilaikumul-īmāna wa zayyanahū fī qulūbikum wa karraha ilaikumul-kufra wal-fusūqa wal-‘iṣyān(a), ulā'ika humur-rāsyidūn(a).
[7]
Katauilah bahwa di tengah-tengah kamu ado Rasulullah. Saandainyo dio manuruti (kamauan)-mu dalam banyak hal, pasti kamu bakal mandapatkan kasusahan. Tapi, Allah manjadikanmu cinto kapado kaimanan dan manjadikan (iman) tu indah dalam hatimu serto manjadikanmu benci kapado kakafiran, kafasikan, dan kamaksiatan. Orang-orang tulah orang-orang nang mangikuti jalan kabenaran.
فَضْلًا مِّنَ اللّٰهِ وَنِعْمَةً ۗوَاللّٰهُ عَلِيْمٌ حَكِيْمٌ٨
Faḍlam minallāhi wa ni‘mah(tan), wallāhu ‘alīmun ḥakīm(un).
[8]
(Tu) sabagai karunio dan nikmat dari Allah. Allah Maha Mangetaui lagi Mahabijaksano.
وَاِنْ طَاۤىِٕفَتٰنِ مِنَ الْمُؤْمِنِيْنَ اقْتَتَلُوْا فَاَصْلِحُوْا بَيْنَهُمَاۚ فَاِنْۢ بَغَتْ اِحْدٰىهُمَا عَلَى الْاُخْرٰى فَقَاتِلُوا الَّتِيْ تَبْغِيْ حَتّٰى تَفِيْۤءَ اِلٰٓى اَمْرِ اللّٰهِ ۖفَاِنْ فَاۤءَتْ فَاَصْلِحُوْا بَيْنَهُمَا بِالْعَدْلِ وَاَقْسِطُوْا ۗاِنَّ اللّٰهَ يُحِبُّ الْمُقْسِطِيْنَ٩
Wa in ṭā'ifatāni minal-mu'minīnaqtatalū fa aṣliḥū bainahumā, fa im bagat iḥdāhumā ‘alal-ukhrā fa qātilul-latī tabgī ḥattā tafī'a ilā amrillāh(i), fa in fā'at fa aṣliḥū bainahumā bil-‘adli wa aqsiṭū, innallāha yuḥibbul-muqsiṭīn(a).
[9]
Jiko ado duo golongan orang-orang mukmin batikai, damaikanlah kaduonyo. Kalu salah sikok dari kaduonyo babuat aniayo tahadap (golongan) nang lain, perangilah (golongan) nang babuat aniayo tu, sahinggo golongan tu balik kapado perentah Allah. Kalu golongan tu lah balik (kapado perentah Allah), damaikanlah kaduonyo dengan adil. Basikaplah adil! Sasungguhnyo Allah mancintao orang-orang nang basikap adil.
اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ ࣖ١٠
Innamal-mu'minūna ikhwatun fa aṣliḥū baina akhawaikum wattaqullāha la‘allakum turḥamūn(a).
[10]
Sasungguhnyo orang-orang mukmin tu basaudaro, kareno tu damaikanlah kaduo saudaromu (nang batikai) dan Batakwalah kapado Allah supayo kamu dirahmati.
يٰٓاَيُّهَا الَّذِيْنَ اٰمَنُوْا لَا يَسْخَرْ قَوْمٌ مِّنْ قَوْمٍ عَسٰٓى اَنْ يَّكُوْنُوْا خَيْرًا مِّنْهُمْ وَلَا نِسَاۤءٌ مِّنْ نِّسَاۤءٍ عَسٰٓى اَنْ يَّكُنَّ خَيْرًا مِّنْهُنَّۚ وَلَا تَلْمِزُوْٓا اَنْفُسَكُمْ وَلَا تَنَابَزُوْا بِالْاَلْقَابِۗ بِئْسَ الِاسْمُ الْفُسُوْقُ بَعْدَ الْاِيْمَانِۚ وَمَنْ لَّمْ يَتُبْ فَاُولٰۤىِٕكَ هُمُ الظّٰلِمُوْنَ١١
Yā ayyuhal-lażīna āmanū lā yaskhar qaumum min qaumin ‘asā ay yakūnū khairam minhum wa lā nisā'um min nisā'in ‘asā ay yakunna khairam minhunn(a), wa lā talmizū anfusakum wa lā tanābazū bil-alqāb(i), bi'salismul-fusūqu ba‘dal-īmān(i), wa mal lam yatub fa ulā'ika humuẓ-ẓālimūn(a).
[11]
Oi orang-orang nang baiman, Janganlah suatu kaum mangolok-olok kaum nang lain (kareno) boleh jadi orang-orang tu (nang diolok-olokkan tu) lebih baik daripado orang-orang (nang mangolok-olok) dan jangan pulak perempuan-perempuan (mangolok-olok) perempuan lain (kareno) boleh jadi perempuan (nang diolok-olok tu) lebih baik dari pado perempuan (nang mangolok-olok). Janganlah kamu saling mancelo dan saling mamanggil dengan julukan nang buruk. Saburuk-buruk panggilan adolah (panggilan) fasik 696 sasudah baiman. Siapo nang idak batobat, orang-orang tulah orang-orang aniayo.
696) Panggilan fasik adolah panggilan dengan manggunakan kato-kato nang mangandung panghinoan atau idak mancerminkan sifat saorang mukmin.
يٰٓاَيُّهَا الَّذِيْنَ اٰمَنُوا اجْتَنِبُوْا كَثِيْرًا مِّنَ الظَّنِّۖ اِنَّ بَعْضَ الظَّنِّ اِثْمٌ وَّلَا تَجَسَّسُوْا وَلَا يَغْتَبْ بَّعْضُكُمْ بَعْضًاۗ اَيُحِبُّ اَحَدُكُمْ اَنْ يَّأْكُلَ لَحْمَ اَخِيْهِ مَيْتًا فَكَرِهْتُمُوْهُۗ وَاتَّقُوا اللّٰهَ ۗاِنَّ اللّٰهَ تَوَّابٌ رَّحِيْمٌ١٢
Yā ayyuhal-lażīna āmanujtanibū kaṡīram minaẓ-ẓann(i), inna ba‘daẓ-ẓanni iṡmuw wa lā tajassasū wa lā yagtab ba‘ḍukum ba‘ḍā(n), ayuḥibbu aḥadukum ay ya'kula laḥma akhīhi maitan fa karihtumūh(u), wattaqullāh(a), innallāha tawwābur raḥīm(un).
[12]
Oi orang-orang nang baiman, jauilah banyak prasangko! Sasungguhnyo sabagian prasangko tu doso. Janganlah mancari-cari kasalahan orang lain dan janganlah ado di antaro kamu nang manggunjing sabagian nang lain. Apokah ado di antaro kamu nang suko mamakan daging saudaronyo nang sudah mati? Tentu kamu maraso jijik. Batakwalah kapado Allah! Sasungguhnyo Allah Maha Panerima Tobat lagi Maha Panyayang.
يٰٓاَيُّهَا النَّاسُ اِنَّا خَلَقْنٰكُمْ مِّنْ ذَكَرٍ وَّاُنْثٰى وَجَعَلْنٰكُمْ شُعُوْبًا وَّقَبَاۤىِٕلَ لِتَعَارَفُوْا ۚ اِنَّ اَكْرَمَكُمْ عِنْدَ اللّٰهِ اَتْقٰىكُمْ ۗاِنَّ اللّٰهَ عَلِيْمٌ خَبِيْرٌ١٣
Yā ayyuhan-nāsu innā khalaqnākum min żakariw wa unṡā wa ja‘alnākum syu‘ūbaw wa qabā'ila lita‘ārafū, inna akramakum ‘indallāhi atqākum, innallāha ‘alīmun khabīr(un).
[13]
Oi manusio, sasungguhnyo Kami lah manciptokan kamu dari saorang laki-laki dan perempuan. Kemudian, Kami manjadikan kamu babangso-bangso dan basuku-suku supayo kamu saling mangenal. Sasungguhnyo nang paling mulio di antaro kamu di sisi Allah adolah orang nang paling batakwa. Sasungguhnyo Allah Maha Mangetahui lagi Mahateliti.
۞ قَالَتِ الْاَعْرَابُ اٰمَنَّا ۗ قُلْ لَّمْ تُؤْمِنُوْا وَلٰكِنْ قُوْلُوْٓا اَسْلَمْنَا وَلَمَّا يَدْخُلِ الْاِيْمَانُ فِيْ قُلُوْبِكُمْ ۗوَاِنْ تُطِيْعُوا اللّٰهَ وَرَسُوْلَهٗ لَا يَلِتْكُمْ مِّنْ اَعْمَالِكُمْ شَيْـًٔا ۗاِنَّ اللّٰهَ غَفُوْرٌ رَّحِيْمٌ١٤
Qālatil-a‘rābu āmannā, qul lam tu'minū wa lākin qūlū aslamnā wa lammā yadkhulil-īmānu fī qulūbikum, wa in tuṭī‘ullāha wa rasūlahū lā yalitkum min a‘mālikum syai'ā(n), innallāha gafūrur raḥīm(un).
[14]
Orang-orang Arab Badui bakato, “Kami lah baiman.” Katokanlah (kapado orang-orang tu), “Kamu belum baiman, tapi katokanlah, ‘Kami baru baislam’ kareno iman (nang sabenarnyo) belum masuk ka dalam hatimu. Kalu kamu taat kapado Allah dan Rasul-Nyo, Dia idak bakal mangurangi sadikit pun (pahalo) amal perbuatanmu.” Sasungguhnyo Allah Maha Pangampun lagi Maha Panyayang.
اِنَّمَا الْمُؤْمِنُوْنَ الَّذِيْنَ اٰمَنُوْا بِاللّٰهِ وَرَسُوْلِهٖ ثُمَّ لَمْ يَرْتَابُوْا وَجَاهَدُوْا بِاَمْوَالِهِمْ وَاَنْفُسِهِمْ فِيْ سَبِيْلِ اللّٰهِ ۗ اُولٰۤىِٕكَ هُمُ الصّٰدِقُوْنَ١٥
Innamal-mu'minūnal-lażīna āmanū billāhi wa rasūlihī ṡumma lam yartābū wa jāhadū bi'amwālihim wa anfusihim fī sabīlillāh(i), ulā'ika humuṣ-ṣādiqūn(a).
[15]
Sasungguhnyo orang-orang mukmin (nang sabenarnyo) hanyolah orang-orang nang baiman kapado Allah dan Rasul-Nyo, kemudian orang-orang tu idak ragu-ragu dan orang-orang tu bajihad dengan harto dan jiwonyo di jalan Allah. Orang-orang tulah orang-orang benar.
قُلْ اَتُعَلِّمُوْنَ اللّٰهَ بِدِيْنِكُمْۗ وَاللّٰهُ يَعْلَمُ مَا فِى السَّمٰوٰتِ وَمَا فِى الْاَرْضِۗ وَاللّٰهُ بِكُلِّ شَيْءٍ عَلِيْمٌ١٦
Qul atu‘alimūnallāha bidīnikum, wallāhu ya‘lamu mā fis-samāwāti wa mā fil-arḍ(i), wallāhu bikulli syai'in ‘alīm(un).
[16]
Katokanlah (kapado orang-orang tu), “Apokah kamu bakal membagih tau Allah tentang ugamomu (keyakinanmu), padohal Allah mangetahui apo nang ado di langit dan apo nang ado di bumi serto Allah Maha Mangetahui sagalo sesuatu.”
يَمُنُّوْنَ عَلَيْكَ اَنْ اَسْلَمُوْا ۗ قُلْ لَّا تَمُنُّوْا عَلَيَّ اِسْلَامَكُمْ ۚبَلِ اللّٰهُ يَمُنُّ عَلَيْكُمْ اَنْ هَدٰىكُمْ لِلْاِيْمَانِ اِنْ كُنْتُمْ صٰدِقِيْنَ١٧
Yamunnūna ‘alaika an aslamū, qul lā tamunnū ‘alayya islāmakum, balillāhu yamunnu ‘alaikum an hadākum lil-īmāni in kuntum ṣādiqīn(a).
[17]
Orang-orang tu maraso bajaso kapadomu dengan kaislaman orang-orang tu. Katokanlah, “Janganlah maraso bajaso kapadoku dengan kaislamanmu. Sabenarnyo Allahlah nang malimpahkan nikmat kapadomu dengan manunjukkan kamu kapado kaimanan, kalu kamu orang-orang benar.”
اِنَّ اللّٰهَ يَعْلَمُ غَيْبَ السَّمٰوٰتِ وَالْاَرْضِۗ وَاللّٰهُ بَصِيْرٌۢ بِمَا تَعْمَلُوْنَ ࣖ١٨
Innallāha ya‘lamu gaibas-samāwāti wal-arḍ(i), wallāhu baṣīrum bimā ta‘malūn(a).
[18]
Sasungguhnyo Allah mangetahui apa nang gaib di langit dan di bumi. Allah Maha Mangimak apa nang kamu kerjokan.