Surah Az-Zumar
بِسْمِ اللّٰهِ الرَّحْمٰنِ الرَّحِيْمِ
تَنْزِيْلُ الْكِتٰبِ مِنَ اللّٰهِ الْعَزِيْزِ الْحَكِيْمِ١
Tanzīlul-kitābi minallāhil-‘azīzil-ḥakīm(i).
[1]
Diturunkannyo Kitab (Al-Qur’an) ko (baasal) dari Allah nang Mahaperkaso lagi Mahabijaksano.
اِنَّآ اَنْزَلْنَآ اِلَيْكَ الْكِتٰبَ بِالْحَقِّ فَاعْبُدِ اللّٰهَ مُخْلِصًا لَّهُ الدِّيْنَۗ٢
Innā anzalnā ilaikal-kitāba bil-ḥaqqi fa‘budillāha mukhliṣal lahud-dīn(a).
[2]
Sasungguhnyo Kami manurunkan Kitab (Al-Qur’an) kapadomu (Nabi Muhammad) dengan hak. Mako, sembahlah Allah dengan mangikhlaskan ketaatan kapado-Nyo.
اَلَا لِلّٰهِ الدِّيْنُ الْخَالِصُ ۗوَالَّذِيْنَ اتَّخَذُوْا مِنْ دُوْنِهٖٓ اَوْلِيَاۤءَۘ مَا نَعْبُدُهُمْ اِلَّا لِيُقَرِّبُوْنَآ اِلَى اللّٰهِ زُلْفٰىۗ اِنَّ اللّٰهَ يَحْكُمُ بَيْنَهُمْ فِيْ مَا هُمْ فِيْهِ يَخْتَلِفُوْنَ ەۗ اِنَّ اللّٰهَ لَا يَهْدِيْ مَنْ هُوَ كٰذِبٌ كَفَّارٌ٣
Alā lillāhid-dīnul-khāliṣ(u), wal-lażīnattakhażū min dūnihī auliyā'(a), mā na‘buduhum illā liyuqarribūnā ilallāhi zulfā, innallāha yaḥkumu bainahum fī mā hum fīhi yakhtalifūn(a), innallāha lā yahdī man huwa kāżibun kaffār(un).
[3]
Katauilah, hanyo untuk Allah ugamo nang bersih (dari syirik). Orang-orang yang mangambil palindung salain Dio (berkato,) “Kami idak manyembah orang-orang tu, kacuali (berharap) agar orang-orang tu mandekatkan kami kapado Allah dengan sadekat-dakatnyo.” Sasungguhnyo Allah bakal mambagih putusan di antaro orang-orang tu tentang apo nang orang-orang tu perselisihkan. Sasungguhnyo Allah idak mambagih patunjuk kapado pandusto lagi amat engkar.
لَوْ اَرَادَ اللّٰهُ اَنْ يَّتَّخِذَ وَلَدًا لَّاصْطَفٰى مِمَّا يَخْلُقُ مَا يَشَاۤءُ ۙ سُبْحٰنَهٗ ۗهُوَ اللّٰهُ الْوَاحِدُ الْقَهَّارُ٤
Wa lau arādallāhu ay yattakhiża waladal laṣṭafā mimmā yakhluqu mā yasyā'(u), subḥānah(ū), huwallāhul-wāḥidul-qahhār(u).
[4]
Saandainyo Allah hendak mangambil (makhluk-Nyo sabagai) anak, pasti bakal mamilih nang dio kendaki dari apo nang Dio ciptokan. Mahasuci Dio. Diolah Allah Nang Maha So lagi Maha mangalahkan.
خَلَقَ السَّمٰوٰتِ وَالْاَرْضَ بِالْحَقِّۚ يُكَوِّرُ الَّيْلَ عَلَى النَّهَارِ وَيُكَوِّرُ النَّهَارَ عَلَى الَّيْلِ وَسَخَّرَ الشَّمْسَ وَالْقَمَرَۗ كُلٌّ يَّجْرِيْ لِاَجَلٍ مُّسَمًّىۗ اَلَا هُوَ الْعَزِيْزُ الْغَفَّارُ٥
Khalaqas-samāwāti wal-arḍa bil-ḥaqq(i), yukawwirul-laila ‘alan-nahāri wa yukawwirun nahāra ‘alal-laili wa sakhkharasy-syamsa wal-qamar(a), kulluy yajrī li'ajalim musammā(n), alā huwal-‘azīzul-gaffār(u).
[5]
Dio (Allah) manciptokan langit dan bumi dengan hak (nang benar). Dio manutupkan malam atas siang, manutupkan siang atas malam, serto manundukkan matohari dan bulan. Masing-masing baredar manurut waktu nang ditentukan. Katauilah, Diolah nang Mahaperkaso lagi Maha pangampun.
خَلَقَكُمْ مِّنْ نَّفْسٍ وَّاحِدَةٍ ثُمَّ جَعَلَ مِنْهَا زَوْجَهَا وَاَنْزَلَ لَكُمْ مِّنَ الْاَنْعَامِ ثَمٰنِيَةَ اَزْوَاجٍ ۗ يَخْلُقُكُمْ فِيْ بُطُوْنِ اُمَّهٰتِكُمْ خَلْقًا مِّنْۢ بَعْدِ خَلْقٍ فِيْ ظُلُمٰتٍ ثَلٰثٍۗ ذٰلِكُمُ اللّٰهُ رَبُّكُمْ لَهُ الْمُلْكُۗ لَآ اِلٰهَ اِلَّا هُوَۚ فَاَنّٰى تُصْرَفُوْنَ٦
Khalaqakum min nafsiw wāḥidatin ṡumma ja‘ala minhā zaujahā wa anzala lakum minal-an‘āmi ṡamāniyata azwāj(in), yakhluqukum fī buṭūni ummahātikum khalqam mim ba‘di khalqin fī ẓulumātin ṡalāṡ(in), żālikumullāhu rabbukum lahul-mulk(u), lā ilāha illā huw(a), fa'annā tuṣrafūn(a).
[6]
Dio manciptokanmu dari jiwo nang sekok (Adam), kemudian darinyo Dio manjadikan pasangannyo dan dio manurunkan delapan pasang binatang ternak untukmu. Dio manciptokanmu dalam perut emakmu kajadian demi kajadian dalam tigo kagelapan. 656 nang (babuat) demikian tu adolah Allah, Tuhanmu, Pamilik karajoanIdak ado tuhan salain Dio. Mangapo kamu dapat bapaling (dari kabenaran)?
656) Ungkapan ‘tigo kagelapan’ pado ayat ko baarti kagelapan dalam perut, kagelapan dalam rahim, dan kagelapan dalam selaput nang manutup anak dalam rahim.
اِنْ تَكْفُرُوْا فَاِنَّ اللّٰهَ غَنِيٌّ عَنْكُمْ ۗوَلَا يَرْضٰى لِعِبَادِهِ الْكُفْرَۚ وَاِنْ تَشْكُرُوْا يَرْضَهُ لَكُمْۗ وَلَا تَزِرُ وَازِرَةٌ وِّزْرَ اُخْرٰىۗ ثُمَّ اِلٰى رَبِّكُمْ مَّرْجِعُكُمْ فَيُنَبِّئُكُمْ بِمَا كُنْتُمْ تَعْمَلُوْنَۗ اِنَّهٗ عَلِيْمٌ ۢبِذَاتِ الصُّدُوْرِ٧
In takfurū fa'innallāha ganiyyun ‘ankum, wa lā yarḍā li‘ibādihil-kufr(a), wa in tasykurū yarḍahu lakum, wa lā taziru wāziratuw wizra ukhrā, ṡumma ilā rabbikum marji‘ukum fa yunabbi'ukum bimā kuntum ta‘malūn(a), innahū ‘alīmum biżātiṣ-ṣudūr(i).
[7]
Jiko kamu kufur, sasungguhnyo Allah idak mamerlukanmu. Do pun idak meridai kakufuran hambo-hambo-Nyo. Jiko kamu basyukur, Dio maridai kasyukuranmu tu. Sesaorang nang badoso idak mamikul doso orang lain. Kemudian, kapado Tuhanmulah balikmu, lalu Dio beritokan kapadomu apo nang lah kamu kerjokan. Sasungguhnyo dio Maha Mengetahui apo nang tasimpan di dalam dado.
۞ وَاِذَا مَسَّ الْاِنْسَانَ ضُرٌّ دَعَا رَبَّهٗ مُنِيْبًا اِلَيْهِ ثُمَّ اِذَا خَوَّلَهٗ نِعْمَةً مِّنْهُ نَسِيَ مَا كَانَ يَدْعُوْٓا اِلَيْهِ مِنْ قَبْلُ وَجَعَلَ لِلّٰهِ اَنْدَادًا لِّيُضِلَّ عَنْ سَبِيْلِهٖ ۗ قُلْ تَمَتَّعْ بِكُفْرِكَ قَلِيْلًا ۖاِنَّكَ مِنْ اَصْحٰبِ النَّارِ٨
Wa iżā massal-insāna ḍurrun da‘ā rabbahū munīban ilaihi ṡumma iżā khawwalahū ni‘matan minhu nasiya mā kāna yad‘ū ilaihi min qablu wa ja‘ala lilllāhi andādal liyuḍilla ‘an sabīlih(ī), qul tamatta‘ bikufrika qalīlā(n), innaka min aṣḥābin-nār(i).
[8]
Apabilo ditimpo bencano, manusio mamohon (pertolongan) kapado Tuhannyo dengan balik (taat) kapado-Nya. Tapi, apabilo dio mambagihkan nikmat kapadonya, dio lupo tahadap apo nang pernah dio mohonkan kapado Allah sabelum tu dan dio manjadikan sekutu-sekutu bagi Allah untuk manyesatkan (manusio) dari jalan-Nyo. Katokanlah (Nabi Muhammad), “Basenang-senanglah dengan kekufuranmu untuk sementaro waktu! Sasungguhnyo kamu tamasuk panghuni nerako.”
اَمَّنْ هُوَ قَانِتٌ اٰنَاۤءَ الَّيْلِ سَاجِدًا وَّقَاۤىِٕمًا يَّحْذَرُ الْاٰخِرَةَ وَيَرْجُوْا رَحْمَةَ رَبِّهٖۗ قُلْ هَلْ يَسْتَوِى الَّذِيْنَ يَعْلَمُوْنَ وَالَّذِيْنَ لَا يَعْلَمُوْنَ ۗ اِنَّمَا يَتَذَكَّرُ اُولُوا الْاَلْبَابِ ࣖ٩
Amman huwa qānitun ānā'al-laili sājidaw wa qā'imay yaḥżarul-ākhirata wa yarjū raḥmata rabbih(ī), qul hal yastawil-lażīna ya‘lamūna wal-lażīna lā ya‘lamūn(a), innamā yatażakkaru ulul-albāb(i).
[9]
(Apokah orang musyrik nang lebih beruntung) ataukah orang nang baibadah pado waktu malam dalam kaadoan basujud, badiri, takut pado (azab) akherat, dan mangharapkan rahmat Tuhannyo? Katokanlah (Nabi Muhammad), “Apokah samo orang-orang nang mangetaui (hak-hak Allah) dengan orang-orang nang idak mangetaui (hak-hak Allah)?” Sasungguhnyo hanyo ululalbab (orang nang baakal sehat) nang dapat manerimo palajaran.
قُلْ يٰعِبَادِ الَّذِيْنَ اٰمَنُوا اتَّقُوْا رَبَّكُمْ ۗلِلَّذِيْنَ اَحْسَنُوْا فِيْ هٰذِهِ الدُّنْيَا حَسَنَةٌ ۗوَاَرْضُ اللّٰهِ وَاسِعَةٌ ۗاِنَّمَا يُوَفَّى الصّٰبِرُوْنَ اَجْرَهُمْ بِغَيْرِ حِسَابٍ١٠
Qul yā ‘ibādil-lażīna āmanuttaqū rabbakum, lil-lażīna aḥsanū fī hāżihid-dun-yā ḥasanah(tun), wa arḍullāhi wāsi‘ah(tun), innamā yuwaffaṣ-ṣābirūna ajrahum bigairi ḥisāb(in).
[10]
Katokanlah (Nabi Muhammad), “Oi hambo-hambo-Ku nang baiman, batakwalah kapado Tuhanmu.” Orang-orang nang babuat baik di dunio ko bakal mamperoleh kabaikan. Bumi Allah tu luas. Sasungguhnyo hanyo orang-orang nang basabarlah nang disempurnakan pahalanyo tanpo peritungan.
قُلْ اِنِّيْٓ اُمِرْتُ اَنْ اَعْبُدَ اللّٰهَ مُخْلِصًا لَّهُ الدِّيْنَ١١
Qul innī umirtu an a‘budallāha mukhliṣal lahud-dīn(a).
[11]
Katokanlah, “Sasungguhnyo aku diperentahkan untuk manyembah Allah dengan mangikhlaskan kataatan kapado-Nyo.
وَاُمِرْتُ لِاَنْ اَكُوْنَ اَوَّلَ الْمُسْلِمِيْنَ١٢
Wa umirtu li'an akūna awwalal-muslimīn(a).
[12]
Aku diperentahkan untuk manjadi orang pertamo (dari umatnyo) nang baserah diri (kapado Allah).”
قُلْ اِنِّيْٓ اَخَافُ اِنْ عَصَيْتُ رَبِّيْ عَذَابَ يَوْمٍ عَظِيْمٍ١٣
Qul innī akhāfu in ‘aṣaitu rabbī ‘ażāba yaumin ‘aẓīm(in).
[13]
Katokanlah, “Sasungguhnyo aku takut azab pado hari nang besar (kiamat) jiko aku durhako kapado Tuhanku.”
قُلِ اللّٰهَ اَعْبُدُ مُخْلِصًا لَّهٗ دِيْنِيْۚ١٤
Qulillāha a‘budu mukhliṣal lahū dīnī.
[14]
Katokanlah, “Hanyo Allah nang aku sembah dengan mangikhlaskan kataatanku kapado-Nyo.”
فَاعْبُدُوْا مَا شِئْتُمْ مِّنْ دُوْنِهٖۗ قُلْ اِنَّ الْخٰسِرِيْنَ الَّذِيْنَ خَسِرُوْٓا اَنْفُسَهُمْ وَاَهْلِيْهِمْ يَوْمَ الْقِيٰمَةِۗ اَلَا ذٰلِكَ هُوَ الْخُسْرَانُ الْمُبِيْنُ١٥
Fa‘budū mā syi'tum min dūnih(ī), qul innal-khāsirīnal-lażīna khasirū anfusahum wa ahlīhim yaumal-qiyāmah(ti), alā żālika huwal-khusrānul-mubīn(u).
[15]
Mako, sembahlah sasukamu salain Dio (oi orang-orang musyrik!) 657 Katokanlah, “Sasungguhnyo orang-orang nang rugi iolah orang-orang nang marugikan diri dewek dan keluargonyo pado hari Kiamat.” Ingatlah, nang macam tu adolah karugian nang nyato.
657) Perentah ko bukanlah dalam arti nang sabenarnyo, tapi pernyatoan kamurkoan Allah Swt. tahadap kaum musyrik nang bakali-kali diajak batauhid, tapi salalu engkar.
لَهُمْ مِّنْ فَوْقِهِمْ ظُلَلٌ مِّنَ النَّارِ وَمِنْ تَحْتِهِمْ ظُلَلٌ ۗذٰلِكَ يُخَوِّفُ اللّٰهُ بِهٖ عِبَادَهٗ ۗيٰعِبَادِ فَاتَّقُوْنِ١٦
Lahum min fauqihim ẓulalum minan-nāri wa min taḥtihim ẓulal(un), żālika yukhawwifullāhu bihī ‘ibādah(ū), yā ‘ibādi fattaqūn(i).
[16]
Di atas orang-orang tu ado lapisan-lapisan dari api dan di bawah orang-orang tu pun ado lapisan-lapisan pulak. Macam tulah Allah mambuat takut hambo-hambo-Nyo dengan (azab) tu. “Oi hambo-hambo-Ku, batakwalah kapado-Ku!”
وَالَّذِيْنَ اجْتَنَبُوا الطَّاغُوْتَ اَنْ يَّعْبُدُوْهَا وَاَنَابُوْٓا اِلَى اللّٰهِ لَهُمُ الْبُشْرٰىۚ فَبَشِّرْ عِبَادِۙ١٧
Wal-lażīnajtanabuṭ-ṭāgūta ay ya‘budūhā wa anābū ilallāhi lahumul-busyrā, fabasysyir ‘ibād(i).
[17]
Orang-orang nang manjaui tagut, (Yaitu) idak manyembahnyo dan balik (batobat) kapado Allah, bagi orang-orang tu berito gembiro. Mako, sampaikanlah kabar gembiro tu kapado hambo-hambo-Ku.
الَّذِيْنَ يَسْتَمِعُوْنَ الْقَوْلَ فَيَتَّبِعُوْنَ اَحْسَنَهٗ ۗ اُولٰۤىِٕكَ الَّذِيْنَ هَدٰىهُمُ اللّٰهُ وَاُولٰۤىِٕكَ هُمْ اُولُوا الْاَلْبَابِ١٨
Allażīna yastami‘ūnal-qaula fa yattabi‘ūna aḥsanah(ū), ulā'ikal-lażīna hadāhumullāhu wa ulā'ika hum ulul-albāb(i).
[18]
(Yaitu) orang-orang tu nang manganingkan perkatoan lalu mangikuti apo nang paling baik di antaronyo. 658 Orang-orang tulah orang-orang nang lah dibagih patunjuk oleh Allah dan orang-orang tulah ululalbab (orang-orang nang mampunyoi akal sehat).
658) Orang-orang tu mandengarkan ajaran-ajaran Al-Qur’an dan ajaran nang lain, lalu mangikuti ajaran-ajaran Al-Qur’an kareno mayakininyo sabagai nang tabaik.
اَفَمَنْ حَقَّ عَلَيْهِ كَلِمَةُ الْعَذَابِۗ اَفَاَنْتَ تُنْقِذُ مَنْ فِى النَّارِ ۚ١٩
Afaman ḥaqqa ‘alaihi kalimatul-‘ażāb(i), afa'anta tunqiżu man fin-nār(i).
[19]
Mako, apokah (kamu, Nabi Muhammad, hendak mangubah nasib) orang-orang nang lah dipastikan mandapat azab? Apokah kamu bakal manyelamatkan orang nang barado di dalam nerako?
لٰكِنِ الَّذِيْنَ اتَّقَوْا رَبَّهُمْ لَهُمْ غُرَفٌ مِّنْ فَوْقِهَا غُرَفٌ مَّبْنِيَّةٌ ۙتَجْرِيْ مِنْ تَحْتِهَا الْاَنْهٰرُ ەۗ وَعْدَ اللّٰهِ ۗ لَا يُخْلِفُ اللّٰهُ الْمِيْعَادَ٢٠
Lākinil-lażīnattaqau rabbahum lahum gurafum min fauqihā gurafum mabniyyah(tun), tajrī min taḥtihal-anhār(u), wa‘dallāh(i), lā yukhlifullāhul-mī‘ād(a).
[20]
Tapi, orang-orang nang batakwa kapado Tuhannyo bagi orang-orang tu kamar-kamar (di surgo), di atasnyo tadapat kamar-kamar nang dibangun (batingkat-tingkat), dan mangalir di bawahnyo sungei-sungei. (Tulah) janji Allah. Allah idak bakal mangengkari janji.
اَلَمْ تَرَ اَنَّ اللّٰهَ اَنْزَلَ مِنَ السَّمَاۤءِ مَاۤءً فَسَلَكَهٗ يَنَابِيْعَ فِى الْاَرْضِ ثُمَّ يُخْرِجُ بِهٖ زَرْعًا مُّخْتَلِفًا اَلْوَانُهٗ ثُمَّ يَهِيْجُ فَتَرٰىهُ مُصْفَرًّا ثُمَّ يَجْعَلُهٗ حُطَامًا ۗاِنَّ فِيْ ذٰلِكَ لَذِكْرٰى لِاُولِى الْاَلْبَابِ ࣖ٢١
Alam tara annallāha anzala minas-samā'i mā'an fasalakahū yanābī‘a fil-arḍi ṡumma yaj‘aluhū ḥuṭāmā(n), ina fī żālika lażikrā li'ulil-albāb(i).
[21]
Idakkah kamu mamperatikan bahwa Allah manurunkan air (hujan) dari langit, lalu dio mangalirkannyo manjadi sumber-sumber aek di bumi. Kemudian, dengan aek tu dio tumbuhkan tanam-tanaman nang bamacam-macam warnonyo, kemudian io manjadi kering, kamu mangimaknyo kakuning-kuningan, kemudian Dio manjadikannyo hancur baderai. Sasungguhnyo pado nang demikian tu benar-benar tadapat palajaran bagi ululalbab.
اَفَمَنْ شَرَحَ اللّٰهُ صَدْرَهٗ لِلْاِسْلَامِ فَهُوَ عَلٰى نُوْرٍ مِّنْ رَّبِّهٖ ۗفَوَيْلٌ لِّلْقٰسِيَةِ قُلُوْبُهُمْ مِّنْ ذِكْرِ اللّٰهِ ۗ اُولٰۤىِٕكَ فِيْ ضَلٰلٍ مُّبِيْنٍ٢٢
Afaman syaraḥallāhu ṣadrahū lil-islāmi fahuwa ‘alā nūrim mir rabbih(ī), fawailul lil-qāsiyati qulūbuhum min żikrillāh(i), ulā'ika fī ḍalālim mubīn(in).
[22]
Mako apokah orang-orang nang dibukokan Allah hatinyo untuk (nerimo) ugamo Islam lalu io mendapat cahayo dari Tuhannyo (samo dengan urang nang mambatu hatinyo)? Mako kacelakoan nang besaklah bagi orang-orang tu nang lah mambatu hatinyo untuk mangingat Allah. Orang-orang tu itu dalam kasesatan nang nyato.
اَللّٰهُ نَزَّلَ اَحْسَنَ الْحَدِيْثِ كِتٰبًا مُّتَشَابِهًا مَّثَانِيَۙ تَقْشَعِرُّ مِنْهُ جُلُوْدُ الَّذِيْنَ يَخْشَوْنَ رَبَّهُمْ ۚ ثُمَّ تَلِيْنُ جُلُوْدُهُمْ وَقُلُوْبُهُمْ اِلٰى ذِكْرِ اللّٰهِ ۗذٰلِكَ هُدَى اللّٰهِ يَهْدِيْ بِهٖ مَنْ يَّشَاۤءُ ۗوَمَنْ يُّضْلِلِ اللّٰهُ فَمَا لَهٗ مِنْ هَادٍ٢٣
Allāhu nazzala aḥsanal-ḥadīṡi kitābam mutasyābiham maṡāniy(a), taqsya‘irru minhu julūdul-lażīna yakhsyauna rabbahum, ṡumma talīnu julūduhum wa qulūbuhum ilā żikrillāh(i), żālika hudallāhi yahdī bihī may yasyā'(u), wa may yuḍlilillāhu famā lahū min hād(in).
[23]
Allah lah manurunkan perkatoan nang tabaik, (Yaitu) Kitab (Al-Qur’an) nang sarupo (ayat-ayatnyo) lagi baulang-ulang. 659 Kareno tu, kulit orang nang takut kapado Tuhannyo gemetar. Kemudian, kulit dan hati orang-orang tu manjadi lunak katiko mangingat Allah. Tulah patunjuk Allah nang dengannyo Dio mambagih patunjuk kapado siapo nang Dio kendaki. Siapo nang dibiakkan sesat oleh Allah idak ado nang dapat mambagih patunjuk.
659) Hukum-hukum, palajaran, dan kisah-kisah tu diulang-ulang dalam Al-Qur’an supayo lebih bapangaruh dan lebih maresap. Sabagian mufasir mangatokan bahwa ayat-ayat Al-Qur’an tu diulang-ulang mambaconyo.
اَفَمَنْ يَّتَّقِيْ بِوَجْهِهٖ سُوْۤءَ الْعَذَابِ يَوْمَ الْقِيٰمَةِ ۗوَقِيْلَ لِلظّٰلِمِيْنَ ذُوْقُوْا مَا كُنْتُمْ تَكْسِبُوْنَ٢٤
Afamay yattaqī biwajhihī sū'al-‘ażābi yaumal-qiyāmah(ti), wa qīla liẓ-ẓālimīna żūqū mā kuntum taksibūn(a).
[24]
Apokah orang nang manghindari azab nang buruk dengan wajahnyo pado hari Kiamat (samo dengan orang mukmin nang idak keno azab)? Dikatokan kapado orang-orang nang aniayo, “Rasokanlah balasan apo nang lah kamu kerjokan.”
كَذَّبَ الَّذِيْنَ مِنْ قَبْلِهِمْ فَاَتٰىهُمُ الْعَذَابُ مِنْ حَيْثُ لَا يَشْعُرُوْنَ٢٥
Każżabal-lażīna min qablihim fa'atāhumul-‘ażābu mi ḥaiṡu lā yasy‘urūn(a).
[25]
Orang-orang nang sabelum orang-orang tu lah mandustokan (rasul-rasul), datanglah azab kapado orang-orang tu dari arah nang idak orang-orang tu sadari.
فَاَذَاقَهُمُ اللّٰهُ الْخِزْيَ فِى الْحَيٰوةِ الدُّنْيَا ۚوَلَعَذَابُ الْاٰخِرَةِ اَكْبَرُ ۘ لَوْ كَانُوْا يَعْلَمُوْنَ٢٦
Fa ażāqahumullāhul-khizya fil-ḥayātid-dun-yā, wa la‘ażābul-ākhirati akbar(u), lau kānū ya‘lamūn(a).
[26]
Mako, Allah manimpokan kapado orang-orang tu kahinoan dalam kahidupan dunio. Sungguh, azab akherat lebih besar kalua orang-orang tu mangetaui(-nyo).
وَلَقَدْ ضَرَبْنَا لِلنَّاسِ فِيْ هٰذَا الْقُرْاٰنِ مِنْ كُلِّ مَثَلٍ لَّعَلَّهُمْ يَتَذَكَّرُوْنَۚ٢٧
Wa laqad ḍarabnā lin-nāsi fī hāżal-qur'āni min kulli maṡalil la‘allahum yatażakkarūn(a).
[27]
Sungguh, Kami benar-benar lah mambuatkan dalam Al-Qur’an ko sagalo macam perumpamoan bagi manusio supayo orang-orang tu mandapat palajaran.
قُرْاٰنًا عَرَبِيًّا غَيْرَ ذِيْ عِوَجٍ لَّعَلَّهُمْ يَتَّقُوْنَ٢٨
Qur'ānan ‘arabiyyan gaira żī ‘iwajil la‘allahum yattaqūn(a).
[28]
(Yaitu) Al-Qur’an dalam bahaso Arab nang idak ado kabengkokan (di dalamnyo) supayo orang-orang tu batakwa.
ضَرَبَ اللّٰهُ مَثَلًا رَّجُلًا فِيْهِ شُرَكَاۤءُ مُتَشٰكِسُوْنَ وَرَجُلًا سَلَمًا لِّرَجُلٍ هَلْ يَسْتَوِيٰنِ مَثَلًا ۗ اَلْحَمْدُ لِلّٰهِ ۗبَلْ اَكْثَرُهُمْ لَا يَعْلَمُوْنَ٢٩
Ḍaraballāhu maṡalar rajulan fīhi syurakā'u mutasyākisūna wa rajulan salamal lirajulin hal yastawiyāni maṡalā(n), al-ḥamdu lillāh(i), bal akṡaruhum lā ya‘lamūn(a).
[29]
Allah mambuat perumpamoan, (Yaitu) saorang laki-laki (hambo sahayo) nang dimiliki oleh baberapo orang nang baserikat, (tapi) dalam perselisihan dan saorang (hambo sahayo) nang manjadi milik penuh saorang (bae). Apokah kaduonyo samo kaadoannyo? Sagalo puji bagi Allah, tapi kabanyakan orang-orang tu idak mangetaui(-nyo).
اِنَّكَ مَيِّتٌ وَّاِنَّهُمْ مَّيِّتُوْنَ ۖ٣٠
Innaka mayyituw wa innahum mayyitūn(a).
[30]
Sasungguhnyo kamu (Nabi Muhammad bakal) mati dan sasungguhnyo orang-orang tu pun (akan) mati.
ثُمَّ اِنَّكُمْ يَوْمَ الْقِيٰمَةِ عِنْدَ رَبِّكُمْ تَخْتَصِمُوْنَ ࣖ ۔٣١
Ṡumma innakum yaumal-qiyāmati ‘inda rabbikum takhtaṣimūn(a).
[31]
Kemudian, sasungguhnyo kamu sakalian pado hari Kiamat bakal babantah-bantahan di hadapan Tuhanmu.
۞ فَمَنْ اَظْلَمُ مِمَّنْ كَذَبَ عَلَى اللّٰهِ وَكَذَّبَ بِالصِّدْقِ اِذْ جَاۤءَهٗۗ اَلَيْسَ فِيْ جَهَنَّمَ مَثْوًى لِّلْكٰفِرِيْنَ٣٢
Faman aẓlamu mimman każaba ‘alallāhi wa każżaba biṣ-ṣidqi iż jā'ah(ū), alaisa fī jahannama maṡwal lil-kāfirīn(a).
[32]
Mako, siapokah orang nang lebih aniayo daripado orang-orang nang babuat kabohongan tahadap Allah mandustokan kebenaran katiko datang kapadonyo? Bukankah di (nerako) Jahanam tadapat genah tinggal bagi orang orang kafir?
وَالَّذِيْ جَاۤءَ بِالصِّدْقِ وَصَدَّقَ بِهٖٓ اُولٰۤىِٕكَ هُمُ الْمُتَّقُوْنَ٣٣
Wal-lażī jā'a biṣ-ṣidqi wa ṣaddaqa bihī ulā'ika humul-muttaqūn(a).
[33]
Orang nang mambawak kebenaran (Nabi Muhammad) dan nang mambenarkannyo, orang-orang tu lah orang-orang nang batakwa.
لَهُمْ مَّا يَشَاۤءُوْنَ عِنْدَ رَبِّهِمْ ۗ ذٰلِكَ جَزَاۤءُ الْمُحْسِنِيْنَۚ٣٤
Lahum mā yasyā'ūna ‘inda rabbihim, żālika jazā'ul-muḥsinīn(a).
[34]
Orang-orang tu mamperoleh apo nang orang-orang tu kendaki di sisi Tuhannyo, demikianlah balasan bagi orang orang nang babuat kabaikan.
لِيُكَفِّرَ اللّٰهُ عَنْهُمْ اَسْوَاَ الَّذِيْ عَمِلُوْا وَيَجْزِيَهُمْ اَجْرَهُمْ بِاَحْسَنِ الَّذِيْ كَانُوْا يَعْمَلُوْنَ٣٥
Liyukaffirallāhu ‘anhum aswa'al-lażī ‘amilū wa yajziyahum ajrahum bi'aḥsanil-lażī kānū ya‘malūn(a).
[35]
(Macam tu) supayo Allah mangapus (doso) perbuatan orang-orang tu nang paling buruk nang pernah orang-orang tu lakukan dan membagih pahalo nang lebih baik daripado apo nang dahulu orang-orang tu kerjokan.
اَلَيْسَ اللّٰهُ بِكَافٍ عَبْدَهٗۗ وَيُخَوِّفُوْنَكَ بِالَّذِيْنَ مِنْ دُوْنِهٖۗ وَمَنْ يُّضْلِلِ اللّٰهُ فَمَا لَهٗ مِنْ هَادٍۚ٣٦
Alaisallāhu bikāfin ‘abdah(ū), wa yukhawwifūnaka bil-lażīna min dūnih(ī), wa may yuḍlilillāhu famā lahū min hād(in).
[36]
Bukankah Allah nang mancukupi hambo hambo-Nyo? Orang-orang tu manakut-nakutimu dengan (sasembahan) salain Dio. Siapo nang Allah biakkan sesat idak ado sikok pun nang mambagih patunjuk kapadonyo.
وَمَنْ يَّهْدِ اللّٰهُ فَمَا لَهٗ مِنْ مُّضِلٍّ ۗ اَلَيْسَ اللّٰهُ بِعَزِيْزٍ ذِى انْتِقَامٍ٣٧
Wa may yahdillāhu famā lahū min muḍill(in), alaisallāhu bi‘azīzin żintiqām(in).
[37]
Siapo nang Allah tunjuki idak sekok pun nang manyesatkannyo. Bukankah Allah Mahaperkaso lagi Maha Mamiliki (kakuasoan) untuk mambalas.
وَلَىِٕنْ سَاَلْتَهُمْ مَّنْ خَلَقَ السَّمٰوٰتِ وَالْاَرْضَ لَيَقُوْلُنَّ اللّٰهُ ۗ قُلْ اَفَرَءَيْتُمْ مَّا تَدْعُوْنَ مِنْ دُوْنِ اللّٰهِ اِنْ اَرَادَنِيَ اللّٰهُ بِضُرٍّ هَلْ هُنَّ كٰشِفٰتُ ضُرِّهٖٓ اَوْ اَرَادَنِيْ بِرَحْمَةٍ هَلْ هُنَّ مُمْسِكٰتُ رَحْمَتِهٖۗ قُلْ حَسْبِيَ اللّٰهُ ۗعَلَيْهِ يَتَوَكَّلُ الْمُتَوَكِّلُوْنَ٣٨
Wa la'in sa'altahum man khalaqas-samāwāti wal-arḍa layaqūlunnallāh(u), qul afara'aitum mā tad‘ūna min dūnillāhi in arādaniyallāhu biḍurrin hal hunna kāsyifātu ḍurrihī au arādanī biraḥmatin hal hunna mumsikātu raḥmatih(ī), qul ḥasbiyallāh(u), ‘alaihi yatawakkalul-mutawakkilūn(a).
[38]
Sungguh, jiko kamu (Nabi Muhammad) batanyo kapado orang-orang tu (Kaum musyrik Makkah) Siapo nang manciptokan langit dan bumi, niscayo orang-orang tu majawab, “Allah.” Katokanlah, “Kalu macam tu, taukah kamu tentang apo nang kamu sembah salain Allah jiko Allah hendak madatangkan bencano kapadoku, apokah orang-orang (sasembahan tu) mampu manghilangkan bencano tu atau jiko Allah hendak mambagih rahmat kapadoku, apokah orang-orang tu dapat mancegahnyo?” Katokanlah, “Cukuplah Allah (sabagai palinding) bagiku. Hanyo kapado-Nyo orang-orang nang batawakkal baserah diri.”
قُلْ يٰقَوْمِ اعْمَلُوْا عَلٰى مَكَانَتِكُمْ اِنِّيْ عَامِلٌ ۚفَسَوْفَ تَعْلَمُوْنَۙ٣٩
Qul yā qaumi‘malū ‘alā makānatikum innī ‘āmil(un), fa saufa ta‘lamūn(a).
[39]
Katokanlah, “Oi kaumku, babuatlah manurut kadudukanmu! Sasungguhnyo aku pun babuat (macam tu). Kagi kamu bakal mangetaui.
مَنْ يَّأْتِيْهِ عَذَابٌ يُّخْزِيْهِ وَيَحِلُّ عَلَيْهِ عَذَابٌ مُّقِيْمٌ٤٠
May ya'tīhi ‘ażābuy yukhzīhi wa yaḥillu ‘alaihi ‘ażābum muqīm(un).
[40]
Siapo nang bakal mandapat sikso nang manghinokannyo dan nang bakal ditimpo azab nang kekal.”
اِنَّآ اَنْزَلْنَا عَلَيْكَ الْكِتٰبَ لِلنَّاسِ بِالْحَقِّۚ فَمَنِ اهْتَدٰى فَلِنَفْسِهٖۚ وَمَنْ ضَلَّ فَاِنَّمَا يَضِلُّ عَلَيْهَا ۚوَمَآ اَنْتَ عَلَيْهِمْ بِوَكِيْلٍ ࣖ٤١
Innā anzalnā ‘alaikal-kitāba lin-nāsi bil-ḥaqq(i), fa manihtadā fa linafsih(ī), wa man ḍalla fa innamā yaḍillu ‘alaihā, wa mā anta ‘alaihim biwakīl(in).
[41]
Sasungguhnyo Kami lah manurunkan kapadomu (Nabi Muhammad) Kitab (Al-Qur’an) untuk (sagalo) manusio dengan hak. Siapo nang dapat patunjuk, (patunjuk tu) untuk dirinyo dewek, dan siapo nang sesat, sasungguhnyo kasesatan tu untuk dirinyo dewek. Kamu bukanlah pananggung jawab orang-orang tu .
اَللّٰهُ يَتَوَفَّى الْاَنْفُسَ حِيْنَ مَوْتِهَا وَالَّتِيْ لَمْ تَمُتْ فِيْ مَنَامِهَا ۚ فَيُمْسِكُ الَّتِيْ قَضٰى عَلَيْهَا الْمَوْتَ وَيُرْسِلُ الْاُخْرٰىٓ اِلٰٓى اَجَلٍ مُّسَمًّىۗ اِنَّ فِيْ ذٰلِكَ لَاٰيٰتٍ لِّقَوْمٍ يَّتَفَكَّرُوْنَ٤٢
Allāhu yatawaffal-anfusa ḥīna mautihā wal-latī lam tamut fī manāmihā, fayumsikul-latī qaḍā ‘alaihal-mauta wa yursilul-ukhrā ilā ajalim musammā(n), inna fī żālika la'āyātil liqaumiy yatafakkarūn(a).
[42]
Allahlah manggenggam nyawo (manusio) pado saat kamatian katiko dio tiduk. Dio manahan nyawo nang lah Dio tetapkan kematiannyo dan Dio lepaskan nyawo nang lain sampe waktu nang ditentukan. Sungguh pado nang demikian tu ado tando-tando bagi kaum nang bapikir.
اَمِ اتَّخَذُوْا مِنْ دُوْنِ اللّٰهِ شُفَعَاۤءَۗ قُلْ اَوَلَوْ كَانُوْا لَا يَمْلِكُوْنَ شَيْـًٔا وَّلَا يَعْقِلُوْنَ٤٣
Amittakhażū min dūnillāhi syufa‘ā'(a), qul awalau kānū lā yamlikūna syai'aw wa lā ya‘qilūn(a).
[43]
Apokah orang-orang tu manjadikan panolong salain Allah? Katokanlah, “Apokah (kamu manjadikannyo panolong jugo) meskipun orang-orang tu idak punyo apo pun dan idak mangerti?”
قُلْ لِّلّٰهِ الشَّفَاعَةُ جَمِيْعًا ۗ لَهٗ مُلْكُ السَّمٰوٰتِ وَالْاَرْضِۗ ثُمَّ اِلَيْهِ تُرْجَعُوْنَ٤٤
Qul lillāhisy-syafā‘atu jamī‘ā(n), lahū mulkus-samāwāti wal-arḍ(i), ṡumma ilaihi turja‘ūn(a).
[44]
Katokanlah (Nabi Muhammad), “Hanyo milik Allah pertolongan tu sagalonyo. Milik-Nyo karajoan langit dan bumi. Kemudian, hanyokapado-Nyo kamu dibalikkan.
وَاِذَا ذُكِرَ اللّٰهُ وَحْدَهُ اشْمَـَٔزَّتْ قُلُوْبُ الَّذِيْنَ لَا يُؤْمِنُوْنَ بِالْاٰخِرَةِۚ وَاِذَا ذُكِرَ الَّذِيْنَ مِنْ دُوْنِهٖٓ اِذَا هُمْ يَسْتَبْشِرُوْنَ٤٥
Wa iżā żukirallāhu waḥdahusyma'azzat qulūbul-lażīna lā yu'minūna bil-ākhirah(ti), wa iżā żukiral-lażīna min dūnihī iżā hum yastabsyirūn(a).
[45]
Apobilo hanyo (namo) Allah nang disebut, hati orang orang nang idak baiman kapado hari akherat kesal. Namun, apobilo (namo-namo sembahan) salain Allah disebut, tibo-tibo orang-orang tu bagembiro.
قُلِ اللّٰهُمَّ فَاطِرَ السَّمٰوٰتِ وَالْاَرْضِ عٰلِمَ الْغَيْبِ وَالشَّهَادَةِ اَنْتَ تَحْكُمُ بَيْنَ عِبَادِكَ فِيْ مَا كَانُوْا فِيْهِ يَخْتَلِفُوْنَ٤٦
Qulillāhumma fāṭiras-samāwāti wal-arḍi ‘ālimal-gaibi wasy-syahādati anta taḥkumu baina ‘ibādika fīmā kānū fīhi yakhtalifūn(a).
[46]
Katokanlah, “Ya Allah, Pancipto langit dan bumi, nang mangetaui sagalo nang gaib dan nyato, Engkaulah nang mamutuskan di antaro hambo-hambo-Mu apo nang salalu orang-orang tu perselisihkan.”
وَلَوْ اَنَّ لِلَّذِيْنَ ظَلَمُوْا مَا فِى الْاَرْضِ جَمِيْعًا وَّمِثْلَهٗ مَعَهٗ لَافْتَدَوْا بِهٖ مِنْ سُوْۤءِ الْعَذَابِ يَوْمَ الْقِيٰمَةِۗ وَبَدَا لَهُمْ مِّنَ اللّٰهِ مَا لَمْ يَكُوْنُوْا يَحْتَسِبُوْنَ٤٧
Wa lau anna lil-lażīna ẓalamū mā fil-arḍi jamī‘aw wa miṡlahū ma‘ahū laftadau bihī min sū'il-‘ażābi yaumal-qiyāmah(ti), wa badā lahum minallāhi mā lam yakūnū yaḥtasibūn(a).
[47]
Sakironyo orang orang nang aniayo mampunyoi sagalo apo nang ado di bumi dan ditambah lagi sabanyak tu, niscayo orang-orang tu bakal manebus dirinyo dengan tu dari azab nang buruk pado hari Kiamat. Tampak jelaslah bagi orang-orang tu (azab) dari Allah nang belum pernah orang-orang tu perkirokan.
وَبَدَا لَهُمْ سَيِّاٰتُ مَا كَسَبُوْا وَحَاقَ بِهِمْ مَّا كَانُوْا بِهٖ يَسْتَهْزِءُوْنَ٤٨
Wa badā lahum sayyi'ātu mā kasabū wa ḥāqa bihim mā kānū bihī yastahzi'ūn(a).
[48]
Tampak jelaslah bagi orang-orang tu kaburukan nang orang-orang tu kerjokan (di dunio) dan orang-orang tu diliputi oleh (azab) nang salalu orang-orang tu olok-olokan.
فَاِذَا مَسَّ الْاِنْسَانَ ضُرٌّ دَعَانَاۖ ثُمَّ اِذَا خَوَّلْنٰهُ نِعْمَةً مِّنَّاۙ قَالَ اِنَّمَآ اُوْتِيْتُهٗ عَلٰى عِلْمٍ ۗبَلْ هِيَ فِتْنَةٌ وَّلٰكِنَّ اَكْثَرَهُمْ لَا يَعْلَمُوْنَ٤٩
Fa'iżā massal-insāna ḍurrun da‘ānā ṡumma iżā khawwalnāhu ni‘matam minnā, qāla innamā ūtītuhū ‘alā ‘ilm(in), bal hiya fitnatuw wa lākinna akṡarahum lā ya‘lamūn(a).
[49]
Apobilo ditimpo bencano, manusio manyeru Kami. Kemudian, apobilo Kami mambagihkan nikmat sabagai anugerah kami kapadonyo, io bakato, “Sasungguhnyo aku dibagih (nikmat) tu kareno kapintaranku.” Sabenarnyo, tu adolah ujian, tapi kabanyakan orang-orang tu idak mengetahui (-nyo).
قَدْ قَالَهَا الَّذِيْنَ مِنْ قَبْلِهِمْ فَمَآ اَغْنٰى عَنْهُمْ مَّا كَانُوْا يَكْسِبُوْنَ٥٠
Qad qālahal-lażīna min qablihim famā agnā ‘anhum mā kānū yaksibūn(a).
[50]
Sungguh, orang orang nang sabelum orang-orang tu pun lah mangatakan hal tu. Mako, idak baguno lagi bagi orang-orang tu apo apo nang salalu orang-orang tu usahokan.
فَاَصَابَهُمْ سَيِّاٰتُ مَا كَسَبُوْا ۗوَالَّذِيْنَ ظَلَمُوْا مِنْ هٰٓؤُلَاۤءِ سَيُصِيْبُهُمْ سَيِّاٰتُ مَا كَسَبُوْا ۙوَمَا هُمْ بِمُعْجِزِيْنَ٥١
Fa'aṣābahum sayyi'ātu mā kasabū, wal-lażīna ẓalamū min hā'ulā'i sayuṣībuhum sayyi'ātu mā kasabū, wa mā hum bimu‘jizīn(a).
[51]
Lalu, orang-orang tu ditimpo (bencano akibat) keburukan-keburukan nang orang-orang tu perbuat. Orang-orang nang aniayo di antaro orang-orang tu jugo bakal ditimpo (bencana akibat) kaburukan-kaburukan nang orang-oran tu perbuat dan orang-orang tu idak dapat melepaskan diri (darinyo).
اَوَلَمْ يَعْلَمُوْٓا اَنَّ اللّٰهَ يَبْسُطُ الرِّزْقَ لِمَنْ يَّشَاۤءُ وَيَقْدِرُ ۗاِنَّ فِيْ ذٰلِكَ لَاٰيٰتٍ لِّقَوْمٍ يُّؤْمِنُوْنَ ࣖ٥٢
Awalam ya‘lamū annallāha yabsuṭur-rizqa limay yasyā'u wa yaqdir(u), inna fī żālika la'āyātil liqaumiy yu'minūn(a).
[52]
Idakkah orang-orang tu idak mangetaui bahwa Allah malapangkan rezeki bagi siapo nang Dio kendaki dan manyempatkannyo (bagi siapo nang Dio kendaki)? Sasungguhnyo pado nang macam tu tadapat tando tando (kakuasoan Allah) bagi kaum nang baiman.
۞ قُلْ يٰعِبَادِيَ الَّذِيْنَ اَسْرَفُوْا عَلٰٓى اَنْفُسِهِمْ لَا تَقْنَطُوْا مِنْ رَّحْمَةِ اللّٰهِ ۗاِنَّ اللّٰهَ يَغْفِرُ الذُّنُوْبَ جَمِيْعًا ۗاِنَّهٗ هُوَ الْغَفُوْرُ الرَّحِيْمُ٥٣
Qul yā ‘ibādiyal-lażīna asrafū ‘alā anfusihim lā taqnaṭū mir raḥmatillāh(i), innallāha yagfiruż-żunūba jamī‘ā(n), innahū huwal-gafūrur-raḥīm(u).
[53]
Katokanlah (Nabi Muhammad), “Oi hambo-hambo-Ku nang malampaui batas (dengan mananiayo) dirinyo dewek, janganlah baputus aso atas rahmat Allah. Sasungguhnyo Allah mengampuni doso sagalonyo. 660 Sasungguhnyo Diolah Nang Maha Pangampun lagi Maha Panyayang.
660) Sagalo doso biso diampuni Allah Swt., kacuali dosa syirik (Imak surah an-Nisā’/4: 48).
وَاَنِيْبُوْٓا اِلٰى رَبِّكُمْ وَاَسْلِمُوْا لَهٗ مِنْ قَبْلِ اَنْ يَّأْتِيَكُمُ الْعَذَابُ ثُمَّ لَا تُنْصَرُوْنَ٥٤
Wa anībū ilā rabbikum wa aslimū lahū min qabli ay ya'tiyakumul-‘ażābu ṡumma lā tunṣarūn(a).
[54]
Baliklah kapado Tuhanmu dan baserah dirilah kapad-Nyo sabelum datang azab kapadomu, kemudian kamu idak bakal ditolong.
وَاتَّبِعُوْٓا اَحْسَنَ مَآ اُنْزِلَ اِلَيْكُمْ مِّنْ رَّبِّكُمْ مِّنْ قَبْلِ اَنْ يَّأْتِيَكُمُ الْعَذَابُ بَغْتَةً وَّاَنْتُمْ لَا تَشْعُرُوْنَ ۙ٥٥
Wattabi‘ū aḥsana mā unzila ilaikum mir rabbikum min qabli ay ya'tiyakumul ‘ażābu bagtataw wa antum lā tasy‘urūn(a).
[55]
Ikutilah sabaik-baik apo apo nang diturunkan kapadomu dari Tuhanmu (Al-Qur’an) sabelum azab datang kapadomu sacaro mandadak, sedangkan kamu idak manyadarinyo.
اَنْ تَقُوْلَ نَفْسٌ يّٰحَسْرَتٰى عَلٰى مَا فَرَّطْتُّ فِيْ جَنْۢبِ اللّٰهِ وَاِنْ كُنْتُ لَمِنَ السّٰخِرِيْنَۙ٥٦
An taqūla yā ḥasratā ‘alā mā farraṭṭu fī jambillāhi wa in kuntu laminas-sākhirīn(a).
[56]
(Maksudnyo,) supayo (idak) ado orang nang bakato, “Alangkah besar panyesalanku atas kalalainkanku dalam manunaikan kawajiban) tahadap Allah dan sasungguhnya tamasuk orang orang nang mamperolok-olokan (ugamo Allah).”
اَوْ تَقُوْلَ لَوْ اَنَّ اللّٰهَ هَدٰىنِيْ لَكُنْتُ مِنَ الْمُتَّقِيْنَ ۙ٥٧
Au taqūla lau annallāha hadānī lakuntu minal-muttaqīn(a).
[57]
Atau, supayo (idak) ado nang bakato, “Saandainyo Allah mambagih patunjuk kapadoku, tentulah aku tamasuk orang orang nang batakwa.”
اَوْ تَقُوْلَ حِيْنَ تَرَى الْعَذَابَ لَوْ اَنَّ لِيْ كَرَّةً فَاَكُوْنَ مِنَ الْمُحْسِنِيْنَ٥٨
Au taqūla ḥīna taral-‘ażāba lau anna lī karratan fa akūna minal-muḥsinīn(a).
[58]
Atau, supayo (idak) ado (pulak) nang bakato katiko mangimak azab, “Saandainyo aku dapat balik (ka dunio), tentu aku tamasuk orang orang nang muhsin.”
بَلٰى قَدْ جَاۤءَتْكَ اٰيٰتِيْ فَكَذَّبْتَ بِهَا وَاسْتَكْبَرْتَ وَكُنْتَ مِنَ الْكٰفِرِيْنَ٥٩
Balā qad jā'atka āyātī fa każżabta bihā wastakbarta wa kunta minal-kāfirīn(a).
[59]
Idak macam tu! Sabenarnyo ayat-ayat-Ku lah datang kapadomu, tapi kamu mandustokannyo, manyombongkan diri, dan tamasuk orang orang kafir.”
وَيَوْمَ الْقِيٰمَةِ تَرَى الَّذِيْنَ كَذَبُوْا عَلَى اللّٰهِ وُجُوْهُهُمْ مُّسْوَدَّةٌ ۗ اَلَيْسَ فِيْ جَهَنَّمَ مَثْوًى لِّلْمُتَكَبِّرِيْنَ٦٠
Wa yaumal-qiyāmati taral-lażīna każabū ‘alallāhi wujūhuhum muswaddah(tun), alaisa fī jahannama maṡwal lil-mutakabbirīn(a).
[60]
Pado hari kiamat, kamu bakal mangimak bahwa orang-orang nang badusto kapado Allah mukonyo mangitam. Bukankah (nerako) Jahanam tu genah tinggal bagi orang orang nang congkak?
وَيُنَجِّى اللّٰهُ الَّذِيْنَ اتَّقَوْا بِمَفَازَتِهِمْۖ لَا يَمَسُّهُمُ السُّوْۤءُ وَلَا هُمْ يَحْزَنُوْنَ٦١
Wa yunajjillāhul-lażīnattaqau bimafāzatihim, lā yamassuhumus-sū'u wa lā hum yaḥzanūn(a).
[61]
Allah manyelamatkan orang-orang nang batakwa karena kamenangannyo sahinggo orang-orang tu idak disentuh oleh azab dan idak basedih.
اَللّٰهُ خَالِقُ كُلِّ شَيْءٍ ۙوَّهُوَ عَلٰى كُلِّ شَيْءٍ وَّكِيْلٌ٦٢
Allāhu khāliqu kulli syai'(in), wa huwa ‘alā kulli syai'iw wakīl(un).
[62]
Allah adolah pancipto sagalo sasuatu dan Dio Maha Pameliharo atas sagalo sasuatu.
لَهٗ مَقَالِيْدُ السَّمٰوٰتِ وَالْاَرْضِۗ وَالَّذِيْنَ كَفَرُوْا بِاٰيٰتِ اللّٰهِ اُولٰۤىِٕكَ هُمُ الْخٰسِرُوْنَ ࣖ٦٣
Lahū maqālīdus-samāwāti wal-arḍ(i), wal-lażīna kafarū bi'āyātillāhi ulā'ika humul-khāsirūn(a).
[63]
Punyo-Nyolah kunci-kunci (perbendaharo-an) langit dan bumi. Orang-orang nang kufur tahadap ayat-ayat Allah, orang-orang tulah orang-orang nang rugi.
قُلْ اَفَغَيْرَ اللّٰهِ تَأْمُرُوْۤنِّيْٓ اَعْبُدُ اَيُّهَا الْجٰهِلُوْنَ٦٤
Qul afagairallāhi ta'murūnnī a‘budu ayyuhal-jāhilūn(a).
[64]
Katokanlah (Nabi Muhammad), “Apokah kamu manyuruhku (untuk) manyembah salain Allah, oi orang-orang nang bodoh?”
وَلَقَدْ اُوْحِيَ اِلَيْكَ وَاِلَى الَّذِيْنَ مِنْ قَبْلِكَۚ لَىِٕنْ اَشْرَكْتَ لَيَحْبَطَنَّ عَمَلُكَ وَلَتَكُوْنَنَّ مِنَ الْخٰسِرِيْنَ٦٥
Wa laqad ūḥiya ilaika wa ilal-lażīna min qablik(a), la'in asyrakta layaḥbaṭanna ‘amaluka wa latakūnanna minal-khāsirīn(a).
[65]
Sungguh, benar-benar lah diwahyukan kapadomu dan kapado orang-orang (paro nabi) sabelummu, “Sungguh, jiko kamu manpersekutukan (Allah), niscayo bakal gugurlah amalmu dan tentulah kamu tamasuk orang orang nang rugi.
بَلِ اللّٰهَ فَاعْبُدْ وَكُنْ مِّنَ الشّٰكِرِيْنَ٦٦
Balillāha fa‘bud wa kum minasy-syākirīn(a).
[66]
Kareno tu, sembahlah Allah (bae) dan jadilah kamu tamasuk orang-orang nang basyukur.”
وَمَا قَدَرُوا اللّٰهَ حَقَّ قَدْرِهٖۖ وَالْاَرْضُ جَمِيْعًا قَبْضَتُهٗ يَوْمَ الْقِيٰمَةِ وَالسَّمٰوٰتُ مَطْوِيّٰتٌۢ بِيَمِيْنِهٖ ۗسُبْحٰنَهٗ وَتَعٰلٰى عَمَّا يُشْرِكُوْنَ٦٧
Wa mā qadarullāha ḥaqqa qadrih(ī), wal-arḍu jamī‘an qabḍatuhū yaumal-qiyāmati was-samāwātu maṭwiyyātum biyamīnih(ī), subḥānahū wa ta‘ālā ‘ammā yusyrikūn(a).
[67]
Orang-orang tu idak mangagungkan Allah samacam mano mestinyo. Padohal, bumi sagalonyo (ado dalam) genggaman-Nyo pado hari Kiamat dan langit digulung dengan tangan kanan-Nyo. 661 Mahasuci dan Mahatinggi Dio dari apo apo nang orang-orang tu persekutukan.
661) Ayat ko manggambarkan kabesaran dan kakuasoan Allah Swt. dan hanyo Dio nang bakuaso pado hari Kiamat.
وَنُفِخَ فِى الصُّوْرِ فَصَعِقَ مَنْ فِى السَّمٰوٰتِ وَمَنْ فِى الْاَرْضِ اِلَّا مَنْ شَاۤءَ اللّٰهُ ۗ ثُمَّ نُفِخَ فِيْهِ اُخْرٰى فَاِذَا هُمْ قِيَامٌ يَّنْظُرُوْنَ٦٨
Wa nufikha fiṣ-ṣūri faṣa‘iqa man fis-samāwāti wa man fil-arḍi illā man syā'allāh(u), ṡumma nufikha fīhi ukhrā fa'iżā hum qiyāmuy yanẓurūn(a).
[68]
Sangkakalo pun ditiup sahinggo matilah sagalo (makhluk) nang (ado) di langit dan di bumi, kacuali orang-orang tu nang dikendaki Allah. Kemudian, io di tiup sakali lagi. Saketiko tu, orang-orang tu bangun (dari kuburnyo dan) manunggu (kaputusan Allah).
وَاَشْرَقَتِ الْاَرْضُ بِنُوْرِ رَبِّهَا وَوُضِعَ الْكِتٰبُ وَجِايْۤءَ بِالنَّبِيّٖنَ وَالشُّهَدَاۤءِ وَقُضِيَ بَيْنَهُمْ بِالْحَقِّ وَهُمْ لَا يُظْلَمُوْنَ٦٩
Wa asyraqatil-arḍu binūri rabbihā wa wuḍi‘al-kitābu wa jī'a bin-nabiyyīna wasy-syuhadā'i wa quḍiya bainahum bil-ḥaqqi wa hum lā yuẓlamūn(a).
[69]
Bumi (padang Mahsyar) manjadi terang banderang dengan cahayo Tuhannyo, buku (catatan amal) dibagihkan (kapado satiap orang), paro nabi dan paro saksi pun dihadirkan, lalu dibagihkan kaputusan di antaro orang-orang tu sacaro adil dan orang-orang tu idak dizalimi.
وَوُفِّيَتْ كُلُّ نَفْسٍ مَّا عَمِلَتْ وَهُوَ اَعْلَمُ بِمَا يَفْعَلُوْنَ ࣖ٧٠
Wa wuffiyat kullu nafsim mā ‘amilat wa huwa a‘lamu bimā yaf‘alūn(a).
[70]
Satiap jiwo dibagih balasan dengan sempurno sasuai dengan apo nang lah dikerjokannyo dan Dio paling tau tentang apo nang orang-orang tu perbuat.
وَسِيْقَ الَّذِيْنَ كَفَرُوْٓا اِلٰى جَهَنَّمَ زُمَرًا ۗحَتّٰىٓ اِذَا جَاۤءُوْهَا فُتِحَتْ اَبْوَابُهَا وَقَالَ لَهُمْ خَزَنَتُهَآ اَلَمْ يَأْتِكُمْ رُسُلٌ مِّنْكُمْ يَتْلُوْنَ عَلَيْكُمْ اٰيٰتِ رَبِّكُمْ وَيُنْذِرُوْنَكُمْ لِقَاۤءَ يَوْمِكُمْ هٰذَا ۗقَالُوْا بَلٰى وَلٰكِنْ حَقَّتْ كَلِمَةُ الْعَذَابِ عَلَى الْكٰفِرِيْنَ٧١
Wasīqal-lażīna kafarū ilā jahannama zumarā(n), ḥattā iżā jā'ūhā futiḥat abwābuhā wa qāla lahum khazanatuhā alam ya'tikum rusulum minkum yatlūna ‘alaikum āyāti rabbikum wa yunżirūnakum liqā'a yaumikum hāżā, qālū balā wa lākin ḥaqqat kalimatul-‘ażābi ‘alal-kāfirīn(a).
[71]
Orang-orang nang kufur digiring ka (nerako) Jahanam sacaro bakelompok sahinggo apobilo orang-orang tu lah sampe di sano, pintu-pintunyo dibuka dan paro panjagonyo bakato kapado orang-orang tu, “Apokah belum pernah datang kapado rasul-rasul dari kalanganmu nang mambacokan ayat-ayat Tuhanmu mamperingatkan kapadomu pertemuan (dengan) harimu ko?” Orang-orang tu manjawab, “Benar, (lah datang paro rasul).”Tapi, katetapan azab oasti balaku tahadap orang orang kafir.
قِيْلَ ادْخُلُوْٓا اَبْوَابَ جَهَنَّمَ خٰلِدِيْنَ فِيْهَا ۚفَبِئْسَ مَثْوَى الْمُتَكَبِّرِيْنَ٧٢
Qīladkhulū abwāba jahannama khālidīna fīhā, fa bi'sa maṡwal-mutakabūbirīn(a).
[72]
Dikatokan (kapado orang-orang tu), “Masuklah kamu sagalonyo ka pintu-pintu (nerako) Jahanam (untuk tinggal) di dalamnyo salamo-lamonyo!” Mako, (nerako Jahanam) tu saburuk-buruk genah tinggal bagi orang orang nang congkak.
وَسِيْقَ الَّذِيْنَ اتَّقَوْا رَبَّهُمْ اِلَى الْجَنَّةِ زُمَرًا ۗحَتّٰىٓ اِذَا جَاۤءُوْهَا وَفُتِحَتْ اَبْوَابُهَا وَقَالَ لَهُمْ خَزَنَتُهَا سَلٰمٌ عَلَيْكُمْ طِبْتُمْ فَادْخُلُوْهَا خٰلِدِيْنَ٧٣
Wasīqal-lażīnattaqau rabbahum ilal-jannati zumarā(n), ḥattā iżā jā'ūhā wa futiḥat abwābuhā wa qāla lahum khazanatuhā salāmun ‘alaikum ṭibtum fadkhulūhā khālidīn(a).
[73]
Orang-orang nang batakwa kapado Tuhannyo diantar ka dalam surgo sacaro bakelompok sahinggo apobilo orang-orang tu lah sampe di sano dan pintu-pintunyo lah dibuka, paro panjagonyo bakato, “Salāmun ‘alaikum (semogo kasalamatan tacurah kapadomu), bahagialah kamu. Mako, masuklah ka dalamnyo (untuk tinggal)salamo-lamonyo!”
وَقَالُوا الْحَمْدُ لِلّٰهِ الَّذِيْ صَدَقَنَا وَعْدَهٗ وَاَوْرَثَنَا الْاَرْضَ نَتَبَوَّاُ مِنَ الْجَنَّةِ حَيْثُ نَشَاۤءُ ۚفَنِعْمَ اَجْرُ الْعٰمِلِيْنَ٧٤
Wa qālul-ḥamdu lillāhil-lażī ṣadaqanā wa‘dahū wa auraṡanal-arḍa natabawwa'u minal-jannati ḥaiṡu nasyā'(u), fani‘ma ajrul-‘āmilīn(a).
[74]
Orang-orang tu bakato, “Sagalo puji bagi Allah nang memenuhi janji-Nyo dan mawariskan bumi (di akherat) ko kapado kami sahinggo dapat manempati surgo sasuai dengan kendak kami,” (Surgo adolah) sabaik-baik balasan bagi orang orang nang baamal (saleh).
وَتَرَى الْمَلٰۤىِٕكَةَ حَاۤفِّيْنَ مِنْ حَوْلِ الْعَرْشِ يُسَبِّحُوْنَ بِحَمْدِ رَبِّهِمْۚ وَقُضِيَ بَيْنَهُمْ بِالْحَقِّ وَقِيْلَ الْحَمْدُ لِلّٰهِ رَبِّ الْعٰلَمِيْنَ ࣖ٧٥
Wa taral-malā'ikata ḥāffīna min ḥaulil-‘arsyi yusabbiḥūna biḥamdi rabbihim, wa quḍiya bainahum bil-ḥaqqi wa qīlal-ḥamdu lillāhi rabbil-‘ālamīn(a).
[75]
Kamu (Nabi Muhammad) bakal mangimak malaikat malingkar di sakeliling ‘Arsy. Paro malaikat tu batasbih sambil mamuji Tuhannyo. (Urusan) di antaro orang-orang tu (sagalo makhluk) diputuskan dengan hak (adil). (Katiko tu) dikatokan, “Sagalo puji bagi Allah, Tuhan sagalo alam.”