Surah Asy-Syu`ara`

Daftar Surah

بِسْمِ اللّٰهِ الرَّحْمٰنِ الرَّحِيْمِ

طٰسۤمّۤ١

Ṭā Sīm Mīm.

[1] Ṭā Sīn Mīm.

تِلْكَ اٰيٰتُ الْكِتٰبِ الْمُبِيْنِ٢

Tilka āyātul-kitābil-mubīn(i).

[2] Tulah ayat-ayat Kitab (Al-Qur’an) nang jelas.

لَعَلَّكَ بَاخِعٌ نَّفْسَكَ اَلَّا يَكُوْنُوْا مُؤْمِنِيْنَ٣

La‘allaka bākhi‘un nafsaka allā yakūnū mu'minīn(a).

[3] Boleh jadi kamu (Nabi Muhammad) bakal mambinasokan dirimu (dengan kesedihan), kareno orang-orang tu (penduduk Makkah) idak baiman.

اِنْ نَّشَأْ نُنَزِّلْ عَلَيْهِمْ مِّنَ السَّمَاۤءِ اٰيَةً فَظَلَّتْ اَعْنَاقُهُمْ لَهَا خٰضِعِيْنَ٤

In nasya' nunazzil ‘alaihim minas-samā'i āyatan fa ẓallat a‘nāquhum lahā khāḍi‘īn(a).

[4] Kalu bakendak, niscayo Kami manurunkan kapado orang-orang tu bukti (mukjizat) dari langit, sahinggo tengkuk orang-orang tu tunduk kapadonyo.

وَمَا يَأْتِيْهِمْ مِّنْ ذِكْرٍ مِّنَ الرَّحْمٰنِ مُحْدَثٍ اِلَّا كَانُوْا عَنْهُ مُعْرِضِيْنَ٥

Wa mā ya'tīhim min żikrim minar-raḥmāni muḥdaṡin illā kānū ‘anhu mu‘riḍīn(a).

[5] Idak datang kapado orang-orang tu suatu paringatan baru (ayat Al-Qur’an) dari Tuhan nang Maha Pangasih, malainkan orang-orang tu salalu bapaling daripadonyo.

فَقَدْ كَذَّبُوْا فَسَيَأْتِيْهِمْ اَنْۢبـٰۤؤُا مَا كَانُوْا بِهٖ يَسْتَهْزِءُوْنَ٦

Faqad każżabū fa saya'tīhim ambā'u mā kānū bihī yastahzi'ūn(a).

[6] Sungguh, orang-orang tu lah mandustokan (Al-Qur’an). Mako, kagi bakal datang kapado orang-orang tu (kenyatoan dari) berito-berito nang salalu orang-orang tu perolok-olokkan.

اَوَلَمْ يَرَوْا اِلَى الْاَرْضِ كَمْ اَنْۢبَتْنَا فِيْهَا مِنْ كُلِّ زَوْجٍ كَرِيْمٍ٧

Awalam yarau ilal-arḍi kam ambatnā fīhā min kulli zaujin karīm(in).

[7] Apokah orang-orang tu idak mamperatikan bumi, batapo banyaknyo Kami tumbuhkan di sano sagalo macam (tanaman) nang tumbuh baik?

اِنَّ فِيْ ذٰلِكَ لَاٰيَةًۗ وَمَا كَانَ اَكْثَرُهُمْ مُّؤْمِنِيْنَ٨

Inna fī żālika la'āyah(tan), wa mā kāna akṡaruhum mu'minīn(a).

[8] Sasungguhnyo pado nang macam tu benar-benar tadapat suatu tando (kakuasoan Allah), tapi kebanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ٩

Inna rabbaka lahuwal-‘azīzur-raḥīm(u).

[9] Sasungguhnyo Tuhanmu, Diolah nang benar-benar Mahaperkaso lagi Maha Panyayang.

وَاِذْ نَادٰى رَبُّكَ مُوْسٰٓى اَنِ ائْتِ الْقَوْمَ الظّٰلِمِيْنَ ۙ١٠

Wa iż nādā rabbuka mūsā ani'til-qaumaẓ-ẓālimīn(a).

[10] (Ingatlah) katiko Tuhanmu manyeru Musa (dengan firman-Nyo), “Datangilah kaum nang aniayo tu.

قَوْمَ فِرْعَوْنَ ۗ اَلَا يَتَّقُوْنَ١١

Qauma fir‘aun(a), alā yattaqūn(a).

[11] (Yaitu) kaum Fir’aun. Mangapo orang-orang tu idak batakwa?”

قَالَ رَبِّ اِنِّيْٓ اَخَافُ اَنْ يُّكَذِّبُوْنِ ۗ١٢

Qāla rabbi innī akhāfu ay yukażżibūn(i).

[12] Dio (Musa) bakato, “Ya Tuhanku, sasun-gguhnyo aku takut bahwa orang-orang tu bakal mandustokanku.

وَيَضِيْقُ صَدْرِيْ وَلَا يَنْطَلِقُ لِسَانِيْ فَاَرْسِلْ اِلٰى هٰرُوْنَ١٣

Wa yaḍīqu ṣadrī wa lā yanṭaliqu lisānī fa arsil ilā hārūn(a).

[13] Dadoku taraso sempit dan lidahku kelu. Mako, utuslah Harun (basamoku). ⁵³⁵

535) Nabi Musa as mamohon agar Harun tu diangkat manjadi rasul untuk mambantunyo.1

وَلَهُمْ عَلَيَّ ذَنْۢبٌ فَاَخَافُ اَنْ يَّقْتُلُوْنِ ۚ١٤

Wa lahum ‘alayya żambun fa akhāfu ay yaqtulūn(i).

[14] Aku badoso tahadap orang-orang tu. ⁵³⁶ Mako, aku takut orang-orang tu bakal mambunuhku.”

536) Nabi Musa a.s. maraso badoso tahadap orang-orang Masir kareno pernah mambunuh salah saorang di antaro orang Mesir tu dengan sangajo sabelum manjadi Nabi.

قَالَ كَلَّا ۚفَاذْهَبَا بِاٰيٰتِنَآ اِنَّا مَعَكُمْ مُّسْتَمِعُوْنَ ۙ١٥

Qāla kallā, fażhabā bi'āyātinā innā ma‘akum mustami‘ūn(a).

[15] Dio (Allah) bafirman, “Jangan takut (orang-orang tu idak bakal dapat mambunuhmu)! Mako, pegilah kamu baduo dengan mambawak ayat-ayat kami (mukjizat-mukjizat). Sasungguhnyo, kami basamomu manganingkan (apo nang orang-orang tu katokan).

فَأْتِيَا فِرْعَوْنَ فَقُوْلَآ اِنَّا رَسُوْلُ رَبِّ الْعٰلَمِيْنَ ۙ١٦

Fa'tiyā fir‘auna faqūlā innā rasūlu rabbil-‘ālamīn(a).

[16] Mako, datanglah kamu baduo kapado Fir’aun dan katokanlah olehmu, “Sasungguhnyo kami adolah utusan Tuhan semesto alam.

اَنْ اَرْسِلْ مَعَنَا بَنِيْٓ اِسْرَاۤءِيْلَ ۗ١٧

An arsil ma‘anā banī isrā'īl(a).

[17] Lepaskanlah Bani Israil (pegi) basamo kami (manuju Baitulmaqdis).”

قَالَ اَلَمْ نُرَبِّكَ فِيْنَا وَلِيْدًا وَّلَبِثْتَ فِيْنَا مِنْ عُمُرِكَ سِنِيْنَ ۗ١٨

Qāla alam nurabbika fīnā walīdaw wa labiṡta fīnā min ‘umurika sinīn(a).

[18] Dio (Fir’aun) bakato, “Bukankah kami lah mangasuhmu dalam lingkungan (keluargo) kami, waktu kamu masih budak kecik dan kamu tinggal basamo kami baberapo tahun dari umurmu. ⁵³⁷

537) Musa a.s. tinggal basamo Fir’aun kurang lebih 18 taun, sejak kecik.

وَفَعَلْتَ فَعْلَتَكَ الَّتِيْ فَعَلْتَ وَاَنْتَ مِنَ الْكٰفِرِيْنَ١٩

Wa fa‘alta fa‘latakal-latī fa‘alta wa anta minal-kāfirīn(a).

[19] Kamu (Musa) lah babuat suatu (kasalahan barupo) pabuatan nang lah kamu lakukan (mambunuh sasaorang dari kaumku) dan kamu tamasuk golongan orang-orang nang ingkar (tahadap kabaikan dan katuhananku).

قَالَ فَعَلْتُهَآ اِذًا وَّاَنَا۠ مِنَ الضَّاۤلِّيْنَ٢٠

Qāla fa‘altuhā iżaw wa ana minaḍ-ḍāllīn(a).

[20] Dio (Musa) bakato, “Aku lah malakukannyo. Sedang aku di waktu tu tamasuk orang-orang nang sesat.

فَفَرَرْتُ مِنْكُمْ لَمَّا خِفْتُكُمْ فَوَهَبَ لِيْ رَبِّيْ حُكْمًا وَّجَعَلَنِيْ مِنَ الْمُرْسَلِيْنَ٢١

Fa farartu minkum lammā khiftukum fa wahaba lī rabbī ḥukmaw wa ja‘alanī minal-mursalīn(a).

[21] Kemudian, aku lari maninggalkan kamu kareno aku takut kapadomu. Lalu, Tuhanku mambagihku hukum (ilmu dan kearifan) sarto Dio manjadikanku salah saorang di antaro rasul-rasul.

وَتِلْكَ نِعْمَةٌ تَمُنُّهَا عَلَيَّ اَنْ عَبَّدْتَّ بَنِيْٓ اِسْرَاۤءِيْلَ ۗ٢٢

Wa tilka ni‘matun tamunnuhā ‘alayya an ‘abbatta banī isrā'īl(a).

[22] Tulah kanikmatan nang kamu limpahkan kapadoku, (sedangkan) kamu lah mam-perbudak Bani Israil.”

قَالَ فِرْعَوْنُ وَمَا رَبُّ الْعٰلَمِيْنَ ۗ٢٣

Qāla fir‘aunu wa mā rabbul-‘ālamīn(a).

[23] Fir’aun batanyo, “Siapo Tuhan semasto alam tu?”

قَالَ رَبُّ السَّمٰوٰتِ وَالْاَرْضِ وَمَا بَيْنَهُمَاۗ اِنْ كُنْتُمْ مُّوْقِنِيْنَ٢٤

Qāla rabbus-samāwāti wal-arḍi wa mā bainahumā, in kuntum mūqinīn(a).

[24] Dio (Musa) manjawab, “Tuhan (pancipto dan pamelihao) langit, bumi, dan sagalo nang ado di antaronyo kalu kamu orang-orang nang yakin.”

قَالَ لِمَنْ حَوْلَهٗٓ اَلَا تَسْتَمِعُوْنَ٢٥

Qāla liman ḥaulahū alā tastami‘ūn(a).

[25] Dio (Fir’aun) bakato kapado orang-orang sakelilingnyo, “Idakkah kamu manganing (apo nang dikatokannyo)?”

قَالَ رَبُّكُمْ وَرَبُّ اٰبَاۤىِٕكُمُ الْاَوَّلِيْنَ٢٦

Qāla rabbukum wa rabbu ābā'ikumul-awwalīn(a).

[26] Dio (Musa) bakato, “(Dio) Tuhan kamu dan Tuhan nenek moyang kamu nang tadahulu.”

قَالَ اِنَّ رَسُوْلَكُمُ الَّذِيْٓ اُرْسِلَ اِلَيْكُمْ لَمَجْنُوْنٌ٢٧

Qāla inna rasūlakumul-lażī ursila ilaikum lamajnūn(un).

[27] Dio (Fir’aun) bakato, ”Sasungguhnyo rasul-mu nang diutus kapado kamu benar-benar gilo.”

قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَاۗ اِنْ كُنْتُمْ تَعْقِلُوْنَ٢٨

Qāla rabbul-masyriqi wal-magribi wa mā bainahumā, in kuntum ta‘qilūn(a).

[28] Dio (Musa) bakato, “(Dio) Tuhan (nang manguasoi) timur dan barat serto sagalo apo nang ado di antaro kaduonyo kalu kamu mangerti.”

قَالَ لَىِٕنِ اتَّخَذْتَ اِلٰهًا غَيْرِيْ لَاَجْعَلَنَّكَ مِنَ الْمَسْجُوْنِيْنَ٢٩

Qāla la'inittakhażta ilāhan gairī la'aj‘alannaka minal-masjūnīn(a).

[29] Dio (Fir’aun) bakato, “Sungguh, kalu kamu manyembah Tuhan salain Aku, benar-benar aku bakal manjadikan kamu salah saorang nang dipenjarokan.”

قَالَ اَوَلَوْ جِئْتُكَ بِشَيْءٍ مُّبِيْنٍ٣٠

Qāla awalau ji'tuka bisyai'im mubīn(in).

[30] Dio (Musa) bakato, “Apokah (kamu bakal malakukan tu) kendatipun aku tunjukkan kapadomu sasuatu (keterangan) nang nyato ?”

قَالَ فَأْتِ بِهٖٓ اِنْ كُنْتَ مِنَ الصّٰدِقِيْنَ٣١

Qāla fa'ti bihī in kunta minaṣ-ṣādiqīn(a).

[31] Dio (Fir’aun) bakato, “Datangkanlah (bukti nang jelas) tu kalu kamu adolah tamasuk orang-orang nang benar.”

فَاَلْقٰى عَصَاهُ فَاِذَا هِيَ ثُعْبَانٌ مُّبِيْنٌ ۚ٣٢

Fa alqā ‘aṣāhu fa iżā hiya ṡu‘bānum mubīn(un).

[32] Mako, dio (Musa) malemparkan tongkatnyo, lalu tibo-tibo (tongkat tu) manjadi ular besak nang nyato.

وَنَزَعَ يَدَهٗ فَاِذَا هِيَ بَيْضَاۤءُ لِلنّٰظِرِيْنَ ࣖ٣٣

Wa naza‘a yadahū fa iżā hiya baiḍā'u lin-nāẓirīn(a).

[33] Di manarik tangannyo, tibo-tibo io (tangan tu) manjadi putih (basinar) bagi orang-orang nang mangimak(-nyo).

قَالَ لِلْمَلَاِ حَوْلَهٗٓ اِنَّ هٰذَا لَسٰحِرٌ عَلِيْمٌ ۙ٣٤

Qāla lil-mala'i ḥaulahū inna hāżā lasāḥirun ‘alīm(un).

[34] Dio (Fir’aun) bakato kapado paro pamuko nang barado di sakelilingnyo, “Sasungguhnyo dio (Musa) ko benar-benar saorang ahli sihir nang padek.

يُّرِيْدُ اَنْ يُّخْرِجَكُمْ مِّنْ اَرْضِكُمْ بِسِحْرِهٖۖ فَمَاذَا تَأْمُرُوْنَ٣٥

Yurīdu ay yukhrijakum min arḍikum bisiḥrih(ī), fa māżā ta'murūn(a).

[35] Dio hendak mangusir kamu dari nagerimu sendiri dengan sihirnyo. Mako, apo nang kamu anjurkan?”

قَالُوْٓا اَرْجِهْ وَاَخَاهُ وَابْعَثْ فِى الْمَدَاۤىِٕنِ حٰشِرِيْنَ ۙ٣٦

Qālū arjih wa akhāhu wab‘aṡ fil-madā'ini ḥāsyirīn(a).

[36] Orang-orang tu bakato, “Tahanlah urusan (untuk samentaro) dio dan saudaronyo serto utuslah ka saluruh nageri orang-orang nang bakal mangumpulkan (panyihir).

يَأْتُوْكَ بِكُلِّ سَحَّارٍ عَلِيْمٍ٣٧

Ya'tūka bikulli saḥḥārin ‘alīm(in).

[37] Orang-orang tu bakal mandatangkan sagalo panyihir nang pandai kapadomu.”Perang Tanding antaro Nabi Musa dan Paro Panyihir.

فَجُمِعَ السَّحَرَةُ لِمِيْقَاتِ يَوْمٍ مَّعْلُوْمٍ ۙ٣٨

Fa jumi‘as-saḥaratu limīqāti yaumim ma‘lūm(in).

[38] Mako, dikumpulkan paro panyihir pado waktu (nang ditetapkan) di hari nang lah ditentukan.

وَّقِيْلَ لِلنَّاسِ هَلْ اَنْتُمْ مُّجْتَمِعُوْنَ ۙ٣٩

Wa qīla lin-nāsi hal antum mujtami‘ūn(a).

[39] Lalu, dikatokan kapado orang banyak, “Apokah kamu sakalian sudah bakumpul?

لَعَلَّنَا نَتَّبِعُ السَّحَرَةَ اِنْ كَانُوْا هُمُ الْغٰلِبِيْنَ٤٠

La‘allanā nattabi‘us-saḥarata in kānū humul-gālibīn(a).

[40] (Tujuannyo) supayo kito mangikuti paro panyihir tu kalu orang-orang tu jadi pamenang.

فَلَمَّا جَاۤءَ السَّحَرَةُ قَالُوْا لِفِرْعَوْنَ اَىِٕنَّ لَنَا لَاَجْرًا اِنْ كُنَّا نَحْنُ الْغٰلِبِيْنَ٤١

Falammā jā'as-saḥaratu qālū lifir‘auna a'inna lanā la'ajran in kunnā naḥnul-gālibīn(a).

[41] Mako, katiko paro panyihir datang, orang-orang tupun batanyo kapado Fir’aun, “Apokah Kami sungguh-sungguh mandapat upah nang besak kalu kami nang manjadi pamenang?”

قَالَ نَعَمْ وَاِنَّكُمْ اِذًا لَّمِنَ الْمُقَرَّبِيْنَ٤٢

Qāla na‘am wa innakum iżal laminal-muqarrabīn(a).

[42] Dio (Fir’aun) manjawab, “Ya, bahkan kamu pasti bakal manjadi orang-orang nang dekat (kapadoku).”

قَالَ لَهُمْ مُّوْسٰٓى اَلْقُوْا مَآ اَنْتُمْ مُّلْقُوْنَ٤٣

Qāla lahum mūsā alqū mā antum mulqūn(a).

[43] Musa bakato kapado orang-orang tu, “Lemparkanlah apo nang hendak kamu lemparkan.”

فَاَلْقَوْا حِبَالَهُمْ وَعِصِيَّهُمْ وَقَالُوْا بِعِزَّةِ فِرْعَوْنَ اِنَّا لَنَحْنُ الْغٰلِبُوْنَ٤٤

Fa alqau ḥibālahum wa ‘iṣiyyahum wa qālū bi‘izzati fir‘auna innā lanaḥnul-gālibūn(a).

[44] Lalu, orang-orang tu malemparkan tali temali dan tongkat-tongkatnyo serayo bakato, “Demi kakuasaan Fir’aun, sasungguhnyo kamilah nang benar-benar sabagai pamenang.”

فَاَلْقٰى مُوْسٰى عَصَاهُ فَاِذَا هِيَ تَلْقَفُ مَا يَأْفِكُوْنَ ۚ٤٥

Fa alqā mūsā ‘aṣāhu fa iżā hiya talqafu mā ya'fikūn(a).

[45] Kemudian, Musa manjatuhkan tongkatnyo, mako tibo-tibo ia (tongkatnyo nang sudah manjadi ular) manelan sagalo nang orang-orang tu ado-adokan. ⁵³⁸

538) Tali temali dan tongkat-tongkat nang dilemparkan panyihir tu nang tabenam saolah-olah manjadi ular, sagalonyo ditelan oleh tongkat Musa as.

فَاُلْقِيَ السَّحَرَةُ سٰجِدِيْنَ ۙ٤٦

Fa ulqiyas-saḥaratu sājidīn(a).

[46] Mako, tasungkurlah paro panyihir tu (dalam kaadoan) basujud.

قَالُوْٓا اٰمَنَّا بِرَبِّ الْعٰلَمِيْنَ ۙ٤٧

Qālū āmannā birabbil-‘ālamīn(a).

[47] Orang-orang tu bakato, “Kami baiman kapado Tuhan semasto alam,

رَبِّ مُوْسٰى وَهٰرُوْنَ٤٨

Rabbi mūsā wa hārūn(a).

[48] (Yaitu) Tuhannyo Musa dan Harun.”

قَالَ اٰمَنْتُمْ لَهٗ قَبْلَ اَنْ اٰذَنَ لَكُمْۚ اِنَّهٗ لَكَبِيْرُكُمُ الَّذِيْ عَلَّمَكُمُ السِّحْرَۚ فَلَسَوْفَ تَعْلَمُوْنَ ەۗ لَاُقَطِّعَنَّ اَيْدِيَكُمْ وَاَرْجُلَكُمْ مِّنْ خِلَافٍ وَّلَاُصَلِّبَنَّكُمْ اَجْمَعِيْنَۚ٤٩

Qāla āmantum lahū qabla an āżana lakum, innahū lakabīrukumul-lażī ‘allamakumus-siḥr(a), fa lasaufa ta‘lamūn(a), la'uqaṭṭi‘anna aidiyakum wa arjulakum min khilāfiw wa la'uṣallibannakum ajma'īn(a).

[49] Dio (Fir’aun) bakato, “Apokah kamu sakalian baiman kapadonyo (Musa) sabelum aku mambagih izin kapadomu? Sasungguhnyo dio benar-benar pamimpinmu nang mangajarkan sihir kapadomu. Mako, kamu kagi pasti benar-benar bakal mangetaui (akibat perbuatanmu). Sasungguhnyo aku bakal mamotong tanganmu dan kakimu sacaro basilang dan aku bakal manyalibmu sagalonyo.”

قَالُوْا لَا ضَيْرَ ۖاِنَّآ اِلٰى رَبِّنَا مُنْقَلِبُوْنَ ۚ٥٠

Qālū lā ḍair(a), innā ilā rabbinā munqalibūn(a).

[50] Orang-orang tu bakato, “Idak ado nang kami takutkan. Sasungguhnyo kami bakal balik kapado Tuhan kami.

اِنَّا نَطْمَعُ اَنْ يَّغْفِرَ لَنَا رَبُّنَا خَطٰيٰنَآ اَنْ كُنَّآ اَوَّلَ الْمُؤْمِنِيْنَ ۗ ࣖ٥١

Innā naṭma‘u ay yagfira lanā rabbunā khaṭāyānā an kunnā awwalal-mu'minīn(a).

[51] Sasungguhnyo kami amat manginginkan bahwa Tuhan kami bakal mangampuni kasalahan kami, kareno kami adolah orang nang pertamo-tamo baiman.”

۞ وَاَوْحَيْنَآ اِلٰى مُوْسٰىٓ اَنْ اَسْرِ بِعِبَادِيْٓ اِنَّكُمْ مُّتَّبَعُوْنَ٥٢

Wa auḥainā ilā mūsā an asri bi‘ibādī innakum muttaba‘ūn(a).

[52] Kami wahyukan (perentahkan) kapado Musa, “Pegilah di malam hari dengan mambawak hambo-hambo-Ku (Bani Israil). Sasungguhnyo kamu sakalian pasti bakal diikuti.”

فَاَرْسَلَ فِرْعَوْنُ فِى الْمَدَاۤىِٕنِ حٰشِرِيْنَ ۚ٥٣

Fa arsala fir‘aunu fil-madā'ini ḥāsyirīn(a).

[53] Lalu, Fir’aun mangirimkan orang ka kota-kota untuk mangumpulkan (balatentaranyo).

اِنَّ هٰٓؤُلَاۤءِ لَشِرْذِمَةٌ قَلِيْلُوْنَۙ٥٤

Inna hā'ulā'i lasyirzimatun qalīlūn(a).

[54] (Fir’aun bakato), “Sasungguhnyo orang-orang tu (Bani Israil) hanyo sagolongan kecik.

وَاِنَّهُمْ لَنَا لَغَاۤىِٕظُوْنَ ۙ٥٥

Wa innahum lanā lagā'iẓūn(a).

[55] Sasungguhnyo orang-orang tu lah mambuat kito marah.

وَاِنَّا لَجَمِيْعٌ حٰذِرُوْنَ ۗ٥٦

Wa innā lajamī‘un ḥāżirūn(a).

[56] Sasungguhnyo kito sagalonyo benar-benar harus salalu waspada.”

فَاَخْرَجْنٰهُمْ مِّنْ جَنّٰتٍ وَّعُيُوْنٍ ۙ٥٧

Fa akhrajnāhum min jannātiw wa ‘uyūn(in).

[57] Kami kaluarkan orang-orang tu (Fir’aun dan kaumnyo) dari (negeri orang-orang tu nang mampunyoi) taman-taman dan mato aek,

وَّكُنُوْزٍ وَّمَقَامٍ كَرِيْمٍ ۙ٥٨

Wa kunūziw wa maqāmin karīm(in).

[58] harto kakayoan dan genah tinggal nang elok. ⁵³⁹

539) Kareno mangejar Nabi Musa as. dan Bani Israil, Fir’aun dan bala tentaronyo lah kaluar dari negeri orang-orang tu dengan maninggalkan karajoan, keagungan, kamewahan dan sabagainyo.

كَذٰلِكَۚ وَاَوْرَثْنٰهَا بَنِيْٓ اِسْرَاۤءِيْلَ ۗ٥٩

Każālik(a), wa auraṡnāhā banī isrā'īl(a).

[59] Macam tulah, dan Kami wariskan sagalonyo kapado Bani Israil ⁵⁴⁰ .

540) Satelah Fir’aun dan bala tentaronyo binaso, Nabi Musa as. dan Bani Israil balik ka Mesir untuk mangambik harto kekayoan dan tentaronyo. Orang-orang tu lalu malanjutkan perjalanan ka Baitulmaqdis.

فَاَتْبَعُوْهُمْ مُّشْرِقِيْنَ٦٠

Fa atba‘ūhum musyriqīn(a).

[60] Lalu, (Fir’aun dan bala tentronyo dapat) manyusuli orang-orang tu di waktu matohari terbit.

فَلَمَّا تَرٰۤءَا الْجَمْعٰنِ قَالَ اَصْحٰبُ مُوْسٰٓى اِنَّا لَمُدْرَكُوْنَ ۚ٦١

Falammā tarā'al-jam‘āni qāla aṣḥābu mūsā innā lamudrakūn(a).

[61] Katiko kaduo golongan tu saling mangimak, Pangikut-pangikut Musa bakato, “Sasungguhnyo kito benar-benar bakal tasusul.”

قَالَ كَلَّا ۗاِنَّ مَعِيَ رَبِّيْ سَيَهْدِيْنِ٦٢

Qāla kallā, inna ma‘iya rabbī sayahdīn(i).

[62] Dio (Musa) bakato, “Tidak! Sasungguhnyo Tuhanku basamoku. Kagi Dio bakal mambagih patunjuk kapadoku.”

فَاَوْحَيْنَآ اِلٰى مُوْسٰٓى اَنِ اضْرِبْ بِّعَصَاكَ الْبَحْرَۗ فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيْمِ ۚ٦٣

Fa auḥainā ilā mūsā aniḍrib bi‘aṣākal-baḥr(a), fanfalaqa fa kāna kullu firqin kaṭ-ṭaudil ‘aẓīm(i).

[63] Lalu, Kami wahyukan kapado Musa, “Pukullah lautan tu dengan tongkatmu.” Mako, tabelahlah (lautan tu) dan tiap-tiap belahan adolah separti gunung nang besak.

وَاَزْلَفْنَا ثَمَّ الْاٰخَرِيْنَ ۚ٦٤

Wa azlafnā ṡammal-ākharīn(a).

[64] Di sanolah Kami dekatkan golongan nang lain. ⁵⁴¹

541) Nang dimaksud dengan ‘golongan nang lain’ iolah Fir’aun dan bala tentaronyo. Maksud ayat ko iolah di bagian nang tabelah tu Allah mandekatkan antaro Fir’aun dan balatentaronyo dengan Nabi Musa as. dan Bani Israil.

وَاَنْجَيْنَا مُوْسٰى وَمَنْ مَّعَهٗٓ اَجْمَعِيْنَ ۚ٦٥

Wa anjainā mūsā wa mam ma‘ahū ajma‘īn(a).

[65] Kami selamatkan Musa dan sagalo orang-orang nang basamonyo.

ثُمَّ اَغْرَقْنَا الْاٰخَرِيْنَ ۗ٦٦

Ṡumma agraqnal-ākharīn(a).

[66] Kemudian, Kami tanggelamkan golongan nang lain tu.

اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ٦٧

Inna fī żālika la'āyah(tan), wa mā kāna akṡaruhum mu'minīn(a).

[67] Sasungguhnyo pado nang demikian tu benar-benar marupakan suatu tando kekuasoan Allah (mukjizat), tapi kebanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ٦٨

Wa inna rabbaka lahuwal-‘azīzur-raḥīm(u).

[68] Sasungguhnyo Tuhanmu, Diolah nang Mahaperkaso lagi Maha Panyayang.

وَاتْلُ عَلَيْهِمْ نَبَاَ اِبْرٰهِيْمَ ۘ٦٩

Watlu ‘alaihim naba'a ibrāhīm(a).

[69] Bacokanlah kapado orang-orang tu kisah Ibrahim.

اِذْ قَالَ لِاَبِيْهِ وَقَوْمِهٖ مَا تَعْبُدُوْنَ٧٠

Iż qāla li'abīhi wa qaumihī mā ta‘budūn(a).

[70] Katiko dio (Ibrahim) bakato kapado bapaknyo dan kaumnyo, “Apokah nang kamu sembah?”

قَالُوْا نَعْبُدُ اَصْنَامًا فَنَظَلُّ لَهَا عٰكِفِيْنَ٧١

Qālū na‘budu aṣnāman fa naẓallu lahā ‘ākifīn(a).

[71] Orang-orang tu manjawab, “Kami manyembah berhalo-berhalo dan Kami sanantiaso tekun manyembahnyo.”

قَالَ هَلْ يَسْمَعُوْنَكُمْ اِذْ تَدْعُوْنَ ۙ٧٢

Qāla hal yasma‘ūnakum iż tad‘ūn(a).

[72] Dio Ibrahim bakato, “Apokah berhalo-berhalo tu manganing (doa)mu sawaktu kamu badoa (kapadonyo)?

اَوْ يَنْفَعُوْنَكُمْ اَوْ يَضُرُّوْنَ٧٣

Au yanfa‘ūnakum au yaḍurrūn(a).

[73] Atau, (dapatkah) berhalo-berhalo tu mambagih manfaat kapadomu atau mambagih mudarat?”

قَالُوْا بَلْ وَجَدْنَآ اٰبَاۤءَنَا كَذٰلِكَ يَفْعَلُوْنَ٧٤

Qālū bal wajadnā ābā'anā każālika yaf‘alūn(a).

[74] Orang-orang tu manjawab, “Tidak, tapi kami mandapati nenek moyang kami babuat macam tu.”

قَالَ اَفَرَءَيْتُمْ مَّا كُنْتُمْ تَعْبُدُوْنَ ۙ٧٥

Qāla afa ra'aitum mā kuntum ta‘budūn(a).

[75] Dio (Ibrahim) bakato, “Apokah kamu lah mamperatikan apo nang salalu kamu sembah.

اَنْتُمْ وَاٰبَاۤؤُكُمُ الْاَقْدَمُوْنَ ۙ٧٦

Antum wa ābā'ukumul-aqdamūn(a).

[76] Kamu dan nenek moyang kamu nang tadahulu?

فَاِنَّهُمْ عَدُوٌّ لِّيْٓ اِلَّا رَبَّ الْعٰلَمِيْنَ ۙ٧٧

Fa innahum ‘aduwwul lī illā rabbal-‘ālamīn(a).

[77] Sasungguhnyo orang-orang tu adolah musuhku, lain halnyo Tuhan pameliharo semesto alam.

الَّذِيْ خَلَقَنِيْ فَهُوَ يَهْدِيْنِ ۙ٧٨

Allażī khalaqanī fa huwa yahdīn(i).

[78] (Allah) nang lah manciptokanku. Mako, Dio (pulak) nang mambagih patunjuk kapadoku.

وَالَّذِيْ هُوَ يُطْعِمُنِيْ وَيَسْقِيْنِ ۙ٧٩

Wal-lażī huwa yuṭ‘imunī wa yasqīn(i).

[79] Dio (pulak) nang mambagih makan dan minum kapadoku.

وَاِذَا مَرِضْتُ فَهُوَ يَشْفِيْنِ ۙ٨٠

Wa iżā mariḍtu fa huwa yasyfīn(i).

[80] Apobilo aku sakit, Diolah nang manyem-buhkanku.

وَالَّذِيْ يُمِيْتُنِيْ ثُمَّ يُحْيِيْنِ ۙ٨١

Wal-lażī yumītunī ṡumma yuḥyīn(i).

[81] Dio (nang) bakal mamatikanku, kemudian bakal manghidupkanku (balik).

وَالَّذِيْٓ اَطْمَعُ اَنْ يَّغْفِرَ لِيْ خَطِيْۤـَٔتِيْ يَوْمَ الدِّيْنِ ۗ٨٢

Wal-lażī aṭma‘u ay yagfira lī khaṭī'atī yaumad-dīn(i).

[82] (Dio) nang amat kuinginkan bakal mangam-puni kasalahanku pado hari Pambalasan.”

رَبِّ هَبْ لِيْ حُكْمًا وَّاَلْحِقْنِيْ بِالصّٰلِحِيْنَ ۙ٨٣

Rabbi hab lī ḥukmaw wa alḥiqnī biṣ-ṣāliḥīn(a).

[83] (Ibrahim badoa), “Ya Tuhanku, bagihlah kapadoku hukum (ilmu dan hikmah) dan pertemukanlah aku dengan golongan orang-orang nang saleh.

وَاجْعَلْ لِّيْ لِسَانَ صِدْقٍ فِى الْاٰخِرِيْنَ ۙ٨٤

Waj‘al lī lisāna ṣidqin fil-ākhirīn(a).

[84] Jadikanlah aku sebagai buah tutur nang baik bagi kalangan orang-orang (nang datang) kemudian.

وَاجْعَلْنِيْ مِنْ وَّرَثَةِ جَنَّةِ النَّعِيْمِ ۙ٨٥

Waj‘alnī miw waraṡati janatin na‘īm(i).

[85] Jadikanlah aku tamasuk orang-orang nang mampusakoi surgo nang panuh kanikmatan.

وَاغْفِرْ لِاَبِيْٓ اِنَّهٗ كَانَ مِنَ الضَّاۤلِّيْنَ ۙ٨٦

Wagfir li'abī innahū kāna minaḍ-ḍāllīn(a).

[86] Ampunilah bapakku! Sasungguhnyo io adolah tamasuk golongan orang-orang nang sesat.

وَلَا تُخْزِنِيْ يَوْمَ يُبْعَثُوْنَۙ٨٧

Wa lā tukhzinī yauma yub‘aṡūn(a).

[87] Janganlah Engkau hinokan aku pado hari orang-orang tu dibangkitkan.

يَوْمَ لَا يَنْفَعُ مَالٌ وَّلَا بَنُوْنَ ۙ٨٨

Yauma lā yanfa‘u māluw wa lā banūn(a).

[88] (Yaitu) di hari katiko harto dan anak-anak laki-laki idak baguno lagi.

اِلَّا مَنْ اَتَى اللّٰهَ بِقَلْبٍ سَلِيْمٍ ۗ٨٩

Illā man atallāha biqalbin salīm(in).

[89] Kacuali, orang-orang nang manghadap Allah dengan hati nang barsih.

وَاُزْلِفَتِ الْجَنَّةُ لِلْمُتَّقِيْنَ ۙ٩٠

Wa uzlifatil-jannatu lil-muttaqīn(a).

[90] Surgo didekatkan kapado orang-orang nang batakwa.

وَبُرِّزَتِ الْجَحِيْمُ لِلْغَاوِيْنَ ۙ٩١

Wa burrizatil-jaḥīmu lil-gāwīn(a).

[91] (Nerako) Jahim diperliatkan dengan jelas kapado orang-orang nang sesat.”

وَقِيْلَ لَهُمْ اَيْنَ مَا كُنْتُمْ تَعْبُدُوْنَ ۙ٩٢

Wa qīla lahum ainamā kuntum ta‘budūn(a).

[92] Dikatokan kapado orang-orang tu, “Di manokah berhalo-berhalo nang dahulu kamu salalu manyembah(-nyo).

مِنْ دُوْنِ اللّٰهِ ۗهَلْ يَنْصُرُوْنَكُمْ اَوْ يَنْتَصِرُوْنَ ۗ٩٣

Min dūnillāh(i), hal yanṣurūnakum au yantaṣirūn(a).

[93] Salain dari Allah? Dapatkah orang-orang tu manolong kamu atau manolong diri orang-orang tu dewek?”

فَكُبْكِبُوْا فِيْهَا هُمْ وَالْغَاوٗنَ ۙ٩٤

Fa kubkibū fīhā hum wal-gāwūn(a).

[94] Orang-orang tu (sembahan-sembahan tu) dijungkir-balikkan di dalamnyo (nerako) basamo-samo orang-orang nang sesat.

وَجُنُوْدُ اِبْلِيْسَ اَجْمَعُوْنَ ۗ٩٥

Wa junūdu iblīsa ajma‘ūn(a).

[95] (Macam tu pulak) bala tentaro iblis (dan) sagalonyo (dijungkirbalikkan).

قَالُوْا وَهُمْ فِيْهَا يَخْتَصِمُوْنَ٩٦

Qālū wa hum fīhā yakhtaṣimūn(a).

[96] Orang-orang tu (orang-orang sesat) bakato sambil batengkar di dalamnyo (nerako).

تَاللّٰهِ اِنْ كُنَّا لَفِيْ ضَلٰلٍ مُّبِيْنٍ ۙ٩٧

Tallāhi in kunnā lafī ḍalālim mubīn(in).

[97] “Demi Allah, sasungguhnyo kami dahulu (di dunio) dalam kesesatan nang nyato.

اِذْ نُسَوِّيْكُمْ بِرَبِّ الْعٰلَمِيْنَ٩٨

Iż nusawwīkum birabbil-‘ālamīn(a).

[98] (Yaitu) katiko kami mampersamokan kamu (berhalo-berhalo) dengan Tuhan semasto alam.”

وَمَآ اَضَلَّنَآ اِلَّا الْمُجْرِمُوْنَ٩٩

Wa mā aḍallanā illal-mujrimūn(a).

[99] Idak ado nang manyesatkan kami, kacuali orang-orang nang badoso.

فَمَا لَنَا مِنْ شٰفِعِيْنَ ۙ١٠٠

Famā lanā min syāfi‘īn(a).

[100] Idak ado pambagih syafaat (panolong) untuk kami.

وَلَا صَدِيْقٍ حَمِيْمٍ١٠١

Wa lā ṣadīqin ḥamīm(in).

[101] Idak pulak mampunyai teman nang akrab.

فَلَوْ اَنَّ لَنَا كَرَّةً فَنَكُوْنَ مِنَ الْمُؤْمِنِيْنَ١٠٢

Falau anna lanā karratan fa nakūna minal-mu'minīn(a).

[102] Sakiranyo dapat balik (ka dunio), niscayo kami manjadi orang-orang nang baiman.”

اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٠٣

Inna fī żālika la'āyah(tan), wa mā kāna akṡaruhum mu'minīn(a).

[103] Sasungguhnyo pado nang macam tu benar-benar tadapat tando-tando (kakuasoan Allah), tapi kabanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٠٤

Wa inna rabbaka lahuwal-‘azīzur-raḥīm(u).

[104] Sasungguhnyo Tuhanmu, Diolah nang benar-benar Mahaperkaso lagi Maha Panyayang. Kisah Nabi Nuh dan Kaumnyo

كَذَّبَتْ قَوْمُ نُوْحِ ِۨالْمُرْسَلِيْنَ ۚ١٠٥

Każżabat qaumu nūḥinil-mursalīn(a).

[105] Kaum Nuh lah mandustokan paro rasul.

اِذْ قَالَ لَهُمْ اَخُوْهُمْ نُوْحٌ اَلَا تَتَّقُوْنَ ۚ١٠٦

Iż qāla lahum akhūhum nūḥun alā tattaqūn(a).

[106] Katiko saudaro orang-orang tu (Nuh), bakato kapado orang-orang tu, “Mangapo kamu idak batakwa?

اِنِّيْ لَكُمْ رَسُوْلٌ اَمِيْنٌ ۙ١٠٧

Innī lakum rasūlun amīn(un).

[107] Sasungguhnyo aku adolah saorang rasul kepercayoan (nang diutus) kapadomu.

فَاتَّقُوا اللّٰهَ وَاَطِيْعُوْنِۚ١٠٨

Fattaqullāha wa aṭī‘ūn(i).

[108] Mako, batakwalah kapado Allah dan taatlah kapadoku.

وَمَآ اَسْـَٔلُكُمْ عَلَيْهِ مِنْ اَجْرٍۚ اِنْ اَجْرِيَ اِلَّا عَلٰى رَبِّ الْعٰلَمِيْنَ ۚ١٠٩

Wa mā as'alukum ‘alaihi min ajr(in), in ajriya illā ‘alā rabbil-‘ālamīn(a).

[109] Aku idak mamintak imbalan kapadomu atas (ajakan) tu. Imbalanku idak lain hanyolah dari Tuhan semasto alam.

فَاتَّقُوا اللّٰهَ وَاَطِيْعُوْنِ١١٠

Fattaqullāha wa aṭī‘ūn(i).

[110] Mako, batakwalah kapado Allah dan taatlah kapadoku.”

۞ قَالُوْٓا اَنُؤْمِنُ لَكَ وَاتَّبَعَكَ الْاَرْذَلُوْنَ ۗ١١١

Qālū anu'minu laka wattaba‘akal-arżalūn(a).

[111] Orang-orang tu bakato, “Apokah kami harus baiman kapadomu, padohal nang mangikuti kamu iolah orang-orang hino?”

قَالَ وَمَا عِلْمِيْ بِمَا كَانُوْا يَعْمَلُوْنَ ۚ١١٢

Qāla wa mā ‘ilmī bimā kānū ya‘malūn(a).

[112] Dio (Nuh) manjawab, “Apo pangetahuanku tentang apo nang biaso orang-orang tu kerjokan?

اِنْ حِسَابُهُمْ اِلَّا عَلٰى رَبِّيْ لَوْ تَشْعُرُوْنَ ۚ١١٣

In ḥisābuhum illā ‘alā rabbī lau tasy‘urūn(a).

[113] Peritungan (amal perbuatan) orang-orang tu idak lain, hanyolah ado pado Tuhanku kalu kamu manyadari.

وَمَآ اَنَا۠ بِطَارِدِ الْمُؤْمِنِيْنَ ۚ١١٤

Wa mā ana biṭāridil-mu'minīn(a).

[114] Aku idak bakal mangusir orang-orang nang baiman.

اِنْ اَنَا۠ اِلَّا نَذِيْرٌ مُّبِيْنٌ ۗ١١٥

In ana illā nażīrum mubīn(un).

[115] Aku idak lain, malainkan pambagih peringatan nang jelas.”

قَالُوْا لَىِٕنْ لَّمْ تَنْتَهِ يٰنُوْحُ لَتَكُوْنَنَّ مِنَ الْمَرْجُوْمِيْنَۗ١١٦

Qālū la'illam tantahi yā nūḥu latakūnanna minal-marjūmīn(a).

[116] Orang-orang tu bakato, “Oi Nuh, kalu kamu idak bahenti (dalam badakwah), niscayo kamu bakal tamasuk orang-orang nang dirajam.”

قَالَ رَبِّ اِنَّ قَوْمِيْ كَذَّبُوْنِۖ١١٧

Qāla rabbi inna qaumī każżabūn(i).

[117] Dio (Nuh) bakato, “Ya Tuhanku, sasungguh-nyo kaumku lah mandustokanku.

فَافْتَحْ بَيْنِيْ وَبَيْنَهُمْ فَتْحًا وَّنَجِّنِيْ وَمَنْ مَّعِيَ مِنَ الْمُؤْمِنِيْنَ١١٨

Faftaḥ bainī wa bainahum fatḥaw wa najjinī wa mam ma‘iya minal-mu'minīn(a).

[118] Mako, bagihlah suatu keputusan antaro aku dan antaro orang-orang tu serto selamatkanlah aku dan orang-orang nang mukmin basertoku.”

فَاَنْجَيْنٰهُ وَمَنْ مَّعَهٗ فِى الْفُلْكِ الْمَشْحُوْنِ١١٩

Fa anjaināhu wa mam ma‘ahū fil-fulkil-masyḥūn(i).

[119] Kami selamatkan dio (Nuh) dan orang-orang nang basamonyo di dalam kapal nang panuh muatan.

ثُمَّ اَغْرَقْنَا بَعْدُ الْبَاقِيْنَ١٢٠

Ṡumma agraqnā ba‘dul-bāqīn(a).

[120] Kemudian, Kami tanggelamkan orang-orang nang tasiso (idak baiman) sasudah tu.

اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٢١

Inna fī żālika la'āyah(tan), wa mā kāna akṡaruhum mu'minīn(a).

[121] Sasungguhnyo pado nang demikian tu benar-benar tadapat tando (kakuasoan Allah), tapi kebanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٢٢

Wa inna rabbaka lahuwal-‘azīzur-raḥīm(u).

[122] Sasungguhnyo Tuhanmu, Diolah nang benar-benar Mahaperkaso lagi Maha Panyayang. Dakwah Nabi Hud kapado Kaum ‘Ad

كَذَّبَتْ عَادُ ِۨالْمُرْسَلِيْنَ ۖ١٢٣

Każżabat ‘ādunil-mursalīn(a).

[123] (Kaum) ‘Aad lah mandustokan paro rasul.

اِذْ قَالَ لَهُمْ اَخُوْهُمْ هُوْدٌ اَلَا تَتَّقُوْنَ ۚ١٢٤

Iż qāla lahum akhūhum hūdun alā tattaqūn(a).

[124] Katiko saudaro orang-orang tu, Hud, bakato kapado orang-orang tu, “Mangapo kamu idak batakwa?

اِنِّيْ لَكُمْ رَسُوْلٌ اَمِيْنٌ ۙ١٢٥

Innī lakum rasūlun amīn(un).

[125] Sasungguhnyo aku adolah saorang rasul kapercayoan (nang diutus) kapadomu.

فَاتَّقُوا اللّٰهَ وَاَطِيْعُوْنِ ۚ١٢٦

Fattaqullāha wa aṭī‘ūn(i).

[126] Mako, batakwalah kapado Allah dan taatlah kapadoku.

وَمَآ اَسْـَٔلُكُمْ عَلَيْهِ مِنْ اَجْرٍۚ اِنْ اَجْرِيَ اِلَّا عَلٰى رَبِّ الْعٰلَمِيْنَ ۗ١٢٧

Wa mā as'alukum ‘alaihi min ajr(in), in ajriya illā ‘alā rabbil-‘ālamīn(a).

[127] Aku idak mamintak imbalan kapadomu atas (ajakan) tu. Imbalanku idak lain hanyolah dari Tuhan semesto alam.

اَتَبْنُوْنَ بِكُلِّ رِيْعٍ اٰيَةً تَعْبَثُوْنَ ۙ١٢٨

Atabnūna bikulli rī‘in āyatan ta‘baṡūn(a).

[128] Apokah kamu mandirikan istana pado tiap-tiap tanah nang tinggi untuk kamegahan tanpa ditempati?

وَتَتَّخِذُوْنَ مَصَانِعَ لَعَلَّكُمْ تَخْلُدُوْنَۚ١٢٩

Wa tattakhiżūna maṣāni‘a la‘allakum takhludūn(a).

[129] Kamu (jugo) mambuat benteng-benteng dengan maksud harapan hidup kekal ?

وَاِذَا بَطَشْتُمْ بَطَشْتُمْ جَبَّارِيْنَۚ١٣٠

Wa iżā baṭasytum baṭasytum jabbārīn(a).

[130] Apabilo manyikso, mako kamu lakukan dengan kejam dan bangis.

فَاتَّقُوا اللّٰهَ وَاَطِيْعُوْنِۚ١٣١

Fattaqullāha wa aṭī‘ūn(i).

[131] Mako, batakwalah kapado Allah dan taatlah kapadoku.

وَاتَّقُوا الَّذِيْٓ اَمَدَّكُمْ بِمَا تَعْلَمُوْنَ ۚ١٣٢

Wattaqul-lażī amaddakum bimā ta‘lamūn(a).

[132] Batakwalah kapado (Allah) nang lah manganugerahkan kapadomu apo nang kamu ketaui.

اَمَدَّكُمْ بِاَنْعَامٍ وَّبَنِيْنَۙ١٣٣

Amaddakum bi'an‘āmiw wa banīn(a).

[133] Dio (Allah) lah manganugerahkan kapadomu binatang-binatang ternak dan anak-anak.

وَجَنّٰتٍ وَّعُيُوْنٍۚ١٣٤

Wa jannātiw wa ‘uyūn(in).

[134] (Dio jugo manganugerahkan) kebun-kebun dan mato aek.

اِنِّيْٓ اَخَافُ عَلَيْكُمْ عَذَابَ يَوْمٍ عَظِيْمٍ ۗ١٣٥

Innī akhāfu ‘alaikum ‘ażāba yaumin ‘aẓīm(in).

[135] Sasungguhnyo aku takut kalu kamu bakal ditimpo azab pado hari nang dahsyat.”

قَالُوْا سَوَاۤءٌ عَلَيْنَآ اَوَعَظْتَ اَمْ لَمْ تَكُنْ مِّنَ الْوٰعِظِيْنَ ۙ١٣٦

Qālū sawā'un ‘alainā awa‘aẓta am lam takum minal-wā‘iẓīn(a).

[136] Orang-orang tu manjawab, “Adolah samo bae bagi kami, apokah kamu mambagih nasehat atau idak mambagih nasehat.

اِنْ هٰذَآ اِلَّا خُلُقُ الْاَوَّلِيْنَ ۙ١٣٧

In hāżā illā khuluqul-awwalīn(a).

[137] (Ugamo kami) iko idak lain adolah adat kabiasaan orang tadahulu.

وَمَا نَحْنُ بِمُعَذَّبِيْنَ ۚ١٣٨

Wa mā naḥnu bimu‘ażżabīn(a).

[138] Kami (sakali-kali) idak bakal di azab.”

فَكَذَّبُوْهُ فَاَهْلَكْنٰهُمْۗ اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٣٩

Fa każżabūhu fa ahlaknāhum, inna fī żālika la'āyah(tan), wa mā kāna akṡaruhum mu'minīn(a).

[139] Mako, orang-orang tu mandustokannyo (Hud). Lalu, Kami mambinasokan orang-orang tu. Sasungguhnyo pado nang macam tu benar-benar tadapat tando (kakuasoan Allah), tapi kebanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٤٠

Wa inna rabbaka lahuwal-‘azīzur-raḥīm(u).

[140] Sasungguhnyo Tuhanmu, Diolah nang benar-benar Mahaperkaso lagi Maha Panyayang.

كَذَّبَتْ ثَمُوْدُ الْمُرْسَلِيْنَ ۖ١٤١

Każżabat ṡamūdul-mursalīn(a).

[141] (Kaum) Samud lah mandustokan rasul-rasul.

اِذْ قَالَ لَهُمْ اَخُوْهُمْ صٰلِحٌ اَلَا تَتَّقُوْنَ ۚ١٤٢

Iż qāla lahum akhūhum ṣāliḥun alā tattaqūn(a).

[142] Katiko saudaro orang-orang tu, Saleh, bakato kapado orang-orang tu, “Mangapo kamu idak batakwa?

اِنِّيْ لَكُمْ رَسُوْلٌ اَمِيْنٌ ۙ١٤٣

Innī lakum rasūlun amīn(un).

[143] Sasungguhnyo aku adolah saorang rasul kapercayoan (nang diutus) kapadomu.

فَاتَّقُوا اللّٰهَ وَاَطِيْعُوْنِ ۚ١٤٤

Fattaqullāha wa aṭī‘ūn(i).

[144] Mako, batakwalah kapado Allah dan taatlah kapadoku.

وَمَآ اَسْـَٔلُكُمْ عَلَيْهِ مِنْ اَجْرٍۚ اِنْ اَجْرِيَ اِلَّا عَلٰى رَبِّ الْعٰلَمِيْنَ ۗ١٤٥

Wa mā as'alukum ‘alaihi min ajr(in), in ajriya illā ‘alā rabbil-‘ālamīn(a).

[145] Aku idak mintak imbalan kapadomu atas (ajakan) tu. Imbalanku idak lain hanyolah dari Tuhan semesto alam.

اَتُتْرَكُوْنَ فِيْ مَا هٰهُنَآ اٰمِنِيْنَ ۙ١٤٦

Atutrakūna fīmā hāhunā āminīn(a).

[146] Apokah kamu (manyangko) bakal dibiakkan tinggal di siko (di negerimu) dengan aman.

فِيْ جَنّٰتٍ وَّعُيُوْنٍ ۙ١٤٧

Fī jannātiw wa ‘uyūn(in).

[147] (Yaitu) di dalam kebun-kebun serto mato aek.

وَّزُرُوْعٍ وَّنَخْلٍ طَلْعُهَا هَضِيْمٌ ۚ١٤٨

Wa zurū‘iw wa nakhlin ṭal‘uhā haḍīm(un).

[148] Dan, tanam-tanaman dan pohon-pohon kurma nang mayangnyo lembut.

وَتَنْحِتُوْنَ مِنَ الْجِبَالِ بُيُوْتًا فٰرِهِيْنَ١٤٩

Wa tanḥitūna minal-jibāli buyūtan fārihīn(a).

[149] Kamu pahat dengan terampil sabagian dari gunung-gunung untuk dijadikan rumah-rumah nang mewah.

فَاتَّقُوا اللّٰهَ وَاَطِيْعُوْنِ ۚ١٥٠

Fattaqullāha wa aṭī‘ūn(i).

[150] Mako, batakwalah kapado Allah dan taatlah kapadoku.

وَلَا تُطِيْعُوْٓا اَمْرَ الْمُسْرِفِيْنَ ۙ١٥١

Wa lā tuṭī‘ū amral-musrifīn(a).

[151] Janganlah kamu mangikuti perentah orang-orang nang malewati batas.

الَّذِيْنَ يُفْسِدُوْنَ فِى الْاَرْضِ وَلَا يُصْلِحُوْنَ١٥٢

Allażīna yufsidūna fil-arḍi wa lā yaṣliḥūn(a).

[152] (Orang-orang tu) nang mambuat kerusakan di muko bumi dan idak mangadokan perbaikan.”

قَالُوْٓا اِنَّمَآ اَنْتَ مِنَ الْمُسَحَّرِيْنَ ۙ١٥٣

Qālū innamā anta minal-musaḥḥarīn(a).

[153] Orang-orang tu bakato, “Sasungguhnyo kamu adolah salah saorang nang tamasuk dari orang-orang nang keno sihir.

مَآ اَنْتَ اِلَّا بَشَرٌ مِّثْلُنَاۙ فَأْتِ بِاٰيَةٍ اِنْ كُنْتَ مِنَ الصّٰدِقِيْنَ١٥٤

Mā anta illā basyarum miṡlunā, fa'ti bi'āyatin in kunta minaṣ-ṣādiqīn(a).

[154] Kamu idak lain hanyolah saorang manusio seperti kami. Mako, datangkanlah sasuatu (mukjizat) kalu kamu memang tamasuk orang-orang nang benar.”

قَالَ هٰذِهٖ نَاقَةٌ لَّهَا شِرْبٌ وَّلَكُمْ شِرْبُ يَوْمٍ مَّعْلُوْمٍ ۚ١٥٥

Qāla hāżihī nāqatul lahā syirbuw wa lakum syirbu yaumim ma‘lūm(in).

[155] Dio (Saleh) manjawab, “Iko saekor unto batino. Dio mampunyoi (giliran) untuk mandapatkan aek (minum), dan kamu mampunyoi (giliran) pulak untuk mandapatkan air minum (pulak) di hari nang ditentukan.

وَلَا تَمَسُّوْهَا بِسُوْۤءٍ فَيَأْخُذَكُمْ عَذَابُ يَوْمٍ عَظِيْمٍ١٥٦

Wa lā tamassūhā bisū'in fa ya'khużakum ‘ażābu yaumin ‘aẓīm(in).

[156] Janganlah kamu manyentuhnyo dengan sasuatu kejahatan. Kagi kamu bakal ditimpo azab pado hari nang dahsyat.”

فَعَقَرُوْهَا فَاَصْبَحُوْا نٰدِمِيْنَ ۙ١٥٧

Fa ‘aqarūhā fa aṣbaḥū nādimīn(a).

[157] Orang-orang tu mambunuhnyo, lalu orang-orang tu manjadi orang-orang nang manyesal.

فَاَخَذَهُمُ الْعَذَابُۗ اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٥٨

Fa akhażahumul-‘ażāb(u), inna fī żālika la'āyah(tan), wa mā kāna akṡaruhum mu'minīn(a).

[158] Orang-orang tu ditimpo azab. Sasungguhnyo pado nang macam tu benar-benar tadapat tando (kakuasoan Allah), tapi kabanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٥٩

Wa inna rabbaka lahuwal-‘azīzur-raḥīm(u).

[159] Sasungguhnyo Tuhanmu, benar-benar Diolah nang Mahaperkaso lagi Maha Panyayang.

كَذَّبَتْ قَوْمُ لُوْطِ ِۨالْمُرْسَلِيْنَ ۖ١٦٠

Każżabat qaumu lūṭinil-mursalīn(a).

[160] Kaum Lut lah mandustokan rasul-rasul.

اِذْ قَالَ لَهُمْ اَخُوْهُمْ لُوْطٌ اَلَا تَتَّقُوْنَ ۚ١٦١

Iż qāla lahum akhūhum lūṭun alā tattaqūn(a).

[161] Katiko saudaro orang-orang tu, Luth bakato kapado orang-orang tu, “Mangapo kamu idak batakwa?”

اِنِّيْ لَكُمْ رَسُوْلٌ اَمِيْنٌ ۙ١٦٢

Innī lakum rasūlun amīn(un).

[162] Sasungguhnyo aku adolah saorang rasul kapercayoan (nang diutus) kapadomu.

فَاتَّقُوا اللّٰهَ وَاَطِيْعُوْنِ ۚ١٦٣

Fattaqullāha wa aṭī‘ūn(i).

[163] Mako batakwalah kapado Allah dan taatlah kapadoku.

وَمَآ اَسْـَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰى رَبِّ الْعٰلَمِيْنَ ۗ١٦٤

Wa mā as'alukum ‘alaihi min ajrin in ajriya illā ‘alā rabbil-‘ālamīn(a).

[164] Aku idak mamintak imbalan kapadomu atas (ajakan) tu. Imbalanku idak lain hanyolah dari Tuhan semesta alam.

اَتَأْتُوْنَ الذُّكْرَانَ مِنَ الْعٰلَمِيْنَ ۙ١٦٥

Ata'tūnaż-żukrāna minal-‘ālamīn(a).

[165] Mangapo kamu mandatangi jenis laki-laki di antaro manusio (babuat homoseks)?

وَتَذَرُوْنَ مَا خَلَقَ لَكُمْ رَبُّكُمْ مِّنْ اَزْوَاجِكُمْۗ بَلْ اَنْتُمْ قَوْمٌ عَادُوْنَ١٦٦

Wa tażarūna mā khalaqa lakum rabbukum min azwājikum, bal antum qamun ‘ādūn(a).

[166] Sementaro tu, kamu tinggalkan (perempuan) nang dijadikan oleh Tuhanmu untuk manjadi bini-binimu? Kamu (memang) kaum nang malampai batas.”

قَالُوْا لَىِٕنْ لَّمْ تَنْتَهِ يٰلُوْطُ لَتَكُوْنَنَّ مِنَ الْمُخْرَجِيْنَ١٦٧

Qālū la'illam tantahi yā lūṭu latakūnanna minal-mukhrajīn(a).

[167] Orang-orang tu manjawab, “Oi Lut, sasungguhnyo kalu kamu idak bahenti (malarang kami), pastilah kamu benar-benar bakal tamasuk orang-orang nang diusir.”

قَالَ اِنِّيْ لِعَمَلِكُمْ مِّنَ الْقَالِيْنَ ۗ١٦٨

Qāla innī li‘amalikum minal-qālīn(a).

[168] Dio (Lut) bakato, “Sasungguhnyo aku tamasuk orang-orang nang sangat benci tahadap pabuatanmu.”

رَبِّ نَجِّنِيْ وَاَهْلِيْ مِمَّا يَعْمَلُوْنَ١٦٩

Rabbi najjinī wa ahlī mimmā ya‘malūn(a).

[169] (Lut badoa), “Ya Tuhanku, selamatkanlah aku baserto keluargoku dari apo nang orang-orang tu kerjokan.”

فَنَجَّيْنٰهُ وَاَهْلَهٗٓ اَجْمَعِيْنَ ۙ١٧٠

Fa najjaināhu wa ahlahū ajma‘īn(a).

[170] Mako, Kami selamatkan io baserto sagalo keluargonyo.

اِلَّا عَجُوْزًا فِى الْغٰبِرِيْنَ ۚ١٧١

Illā ‘ajūzan fil-gābirīn(a).

[171] Kacuali saorang batino tuo (bininyo) nang tamasuk dalam golongan (orang-orang kafir) nang tatinggal.

ثُمَّ دَمَّرْنَا الْاٰخَرِيْنَ ۚ١٧٢

Ṡumma dammarnal-ākharīn(a).

[172] Kemudian, Kami binasokan nang lain.

وَاَمْطَرْنَا عَلَيْهِمْ مَّطَرًاۚ فَسَاۤءَ مَطَرُ الْمُنْذَرِيْنَ١٧٣

Wa amṭarnā ‘alaihim maṭarā(n), fa sā'a maṭarul-munżarīn(a).

[173] Kami hujani orang-orang tu (dengan hujan batu). Mako amat buruklah hujan nang manimpo orang-orang nang lah dibagih peringatan tu.

اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٧٤

Inna fī żālika la'āyah(tan), wa mā kāna akṡaruhum mu'minīn(a).

[174] Sasunguhnyo pado nang demikian tu benar-benar tadapat tando (kakuasaan Allah), tapi kabanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٧٥

Wa inna rabbaka lahuwal-‘azīzur-raḥīm(u).

[175] Sasungguhnyo Tuhanmu, Diolah nang benar-benar Mahaperkaso lagi Maha Panyayang.

كَذَّبَ اَصْحٰبُ لْـَٔيْكَةِ الْمُرْسَلِيْنَ ۖ١٧٦

Każżaba aṣḥābul-aikatil-mursalīn(a).

[176] Penduduk Aikah (Madyan) lah mandustokan rasul-rasul.

اِذْ قَالَ لَهُمْ شُعَيْبٌ اَلَا تَتَّقُوْنَ ۚ١٧٧

Iż qāla lahum syu‘aibun alā tattaqūn(a).

[177] Katiko Syu’aib bakato kapado orang-orang tu, “Mangapo kamu idak batakwa?

اِنِّيْ لَكُمْ رَسُوْلٌ اَمِيْنٌ ۙ١٧٨

Innī lakum rasūlun amīn(un).

[178] Sasungguhnyo aku adolah saorang rasul kepercayoan (nang diutus) kapadomu.

فَاتَّقُوا اللّٰهَ وَاَطِيْعُوْنِ ۚ١٧٩

Fattaqullāha wa aṭī‘ūn(i).

[179] Mako batakwalah kapado Allah dan taatlah kapadoku.

وَمَآ اَسْـَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰى رَبِّ الْعٰلَمِيْنَ ۗ١٨٠

Wa mā as'alukum ‘alaihi min ajrin in ajriya illā ‘alā rabbil-‘ālamīn(a).

[180] Aku idak mamintak imbalan kapadomu atas (ajakan) tu. Imbalanku idak lain hanyolah dari Tuhan samesto alam.

۞ اَوْفُوا الْكَيْلَ وَلَا تَكُوْنُوْا مِنَ الْمُخْسِرِيْنَ ۚ١٨١

Auful-kaila wa lā takūnū minal-mukhsirīn(a).

[181] Sempurnokanlah takaran dan janganlah kamu tamasuk orang-orang nang marugikan orang lain.

وَزِنُوْا بِالْقِسْطَاسِ الْمُسْتَقِيْمِ ۚ١٨٢

Wazinū bil-qisṭāsil-mustaqīm(i).

[182] Timbanglah dengan timbangan nang lurus.

وَلَا تَبْخَسُوا النَّاسَ اَشْيَاۤءَهُمْ وَلَا تَعْثَوْا فِى الْاَرْضِ مُفْسِدِيْنَ ۚ١٨٣

Wa lā tabkhasun-nāsa asy-yā'ahum wa lā ta‘ṡau fil-arḍi mufsidīn(a).

[183] Janganlah kamu marugikan manusio dengan mangurangi hak-haknyo dan janganlah kamu marajalela di muka bumi dengan mambuat karusakan.

وَاتَّقُوا الَّذِيْ خَلَقَكُمْ وَالْجِبِلَّةَ الْاَوَّلِيْنَ ۗ١٨٤

Wattaqul-lażī khalaqakum wal-jibillatal-awwalīn(a).

[184] Batakwalah kapado Allah nang lah manciptokan kamu dan umat-umat nang tadahulu.”

قَالُوْٓا اِنَّمَآ اَنْتَ مِنَ الْمُسَحَّرِيْنَ ۙ١٨٥

Qālū innamā anta minal-musaḥḥarīn(a).

[185] Orang-orang tu bakato, “Sasungguhnyo kamu adolah salah saorang dari orang-orang nang keno sihir.

وَمَآ اَنْتَ اِلَّا بَشَرٌ مِّثْلُنَا وَاِنْ نَّظُنُّكَ لَمِنَ الْكٰذِبِيْنَ ۚ١٨٦

Wa mā anta illā basyarum miṡlunā wa in naẓunnuka laminal-kāżibīn(a).

[186] Kamu idak lain malainkan saorang manusio seperti kami, dan sasungguhnyo kami yakin bahwa kamu benar-benar tamasuk orang-orang nang badusto.

فَاَسْقِطْ عَلَيْنَا كِسَفًا مِّنَ السَّمَاۤءِ اِنْ كُنْتَ مِنَ الصّٰدِقِيْنَ ۗ١٨٧

Fa asqiṭ ‘alainā kisafam minas-samā'i in kunta minaṣ-ṣādiqīn(a).

[187] Mako, jatuhkanlah atas kami kepingan dari langit (agar kami binaso) kalu kamu tamasuk orang-orang nang benar.

قَالَ رَبِّيْٓ اَعْلَمُ بِمَا تَعْمَلُوْنَ١٨٨

Qāla rabbī a‘lamu bimā ta‘malūn(a).

[188] Dio (Syu’aib) bakato, “Tuhanku lebih mangetaui apo nang kamu kerjokan.”

فَكَذَّبُوْهُ فَاَخَذَهُمْ عَذَابُ يَوْمِ الظُّلَّةِ ۗاِنَّهٗ كَانَ عَذَابَ يَوْمٍ عَظِيْمٍ١٨٩

Fa każżabūhu fa akhażahum ‘ażābu yaumiẓ-ẓullah(ti), innahū kāna ‘ażāba yaumin ‘aẓīm(in).

[189] Lalu, orang-orang tu mandustokannyo (Syu’aib). Mako, orang-orang tu ditimpo azab pado hari orang-orang tu dinaungi awan nang gelap. Sasungguhnyo azab tu adolah azab hari nang dahsyat.

اِنَّ فِيْ ذٰلِكَ لَاٰيَةً ۗوَمَا كَانَ اَكْثَرُهُمْ مُّؤْمِنِيْنَ١٩٠

Inna fī żālika la'āyah(tan), wa mā kāna akṡaruhum mu'minīn(a).

[190] Sasungguhnyo pado nang demikian tu benar-benar tadapat tando (kakuasoan Allah), tapi kebanyakan orang-orang tu idak baiman.

وَاِنَّ رَبَّكَ لَهُوَ الْعَزِيْزُ الرَّحِيْمُ ࣖ١٩١

Wa inna rabbaka lahuwal-‘azīzur-raḥīm(u).

[191] Sasungguhnyo Tuhanmu, benar-benar Diolah nang Mahaperkaso lagi Maha Panyayang.

وَاِنَّهٗ لَتَنْزِيْلُ رَبِّ الْعٰلَمِيْنَ ۗ١٩٢

Wa innahū latanzīlu rabbil-‘ālamīn(a).

[192] Sasungguhnyo io (Al-Qur’an) benar-benar diturunkan oleh Tuhan semesto alam.

نَزَلَ بِهِ الرُّوْحُ الْاَمِيْنُ ۙ١٩٣

Nazala bihir rūḥul-amīn(u).

[193] Dio (Al-Qur’an) dibawak turun oleh Ruhulamin (Jibril).

عَلٰى قَلْبِكَ لِتَكُوْنَ مِنَ الْمُنْذِرِيْنَ ۙ١٩٤

‘Alā qalbika litakūna minal-munżirīn(a).

[194] (Diturunkan) ka dalam hatimu (Nabi Muhammad) agar kamu manjadi salah saorang nang mambagih peringatan.

بِلِسَانٍ عَرَبِيٍّ مُّبِيْنٍ ۗ١٩٥

Bilisānin ‘arabiyyim mubīn(in).

[195] (Diturunkan) dengan bahasa Arab nang jelas.

وَاِنَّهٗ لَفِيْ زُبُرِ الْاَوَّلِيْنَ١٩٦

Wa innahū lafī zuburil-awwalīn(a).

[196] Sasungguhnyo io (Al-Qur’an) benar-benar (disebut) dalam kitab-kitab orang nang tadahulu.

اَوَلَمْ يَكُنْ لَّهُمْ اٰيَةً اَنْ يَّعْلَمَهٗ عُلَمٰۤؤُا بَنِيْٓ اِسْرَاۤءِيْلَ١٩٧

Awalam yakul lahum āyatan ay ya‘lamahū ‘ulamā'u banī isrā'īl(a).

[197] Apokah idak (cukup) manjadi bukti bagi orang-orang tu bahwa ia (Al-Qur’an) diketahui oleh para ulama Bani Israil?

وَلَوْ نَزَّلْنٰهُ عَلٰى بَعْضِ الْاَعْجَمِيْنَ ۙ١٩٨

Wa lau nazzalnāhū ‘alā ba‘ḍil-a‘jamīn(a).

[198] Saandainyo Kami manurunkannyo kapado sabagian dari golongan non-Arab.

فَقَرَاَهٗ عَلَيْهِمْ مَّا كَانُوْا بِهٖ مُؤْمِنِيْنَ ۗ١٩٩

Fa qara'ahū ‘alaihim mā kānū bihī mu'minīn(a).

[199] Lalu, dio mambacokannyo kapado orang-orang tu (orang-orang kafir), niscayo orang-orang tu idak jugo bakal baiman kapadonyo.

كَذٰلِكَ سَلَكْنٰهُ فِيْ قُلُوْبِ الْمُجْرِمِيْنَ ۗ٢٠٠

Każālika salaknāhu fī qulūbil-mujrimīn(a).

[200] Macam tulah, Kami masukkan (sifat dusto dan engkar) ka dalam hati orang- orang nang durhako.

لَا يُؤْمِنُوْنَ بِهٖ حَتّٰى يَرَوُا الْعَذَابَ الْاَلِيْمَ٢٠١

Lā yu'minūna bihī ḥattā yarawul-‘ażābal-alīm(a).

[201] Orang-orang tu idak bakal baiman kapadonyo hinggo orang-orang tu mangimak azab nang pedih.

فَيَأْتِيَهُمْ بَغْتَةً وَّهُمْ لَا يَشْعُرُوْنَ ۙ٢٠٢

Fa ya'tiyahum bagtataw wa hum lā yasy‘urūn(a).

[202] Mako, datanglah ia (azab) kapado orang-orang tu dengan tibo-tibo, sedangkan orang-orang tu idak manyadarinyo.

فَيَقُوْلُوْا هَلْ نَحْنُ مُنْظَرُوْنَ ۗ٢٠٣

Fa yaqūlū hal naḥnu munẓarūn(a).

[203] Lalu orang-orang tu bakato, “Apokah kami dapat dibagih panangguhan waktu?”

اَفَبِعَذَابِنَا يَسْتَعْجِلُوْنَ٢٠٤

Afa bi‘ażābinā yasta‘jilūn(a).

[204] Bukankah orang-orang tu nang mamintak supayo disegerokan azab kami?

اَفَرَءَيْتَ اِنْ مَّتَّعْنٰهُمْ سِنِيْنَ ۙ٢٠٥

Afa ra'aita im matta‘nāhum sinīn(a).

[205] Bagaimano pandapatmu kalu Kami bagihkan kapado orang-orang tu kanikmatan hidup batahun-tahun?

ثُمَّ جَاۤءَهُمْ مَّا كَانُوْا يُوْعَدُوْنَ ۙ٢٠٦

Ṡumma jā'ahum mā kānū yū‘adūn(a).

[206] Kemudian datang kapado orang-orang tu azab nang lah diancamkan kapadonyo.

مَآ اَغْنٰى عَنْهُمْ مَّا كَانُوْا يُمَتَّعُوْنَ ۗ٢٠٧

Mā agnā ‘anhum mā kānū yumatta‘ūn(a).

[207] Niscayo kanikmatan nang orang-orang tu rasokan idak baguno baginyo.

وَمَآ اَهْلَكْنَا مِنْ قَرْيَةٍ اِلَّا لَهَا مُنْذِرُوْنَ ۖ٢٠٨

Wa mā ahlaknā min qaryatin illā lahā munżirūn(a).

[208] Kami idak mambinasokan suatu negeri, malainkan sasudah ado pambagih peringatan kapadonyo.

ذِكْرٰىۚ وَمَا كُنَّا ظٰلِمِيْنَ٢٠٩

Żikrā, wa mā kunnā ẓālimīn(a).

[209] (Hal tu) sabagai peringatan. Kami sakali-kali bukanlah orang-orang aniayo.

وَمَا تَنَزَّلَتْ بِهِ الشَّيٰطِيْنُ٢١٠

Wa mā tanazzalat bihisy-syayāṭīn(u).

[210] (Al-Qur’an) tu idaklah dibawak turun oleh setan- setan.

وَمَا يَنْۢبَغِيْ لَهُمْ وَمَا يَسْتَطِيْعُوْنَ ۗ٢١١

Wa mā yambagī lahum wa mā yastaṭī‘ūn(a).

[211] Idaklah patut bagi orang-orang tu (mambawak turun Al-Qur’an tu) dan orang-orang tu pun idak bakal sanggup.

اِنَّهُمْ عَنِ السَّمْعِ لَمَعْزُوْلُوْنَ ۗ٢١٢

Innahum ‘anis-sam‘i lama‘zūlūn(a).

[212] Sasungguhnyo orang-orang tu (setan-setan) benar-benar dijauhkan (daripado berito langit).

فَلَا تَدْعُ مَعَ اللّٰهِ اِلٰهًا اٰخَرَ فَتَكُوْنَ مِنَ الْمُعَذَّبِيْنَ٢١٣

Falā tad‘u ma‘allāhi ilāhan ākhara fa takūna minal-mu‘ażżabīn(a).

[213] Mako, janganlah kamu (Nabi Muhammad) manyembah Tuhan nang lain di samping Allah. Nanti kamu tamasuk orang-orang nang diazab.

وَاَنْذِرْ عَشِيْرَتَكَ الْاَقْرَبِيْنَ ۙ٢١٤

Wa anżir ‘asyīratakal-aqrabīn(a).

[214] Bagihlah peringatan kapado keluargamu nang tadekat.

وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِيْنَ ۚ٢١٥

Wakhfiḍ janāḥaka limanittaba‘aka minal-mu'minīn(a).

[215] Rendahkanlah hatimu tahadap orang-orang nang mangikutimu, yaitu orang-orang nang baiman.

فَاِنْ عَصَوْكَ فَقُلْ اِنِّيْ بَرِيْۤءٌ مِّمَّا تَعْمَلُوْنَ ۚ٢١٦

Fa in ‘aṣauka faqul innī barī'um mimmā ta‘malūn(a).

[216] Kalu orang-orang tu mandurhakoimu, mako katokanlah, “Sasungguhnyo aku idak batanggung jawab tahadap apo nang kamu kerjokan.”

وَتَوَكَّلْ عَلَى الْعَزِيْزِ الرَّحِيْمِ ۙ٢١٧

Wa tawakkal ‘alal-‘azīzir-raḥīm(i).

[217] Batawakkallah kapado (Allah) nang Mahaperkaso lagi Maha Panyayang.

الَّذِيْ يَرٰىكَ حِيْنَ تَقُوْمُ٢١٨

Allażī yarāka ḥīna taqūm(u).

[218] (Dio) nang mangimak kamu katiko kamu badiri (untuk sembahyang).

وَتَقَلُّبَكَ فِى السّٰجِدِيْنَ٢١٩

Wa taqallubaka fis-sājidīn(a).

[219] Dan (mangimak pulak) perobahan gerak badanmu di antaro orang-orang nang sujud.

اِنَّهٗ هُوَ السَّمِيْعُ الْعَلِيْمُ٢٢٠

Innahū huwas-samī‘ul-‘alīm(u).

[220] Sasungguhnyo Dio adolah nang Maha Manganing lagi Maha Mangetaui.

هَلْ اُنَبِّئُكُمْ عَلٰى مَنْ تَنَزَّلُ الشَّيٰطِيْنُ ۗ٢٢١

Hal unabbi'ukum ‘alā man tanazzalusy-syayāṭīn(u).

[221] Maukah Aku beritokan kapadomu, kapado siapo setan- setan tu turun?

تَنَزَّلُ عَلٰى كُلِّ اَفَّاكٍ اَثِيْمٍ ۙ٢٢٢

Tanazzalu ‘alā kulli affākin aṡīm(in).

[222] Mereko (setan) turun kapado tiap-tiap pandusto lagi nang banyak duso.

يُّلْقُوْنَ السَّمْعَ وَاَكْثَرُهُمْ كٰذِبُوْنَ ۗ٢٢٣

Yulqūnas-sam‘a wa akṡaruhum kāżibūn(a).

[223] Orang-orang tu manyampekan hasil pandengarannyo, sedangkan kabanyakan orang-orang tu adolah pandusto.

وَالشُّعَرَاۤءُ يَتَّبِعُهُمُ الْغَاوٗنَ ۗ٢٢٤

Wasy-syu‘arā'u yattabi‘uhumul-gāwūn(a).

[224] Para panyair-panyair tu diikuti oleh orang-orang nang sesat.

اَلَمْ تَرَ اَنَّهُمْ فِيْ كُلِّ وَادٍ يَّهِيْمُوْنَ ۙ٢٢٥

Alam tara annahum fī kulli wādiy yahīmūn(a).

[225] Idakkah kamu mangimak bahwasanyo orang-orang tu mangembaro di tiap- tiap lembah kapalsuan. ⁵⁴²

542) Maksud ayat ko adolah bahwa sabagian panyair tu suko bamain kato-kato, idak mampunyoi tujuan nang baik, dan idak mampunyo pandirian.

وَاَنَّهُمْ يَقُوْلُوْنَ مَا لَا يَفْعَلُوْنَ ۙ٢٢٦

Wa annahum yaqūlūna mā lā yaf‘alūn(a).

[226] Dan bahwasanyo orang-orang tu mangatokan apo nang orang-orang tu dewek idak mangerjokan(-nyo)?

اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَذَكَرُوا اللّٰهَ كَثِيْرًا وَّانْتَصَرُوْا مِنْۢ بَعْدِ مَا ظُلِمُوْا ۗوَسَيَعْلَمُ الَّذِيْنَ ظَلَمُوْٓا اَيَّ مُنْقَلَبٍ يَّنْقَلِبُوْنَ ࣖ٢٢٧

Illal-lażīna āmanū wa ‘amiluṣ-ṣāliḥāti wa żakarullāha kaṡīraw wantaṣarū mim ba‘di mā ẓulimū, wa saya‘lamul-lażīna ẓalamū ayya munqalabiy yanqalibūn(a).

[227] Kacuali (panyair-panyair) nang baiman, baamal saleh, banyak manyebut Allah dan bangkit mambela (kabenaran) sasudah taaniayo. Orang-orang nang aniayo tu kagi bakal mangetaui ke genah mano orang-orang tu bakal balik.

Islamika

Perpustakaan Islam di Jagat Maya