Surah At-Taubah
بَرَاۤءَةٌ مِّنَ اللّٰهِ وَرَسُوْلِهٖٓ اِلَى الَّذِيْنَ عَاهَدْتُّمْ مِّنَ الْمُشْرِكِيْنَۗ١
Barā'atum minallāhi wa rasūlihī ilal-lażīna ‘āhattum minal-musyrikīn(a).
[1]
(Iyamo di’e pappannassa) mapparambu’ assisambungan pole di Puang Allah Taala anna Suro-Na lao di to mappa’dua iya i’o (to Sallang) maalamo’o mie’ assitalliang (lao ise’iya).
فَسِيْحُوْا فِى الْاَرْضِ اَرْبَعَةَ اَشْهُرٍ وَّاعْلَمُوْٓا اَنَّكُمْ غَيْرُ مُعْجِزِى اللّٰهِ ۙوَاَنَّ اللّٰهَ مُخْزِى الْكٰفِرِيْنَ٢
Fasīḥū fil-arḍi arba‘ata asyhuriw wa‘lamū annakum gairu mu‘jizillāh(i), wa anallāha mukhzil-kāfirīn(a).
[2]
Jari pellambamo’o mie’ (to mappa’dua) di baona lino patambulan saena anna issangi mie’ mua’ sitongangna andiango’o na mala mappamalamma Puang Allah Taala, anna sitongangna Puang Allah Taala mappamatuna to kaper.
وَاَذَانٌ مِّنَ اللّٰهِ وَرَسُوْلِهٖٓ اِلَى النَّاسِ يَوْمَ الْحَجِّ الْاَكْبَرِ اَنَّ اللّٰهَ بَرِيْۤءٌ مِّنَ الْمُشْرِكِيْنَ ەۙ وَرَسُوْلُهٗ ۗفَاِنْ تُبْتُمْ فَهُوَ خَيْرٌ لَّكُمْۚ وَاِنْ تَوَلَّيْتُمْ فَاعْلَمُوْٓا اَنَّكُمْ غَيْرُ مُعْجِزِى اللّٰهِ ۗوَبَشِّرِ الَّذِيْنَ كَفَرُوْا بِعَذَابٍ اَلِيْمٍۙ٣
Wa ażānum minallāhi wa rasūlihī ilan-nāsi yaumal-ḥajjil akbari annallāha barī'um minal-musyrikīn(a), wa rasūluh(ū), fa in tubtum fa huwa khairul lakum, wa in tawallaitum fa‘lamū annakum gairu mu‘jizillāh(i), wa basysyiril-lażīna kafarū bi‘ażābin alīm(in).
[3]
Anna (iyamo di’e) pappepissangan pole di Puang Allah Taala anna Suro-Na lao di rupa tau di allo Hajji Kaiyang. Sitongangna Puang Allah Taala anna Suro-Na lappasi pole di to mappa’dua. Mane mua’ diango’o (to mappa’dua) towa’ (merau a’dappang), jari towa’ di’o la’bi macoai di sesemu mie’, anna mua’ meppondo’o, jari issangi mua’ sitongangna andiango’o mie’ mala mappamalamma Puang Allah Taala. Anna pakarewai to kaper (mua’ ise’iya na mallolongan) passessa iya pemonge’,
اِلَّا الَّذِيْنَ عَاهَدْتُّمْ مِّنَ الْمُشْرِكِيْنَ ثُمَّ لَمْ يَنْقُصُوْكُمْ شَيْـًٔا وَّلَمْ يُظَاهِرُوْا عَلَيْكُمْ اَحَدًا فَاَتِمُّوْٓا اِلَيْهِمْ عَهْدَهُمْ اِلٰى مُدَّتِهِمْۗ اِنَّ اللّٰهَ يُحِبُّ الْمُتَّقِيْنَ٤
Illal-lażīna ‘āhattum minal-musyrikīna ṡumma lam yanquṣūkum syai'aw wa lam yuẓāhirū ‘alaikum aḥadan fa atimmū ilaihim ‘ahdahum ilā muddatihim, innallāha yuḥibbul-muttaqīn(a).
[4]
selaengna to mappa’dua iya purao mie’ maala assitalliang anna andiang makkurangngi seu-seuwa di issi (talli’mu) anna andiang toi ise’iya makkalulu to mammusu’io, jari ise’iya di’o, pasukku’i talli’na lambi’ wattu iya dipato’. Sitongangna Puang Allah Taala ma’elo’i to me’atakwa.
فَاِذَا انْسَلَخَ الْاَشْهُرُ الْحُرُمُ فَاقْتُلُوا الْمُشْرِكِيْنَ حَيْثُ وَجَدْتُّمُوْهُمْ وَخُذُوْهُمْ وَاحْصُرُوْهُمْ وَاقْعُدُوْا لَهُمْ كُلَّ مَرْصَدٍۚ فَاِنْ تَابُوْا وَاَقَامُوا الصَّلٰوةَ وَاٰتَوُا الزَّكٰوةَ فَخَلُّوْا سَبِيْلَهُمْۗ اِنَّ اللّٰهَ غَفُوْرٌ رَّحِيْمٌ٥
Fa iżansalakhal-asyhurul-ḥurumu faqtulul-musyrikīna ḥaiṡu wajattumūhum wa khużūhum waḥṣurūhum waq‘udū lahum kulla marṣad(in), fa in tābū wa aqāmuṣ-ṣalāta wa ātawuz-zakāta fa khallū sabīlahum, innallāha gafūrur raḥīm(un).
[5]
Mua’ cappu’mi bulan Haram, jari pateimi to mappa’dua di’o inna-inna naengei mie’ muruppa’, anna sakai. Lewoi anna dandang matai di engeang iya mala mudandang mata. Mua’ ise’iya me’atowa’ anna makke’deang sambayang anna mappasilennarang (mappasung) sakka’, jari paloloangi (pamaradekai). Sitongangna Puang Allah Taala Masarro Pa’dappang na Makkesayang.
وَاِنْ اَحَدٌ مِّنَ الْمُشْرِكِيْنَ اسْتَجَارَكَ فَاَجِرْهُ حَتّٰى يَسْمَعَ كَلٰمَ اللّٰهِ ثُمَّ اَبْلِغْهُ مَأْمَنَهٗ ۗذٰلِكَ بِاَنَّهُمْ قَوْمٌ لَّا يَعْلَمُوْنَ ࣖ٦
Wa in aḥadum minal-musyrikīnastajāraka fa ajirhu ḥattā yasma‘a kalāmallāhi ṡumma ablighu ma'manah(ū), żālika bi'annahum qaumul lā ya‘lamūn(a).
[6]
Anna mua’ mesa tau di antarana to mappa’dua dio’ merau petturundungan di sesemu, jari rundungngi’i na maladi tia ma’irrangngi paunna Puang Allah Taala, mane bawai lao di engeang amang. Bassami di’o sawa’ sitongangna ise’iya kaum iya andiang ma’issang.
كَيْفَ يَكُوْنُ لِلْمُشْرِكِيْنَ عَهْدٌ عِنْدَ اللّٰهِ وَعِنْدَ رَسُوْلِهٖٓ اِلَّا الَّذِيْنَ عَاهَدْتُّمْ عِنْدَ الْمَسْجِدِ الْحَرَامِۚ فَمَا اسْتَقَامُوْا لَكُمْ فَاسْتَقِيْمُوْا لَهُمْ ۗاِنَّ اللّٰهَ يُحِبُّ الْمُتَّقِيْنَ٧
Kaifa yakūnu lil-musyrikīna ‘ahdun ‘indallāhi wa ‘inda rasūlihī illal-lażīna ‘āhattum ‘indal-masjidil-ḥarām(i), famastaqāmū lakum fastaqīmū lahum, innallāha yuḥibbul-muttaqīn(a).
[7]
Mangapa anna diang assitalliang (amang) pole di Puang Allah Taala anna Suro-Na sola to mappa’dua, selaengna to pura musitalliang dio di sikadeppe’ Masigi Haram, anna mua’ ise’iya me’aroro mating, sitinayanna to’o me’aroro lao ise’iya. Sitongangna Puang Allah Taala ma’elo’i to me’atakwa.
كَيْفَ وَاِنْ يَّظْهَرُوْا عَلَيْكُمْ لَا يَرْقُبُوْا فِيْكُمْ اِلًّا وَّلَا ذِمَّةً ۗيُرْضُوْنَكُمْ بِاَفْوَاهِهِمْ وَتَأْبٰى قُلُوْبُهُمْۚ وَاَكْثَرُهُمْ فٰسِقُوْنَۚ٨
Kaifa wa iy yaẓharū ‘alaikum lā yarqubū fīkum illaw wa lā żimmah(tan), yurḍūnakum bi'afwāhihim wa ta'bā qulūbuhum, wa akṡaruhum fāsiqūn(a).
[8]
Mangapa anna diang (assitalliang pole di Puang Allah Taala anna Suro-Na sola to mappa’dua), anna mua’ ise’iya mallolongan apakalang di sesemu, ise’iya andiang mappiara palluluareang di sesemu anna andiang toi mappendalingai (ma’ola) assitalliang. Mae’diangi ise’iya mappasannang atemu sawa’ nganganna, anna atena ise’iya andiang mattarima. Anna mae’diangi ise’iya pase’ (andiang ma’ola assitalliang).
اِشْتَرَوْا بِاٰيٰتِ اللّٰهِ ثَمَنًا قَلِيْلًا فَصَدُّوْا عَنْ سَبِيْلِهٖۗ اِنَّهُمْ سَاۤءَ مَاكَانُوْا يَعْمَلُوْنَ٩
Isytarau bi'āyātillāhi ṡaman qalīlan fa ṣaddū ‘an sabīlih(ī), innahum sā'a mā kānū ya‘malūn(a).
[9]
Ise’iya mambaluang aya’-aya’na Puang Allah Taala alli iya saicco’ (maseppo), anna ise’iya mappusara rupa tau pole di tangalalangna Puang Allah Taala. Sitongangna adae’ sannai anu napogau’ ise’iya di’o.
لَا يَرْقُبُوْنَ فِيْ مُؤْمِنٍ اِلًّا وَّلَا ذِمَّةً ۗوَاُولٰۤىِٕكَ هُمُ الْمُعْتَدُوْنَ١٠
Lā yarqubūna fī mu'minin illaw wa lā żimmah(tan),ulā'ika humul-mu‘tadūn(a)
[10]
Ise’iya andiang mappiara pallulluareang lao di to matappa’, anna andiang toi ma’ola assitalliang. Anna ise’iya mie’ di’o mambulallo atorang.
فَاِنْ تَابُوْا وَاَقَامُوا الصَّلٰوةَ وَاٰتَوُا الزَّكٰوةَ فَاِخْوَانُكُمْ فِى الدِّيْنِ ۗوَنُفَصِّلُ الْاٰيٰتِ لِقَوْمٍ يَّعْلَمُوْنَ١١
Fa in tābū wa aqāmuṣ-ṣalāta wa ātawuz-zakāta fa ikhwānukum fid-dīn(i), wa nufaṣṣīlul-āyāti liqaumiy ya‘lamūn(a).
[11]
Anna mua’ ise’iya towa’ (merau a’dappang), makke’deang sambayang anna mappasilennarang (mappasung) sakka’, (ise’iya di’o) lulluare’ si’agamamu. Anna Iyami’ mappannassa iya di’o aya’-aya’-o lao di kaum iya ma’issang.
وَاِنْ نَّكَثُوْٓا اَيْمَانَهُمْ مِّنْۢ بَعْدِ عَهْدِهِمْ وَطَعَنُوْا فِيْ دِيْنِكُمْ فَقَاتِلُوْٓا اَىِٕمَّةَ الْكُفْرِۙ اِنَّهُمْ لَآ اَيْمَانَ لَهُمْ لَعَلَّهُمْ يَنْتَهُوْنَ١٢
Wa in nakaṡū aimānahum mim ba‘di ‘ahdihim wa ṭa‘anū fī dīnikum fa qātilū a'immatal-kufr(i), innahum lā aimāna lahum la‘allahum yantahūn(a).
[12]
Anna mua’ ise’iya marrusa’ tunda (talli’na) dipurana mattalli’, anna ise’iya maelle-elle agamamu, jari baliangi pangulu-pangulu to kaper, sawa’ sitongangna ise’iya to (andiang mala di tu’galang talli’na) mamoare’i ise’iya me’osa.
اَلَا تُقَاتِلُوْنَ قَوْمًا نَّكَثُوْٓا اَيْمَانَهُمْ وَهَمُّوْا بِاِخْرَاجِ الرَّسُوْلِ وَهُمْ بَدَءُوْكُمْ اَوَّلَ مَرَّةٍۗ اَتَخْشَوْنَهُمْ ۚفَاللّٰهُ اَحَقُّ اَنْ تَخْشَوْهُ اِنْ كُنْتُمْ مُّؤْمِنِيْنَ١٣
Alā tuqātilūna qauman nakaṡū aimānahum wa hammū bi'ikhrājir-rasūli wa hum bada'ūkum awwala marrah(tin), atakhsyaunahum, fallāhu aḥaqqu an takhsyauhu in kuntum mu'minīn(a).
[13]
Mangapa anna andiango’o mie’ mammusu’i to marrusa’ tunda (assitalliang), anna ise’iya makarras ameloangna na marrimba Suro anna ise’iya mammula-mula mammusu’io? Apa’ marakke’do’o mie’ lao ise’iya anna Puang Allah Taala di tia sitinaya muarakke’, mua’ diango’o mie’ to matappa’.
قَاتِلُوْهُمْ يُعَذِّبْهُمُ اللّٰهُ بِاَيْدِيْكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُوْرَ قَوْمٍ مُّؤْمِنِيْنَۙ١٤
Qātilūhum yu‘ażżibhumullāhu bi'aidīkum wa yukhzihim wa yanṣurkum ‘alaihim wa yasyfi ṣudūra qaumim mu'minīn(a).
[14]
(Baliangi) musu’i mie’ ise’iya, sitinayai Puang Allah Taala na massessai ise’iya sawa’ lima (akkuasangmu) mie’ anna Puang Allah Taala na mappamatunai ise’iya anna matulungo’o mie’ pole ise’iya, anna mappasannang atena kaum iya matappa’,
وَيُذْهِبْ غَيْظَ قُلُوْبِهِمْۗ وَيَتُوْبُ اللّٰهُ عَلٰى مَنْ يَّشَاۤءُۗ وَاللّٰهُ عَلِيْمٌ حَكِيْمٌ١٥
Wa yużhib gaiẓa qulūbihim, wa yatūbullāhu ‘alā may yasyā'(u), wallāhu ‘alīmun ḥakīm(un).
[15]
anna mappapa’da loppa’ atena ise’iya (to matappa’). Anna Puang Allah Taala mattarima towa’na to napoelo’. Puang Allah Taala Masarro Paissang na Maroro (Adil).
اَمْ حَسِبْتُمْ اَنْ تُتْرَكُوْا وَلَمَّا يَعْلَمِ اللّٰهُ الَّذِيْنَ جَاهَدُوْا مِنْكُمْ وَلَمْ يَتَّخِذُوْا مِنْ دُوْنِ اللّٰهِ وَلَا رَسُوْلِهٖ وَلَا الْمُؤْمِنِيْنَ وَلِيْجَةً ۗوَاللّٰهُ خَبِيْرٌۢ بِمَا تَعْمَلُوْنَ ࣖ١٦
Am ḥasibtum an tutrakū wa lammā ya‘lamillāhul-lażīna jāhadū minkum wa lam yattakhiżū min dūnillāhi wa lā rasūlihī wa lal-mu'minīna walījah(tan), wallāhu khabīrum bimā ta‘malūn(a).
[16]
Apa musangadi mua’ na dipappaso’na-so’naio mie’. Anna Puang Allah Taala andiangpa ma’issang (mannassa) to manjiha’ di sesemu mie’ anna andiang maala sola saliwangna Puang Allah Taala, anna Suro-Na, anna to matappa’. Anna Puang Allah Taala Masarro Paissang di anu iya mupogau’.
مَا كَانَ لِلْمُشْرِكِيْنَ اَنْ يَّعْمُرُوْا مَسٰجِدَ اللّٰهِ شٰهِدِيْنَ عَلٰٓى اَنْفُسِهِمْ بِالْكُفْرِۗ اُولٰۤىِٕكَ حَبِطَتْ اَعْمَالُهُمْۚ وَ فِى النَّارِ هُمْ خٰلِدُوْنَ١٧
Mā kāna lil-musyrikīna ay ya‘murū masājidallāhi syāhidīna ‘alā anfusihim bil-kufr(i), ulā'ika ḥabiṭat a‘māluhum, wa fin-nāri hum khālidūn(a).
[17]
Andiangi sitinaya to mappa’dua di’o ma’engei (mappama’mur) masiginna Puang Allah Taala, anna ise’iya maakui mua’ kaperi alawena. Iyamo di’o to laosala akkaresoangna, anna ise’iya mannannungan lalang di naraka.
اِنَّمَا يَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَالْيَوْمِ الْاٰخِرِ وَاَقَامَ الصَّلٰوةَ وَاٰتَى الزَّكٰوةَ وَلَمْ يَخْشَ اِلَّا اللّٰهَ ۗفَعَسٰٓى اُولٰۤىِٕكَ اَنْ يَّكُوْنُوْا مِنَ الْمُهْتَدِيْنَ١٨
Innamā ya‘muru masājidallāhi man āmana billāhi wal-yaumil-ākhiri wa aqāmaṣ-ṣalāta wa ātaz-zakāta wa lam yakhsya illallāh(a), fa ‘asā ulā'ika ay yakūnū minal-muhtadīn(a).
[18]
Sitongangna iya (sitinaya) ma’engei (mappama’mur) masiginna Puang Allah Taala iyamo to matappa’ lao di Puang Allah Taala anna allo di bo’e, anna tatta’ makke’deang sambayang, mappasilennarang (mappasung) sakka’ anna andiang marakke’ selaengna lao di Puang Allah Taala, jari mamoare’i ise’iya diangi mettama di to mallolongan patiroang.
۞ اَجَعَلْتُمْ سِقَايَةَ الْحَاۤجِّ وَعِمَارَةَ الْمَسْجِدِ الْحَرَامِ كَمَنْ اٰمَنَ بِاللّٰهِ وَالْيَوْمِ الْاٰخِرِ وَجَاهَدَ فِيْ سَبِيْلِ اللّٰهِ ۗ لَا يَسْتَوٗنَ عِنْدَ اللّٰهِ ۗوَاللّٰهُ لَا يَهْدِى الْقَوْمَ الظّٰلِمِيْنَۘ١٩
Aja‘altum siqāyatal-ḥājji wa ‘imāratal-masjidil-ḥarāmi kaman āmana billāhi wal-yaumil-ākhiri wa jāhada fī sabīlillāh(i), lā yastawūna ‘indallāh(i), wallāhu lā yahdil-qaumaẓ-ẓālimīn(a).
[19]
Apa di to mappadundu to mahhajji anna ma’urus Masigi Haram, mupasittengi to matappa’ lao di Puang Allah Taala anna allo diboe’ siola manjiha’ di tangalalangna Puang Allah Taala? Andiangi ise’iya sitteng di sesena Puang Allah Taala, anna Puang Allah Taala andiangi mambei patiroang lao di kaum iya ta’lalo pagau’ bawang.
اَلَّذِيْنَ اٰمَنُوْا وَهَاجَرُوْا وَجَاهَدُوْا فِيْ سَبِيْلِ اللّٰهِ بِاَمْوَالِهِمْ وَاَنْفُسِهِمْۙ اَعْظَمُ دَرَجَةً عِنْدَ اللّٰهِ ۗوَاُولٰۤىِٕكَ هُمُ الْفَاۤىِٕزُوْنَ٢٠
Allażīna āmanū wa hājarū wa jāhadū fī sabīlillāhi bi'amwālihim wa anfusihim, a‘ẓamu darajatan ‘indallāh(i), wa ulā'ika humul-fā'izūn(a).
[20]
To matappa’ anna mellele (hijrah) anna manjiha’ di tangalalangna Puang Allah Taala sawa’ barang anna alawena, tongang la’bi matinggi onrona di sesena Puang Allah Taala, anna ise’iyamo di’o to mallolongan apakalang.
يُبَشِّرُهُمْ رَبُّهُمْ بِرَحْمَةٍ مِّنْهُ وَرِضْوَانٍ وَّجَنّٰتٍ لَّهُمْ فِيْهَا نَعِيْمٌ مُّقِيْمٌۙ٢١
Yubasysyiruhum rabbuhum biraḥmatim minhu wa riḍwāniw wa jannātil lahum fīhā na‘īmum muqīm(un).
[21]
Puangna ise’iya mappakarioi na mambei’i pammase-Na, anna rio, anna suruga, ise’iya mallolongan asannangan iya mannannungan di lalangna,
خٰلِدِيْنَ فِيْهَآ اَبَدًا ۗاِنَّ اللّٰهَ عِنْدَهٗٓ اَجْرٌ عَظِيْمٌ٢٢
Khālidīna fīhā abadā(n), innallāha ‘indahū ajrun ‘aẓīm(un).
[22]
ise’iya ka’deng mannannungan di lalangna. Sitongangna Puang Allah Taala di sesenai appalang iya maraya.
يٰٓاَيُّهَا الَّذِيْنَ اٰمَنُوْا لَا تَتَّخِذُوْٓا اٰبَاۤءَكُمْ وَاِخْوَانَكُمْ اَوْلِيَاۤءَ اِنِ اسْتَحَبُّوا الْكُفْرَ عَلَى الْاِيْمَانِۗ وَمَنْ يَّتَوَلَّهُمْ مِّنْكُمْ فَاُولٰۤىِٕكَ هُمُ الظّٰلِمُوْنَ٢٣
Yā ayyuhal-lażīna āmanū lā tattakhiżū ābā'akum wa ikhwānakum auliyā'a inistaḥabbul-kufra ‘alal-īmān(i), wa may yatawallahum minkum fa ulā'ika humuẓ-ẓālimūn(a).
[23]
E inggannana to matappa’, da mie’ mupajari amammu anna lulluare’mu menjari parrundungmu, mua’ ise’iya mappaditondolao akaperang pole di tappa’ anna inai-inai di sesemu mie’ mappajari’i ise’iya parrudungmu, jari ise’iyamo di’o to ta’lalo pagau’ bawang.
قُلْ اِنْ كَانَ اٰبَاۤؤُكُمْ وَاَبْنَاۤؤُكُمْ وَاِخْوَانُكُمْ وَاَزْوَاجُكُمْ وَعَشِيْرَتُكُمْ وَاَمْوَالُ ِۨاقْتَرَفْتُمُوْهَا وَتِجَارَةٌ تَخْشَوْنَ كَسَادَهَا وَمَسٰكِنُ تَرْضَوْنَهَآ اَحَبَّ اِلَيْكُمْ مِّنَ اللّٰهِ وَرَسُوْلِهٖ وَجِهَادٍ فِيْ سَبِيْلِهٖ فَتَرَبَّصُوْا حَتّٰى يَأْتِيَ اللّٰهُ بِاَمْرِهٖۗ وَاللّٰهُ لَا يَهْدِى الْقَوْمَ الْفٰسِقِيْنَ ࣖ٢٤
Qul in kāna ābā'ukum wa abnā'ukum wa ikhwānukum wa azwājukum wa ‘asyīratukum wa amwāluniqtaraftumūhā wa tijāratun takhsyauna kasādahā wa masākinu tarḍaunahā aḥabba ilaikum minallāhi wa rasūlihī wa jihādin fī sabīlihī fa tarabbaṣū ḥattā ya'tiyallāhu bi'amrih(ī), wallāhu lā yahdil-qaumal-fāsiqīn(a).
[24]
Pa’uango’o: “Mua’ para amammu mie’, anna ana’-ana’mu mie’, anna para lulluare’mu mie’, anna para bainemu mie’, anna pallulluareangmu mie’, anna asugiang iya muusahai, anna pa’danggangan iya mupaarakkeang narugi, anna boyang muengei mottong iya muelo’i, diangi la’bi muelo’i dadi Puang Allah Taala anna Suro-Na anna pole di na manjiha’ lao di tangalalangna Puang Allah Taala, jari eppeimi mie’ lambi’i Puang Allah Taala mappapole putusan-Na. Anna Puang Allah Taala andiang mambei patiroang lao di kaum iya pase’.
لَقَدْ نَصَرَكُمُ اللّٰهُ فِيْ مَوَاطِنَ كَثِيْرَةٍۙ وَّيَوْمَ حُنَيْنٍۙ اِذْ اَعْجَبَتْكُمْ كَثْرَتُكُمْ فَلَمْ تُغْنِ عَنْكُمْ شَيْـًٔا وَّضَاقَتْ عَلَيْكُمُ الْاَرْضُ بِمَا رَحُبَتْ ثُمَّ وَلَّيْتُمْ مُّدْبِرِيْنَۚ٢٥
Laqad naṣarakumullāhu fī mawāṭina kaṡīrah(tin), wa yauma ḥunain(in), iż a‘jabatkum kaṡratukum falam tugni ‘ankum syai'aw wa ḍāqat ‘alaikumul-arḍu bimā raḥubat ṡumma wallaitum mudbirīn(a).
[25]
Sitongangna Puang Allah Taala pura mattulungo’o mie’ (to Sallang) di mae’di engeang pammusuang, anna (ingarangi) pammusuang Hunain, iyamo di wattummu taka’bor sawa’ mae’dio siola, jari amae’diang di’o andiangi makkeguna di sesemu mie’ mau na saicco’na, anna lino maloang di’e menjari sippi’ di sesemu mie’, mane maindongo’o mie’ lao di (pondo’) sisara-sara’.
ثُمَّ اَنْزَلَ اللّٰهُ سَكِيْنَتَهٗ عَلٰى رَسُوْلِهٖ وَعَلَى الْمُؤْمِنِيْنَ وَاَنْزَلَ جُنُوْدًا لَّمْ تَرَوْهَا وَعَذَّبَ الَّذِيْنَ كَفَرُوْاۗ وَذٰلِكَ جَزَاۤءُ الْكٰفِرِيْنَ٢٦
Ṡumma anzalallāhu sakīnatahū ‘alā rasūlihī wa ‘alal-mu'minīna wa anzala junūdal lam tarauhā wa ‘ażżabal-lażīna kafarū, wa żālika jazā'ul-kāfirīn(a).
[26]
Mane Puang Allah Taala mappaturung asannangan lao di Suro-Na anna lao di to matappa’, anna Puang Allah Taala mappaturung jannangan iya andiango’o ma’itai, anna Puang Allah Taala mapparuai awala’ lao di to kaper, anna bassami di’o pambalasang lao di to kaper.
ثُمَّ يَتُوْبُ اللّٰهُ مِنْۢ بَعْدِ ذٰلِكَ عَلٰى مَنْ يَّشَاۤءُۗ وَاللّٰهُ غَفُوْرٌ رَّحِيْمٌ٢٧
Ṡumma yatūbullāhu mim ba‘di żālika ‘alā may yasyā'(u), wallāhu gafūrur raḥīm(un).
[27]
Mane Puang Allah Taala mattarima towa’na to napoelo’. Puang Allah Taala Masarro Pa’dappang na Makkesayang.
يٰٓاَيُّهَا الَّذِيْنَ اٰمَنُوْٓا اِنَّمَا الْمُشْرِكُوْنَ نَجَسٌ فَلَا يَقْرَبُوا الْمَسْجِدَ الْحَرَامَ بَعْدَ عَامِهِمْ هٰذَا ۚوَاِنْ خِفْتُمْ عَيْلَةً فَسَوْفَ يُغْنِيْكُمُ اللّٰهُ مِنْ فَضْلِهٖٓ اِنْ شَاۤءَۗ اِنَّ اللّٰهَ عَلِيْمٌ حَكِيْمٌ٢٨
Yā ayyuhal-lażīna āmanū innamal-musyrikūna najasun falā yaqrabul-masjidal-ḥarāma ba‘da ‘āmihim hāżā, wa in khiftum ‘ailatan fa saufa yugnīkumullāhu min faḍlihī in syā'(a), innallāha ‘alīmun ḥakīm(un).
[28]
E inggannana to matappa’, sitongangna to mappa’dua di’o najis (carupu’i), jari dai ise’iya maakadeppu’i Masigi Haram diboe’na taung di’e. Anna mua’ diango’o mie’ marakke’ na menjari kasi-asi, jari Puang Allah Taala na membeio asugiang pole di palla’birang-Na, mua’ Iya mappoelo’. Sitongangna Puang Allah Taala Masarro Paissang na Maroro (Adil).
قَاتِلُوا الَّذِيْنَ لَا يُؤْمِنُوْنَ بِاللّٰهِ وَلَا بِالْيَوْمِ الْاٰخِرِ وَلَا يُحَرِّمُوْنَ مَا حَرَّمَ اللّٰهُ وَرَسُوْلُهٗ وَلَا يَدِيْنُوْنَ دِيْنَ الْحَقِّ مِنَ الَّذِيْنَ اُوْتُوا الْكِتٰبَ حَتّٰى يُعْطُوا الْجِزْيَةَ عَنْ يَّدٍ وَّهُمْ صٰغِرُوْنَ ࣖ٢٩
Qātilul-lażīna lā yu'minūna billāhi wa lā bil-yaumil-ākhiri wa lā yuḥarrimūna mā ḥarramallāhu wa rasūluhū wa lā yadīnūna dīnal-ḥaqqi minal-lażīna ūtul-kitāba ḥattā yu‘ṭul-jizyata ‘ay yadiw wa hum ṣāgirūn(a).
[29]
Musu’i mie’ to andiang matappa’ lao di Puang Allah Taala anna andiang toi (matappa’) lao di allo diboe’ anna andiang toi mahharangan anu pura naharangan Puang Allah Taala anna Suro-Na anna andiang toi maagama iya parua (agamana Puang Allah Taala), iyamo to di bei Kitta’, lambi’i mambayar jizyah siola tunru’na anna ise’iya menduku (tanda tunru’na) .
وَقَالَتِ الْيَهُوْدُ عُزَيْرُ ِۨابْنُ اللّٰهِ وَقَالَتِ النَّصٰرَى الْمَسِيْحُ ابْنُ اللّٰهِ ۗذٰلِكَ قَوْلُهُمْ بِاَفْوَاهِهِمْۚ يُضَاهِـُٔوْنَ قَوْلَ الَّذِيْنَ كَفَرُوْا مِنْ قَبْلُ ۗقَاتَلَهُمُ اللّٰهُ ۚ اَنّٰى يُؤْفَكُوْنَ٣٠
Wa qālatil-yahūdu ‘uzairunibnullāhi wa qālatin-naṣāral-masīḥubnullāh(i), żālika qauluhum bi'afwāhihim, yuḍāhi'ūna qaulal-lażīna kafarū min qabl(u), qātalahumullāh(u), annā yu'fakūn(a).
[30]
Anna to Yahudi ma’uang: “Uzair di’o ana’na Puang Allah Taala,” anna to Nasrani ma’uang: “Al Masih di’o ana’na Puang Allah Taala.” Bassami di’o paunna ise’iya sawa’ lawena, ise’iya mappeturu’i paunna to kaper diolo’ mai. Natunda-tundai ise’iya Puang Allah Taala, me’apai ise’iya na meppondo’?
اِتَّخَذُوْٓا اَحْبَارَهُمْ وَرُهْبَانَهُمْ اَرْبَابًا مِّنْ دُوْنِ اللّٰهِ وَالْمَسِيْحَ ابْنَ مَرْيَمَۚ وَمَآ اُمِرُوْٓا اِلَّا لِيَعْبُدُوْٓا اِلٰهًا وَّاحِدًاۚ لَآ اِلٰهَ اِلَّا هُوَۗ سُبْحٰنَهٗ عَمَّا يُشْرِكُوْنَ٣١
Ittakhażū aḥbārahum wa ruhbānahum arbābam min dūnillāhi wal-masīḥabna maryam(a), wa mā umirū illā liya‘budū ilāhaw wāḥidā(n), lā ilāha illā huw(a), subḥānahū ‘ammā yusyrikūn(a).
[31]
Ise’iya mappajari to iya diang pa’issanganna (Yahudi) anna rahib-rahibna (Nasrani) rapang Puang saliwangna Puang Allah Taala, anna (diang toi maala Puang) Al Masih ana’na Maryam, anna ise’iya disio tappa’ massomba Puang iya Mesa, andiang diang Puang (iya maka disomba) saliwangna (Iya). Tongang mapaccingi Puang Allah Taala pole di anu na pappa’duang ise’iya.
يُرِيْدُوْنَ اَنْ يُّطْفِـُٔوْا نُوْرَ اللّٰهِ بِاَفْوَاهِهِمْ وَيَأْبَى اللّٰهُ اِلَّآ اَنْ يُّتِمَّ نُوْرَهٗ وَلَوْ كَرِهَ الْكٰفِرُوْنَ٣٢
Yurīdūna ay yuṭfi'ū nūrallāhi bi'afwāhihim wa ya'ballāhu illā ay yutimma nūrahū wa lau karihal-kāfirūn(a).
[32]
Ise’iya melo’ mappi’dei tayangna (agamana) Puang Allah Taala sawa’ lawe (pau-paunna) ise’iya, anna Puang Allah Taala andiang ma’elorang selaengna mappasukku’i tayangna, maui to kaper andiang ma’elo’i.
هُوَ الَّذِيْٓ اَرْسَلَ رَسُوْلَهٗ بِالْهُدٰى وَدِيْنِ الْحَقِّ لِيُظْهِرَهٗ عَلَى الدِّيْنِ كُلِّهٖۙ وَلَوْ كَرِهَ الْمُشْرِكُوْنَ٣٣
Huwal-lażī arsala rasūlahū bil-hudā wa dīnil-ḥaqqi liyuẓhirahū ‘alad-dīni kullih(ī), wa lau karihal-musyrikūn(a).
[33]
Iya (Puang Allah Taala) pura massio suro-Na, (mambawa) patiroang (Koroang) anna agama iya tongang anna na mappekalai di inggannana agama, maui to mappa’dua andiang ma’elo’i.
۞ يٰٓاَيُّهَا الَّذِيْنَ اٰمَنُوْٓا اِنَّ كَثِيْرًا مِّنَ الْاَحْبَارِ وَالرُّهْبَانِ لَيَأْكُلُوْنَ اَمْوَالَ النَّاسِ بِالْبَاطِلِ وَيَصُدُّوْنَ عَنْ سَبِيْلِ اللّٰهِ ۗوَالَّذِيْنَ يَكْنِزُوْنَ الذَّهَبَ وَالْفِضَّةَ وَلَا يُنْفِقُوْنَهَا فِيْ سَبِيْلِ اللّٰهِ ۙفَبَشِّرْهُمْ بِعَذَابٍ اَلِيْمٍۙ٣٤
Yā ayyuhal-lażīna āmanū inna kaṡīram minal-aḥbāri war-ruhbāni laya'kulūna amwālan-nāsi bil-bāṭili wa yaṣuddūna ‘an sabīlillāh(i), wal-lażīna yaknizūnaż-żahaba wal-fiḍḍata wa lā yunfiqūnahā fī sabīlillāh(i), fa basysyirhum bi‘ażābin alīm(in).
[34]
E inggannana to matappa’, sitongangna di sambareang mae’di pole di to diang pa’issanganna (Yahudi) anna rahib-rahibna (Nasrani) tongang maandei barangna tau di lalangna tangalalang andiang assa (batil) anna ise’iya mappusara (rupa tau) pole di tangalalangna Puang Allah Taala. Anna to maalai bulawang anna salaka anna andiangi mappibengan lao di tangalalangna Puang Allah Taala, jari pakarewai ise’iya mua’ na mallolongani passessa iya pemonge’.
يَّوْمَ يُحْمٰى عَلَيْهَا فِيْ نَارِ جَهَنَّمَ فَتُكْوٰى بِهَا جِبَاهُهُمْ وَجُنُوْبُهُمْ وَظُهُوْرُهُمْۗ هٰذَا مَا كَنَزْتُمْ لِاَنْفُسِكُمْ فَذُوْقُوْا مَا كُنْتُمْ تَكْنِزُوْنَ٣٥
Yauma yuḥmā ‘alaihā fī nāri jahannama fa tukwā bihā jibāhuhum wa junūbuhum wa ẓuhūruhum, hāżā mā kanaztum li'anfusikum fa żūqū mā kuntum taknizūn(a).
[35]
(ingarangi) di allo (wattu) bulawang anna salaka dipaloppa’ lalang di naraka Jahannam, mane diangi digarrus lindo, ba’bawua anna pali-palinna ise’iya (mane dipa’uangngi) ise’iya: “Iyamo di’e barang-barangmu iya mualai di alawe sisa-sisammu mie’, jari perasaimi mie’ iya diangi mie’ mualai.”
اِنَّ عِدَّةَ الشُّهُوْرِ عِنْدَ اللّٰهِ اثْنَا عَشَرَ شَهْرًا فِيْ كِتٰبِ اللّٰهِ يَوْمَ خَلَقَ السَّمٰوٰتِ وَالْاَرْضَ مِنْهَآ اَرْبَعَةٌ حُرُمٌ ۗذٰلِكَ الدِّيْنُ الْقَيِّمُ ەۙ فَلَا تَظْلِمُوْا فِيْهِنَّ اَنْفُسَكُمْ وَقَاتِلُوا الْمُشْرِكِيْنَ كَاۤفَّةً كَمَا يُقَاتِلُوْنَكُمْ كَاۤفَّةً ۗوَاعْلَمُوْٓا اَنَّ اللّٰهَ مَعَ الْمُتَّقِيْنَ٣٦
Inna ‘iddatasy-syuhūri ‘indallāhiṡnā ‘asyara syahran fī kitābillāhi yauma khalaqas-samāwāti wal-arḍa minhā arba‘atun ḥurum(un), żālikad-dīnul-qayyim(u), falā taẓlimū fīhinna anfusakum wa qātilul-musyrikīna kāffatan kamā yuqātilūnakum kāffah(tan), wa‘lamū annallāha ma‘al-muttaqīn(a).
[36]
Sitongangna bilanganna bulan di Puang Allah Taala iyamo sappulo da’dua bulan, (me’apai) pato’na Puang di wattu mappadiangi langi’ anna lino, di lalangna diang appe’ bulan haram. Iyamo di’o anu (napato’) agama iya maroro, jari da mie’ panggau’ bawang alawemu di lalangna (bulan appe’) di’o. Anna musu’i mie’ to mappa’dua di’o iyanasangna me’apai ise’iya mammusu’io mie’ iyanasangna. Anna issangi mie’ mua’ Puang Allah Taala massolangi to me’atakwa.
اِنَّمَا النَّسِيْۤءُ زِيَادَةٌ فِى الْكُفْرِ يُضَلُّ بِهِ الَّذِيْنَ كَفَرُوْا يُحِلُّوْنَهٗ عَامًا وَّيُحَرِّمُوْنَهٗ عَامًا لِّيُوَاطِـُٔوْا عِدَّةَ مَا حَرَّمَ اللّٰهُ فَيُحِلُّوْا مَا حَرَّمَ اللّٰهُ ۗزُيِّنَ لَهُمْ سُوْۤءُ اَعْمَالِهِمْۗ وَاللّٰهُ لَا يَهْدِى الْقَوْمَ الْكٰفِرِيْنَ ࣖ٣٧
Innaman-nasī'u ziyādatun fil-kufri yuḍallu bihil-lażīna kafarū yuḥillūnahū ‘āmaw wa yuḥarrimūnahū ‘āmal liyuwāṭi'ū ‘iddata mā ḥarramallāhu fa yuḥillū mā ḥarramallāh(u), zuyyina lahum sū'u a‘mālihim, wallāhu lā yahdil-qaumal-kāfirīn(a).
[37]
Sitongangna mappamundur bulan haram sangga’ mattambai akaperang, dipapusai to kaper sawa’ mappamunduri, ise’iya mahhallallakang mesa taung anna mahharangan di taung laeng, anna malaai mappasitteng bilangan iya naharangan Puang, jari ise’iya mahhallallakang anu iya naharangan Puang Allah Taala. (Setang) mappajari pe’itanna ise’iya ma’ita macoa lao di panggauang adae’na ise’iya di’o. Anna Puang Allah Taala andiangi mambei patiroang lao di kaum iya kaper.
يٰٓاَيُّهَا الَّذِيْنَ اٰمَنُوْا مَا لَكُمْ اِذَا قِيْلَ لَكُمُ انْفِرُوْا فِيْ سَبِيْلِ اللّٰهِ اثَّاقَلْتُمْ اِلَى الْاَرْضِۗ اَرَضِيْتُمْ بِالْحَيٰوةِ الدُّنْيَا مِنَ الْاٰخِرَةِۚ فَمَا مَتَاعُ الْحَيٰوةِ الدُّنْيَا فِى الْاٰخِرَةِ اِلَّا قَلِيْلٌ٣٨
Yā ayyuhal-lażīna āmanū mā lakum iżā qīla lakumunfirū fī sabīlillāhiṡ-ṡāqaltum ilal-arḍ(i), araḍītum bil-ḥayātid-dun-yā minal-ākhirah(ti), famā matā‘ul-ḥayātid-dun-yā fil-ākhirati illā qalīl(un).
[38]
E inggannana to matappa’, apa sawa’na anna mua’ di pa’uangngio mie’: “Pe'akke’mo’o mie’ lao (na mammusu’) di tangalalangna Puang Allah Taala, diango’o mie’ mupamabe’iang anna melo’o mottong di engeangmu? Apa’ la’bi muelo’idi atuoang lino dadi atuoang di ahera’? jari anyamangan atuoang lino di’e saicco’ sanna’i (mua’ na dipasibandingi) atuoang di ahera’.
اِلَّا تَنْفِرُوْا يُعَذِّبْكُمْ عَذَابًا اَلِيْمًاۙ وَّيَسْتَبْدِلْ قَوْمًا غَيْرَكُمْ وَلَا تَضُرُّوْهُ شَيْـًٔاۗ وَاللّٰهُ عَلٰى كُلِّ شَيْءٍ قَدِيْرٌ٣٩
Illā tanfirū yu‘ażżibkum ‘ażāban alīmā(n), wa yastabdil qauman gairakum wa lā taḍurrūhu syai'ā(n), wallāhu ‘alā kulli syai'in qadīr(un).
[39]
Mua’ andiango’o mie’ me'akke’ lamba mammusu’, napominasai Puang Allah Taala na massessao mie’, passessa iya pemonge’ anna disalleio umma’ laeng, anna andiango’o mala mambei acialakang di sese-Na mau na saicco’na. Anna Puang Allah Taala Kuasa di inggannana seu-seuwa.
اِلَّا تَنْصُرُوْهُ فَقَدْ نَصَرَهُ اللّٰهُ اِذْ اَخْرَجَهُ الَّذِيْنَ كَفَرُوْا ثَانِيَ اثْنَيْنِ اِذْ هُمَا فِى الْغَارِ اِذْ يَقُوْلُ لِصَاحِبِهٖ لَا تَحْزَنْ اِنَّ اللّٰهَ مَعَنَاۚ فَاَنْزَلَ اللّٰهُ سَكِيْنَتَهٗ عَلَيْهِ وَاَيَّدَهٗ بِجُنُوْدٍ لَّمْ تَرَوْهَا وَجَعَلَ كَلِمَةَ الَّذِيْنَ كَفَرُوا السُّفْلٰىۗ وَكَلِمَةُ اللّٰهِ هِيَ الْعُلْيَاۗ وَاللّٰهُ عَزِيْزٌ حَكِيْمٌ٤٠
Illā tanṣurūhu faqad naṣarahullāhu iż akhrajahul-lażīna kafarū ṡāniyaṡnaini iż humā fil-gāri iż yaqūlu liṣāḥibihī lā taḥzan innallāha ma‘anā, fa anzalallāhu sakīnatahū ‘alaihi wa ayyadahū bijunūdil lam tarauhā wa ja‘ala kalimatal-lażīna kafarus-suflā, wa kalimatullāhi hiyal-‘ulyā, wallāhu ‘azīzun ḥakīm(un).
[40]
Mua’ andiango’o mattulungi (Muhammad), jari sitongangna Puang Allah Taala mattulungi (iyamo) di wattu to kaper (to mappa’dua dio di Makkah) mappepessungi (pole di Makkah) sala mesanna pole dadua siola di garoang, di wattunna ma’uang lao di solana: “Da pasara nyawa, sitongangna Puang Allah Taala mesolangi.” Jari Puang Allah Taala mappaturung asannangan-Na lao di (Muhammad) anna na kalului sawa’ jannangan iya andiango’o mie’ mala ma’itai. Anna Puang Allah Taala mappajari pe’illongna (pepiroana) to kaper di’o matuna. Anna Paunna Puang Allah Taala iyamo maraya. Puang Allah Taala Masarro Maraya Pa’ulleang na Maroro (Adil)
اِنْفِرُوْا خِفَافًا وَّثِقَالًا وَّجَاهِدُوْا بِاَمْوَالِكُمْ وَاَنْفُسِكُمْ فِيْ سَبِيْلِ اللّٰهِ ۗذٰلِكُمْ خَيْرٌ لَّكُمْ اِنْ كُنْتُمْ تَعْلَمُوْنَ٤١
Infirū khifāfaw wa ṡiqālaw wa jāhidū bi'amwālikum wa anfusikum fī sabīlillāh(i), żālikum khairul lakum in kuntum ta‘lamūn(a).
[41]
Pe’akke’mo’o mie’ mauo di (wattu) maringngangmu iyade’ mabe’i mappena’dingmu, anna panjiha’o mie’ siola barang anna alawemu lao di tangalalangna Puang Allah Taala. Iya bassa di’o la’bi macoai di sesemu mua’ diango’o mie’ ma’issangi.
لَوْ كَانَ عَرَضًا قَرِيْبًا وَّسَفَرًا قَاصِدًا لَّاتَّبَعُوْكَ وَلٰكِنْۢ بَعُدَتْ عَلَيْهِمُ الشُّقَّةُۗ وَسَيَحْلِفُوْنَ بِاللّٰهِ لَوِ اسْتَطَعْنَا لَخَرَجْنَا مَعَكُمْۚ يُهْلِكُوْنَ اَنْفُسَهُمْۚ وَاللّٰهُ يَعْلَمُ اِنَّهُمْ لَكٰذِبُوْنَ ࣖ٤٢
Lau kāna ‘araḍan qarībaw wa safaran qāṣidal lattaba‘ūka wa lākim ba‘udat ‘alaihimusy-syuqqah(tu), wa sayaḥlifūna billāhi lawistaṭa‘nā lakharajnā ma‘akum, yuhlikūna anfusahum, wallāhu ya‘lamu innahum lakāżibūn(a).
[42]
tenna (iya mupeillongan lao ise’iya) diang passaroang iya malammor dilolongan anna pellambang andiang karao le’ba’, mannassai ise’iya na mappeccoe’io, anna iya tia engeang na diakkattai (na diengei) di’o ta’lalo karaoi di sesena. Ise’iya na mattunda (sawa’ sangana) Puang Allah Taala: “Mua’ iyami’ paulle tantu (iyami’) na me'akke’ siola-ola tau.” Ise’iya mappacilaka alawena anna Puang Allah Taala ma’issang mua’ sitongangna ise’iya tongang pallosong.
عَفَا اللّٰهُ عَنْكَۚ لِمَ اَذِنْتَ لَهُمْ حَتّٰى يَتَبَيَّنَ لَكَ الَّذِيْنَ صَدَقُوْا وَتَعْلَمَ الْكٰذِبِيْنَ٤٣
‘Afallāhu ‘ank(a), lima ażinta lahum ḥattā yatabayyana lakal-lażīna ṣadaqū wa ta‘lamal-kāżibīn(a).
[43]
Puang Allah Taala maa’dappangano’o (Muhammad). Mangapa na mupaloloangi ise’iya (andiang lamba mammusu’) di andiangnapa mannassa di sesemu to tongang (parua) anna di andiangnapao ma’issang to malloso-losongan?
لَا يَسْتَأْذِنُكَ الَّذِيْنَ يُؤْمِنُوْنَ بِاللّٰهِ وَالْيَوْمِ الْاٰخِرِ اَنْ يُّجَاهِدُوْا بِاَمْوَالِهِمْ وَاَنْفُسِهِمْۗ وَاللّٰهُ عَلِيْمٌۢ بِالْمُتَّقِيْنَ٤٤
Lā yasta'żinukal-lażīna yu'minūna billāhi wal-yaumil-ākhiri ay yujāhidū bi'amwālihim wa anfusihim, wallāhu ‘alīmum bil-muttaqīn(a).
[44]
To matappa’ lao di Puang Allah Taala anna allo diboe’, andiangi na merau paramisi mating na (andiang) lamba meccoe’ jiha’ siola barang anna alawena ise’iya. Anna Puang Allah Taala Ma’issang to me’atakwa.
اِنَّمَا يَسْتَأْذِنُكَ الَّذِيْنَ لَا يُؤْمِنُوْنَ بِاللّٰهِ وَالْيَوْمِ الْاٰخِرِ وَارْتَابَتْ قُلُوْبُهُمْ فَهُمْ فِيْ رَيْبِهِمْ يَتَرَدَّدُوْنَ٤٥
Innamā yasta'żinukal-lażīna lā yu'minūna billāhi wal-yaumil-ākhiri wartābat qulūbuhum fahum fī raibihim yataraddadūn(a).
[45]
Sitongangna iya to na merau paramisi mating (Muhammad), sangga’ to andiangdi tu’u matappa’ lao di Puang Allah Taala anna allo diboe’, anna atena ise’iya bata-batai, sawa’ iyamo tu’u anna simata bingungi lalang di abata-batangna.
۞ وَلَوْ اَرَادُوا الْخُرُوْجَ لَاَعَدُّوْا لَهٗ عُدَّةً وَّلٰكِنْ كَرِهَ اللّٰهُ انْۢبِعَاثَهُمْ فَثَبَّطَهُمْ وَقِيْلَ اقْعُدُوْا مَعَ الْقٰعِدِيْنَ٤٦
Wa lau arādul-khurūja la'a‘addū lahū ‘uddataw wa lākin karihallāhumbi‘āṡahum fa ṡabbaṭahum wa qīlaq‘udū ma‘al-qā‘idīn(a).
[46]
Anna mua’ ise’iya melo’ na me’akke’, tantu ise’iya mappataya (pewongan) di pe'akkeangna di’o. Anna iya tia Puang Allah Taala andiangi ma’elo’i pe'akkeanna, jari Puang Allah Taala mappamalamma elo’na ise’iya, anna dipa’uangngi: Mottommo’o mie’ siola to mottong.
لَوْ خَرَجُوْا فِيْكُمْ مَّا زَادُوْكُمْ اِلَّا خَبَالًا وَّلَاَوْضَعُوْا خِلٰلَكُمْ يَبْغُوْنَكُمُ الْفِتْنَةَۚ وَفِيْكُمْ سَمّٰعُوْنَ لَهُمْۗ وَاللّٰهُ عَلِيْمٌۢ بِالظّٰلِمِيْنَ٤٧
Wa lau kharajū fīkum mā zādūkum illā khabālaw wa la'auḍa‘ū khilālakum yabgūnakumul-fitnah(ta), wa fīkum sammā‘ūna lahum, wallāhu ‘alīmum biẓ-ẓālimīn(a).
[47]
Mua’ (ise’iya me'akke’ siola-olao mie’), andiangi ise’iya na mattambai (amakasauangmu), malai sangga’ na marroca’ tappa’, anna ise’iya me’asiga-siga (mallopa-lopa’) lao di olo barrisangmu na mappapole roca’ di sesemu, anna di sesemu diang to ma’elo’i mappe’irrangngi (pau-paunna) ise’iya. Anna Puang Allah Taala ma’issang to ta’lalo pagau’ bawang.
لَقَدِ ابْتَغَوُا الْفِتْنَةَ مِنْ قَبْلُ وَقَلَّبُوْا لَكَ الْاُمُوْرَ حَتّٰى جَاۤءَ الْحَقُّ وَظَهَرَ اَمْرُ اللّٰهِ وَهُمْ كٰرِهُوْنَ٤٨
Laqadibtagawul-fitnata min qablu wa qallabū lakal-umūra ḥattā jā'al-ḥaqqu wa ẓahara amrullāhi wa hum kārihūn(a).
[48]
Sitongangna diolo’ duapai mai ise’iya tulu ma’itai roca’ anna ise’iya maator pepagengge (na mappacilakao), lambi’i pole atongangan (pattulungna Puang Allah Taala), anna pabetai (agamana) Puang anna ise’iya andiangi ma’elo’i.
وَمِنْهُمْ مَّنْ يَّقُوْلُ ائْذَنْ لِّيْ وَلَا تَفْتِنِّيْۗ اَلَا فِى الْفِتْنَةِ سَقَطُوْاۗ وَاِنَّ جَهَنَّمَ لَمُحِيْطَةٌ ۢ بِالْكٰفِرِيْنَ٤٩
Wa minhum may yaqūlu'żal lī wa lā taftinnī, alā fil-fitnati saqaṭū, wa inna jahannama lamuḥīṭatum bil-kāfirīn(a).
[49]
Anna pole ise’iya diang to ma’uang: “Ilorangma' (andiang lamba mammusu’) anna da mupajaria’ (Muhammad) bemme’ tama di pitina’.” Issangi, mua’ diangi ise’iya bemme’mo tama di pitina’. Anna sitongangna Naraka Jahannam di’o tongang massalipuri to kaper.
اِنْ تُصِبْكَ حَسَنَةٌ تَسُؤْهُمْۚ وَاِنْ تُصِبْكَ مُصِيْبَةٌ يَّقُوْلُوْا قَدْ اَخَذْنَآ اَمْرَنَا مِنْ قَبْلُ وَيَتَوَلَّوْا وَّهُمْ فَرِحُوْنَ٥٠
In tuṣibka ḥasanatun tasu'hum, wa in tuṣibka muṣībatuy yaqūlū qad akhażnā min qablu wa yatawallau wa hum fariḥūn(a).
[50]
Anna mua’ mallolongano’o mesa apiangan, ise’iya menjari andiang sannang, anna mua’ naruao awala’, ise’iya ma’uang: “Sitongangna iyami’ diolo’ pura mai maalitutui urusa’i (andiang lamba mammusu’),” anna ise’iya meppondo’ siola mario pa’mai’na.
قُلْ لَّنْ يُّصِيْبَنَآ اِلَّا مَا كَتَبَ اللّٰهُ لَنَاۚ هُوَ مَوْلٰىنَا وَعَلَى اللّٰهِ فَلْيَتَوَكَّلِ الْمُؤْمِنُوْنَ٥١
Qul lay yuṣībanā illā mā kataballāhu lanā, huwa maulānā wa ‘alallāhi falyatawakkalil-mu'minūn(a).
[51]
Pa’uango’o (Muhammad): “Tongang andiangi iyami’ na narua selaengna iya pura napato’ Puang Allah Taala di sesei. Iya (Puang Allah Taala) petturundunga’i, anna sangga’ lao di Puang Allah Taala to matappa’ sitinaya mattawakkal.”
قُلْ هَلْ تَرَبَّصُوْنَ بِنَآ اِلَّآ اِحْدَى الْحُسْنَيَيْنِۗ وَنَحْنُ نَتَرَبَّصُ بِكُمْ اَنْ يُّصِيْبَكُمُ اللّٰهُ بِعَذَابٍ مِّنْ عِنْدِهٖٓ اَوْ بِاَيْدِيْنَاۖ فَتَرَبَّصُوْٓا اِنَّا مَعَكُمْ مُّتَرَبِّصُوْنَ٥٢
Qul hal tarabbaṣūna binā illā iḥdal-ḥusnayain(i), wa naḥnu natarabbaṣu bikum ay yuṣībakumullāhu bi‘ażābim min ‘indihī au bi'aidīnā, fa tarabbaṣū innā ma‘akum mutarabbiṣūn(a).
[52]
Pa’uango’o (Muhammad): “Andiang diang mueppei di iyami’, selaengna mesa pole di da’dua apiangan (pakala iyade’ mate sahe’). Anna iyami’ mattattangaio mie’ mua’ Puang Allah Taala na mapparuaio passessa (awala’ iya kaiyang) pole di passessa-Na, iyade’ passessa sawa’ lima’i.” Jari eppeimi mie’, sitongangna iyami’ metteppe’ massolangano’o mie’.”
قُلْ اَنْفِقُوْا طَوْعًا اَوْ كَرْهًا لَّنْ يُّتَقَبَّلَ مِنْكُمْ ۗاِنَّكُمْ كُنْتُمْ قَوْمًا فٰسِقِيْنَ٥٣
Qul anfiqū ṭau‘an au karhal lay yutaqabbala minkum, innakum kuntum qauman fāsiqīn(a).
[53]
Pa’uango’o (Muhammad): “Passulakangani barangmu iya me’apa elo’mu iyade’ dipassao, mau passulakka di’o andiangi na ditarima pole di sesemu me’. Sitongangna diango’o mie’ kaum iya pase’.”
وَمَا مَنَعَهُمْ اَنْ تُقْبَلَ مِنْهُمْ نَفَقٰتُهُمْ اِلَّآ اَنَّهُمْ كَفَرُوْا بِاللّٰهِ وَبِرَسُوْلِهٖ وَلَا يَأْتُوْنَ الصَّلٰوةَ اِلَّا وَهُمْ كُسَالٰى وَلَا يُنْفِقُوْنَ اِلَّا وَهُمْ كٰرِهُوْنَ٥٤
Wa mā mana‘ahum an tuqbala minhum nafaqātuhum illā annahum kafarū billāhi wa birasūlihī wa lā ya'tūnaṣ-ṣalāta illā wa hum kusālā wa lā yunfiqūna illā wa hum kārihūn(a).
[54]
Anna andiang diang mattahangi ise’iya na ditarima pole ise’iya passulakkana selaengna sawa’ kaperi lao di Puang Allah Taala anna Suro-Na anna ise’iya andiangi massambayang, selaengna diangi ise’iya malutta anna andiang toi mappasulakkang (barangna), selaengna diangi ise’iya makuttu (tipassa).
فَلَا تُعْجِبْكَ اَمْوَالُهُمْ وَلَآ اَوْلَادُهُمْ ۗاِنَّمَا يُرِيْدُ اللّٰهُ لِيُعَذِّبَهُمْ بِهَا فِى الْحَيٰوةِ الدُّنْيَا وَتَزْهَقَ اَنْفُسُهُمْ وَهُمْ كٰفِرُوْنَ٥٥
Falā tu‘jibka amwāluhum wa lā aulāduhum, innamā yurīdullāhu liyu‘ażżibahum bihā fil-ḥayātid-dun-yā wa tazhaqa anfusuhum wa hum kāfirūn(a).
[55]
Jari dai barang-barang anna ana’-ana’na ise’iya mappatakkayanna’o. Sitongangna Puang Allah Taala mappoelo’i na massessai ise’iya lalang di atuoang lino anna na lumuttusi manini nyawana ise’iya, anna ise’iya lalang di akaperang.
وَيَحْلِفُوْنَ بِاللّٰهِ اِنَّهُمْ لَمِنْكُمْۗ وَمَا هُمْ مِّنْكُمْ وَلٰكِنَّهُمْ قَوْمٌ يَّفْرَقُوْنَ٥٦
Wa yaḥlifūna billāhi innahum laminkum, wa mā hum minkum wa lākinnahum qaumuy yafraqūn(a).
[56]
Anna ise’iya (to munape’, bali’ balla’) mattunda sawa’ sangana Puang Allah Taala, mua’ sitongangna ise’iya mettamai di golonganna, anna ise’iya andiang pole di golonganmu, anna iya tia ise’iya kaum iya marakke’ sanna’ (mating).
لَوْ يَجِدُوْنَ مَلْجَاً اَوْ مَغٰرٰتٍ اَوْ مُدَّخَلًا لَّوَلَّوْا اِلَيْهِ وَهُمْ يَجْمَحُوْنَ٥٧
Lau yajidūna malja'an au magārātin au muddakhalal lawallau ilaihi wa hum yajmaḥūn(a).
[57]
Tenna’ ise’iya mallolongan engeang petturundungan, iyade’ garoang, iyade’ kalo’bo’ (lalang di lita’) napominasai ise’iya na mappelambai’i lao me’asiga-siga.
وَمِنْهُمْ مَّنْ يَّلْمِزُكَ فِى الصَّدَقٰتِۚ فَاِنْ اُعْطُوْا مِنْهَا رَضُوْا وَاِنْ لَّمْ يُعْطَوْا مِنْهَآ اِذَا هُمْ يَسْخَطُوْنَ٥٨
Wa minhum may yalmizuka fiṣ-ṣadaqāt(i), fa in u‘ṭū minhā raḍū wa illam yu‘ṭau minhā iżā hum yaskhaṭūn(a).
[58]
Anna di antarana ise’iya diang to maccallao sawa’ (pambareang) sakka’, mua’ ise’iya dibei sambareang, ise’iya sannang atena, anna mua’ andiangi dibei sambare, ise’iya tappa silalona macai’.
وَلَوْ اَنَّهُمْ رَضُوْا مَآ اٰتٰىهُمُ اللّٰهُ وَرَسُوْلُهٗۙ وَقَالُوْا حَسْبُنَا اللّٰهُ سَيُؤْتِيْنَا اللّٰهُ مِنْ فَضْلِهٖ وَرَسُوْلُهٗٓ اِنَّآ اِلَى اللّٰهِ رٰغِبُوْنَ ࣖ٥٩
Wa lau annahum raḍū mā ātāhumullāhu wa rasūluh(ū), wa qālū ḥasbunallāhu sayu'tīnallāhu min faḍlihī wa rasūluhū innā ilallāhi rāgibūn(a).
[59]
Anna tenna’ ise’iya mario tongang sawa’ anu nabei Puang Allah Taala anna Suro-Na lao ise’iya, anna ise’iya ma’uang: “Sukku’mi Puang Allah Taala di sesei, Puang Allah Taala anna suro-Na na membei iyami’ sambare pole di palla’birang-Na anna tipateng toi Suro-Na, sitongangna iyami’ to mahhara’ lao di Puang Allah Taala.
۞ اِنَّمَا الصَّدَقٰتُ لِلْفُقَرَاۤءِ وَالْمَسٰكِيْنِ وَالْعٰمِلِيْنَ عَلَيْهَا وَالْمُؤَلَّفَةِ قُلُوْبُهُمْ وَفِى الرِّقَابِ وَالْغٰرِمِيْنَ وَفِيْ سَبِيْلِ اللّٰهِ وَابْنِ السَّبِيْلِۗ فَرِيْضَةً مِّنَ اللّٰهِ ۗوَاللّٰهُ عَلِيْمٌ حَكِيْمٌ٦٠
Innamaṣ-ṣadaqātu lil-fuqarā'i wal-masākīni wal-‘āmilīna ‘alaihā wal-mu'allafati qulūbuhum wa fir-riqābi wal-gārimīna wa fī sabīlillāhi wabnis-sabīl(i), farīḍatam minallāh(i), wallāhu ‘alīmun ḥakīm(un).
[60]
Sitongangna iya di’o sakka’-o, sangga’ lao di to pakker, anna to kasi-asi, anna pa’urus sakka’, anna muallaf iya diuro-uro atena, anna na (mappamaradeka) batua, anna to inrangan di tangalalangna Puang Allah Taala anna to mamanya lalang di pellambang, rapang mesa atattuang iya pura nawajikang Puang Allah Taala, anna Puang Allah Taala Masarro Paissang na Maroro (Adil).
وَمِنْهُمُ الَّذِيْنَ يُؤْذُوْنَ النَّبِيَّ وَيَقُوْلُوْنَ هُوَ اُذُنٌ ۗقُلْ اُذُنُ خَيْرٍ لَّكُمْ يُؤْمِنُ بِاللّٰهِ وَيُؤْمِنُ لِلْمُؤْمِنِيْنَ وَرَحْمَةٌ لِّلَّذِيْنَ اٰمَنُوْا مِنْكُمْۗ وَالَّذِيْنَ يُؤْذُوْنَ رَسُوْلَ اللّٰهِ لَهُمْ عَذَابٌ اَلِيْمٌ٦١
Wa minhumul-lażīna yu'żūnan nabiyya wa yaqūlūna huwa użun(un), qul użunu khairil lakum yu'minu billāhi wa yu'minu lil-mu'minīna wa raḥmatul lil-lażīna āmanū minkum, wal-lażīna yu'żūna rasūlallāhi lahum ‘ażābun alīm(un).
[61]
Anna di antarana ise’iya (to munape’, bali’ balla’) diang mappamonge’ nabi (Muhammad) anna ma’uang: “Nabi mappokanynyang inggannana anu nairrangngi.” Pa’uango’o: “Iya mappokanynyang anu iya macoa di sesemu, to matappa’ lao di Puang, anna mappokanynyang to matappa’, anna menjari pammase lao di to matappa’ di sesemu mie’. Anna di to mappamonge’ Surona Puang Allah Taala di’o, di sesena ise’iya passessa iya pemonge’.
يَحْلِفُوْنَ بِاللّٰهِ لَكُمْ لِيُرْضُوْكُمْ وَاللّٰهُ وَرَسُوْلُهٗٓ اَحَقُّ اَنْ يُّرْضُوْهُ اِنْ كَانُوْا مُؤْمِنِيْنَ٦٢
Yaḥlifūna billāhi lakum liyurḍūkum wallāhu wa rasūluhū aḥaqqu ay yurḍūhu in kānū mu'minīn(a).
[62]
Ise’iya mattunda mating di sesemu sawa’ (sangana) Puang Allah Taala na ma’itai riomu mie’. Anna Puang Allah Taala anna Suro-Na di’o la’bi sitinayai ma’itai riona mua’ diangi ise’iya to matappa’.
اَلَمْ يَعْلَمُوْٓا اَنَّهٗ مَنْ يُّحَادِدِ اللّٰهَ وَرَسُوْلَهٗ فَاَنَّ لَهٗ نَارَ جَهَنَّمَ خَالِدًا فِيْهَاۗ ذٰلِكَ الْخِزْيُ الْعَظِيْمُ٦٣
Alam ya‘lamū annahū may yuḥādidillāha wa rasūlahū fa anna lahū nāru jahannama khālidan fīhā, żālikal khizyul-‘aẓīm(u).
[63]
Andiangdi ise’iya (to munape’, bali’ balla’) ma’issang mua’ inai-inai massakka’ Puang Allah Taala anna Suro-Na, jari sitongangna naraka Jahannam di sesena, iya mannannungan di lalanna. Iyamo di’o amatunang iya kaiyang.
يَحْذَرُ الْمُنٰفِقُوْنَ اَنْ تُنَزَّلَ عَلَيْهِمْ سُوْرَةٌ تُنَبِّئُهُمْ بِمَا فِيْ قُلُوْبِهِمْۗ قُلِ اسْتَهْزِءُوْاۚ اِنَّ اللّٰهَ مُخْرِجٌ مَّا تَحْذَرُوْنَ٦٤
Yaḥżarul-munāfiqūna an tunazzala ‘alaihim sūratun tunabbi'uhum bimā fī qulūbihim, qulistahzi'ū, innallāha mukhrijum mā taḥżarūn(a).
[64]
To munape’ (bali’ balla’) di’o marakke’ na dipaturungan sura’ iya mappannassa anu mallinrung di atena ise’iya. Pa’uangngi (ise’iya): “tarrusangi paelle-ellemu (lao di Puang Allah Taala anna Suro-Na).” Sitongangna Puang Allah Taala na mappa’nyata anu iya muarakke’.
وَلَىِٕنْ سَاَلْتَهُمْ لَيَقُوْلُنَّ اِنَّمَا كُنَّا نَخُوْضُ وَنَلْعَبُۗ قُلْ اَبِاللّٰهِ وَاٰيٰتِهٖ وَرَسُوْلِهٖ كُنْتُمْ تَسْتَهْزِءُوْنَ٦٥
Wa la'in sa'altahum layaqūlunna innamā kunnā nakhūḍū wa nal‘ab(u), qul abillāhi wa āyātihī wa rasūlihī kuntum tastahzi'ūn(a).
[65]
Anna mua’ mettule’o lao ise’iya (di anu napogau’), ise’iya na mambali: “Sitongangna iyami’ sangga’ mario tassilolongan anna mangino-ngino tappa’.” Pa’uango’o: “Mangapa lao di Puang Allah Taala, aya’-aya’-Na anna Suro-Na diango’o mie’ samata paelle?”
لَا تَعْتَذِرُوْا قَدْ كَفَرْتُمْ بَعْدَ اِيْمَانِكُمْ ۗ اِنْ نَّعْفُ عَنْ طَاۤىِٕفَةٍ مِّنْكُمْ نُعَذِّبْ طَاۤىِٕفَةً ۢ بِاَنَّهُمْ كَانُوْا مُجْرِمِيْنَ ࣖ٦٦
Lā ta‘tażirū qad kafartum ba‘da īmānikum, in na‘fu ‘an ṭā'ifatim minkum nu‘ażżib ṭā'ifatam bi'annahum kānū mujrimīn(a).
[66]
Dabopa mie’ perau a’dappang, sawa’ kapero’o mie’ dipuramu matappa’. Mua’ iyami’ maa’dappangan sambareango’o (sawa’ towa’i), Iyami’ na massessai sambareang (di laengna) sawa’ tongang diangi ise’iya to samata mappogau’ dosa.
اَلْمُنٰفِقُوْنَ وَالْمُنٰفِقٰتُ بَعْضُهُمْ مِّنْۢ بَعْضٍۘ يَأْمُرُوْنَ بِالْمُنْكَرِ وَيَنْهَوْنَ عَنِ الْمَعْرُوْفِ وَيَقْبِضُوْنَ اَيْدِيَهُمْۗ نَسُوا اللّٰهَ فَنَسِيَهُمْ ۗ اِنَّ الْمُنٰفِقِيْنَ هُمُ الْفٰسِقُوْنَ٦٧
Al-munāfiqūna wal-munāfiqātu ba‘ḍuhum mim ba‘ḍ(in), ya'murūna bil-munkari wa yanhauna ‘anil-ma‘rūfi wa yaqbiḍūna aidiyahum, nasullāha fa nasiyahum, innal-munāfiqīna humul-fāsiqūn(a).
[67]
To munape’ (bali’ balla’) tommuane anna to baine, sambare di sambareang laengna (diangi sitteng), ise’iya massio mappogau’ adaeang anna mappusara mappogau’ apiangan anna ise’iya makkammung limanna (makikkir). Ise’iya maaluppei Puang Allah Taala, jari Puang Allah Taala maaluppei toi ise’iya. Sitongangna to munape’ (bali’ balla’) di’o iyamo to pase’.
وَعَدَ اللّٰهُ الْمُنٰفِقِيْنَ وَالْمُنٰفِقٰتِ وَالْكُفَّارَ نَارَ جَهَنَّمَ خٰلِدِيْنَ فِيْهَاۗ هِيَ حَسْبُهُمْ ۚوَلَعَنَهُمُ اللّٰهُ ۚوَلَهُمْ عَذَابٌ مُّقِيْمٌۙ٦٨
Wa‘adallāhul-munāfiqīna wal-munāfiqāti wal-kuffāra nāra jahannama khālidīna fīhā, hiya ḥasbuhum, wa la‘anahumullāh(u), wa lahum ‘ażābum muqīm(un).
[68]
Puang Allah Taala manjanji (maaccang) to munape’ (bali’ balla’) tommuane anna to baine anna to kaper lalang di naraka Jahannam. Ise’iya mannannungan di lalangna. Sukku’mi (naraka di’o) di sesena, anna Puang Allah Taala maccallai ise’iya, anna ise’iya passessa iya mannannungan,
كَالَّذِيْنَ مِنْ قَبْلِكُمْ كَانُوْٓا اَشَدَّ مِنْكُمْ قُوَّةً وَّاَكْثَرَ اَمْوَالًا وَّاَوْلَادًاۗ فَاسْتَمْتَعُوْا بِخَلَاقِهِمْ فَاسْتَمْتَعْتُمْ بِخَلَاقِكُمْ كَمَا اسْتَمْتَعَ الَّذِيْنَ مِنْ قَبْلِكُمْ بِخَلَاقِهِمْ وَخُضْتُمْ كَالَّذِيْ خَاضُوْاۗ اُولٰۤىِٕكَ حَبِطَتْ اَعْمَالُهُمْ فِى الدُّنْيَا وَالْاٰخِرَةِ ۚوَاُولٰۤىِٕكَ هُمُ الْخٰسِرُوْنَ٦٩
Kal-lażīna min qablikum kānū asyadda minkum quwwataw wa akṡara amwālaw wa aulādā(n), fastamta‘ū bikhalāqihim fastamta‘tum bikhalāqikum kamastamta‘al-lażīna min qablikum bikhalāqihim wa khuḍtum kal-lażī khāḍū, ulā'ika ḥabiṭat amāluhum fid-dun-yā wal-ākhirah(ti), ulā'ika humul-khāsirūn(a).
[69]
(to munape’ bali’ balla’ anna mappa’dua iyamo) sitteng to diolo’ (di andiangmupa), ise’iya la’bi makasau’ pole i’o mie’, anna la’bi mae’di barang-barang anna ana’-ana’na pole i’o mie’. Jari ise’iya pura mappenyamangngi bareangna, anna diango’o mappenyamangngi bareangmu me’apai to diolo’ (di andiangmupa) mappenyamangngi bareangna, anna diango’o massipau-paui (anu assa) me’apai ise’iya massipau-paui. Ise’iya di’o appalangna menjari laosalai di lino anna di ahera’, anna ise’iyamo di’o to rugi.
اَلَمْ يَأْتِهِمْ نَبَاُ الَّذِيْنَ مِنْ قَبْلِهِمْ قَوْمِ نُوْحٍ وَّعَادٍ وَّثَمُوْدَ ەۙ وَقَوْمِ اِبْرٰهِيْمَ وَاَصْحٰبِ مَدْيَنَ وَالْمُؤْتَفِكٰتِۗ اَتَتْهُمْ رُسُلُهُمْ بِالْبَيِّنٰتِۚ فَمَا كَانَ اللّٰهُ لِيَظْلِمَهُمْ وَلٰكِنْ كَانُوْٓا اَنْفُسَهُمْ يَظْلِمُوْنَ٧٠
Alam ya'tihim naba'ul-lażīna min qablihim qaumi nūḥiw wa ‘ādiw wa ṡamūd(a), wa qaumi ibrāhīma wa aṣḥābi madyana wal-mu'tafikāt(i), atathum rusuluhum bil-bayyināt(i), famā kānallāhu liyaẓlimahum wa lākin kānū anfusahum yaẓlimūn(a).
[70]
Andiangpadi pole lao ise’iya karewana to diolo’na ise’iya, (iyamo) kaumna Nuh, anna ‘Ad, anna Tsamud, anna kaumna Ibrahim, anna pakkapung Madyan, anna pakkappung banua-banua iya puramo accur. Na poleimi ise’iya para suro mambawa katarangan iya ma’nyata, anna Puang Allah Taala andiang sinalai manggau’ bawangi ise’iya, anna iya tia diangi ise’iya manggau’ bawang alawena toi tia.
وَالْمُؤْمِنُوْنَ وَالْمُؤْمِنٰتُ بَعْضُهُمْ اَوْلِيَاۤءُ بَعْضٍۘ يَأْمُرُوْنَ بِالْمَعْرُوْفِ وَيَنْهَوْنَ عَنِ الْمُنْكَرِ وَيُقِيْمُوْنَ الصَّلٰوةَ وَيُؤْتُوْنَ الزَّكٰوةَ وَيُطِيْعُوْنَ اللّٰهَ وَرَسُوْلَهٗ ۗاُولٰۤىِٕكَ سَيَرْحَمُهُمُ اللّٰهُ ۗاِنَّ اللّٰهَ عَزِيْزٌ حَكِيْمٌ٧١
Wal-mu'minūna wal-mu'minātu ba‘ḍuhum auliyā'u ba‘ḍ(in), ya'murūna bil-ma‘rūfi wa yanhauna ‘anil-munkari wa yuqīmūnaṣ-ṣalāta wa yu'tūnaz-zakāta wa yuṭī‘ūnallāha wa rasūlah(ū), ulā'ika sayarḥamuhumullāh(u), innallāha ‘azīzun ḥakīm(un).
[71]
Anna to matappa’, tommuane anna to baine, sambareangi menjari patturundung di sambareang laeng. Ise'iya mesio mappogau’ anu macoa, anna mappusara pole di anu adae’, anna makke'deang sambayang, anna mappasilennarang (mappasung) sakka’, anna tunru’ lao di Puang Allah Taala anna lao di Suro-Na. Ise’iya na dibei pammase pole di Puang Allah Taala, sitongangna Puang Allah Taala Masarro Maraya Pa’ulleang na Maroro (Adil).
وَعَدَ اللّٰهُ الْمُؤْمِنِيْنَ وَالْمُؤْمِنٰتِ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا وَمَسٰكِنَ طَيِّبَةً فِيْ جَنّٰتِ عَدْنٍ ۗوَرِضْوَانٌ مِّنَ اللّٰهِ اَكْبَرُ ۗذٰلِكَ هُوَ الْفَوْزُ الْعَظِيْمُ ࣖ٧٢
Wa‘adallāhul-mu'minīna wal-mu'mināti jannātin tajrī min taḥtihal-anhāru khālidīna fīhā wa masākina ṭayyibatan fī jannāti ‘adn(in), wa riḍwānum minallāhi akbar(u), żālika huwal-fauzul-‘aẓīm(u).
[72]
Puang Allah Taala manjanji lao di to matappa’ tommuane anna to baine, na mallolongan suruga di naungna lolong mae’di binanga, ise’iya ka’deng mannannungan di lalangna, anna mallolongan engeang malolo dio di suruga ‘Adn. Anna riona Puang Allah Taala tongang kaiyang, iyamo di’o passaroang iya kaiyang.
يٰٓاَيُّهَا النَّبِيُّ جَاهِدِ الْكُفَّارَ وَالْمُنٰفِقِيْنَ وَاغْلُظْ عَلَيْهِمْ ۗوَمَأْوٰىهُمْ جَهَنَّمُ وَبِئْسَ الْمَصِيْرُ٧٣
Yā ayyuhan-nabiyyu jāhidil-kuffāra wal-munāfiqīna wagluẓ ‘alaihim, wa ma'wāhum jahannamu wa bi'sal-maṣīr(u).
[73]
E Nabi, panjiha’o (mammusu’i) to kaper anna to munape (bali’ balla’), anna pe’akarraso’o lao ise’iya. Engeangna ise’iya iyamo naraka Jahannam. Anna iyamo di’o engeang membali’ iya kaminang adae’.
يَحْلِفُوْنَ بِاللّٰهِ مَا قَالُوْا ۗوَلَقَدْ قَالُوْا كَلِمَةَ الْكُفْرِ وَكَفَرُوْا بَعْدَ اِسْلَامِهِمْ وَهَمُّوْا بِمَا لَمْ يَنَالُوْاۚ وَمَا نَقَمُوْٓا اِلَّآ اَنْ اَغْنٰىهُمُ اللّٰهُ وَرَسُوْلُهٗ مِنْ فَضْلِهٖ ۚفَاِنْ يَّتُوْبُوْا يَكُ خَيْرًا لَّهُمْ ۚوَاِنْ يَّتَوَلَّوْا يُعَذِّبْهُمُ اللّٰهُ عَذَابًا اَلِيْمًا فِى الدُّنْيَا وَالْاٰخِرَةِ ۚوَمَا لَهُمْ فِى الْاَرْضِ مِنْ وَّلِيٍّ وَّلَا نَصِيْرٍ٧٤
Yaḥlifūna billāhi mā qālū, wa laqad qālū kalimatal-kufri wa kafarū ba‘da islāmihim wa hammū bimā lam yanālū, wa mā naqamū illā an agnāhumullāhu wa rasūluhū min faḍlih(ī), fa iy yatūbū yaku khairal lahum, wa iy yatawallau yu‘ażżibhumullāhu ‘ażāban alīman fid-dun-yā wal-ākhirah(ti), wa mā lahum fil-arḍi miw waliyyiw wa lā naṣīr(in).
[74]
Ise’iya (to munape’, bali’ balla’) mattunda sawa’ (sangana) Puang Allah Taala, mua’ ise’iya andiangi ma’uang (anu na mappamonge’o). Sitongangna ise’iya purai mappau (pau-pau) akaperang, anna kaper dipuranamo Sallang, anna mappoelo’i anu andiang mala nalambi’, anna ise’iya andiangi maccalla (Puang Allah Taala anna Suro-Na), selaengna sawa’ Puang Allah Taala anna Suro-Na pura mapparuai’i palla’birang-Na. Jari mua’ ise’iya me’atowa’, iya di’o la’bi macoai di sesena ise’iya, anna mua’ ise’iya meppondo’ boi, sitinayai Puang Allah Taala tongang na massessai ise’iya passessa kaminang pemonge’ di lino anna di ahera’, anna ise’iya andiang sinalai na maappunnai petturundungan anna andiang to’o diang pattulungna (di baona lino).
۞ وَمِنْهُمْ مَّنْ عٰهَدَ اللّٰهَ لَىِٕنْ اٰتٰىنَا مِنْ فَضْلِهٖ لَنَصَّدَّقَنَّ وَلَنَكُوْنَنَّ مِنَ الصّٰلِحِيْنَ٧٥
Wa minhum man ‘āhadallāha la'in ātānā min faḍlihī lanaṣṣaddaqanna wa lanakūnanna minaṣ-ṣāliḥīn(a).
[75]
Anna di antarana ise’iya diang to pura mattalli’ lao di Puang Allah Taala: “Sitongangna mua’ Puang Allah Taala mambei sambareang palla’birang-Na di iyami’, iyami’ tongang na mappasulakkang anna tongang mettama toi iyami’ di to masaleh.
فَلَمَّآ اٰتٰىهُمْ مِّنْ فَضْلِهٖ بَخِلُوْا بِهٖ وَتَوَلَّوْا وَّهُمْ مُّعْرِضُوْنَ٧٦
Falammā ātāhum min faḍlihī bakhilū bihī wa tawallau wa hum mu‘riḍūn(a).
[76]
Jari dipuranamo Puang Allah Taala mambei ise’iya sambareang palla’birang-Na, ise’iya makikkir di pappidalle’na Puang, anna ise’iya meppondo’, anna ise’iya simata massakka’ (atongangan).
فَاَعْقَبَهُمْ نِفَاقًا فِيْ قُلُوْبِهِمْ اِلٰى يَوْمِ يَلْقَوْنَهٗ بِمَآ اَخْلَفُوا اللّٰهَ مَا وَعَدُوْهُ وَبِمَا كَانُوْا يَكْذِبُوْنَ٧٧
Fa a‘qabahum nifāqan fī qulūbihim ilā yaumi yalqaunahū bimā akhlafullāha mā wa‘adūhu wa bimā kānū yakżibūn(a).
[77]
Jari Puang Allah Taala mappapole abali’ballang (amunapeang) di atena ise’iya lambi’i lao wattu ise’iya messita (Puang), sawa’ ise’iya makkaperri Puang Allah Taala di anu iya pura napa’janjiang ise’iya lao di Puang anna sawa’ diangi ise’iya samata losong.
اَلَمْ يَعْلَمُوْٓا اَنَّ اللّٰهَ يَعْلَمُ سِرَّهُمْ وَنَجْوٰىهُمْ وَاَنَّ اللّٰهَ عَلَّامُ الْغُيُوْبِ٧٨
Alam ya‘lamū annallāha ya‘lamu sirrahum wa najwāhum wa annallāha ‘allāmul-guyūb(i).
[78]
Andiangdi ise’iya naissang mua’ Puang Allah Taala ma’issang rahasia anna bisi’na ise’iya, anna Puang Allah Taala ma’issang sanna’i di inggannana anu mallinrung.
اَلَّذِيْنَ يَلْمِزُوْنَ الْمُطَّوِّعِيْنَ مِنَ الْمُؤْمِنِيْنَ فِى الصَّدَقٰتِ وَالَّذِيْنَ لَا يَجِدُوْنَ اِلَّا جُهْدَهُمْ فَيَسْخَرُوْنَ مِنْهُمْ ۗسَخِرَ اللّٰهُ مِنْهُمْ ۖ وَلَهُمْ عَذَابٌ اَلِيْمٌ٧٩
Allażīna yalmizūnal-muṭṭawwi‘īna minal-mu'minīna fiṣ-ṣadaqāti wal-lażīna lā yajidūna illā juhdahum fa yaskharūna minhum, sakhirallāhu minhum, wa lahum ‘ażābun alīm(un).
[79]
(To munape’, bali’ balla’) iyamo tau to macalla to matappa’ iya massulakka sawa’ elo’na, anna to andiang (maccalla) to andiang mallolongan (na napassulakkang) selaengna pa’ulleangna, jari to munape’ (bali’ balla’) di’o mappakatuna ise’iya. Puang Allah Taala na mambalas pappakatunanna ise’iya di’o, anna lao ise’iya passessa iya pemonge’.
اِسْتَغْفِرْ لَهُمْ اَوْ لَا تَسْتَغْفِرْ لَهُمْۗ اِنْ تَسْتَغْفِرْ لَهُمْ سَبْعِيْنَ مَرَّةً فَلَنْ يَّغْفِرَ اللّٰهُ لَهُمْ ۗذٰلِكَ بِاَنَّهُمْ كَفَرُوْا بِاللّٰهِ وَرَسُوْلِهٖۗ وَاللّٰهُ لَا يَهْدِى الْقَوْمَ الْفٰسِقِيْنَ ࣖ٨٠
Istagfir lahum au lā tastagfir lahum, in tastagfir lahum sab‘īna marratan falay yagfirallāhu lahum, żālika bi'annahum kafarū billāhi wa rasūlih(ī), wallāhu lā yahdil-qaumal-fāsiqīn(a).
[80]
Diangdo’o (Muhammad) mapperau a’dappangani ise’iya iyade’ andiango’o mapprau a’dappangani di sesena (sittengan towandi) Mauo mapperau a’dappang lao peppituppulo, Puang Allah Taala andiang le’ba’ na maa’dappangan ise’iya. Iya bassa di’o sawa’ ise’iya kaperi lao di Puang Allah Taala anna Suro-Na. Anna Puang Allah Taala andiang mambei patiroang lao di kaum iya pase’.
فَرِحَ الْمُخَلَّفُوْنَ بِمَقْعَدِهِمْ خِلٰفَ رَسُوْلِ اللّٰهِ وَكَرِهُوْٓا اَنْ يُّجَاهِدُوْا بِاَمْوَالِهِمْ وَاَنْفُسِهِمْ فِيْ سَبِيْلِ اللّٰهِ وَقَالُوْا لَا تَنْفِرُوْا فِى الْحَرِّۗ قُلْ نَارُ جَهَنَّمَ اَشَدُّ حَرًّاۗ لَوْ كَانُوْا يَفْقَهُوْنَ٨١
Fariḥal-mukhallafūna bimaq‘adihim khilāfa rasūlillāhi wa karihū ay yujāhidū bi'amwālihim wa anfusihim fī sabīlillāhi wa qālū lā tanfirū fil-ḥarr(i), qul nāru jahannama asyaddu ḥarrā(n), lau kānū yafqahūn(a).
[81]
To dipelei (andiang lamba mammusu’), marioi apa’ diangi ise’iya me’oro makko’ (dimatenamo) Suro-Na Puang Allah Taala, anna andiang toi naelo’i manjiha’ siola barang anna nyawana di tangalalangna Puang Allah Taala anna ise’iya ma’uang: “Dao mie’ pe'akke’ lamba (mammusu’) di marrang allo di’e.” Pa’uango’o: “Iya di’o api naraka Jahannam loppa’ sanna’i,” mua’ diangi ise’iya ma’issang.
فَلْيَضْحَكُوْا قَلِيْلًا وَّلْيَبْكُوْا كَثِيْرًاۚ جَزَاۤءًۢ بِمَا كَانُوْا يَكْسِبُوْنَ٨٢
Falyaḍḥakū qalīlaw walyabkū kaṡīrā(n), jazā'am bimā kānū yaksibūn(a).
[82]
Jari paso’nai ise’iya mecawa saicco' anna mae’di sumangi’, pambalasang lao di anu iya pura samata napogau’ ise’iya.
فَاِنْ رَّجَعَكَ اللّٰهُ اِلٰى طَاۤىِٕفَةٍ مِّنْهُمْ فَاسْتَأْذَنُوْكَ لِلْخُرُوْجِ فَقُلْ لَّنْ تَخْرُجُوْا مَعِيَ اَبَدًا وَّلَنْ تُقَاتِلُوْا مَعِيَ عَدُوًّاۗ اِنَّكُمْ رَضِيْتُمْ بِالْقُعُوْدِ اَوَّلَ مَرَّةٍۗ فَاقْعُدُوْا مَعَ الْخٰلِفِيْنَ٨٣
Fa ir raja‘akallāhu ilā ṭā'ifatim minhum fasta'żanūka lil-khurūji faqul lan takhrujū ma‘iya abadaw wa lan tuqātilū ma‘iya ‘aduwwā(n), innakum raḍītum bil-qu‘ūdi awwala marrah(tin), faq‘udū ma‘al-khālifīn(a).
[83]
Jari mua’ Puang Allah Taala mappepembali’o lao di mesa golongan pole ise’iya, anna ise’iya merau paramisi mating na messung (mammusu’), jari pa’uango’o: “Andiango’o mala messung siola tarrus tau anna andiang toi mambaliang musu’ siola tau. Sitongangna purao mario andiang lamba mammusu’ di pammulang. Jari pe’oromo’o (mottongmo’o) siola to andiang lamba mammusu’.”
وَلَا تُصَلِّ عَلٰٓى اَحَدٍ مِّنْهُمْ مَّاتَ اَبَدًا وَّلَا تَقُمْ عَلٰى قَبْرِهٖۗ اِنَّهُمْ كَفَرُوْا بِاللّٰهِ وَرَسُوْلِهٖ وَمَاتُوْا وَهُمْ فٰسِقُوْنَ٨٤
Wa lā tuṣalli ‘alā aḥadim minhum māta abadaw wa lā taqum ‘alā qabrih(ī), innahum kafarū billāhi wa rasūlihī wa mātū wa hum fāsiqūn(a).
[84]
Anna da le’bao massambayangngi (bakkena) to matena ise’iya anna da pekke’de’ mandoakangi dio di ku’burna. Sitongangna ise’iya kaper lao di Puang Allah Taala anna Suro-Na anna ise’iya mate lalang di apaseang.
وَلَا تُعْجِبْكَ اَمْوَالُهُمْ وَاَوْلَادُهُمْۗ اِنَّمَا يُرِيْدُ اللّٰهُ اَنْ يُّعَذِّبَهُمْ بِهَا فِى الدُّنْيَا وَتَزْهَقَ اَنْفُسُهُمْ وَهُمْ كٰفِرُوْنَ٨٥
Wa lā tu‘jibka amwāluhum wa lā aulāduhum, innamā yurīdullāhu ay yu‘ażżibahum bihā fid-dun-yā wa tazhaqa anfusuhum wa hum kāfirūn(a).
[85]
Anna da (Muhammad) takkayanna’ lao barang-barang anna ana’-ana’na ise’iya. Sitongangna iya di’o massawa’i Puang Allah Taala na massessa ise’iya di lino, anna malaai messung nyawana ise’iya, anna ise’iya lalang di akaperang.
وَاِذَآ اُنْزِلَتْ سُوْرَةٌ اَنْ اٰمِنُوْا بِاللّٰهِ وَجَاهِدُوْا مَعَ رَسُوْلِهِ اسْتَأْذَنَكَ اُولُوا الطَّوْلِ مِنْهُمْ وَقَالُوْا ذَرْنَا نَكُنْ مَّعَ الْقٰعِدِيْنَ٨٦
Wa iżā unzilat sūratun an āminū billāhi wa jāhidū ma‘a rasūlihista'żanaka uluṭ-ṭauli minhum wa qālū żarnā nakum ma‘al-qā‘idīn(a).
[86]
Anna mua’ dipaturungi mesa sura’ (iya na mapparenta to muanape’ bali’ balla’ di’o): “Patappa’o lao di Puang Allah Taala anna panjiha’o siola Suro-Na,” mannassai ise’iya to diang pa’ulleangna merau paramisi mating (na andiang majiha’) anna ise’iya ma’uang: “Pappeso’na-so’naimi iyami’ siola to me’oro (to andiang lamba mammusu’).”
رَضُوْا بِاَنْ يَّكُوْنُوْا مَعَ الْخَوَالِفِ وَطُبِعَ عَلٰى قُلُوْبِهِمْ فَهُمْ لَا يَفْقَهُوْنَ٨٧
Raḍū bi'ay yakūnū ma‘al-khawālifi wa ṭubi‘a ‘alā qulūbihim fahum lā yafqahūn(a).
[87]
Ise’iya melo’ siola to andiang lamba mammusu’ anna atena ise’iya purai nakocci mate, jari ise’iya andiang napahang (apianganna mammusu’ anna manjiha’).
لٰكِنِ الرَّسُوْلُ وَالَّذِيْنَ اٰمَنُوْا مَعَهٗ جَاهَدُوْا بِاَمْوَالِهِمْ وَاَنْفُسِهِمْۗ وَاُولٰۤىِٕكَ لَهُمُ الْخَيْرٰتُ ۖوَاُولٰۤىِٕكَ هُمُ الْمُفْلِحُوْنَ٨٨
Lākinir-rasūlu wal-lażīna āmanū ma‘ahū jāhadū bi'amwālihim wa anfusihim, wa ulā'ika lahumul-khairāt(u), wa ulā'ika humul-mufliḥūn(a).
[88]
Iya tia Suro anna to matappa’ massolangani, ise’iya manjiha’ siola barang-barang anna alawena. Anna ise’iya di’o to mallolongan apiangan. Anna ise’iyamo di’o to sumaro.
اَعَدَّ اللّٰهُ لَهُمْ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَاۗ ذٰلِكَ الْفَوْزُ الْعَظِيْمُ ࣖ٨٩
A‘addallāhu lahum jannātin tajrī min taḥtihal-anhāru khālidīna fīhā, żālikal-fauzul-‘aẓīm(u).
[89]
Puang Allah Taala pura mappatayangani ise’iya suruga iya lolong di naunna mae’di binanga, ise’iya ka’deng mannannungan di lalangna. Iyamo di’o apakalang iya maraya.
وَجَاۤءَ الْمُعَذِّرُوْنَ مِنَ الْاَعْرَابِ لِيُؤْذَنَ لَهُمْ وَقَعَدَ الَّذِيْنَ كَذَبُوا اللّٰهَ وَرَسُوْلَهٗ ۗسَيُصِيْبُ الَّذِيْنَ كَفَرُوْا مِنْهُمْ عَذَابٌ اَلِيْمٌ٩٠
Wa jā'al-mu‘ażżirūna minal-a‘rābi liyu'żana lahum wa qa‘adal-lażīna każabullāha wa rasūlah(ū), sayuṣībul-lażīna kafarū minhum ‘ażābun alīm(un).
[90]
Anna to Ara’ Badui mappolei (Nabi) mappepe’olo iya to diang halanganna mamoare’i dipaloloi na (andiang lamba manjiha’), anna to malloso-losongan Puang Allah Taala anna Suro-Na, me’oroi makko’ tappa’. Manini to kaper di antarana ise’iya di’o na naruai passessa iya pemonge’.
لَيْسَ عَلَى الضُّعَفَاۤءِ وَلَا عَلَى الْمَرْضٰى وَلَا عَلَى الَّذِيْنَ لَا يَجِدُوْنَ مَا يُنْفِقُوْنَ حَرَجٌ اِذَا نَصَحُوْا لِلّٰهِ وَرَسُوْلِهٖۗ مَا عَلَى الْمُحْسِنِيْنَ مِنْ سَبِيْلٍ ۗوَاللّٰهُ غَفُوْرٌ رَّحِيْمٌۙ٩١
Laisa ‘alaḍ-ḍu‘afā'i wa lā ‘alal-marḍā wa lā ‘alal-lażīna lā yajidūna mā yunfiqūna ḥarajun iżā naṣaḥū lillāhi wa rasūlih(ī), mā ‘alal-muḥsinīna min sabīl(in), wallāhu gafūrur raḥīm(un).
[91]
Andiang diang dosa sawa’ andiangi lamba (manjiha’) di sesena to malamma, anna di sesena to monge’ anna ise’iya to andiang mallolongan di anu na napassulakkang. Anna mua’ ise’iya ikhlas lao di Puang Allah Taala anna Suro-Na, andiang le’ba’ diang tangalalang na mappasalah to mappogau’ apiangan. Anna Puang Allah Taala Masarro Pa’dappang na Makkesayang.
وَّلَا عَلَى الَّذِيْنَ اِذَا مَآ اَتَوْكَ لِتَحْمِلَهُمْ قُلْتَ لَآ اَجِدُ مَآ اَحْمِلُكُمْ عَلَيْهِ ۖتَوَلَّوْا وَّاَعْيُنُهُمْ تَفِيْضُ مِنَ الدَّمْعِ حَزَنًا اَلَّا يَجِدُوْا مَا يُنْفِقُوْنَۗ٩٢
Wa lā ‘alal-lażīna iżā mā atauka litaḥmilahum qulta lā ajidu mā aḥmilukum ‘alaih(i), tawallau wa a‘yunuhum tafīḍu minad dam‘i ḥazanan allā yajidū mā yunfiqūn(a).
[92]
Anna andiang (to’o diang dosa) di sesena to mappoleio (Muhammad), mamoare’i na mubei ise’iya anu nanaola, mane ma’uango’o: “Andianga’ mallolongan anu na muola iya na mambawao.” Mane ise’iya membali’ anna ise’iya ra’da’ (lolong) uai matanna sawa’ manaui pa’mai’na, sawa’ ise’iya andiangi mallolongan anu na napassulakkang.
۞ اِنَّمَا السَّبِيْلُ عَلَى الَّذِيْنَ يَسْتَأْذِنُوْنَكَ وَهُمْ اَغْنِيَاۤءُۚ رَضُوْا بِاَنْ يَّكُوْنُوْا مَعَ الْخَوَالِفِۙ وَطَبَعَ اللّٰهُ عَلٰى قُلُوْبِهِمْ فَهُمْ لَا يَعْلَمُوْنَ ۔٩٣
Innamas-sabīlu ‘alal-lażīna yasta'żinūnaka wa hum agniyā'(u), raḍū bi'ay yakūnū ma‘al-khawālif(i), wa ṭaba‘allāhu ‘alā qulūbihim fahum lā ya‘lamūn(a).
[93]
Sitongangna tangalalang (na mappasalah) sangga’ lao di to merau paramisi mating, anna ise’iya to sugi’. Ise’iya melo’ siola to andiang lamba mammusu’ anna Puang Allah Taala pura makkocci mate atena ise’iya, anna andiangi ise’iya naissang capparang (panggauangna).
يَعْتَذِرُوْنَ اِلَيْكُمْ اِذَا رَجَعْتُمْ اِلَيْهِمْ ۗ قُلْ لَّا تَعْتَذِرُوْا لَنْ نُّؤْمِنَ لَكُمْ قَدْ نَبَّاَنَا اللّٰهُ مِنْ اَخْبَارِكُمْ وَسَيَرَى اللّٰهُ عَمَلَكُمْ وَرَسُوْلُهٗ ثُمَّ تُرَدُّوْنَ اِلٰى عٰلِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُوْنَ٩٤
Ya‘tażirūna ilaikum iżā raja‘tum ilaihim, qul lā ta‘tażirū lan nu'mina lakum qad nabba'anallāhu min akhbārikum wa sayarallāhu ‘amalakum wa rasūluhū ṡumma turaddūna ilā ‘ālimil-gaibi wasy-syahādati fa yunabbi'ukum bimā kuntum ta‘malūn(a).
[94]
Ise’iya (to munape’ iya andiang lamba mammusu’) mappissangnio mie’ alasangna di wattu membali’mu lao ise’iya (pole di pammusuang), pa’uango’o (Muhammad): “Da mie’ pappapia alasang, iyami’ andiangmi maatappa’io mie’, sawa’ sitongangna Puang Allah Taala pura mappepissangan karewamu mai di iyami’. Anna Puang Allah Taala anna Suro-Na na ma’ita pappogauangmu mie’, mane dipepembali’o mie’ lao di (Puang) iya Ma’issang anu mallinrung anna mallaherang, mane Iya mappakarewaio mie’ di anu iya pura mupogau’.”
سَيَحْلِفُوْنَ بِاللّٰهِ لَكُمْ اِذَا انْقَلَبْتُمْ اِلَيْهِمْ لِتُعْرِضُوْا عَنْهُمْ ۗ فَاَعْرِضُوْا عَنْهُمْ ۗ اِنَّهُمْ رِجْسٌۙ وَّمَأْوٰىهُمْ جَهَنَّمُ جَزَاۤءً ۢبِمَا كَانُوْا يَكْسِبُوْنَ٩٥
Sayaḥlifūna billāhi lakum iżanqalabtum ilaihim litu‘riḍū ‘anhum, fa a‘riḍū ‘anhum, innahum rijs(un), wa ma'wāhum jahannamu jazā'am bimā kānū yaksibūn(a).
[95]
Ise’iya manini na mattunda mating sawa’ sangana Puang Allah Taala, mua’ membali’o lao ise’iya, mamoare’o mappeppondo’i ise’iya. Jari peppondo’mo’o mie’ pole ise’iya, sawa’ sitongangna ise’iya najisi (carupu’i) anna engeangna (iyamo) Naraka Jahannam, balasan di anu iya pura napogau’ ise’iya.
يَحْلِفُوْنَ لَكُمْ لِتَرْضَوْا عَنْهُمْ ۚفَاِنْ تَرْضَوْا عَنْهُمْ فَاِنَّ اللّٰهَ لَا يَرْضٰى عَنِ الْقَوْمِ الْفٰسِقِيْنَ٩٦
Yaḥlifūna lakum litarḍau ‘anhum, fa in tarḍau ‘anhum fa innallāha lā yarḍā ‘anil-qaumil-fāsiqīn(a).
[96]
Ise’iya na mattunda di sesemu mie’, mamoare’o (melo’) mario lao ise’iya. Jari iya tia mua’ muarioi ise’iya, jari sitongangna Puang Allah Taala andiangi maarioi kaum iya pase’.
اَلْاَعْرَابُ اَشَدُّ كُفْرًا وَّنِفَاقًا وَّاَجْدَرُ اَلَّا يَعْلَمُوْا حُدُوْدَ مَآ اَنْزَلَ اللّٰهُ عَلٰى رَسُوْلِهٖ ۗوَاللّٰهُ عَلِيْمٌ حَكِيْمٌ٩٧
Al-a‘rābu asyaddu kufraw wa nifāqaw wa ajdaru allā ya‘lamū ḥudūda mā anzalallāhu ‘alā rasūlih(ī), wallāhu ‘alīmun ḥakīm(un).
[97]
Iya di’o to Ara’ Badwi-o, la’bi sanna’i akaperangna anna amunapekangna, anna sipato’ sanna’i andiang ma’issang hukum-hukum (sarea’) iya napaturung Puang Allah Taala lao di Suro-Na. Anna Puang Allah Taala Masarro Paissang na Maroro (Adil).
وَمِنَ الْاَعْرَابِ مَنْ يَّتَّخِذُ مَا يُنْفِقُ مَغْرَمًا وَّيَتَرَبَّصُ بِكُمُ الدَّوَاۤىِٕرَ ۗعَلَيْهِمْ دَاۤىِٕرَةُ السَّوْءِ ۗوَاللّٰهُ سَمِيْعٌ عَلِيْمٌ٩٨
Wa minal-a‘rābi may yattakhiżu mā yunfiqu magramaw wa yatarabbaṣu bikumud-dawā'ir(a), ‘alaihim dā'iratus-sau'(i), wallāhu samī‘un ‘alīm(un).
[98]
Anna pole di to Ara’ Badwi, diang mattangngar anu napassulakkangan lao (di Puang Allah Taala) mesa arugiang anna ise’iya tatta-tattangai di awala’ iya na marruao mie’, ise’iya na narua awala’. Anna Puang Allah Taala Masarro Pairrangngi na Paissang.
وَمِنَ الْاَعْرَابِ مَنْ يُّؤْمِنُ بِاللّٰهِ وَالْيَوْمِ الْاٰخِرِ وَيَتَّخِذُ مَا يُنْفِقُ قُرُبٰتٍ عِنْدَ اللّٰهِ وَصَلَوٰتِ الرَّسُوْلِ ۗ اَلَآ اِنَّهَا قُرْبَةٌ لَّهُمْ ۗ سَيُدْخِلُهُمُ اللّٰهُ فِيْ رَحْمَتِهٖ ۗاِنَّ اللّٰهَ غَفُوْرٌ رَّحِيْمٌ ࣖ٩٩
Wa minal-a‘rābi may yu'minu billāhi wal-yaumil-ākhiri wa yattakhiżu mā yunfiqu qurubātin ‘indallāhi wa ṣalawātir-rasūl(i), alā innahā qurbatul lahum, sayudkhiluhumullāhu fī raḥmatih(ī), innallāha gafūrur raḥīm(un).
[99]
Anna pole di to Ara’ Badwi, diang matappa’ lao di Puang Allah Taala anna allo diboe’, anna mattangngari iya rapang anu napassulakkangan lao (di Puang Allah Taala) tangalalang me’akadeppu’ lao di Puang Allah Taala menjadi tangalalang na mallolongan do’a (peraunna) Suro. Issangi, sitongangna iya di’o passulakka-o mesai tangalalang di to mi’akadeppu’ lao di Puang Allah Taala. Manini Puang Allah Taala tongang na mappatamai ise’iya di pammase-Na. Sitongangna Puang Allah Taala Masarro Pa’dappang na Makkesayang.
وَالسّٰبِقُوْنَ الْاَوَّلُوْنَ مِنَ الْمُهٰجِرِيْنَ وَالْاَنْصَارِ وَالَّذِيْنَ اتَّبَعُوْهُمْ بِاِحْسَانٍۙ رَّضِيَ اللّٰهُ عَنْهُمْ وَرَضُوْا عَنْهُ وَاَعَدَّ لَهُمْ جَنّٰتٍ تَجْرِيْ تَحْتَهَا الْاَنْهٰرُ خٰلِدِيْنَ فِيْهَآ اَبَدًا ۗذٰلِكَ الْفَوْزُ الْعَظِيْمُ١٠٠
Was-sābiqūnal-awwalūna minal-muhājirīna wal-anṣāri wal-lażīnattaba‘ūhum bi'iḥsān(in), raḍiyallāhu ‘anhum wa raḍū ‘anhu wa a‘adda lahum jannātin tajrī taḥtahal-anhāru khālidīna fīhā abadā(n), żālikal-fauzul-‘aẓīm(u).
[100]
Anna to madiolo iya mammula-mula mettama (Sallang) pole di to Muhajirin anna Anshar anna to mappeccoe’i ise’iya sawa’ apiangan, Puang Allah Taala mario lao ise’iya anna diang toi mario lao di Puang Allah Taala anna Puang Allah Taala mappatayangani ise’iya suruga iya lolong mae’di binanga di naungna, ise’iya ka’deng mannannungan di lalangna, iyamo di’o apakalang iya maraya.
وَمِمَّنْ حَوْلَكُمْ مِّنَ الْاَعْرَابِ مُنٰفِقُوْنَ ۗوَمِنْ اَهْلِ الْمَدِيْنَةِ مَرَدُوْا عَلَى النِّفَاقِۗ لَا تَعْلَمُهُمْۗ نَحْنُ نَعْلَمُهُمْۗ سَنُعَذِّبُهُمْ مَّرَّتَيْنِ ثُمَّ يُرَدُّوْنَ اِلٰى عَذَابٍ عَظِيْمٍ ۚ١٠١
Wa mimman ḥaulakum minal-a‘rābi munāfiqūn(a),wa min ahlil-madīnati maradū ‘alan nifāq(i), lā ta‘lamuhum, naḥnu na‘lamuhum, sanu‘ażżibuhum marrataini ṡumma yuraddūna ilā ‘ażābin ‘aẓīm(in).
[101]
Anna pole di to Ara’ Badwi iya dio di alleroangmu mie’, diang to munape’ (bali’ balla’). Anna pole di (to) pakkappung Madinah (diang to’o to munape’. I’o (Muhammad) andingi muissang. Iyami’di ma’issangi ise’iya. Manini Iyami’ na massessai ise’iya penda’dua mane ise’iya na dipepembali’ lao di passessa iya kaiyang.
وَاٰخَرُوْنَ اعْتَرَفُوْا بِذُنُوْبِهِمْ خَلَطُوْا عَمَلًا صَالِحًا وَّاٰخَرَ سَيِّئًاۗ عَسَى اللّٰهُ اَنْ يَّتُوْبَ عَلَيْهِمْۗ اِنَّ اللّٰهَ غَفُوْرٌ رَّحِيْمٌ١٠٢
Wa ākharūna‘tarafū biżunūbihim khalaṭū ‘amalan ṣāliḥaw wa ākhara sayyi'ā(n), ‘asallāhu ay yatūba ‘alaihim, innallāha gafūrur raḥīm(un).
[102]
Anna (diang to’o) tau laeng maakui dosa-dosana ise’iya, ise’iya mappasijappur panggauang macoa anna panggauang adae’. Mamoare’i Puang Allah Taala mattarima towa’na ise’iya. Sitongangna Puang Allah Taala Masarro Pa’dappang na Makkesayang.
خُذْ مِنْ اَمْوَالِهِمْ صَدَقَةً تُطَهِّرُهُمْ وَتُزَكِّيْهِمْ بِهَا وَصَلِّ عَلَيْهِمْۗ اِنَّ صَلٰوتَكَ سَكَنٌ لَّهُمْۗ وَاللّٰهُ سَمِيْعٌ عَلِيْمٌ١٠٣
Khuż min amwālihim ṣadaqatan tuṭahhiruhum wa tuzakkīhim bihā wa ṣalli ‘alaihim, inna ṣalātaka sakanul lahum, wallāhu samī‘un ‘alīm(un).
[103]
Alai sakka’ pole di sambareang barangna ise’iya, sawa’ sakka’ di’o diango’o mappamapaccing anna massarattui alawena ise’iya anna mandoakangi (mapperauangi) ise’iya. Sitongangna iya di’o peraummu-o menjari pappasannang nyawana ise’iya. Anna sitongangna Puang Allah Taala Masarro Pairrangngi na Paissang.
اَلَمْ يَعْلَمُوْٓا اَنَّ اللّٰهَ هُوَ يَقْبَلُ التَّوْبَةَ عَنْ عِبَادِهٖ وَيَأْخُذُ الصَّدَقٰتِ وَاَنَّ اللّٰهَ هُوَ التَّوَّابُ الرَّحِيْمُ١٠٤
Alam ya‘lamū annallāha huwa yaqbalut-taubata ‘an ‘ibādihī wa ya'khużuṣ-ṣadaqāti wa annallāha huwat-tawwābur-raḥīm(u).
[104]
Apa’ andiangdi ise’iya naissang, mua’ sitongangna Puang Allah Taala mattarima towa’ pole di batuan-Na anna mattarima sakka’na, anna sitongangna Puang Allah Taala Masarro Pattarima towa’ na Makkesayang.
وَقُلِ اعْمَلُوْا فَسَيَرَى اللّٰهُ عَمَلَكُمْ وَرَسُوْلُهٗ وَالْمُؤْمِنُوْنَۗ وَسَتُرَدُّوْنَ اِلٰى عٰلِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُوْنَۚ١٠٥
Wa quli‘malū fa sayarallāhu ‘amalakum wa rasūluhū wal-mu'minūn(a), wa saturaddūna ilā ‘ālimil-gaibi wasy-syahādati fa yunabbi'ukum bimā kuntum ta‘malūn(a).
[105]
Anna pa’uango’o: “Pe’uya’o mie’, jari Puang Allah Taala anna Suro-Na anna tau matappa’ na ma’ita panggauangmu mie’, anna diango’o mie’ na dipepembali’ lao (di Puang Allah Taala) Iya Masarro ma’issang di anu mallinrung anna anu mallaherang, anna na pakarewaio mie’ di anu iya pura mupogau’.
وَاٰخَرُوْنَ مُرْجَوْنَ لِاَمْرِ اللّٰهِ اِمَّا يُعَذِّبُهُمْ وَاِمَّا يَتُوْبُ عَلَيْهِمْۗ وَاللّٰهُ عَلِيْمٌ حَكِيْمٌ١٠٦
Wa ākharūna murjaunal li'amrillāhi immā yu‘ażżibuhum wa immā yatūbu ‘alaihim, wallāhu ‘alīmun ḥakīm(un).
[106]
Anna diang (to’o) tau laeng iya dipamottong lambi’ diang atattuangna Puang Allah Taala. Iya Puang Allah Taala teppo-teppo na massessai ise’iya anna Iya Puang Allah Taala teppo-teppo na mattarima towa’na ise’iya. Anna Puang Allah Taala Masarro Paissang na Maroro (Adil).
وَالَّذِيْنَ اتَّخَذُوْا مَسْجِدًا ضِرَارًا وَّكُفْرًا وَّتَفْرِيْقًاۢ بَيْنَ الْمُؤْمِنِيْنَ وَاِرْصَادًا لِّمَنْ حَارَبَ اللّٰهَ وَرَسُوْلَهٗ مِنْ قَبْلُ ۗوَلَيَحْلِفُنَّ اِنْ اَرَدْنَآ اِلَّا الْحُسْنٰىۗ وَاللّٰهُ يَشْهَدُ اِنَّهُمْ لَكٰذِبُوْنَ١٠٧
Wal-lażīnattakhażū masjidan ḍirāraw wa kufraw wa tafrīqam bainal-mu'minīna wa irṣādal liman ḥāraballāha wa rasūlahū min qabl(u), wa layaḥlifunna in aradnā illal-ḥusnā, wallāhu yasyhadu innahum lakāżibūn(a).
[107]
Anna (di antara to munape’/bali’ balla’) diang mappake’de’ masigi na mappapole adaeang (lao di to matappa’), akaperang anna na mappasisara-sara’ to matappa’ anna ma’eppei apoleanganna to pura mammusu’i Puang Allah Taala anna Suro-Na simemangan diolo’ mai. Ise’iya tongang mattunda; Iyami’ andiang ma'elo’i selaengna acoang. Anna Puang Allah Taala massa’bi mua’ sitongangna ise’iya di’o pallosong (di tundana).
لَا تَقُمْ فِيْهِ اَبَدًاۗ لَمَسْجِدٌ اُسِّسَ عَلَى التَّقْوٰى مِنْ اَوَّلِ يَوْمٍ اَحَقُّ اَنْ تَقُوْمَ فِيْهِۗ فِيْهِ رِجَالٌ يُّحِبُّوْنَ اَنْ يَّتَطَهَّرُوْاۗ وَاللّٰهُ يُحِبُّ الْمُطَّهِّرِيْنَ١٠٨
Lā taqum fīhi abadā(n), lamasjidun ussisa ‘alat-taqwā min awwali yaumin aḥaqqu an taqūma fīh(i), fīhi rijāluy yuḥibbūna ay yataṭahharū, wallāhu yuḥibbul-muṭṭahhirīn(a).
[108]
Da le’ba’o passambayang dio di’o di masigi-o situngguang lino, Sitongangna masigi iya napake’de’ sawa’ takwa (masigi Kuba), di allo uru-uruna mai la’bi sipato’o massambayang di lalangna. Di lalangna diang to melo’ mappaccingngi alawena. Anna Puang Allah Taala ma’elo’i to mapaccing.
اَفَمَنْ اَسَّسَ بُنْيَانَهٗ عَلٰى تَقْوٰى مِنَ اللّٰهِ وَرِضْوَانٍ خَيْرٌ اَمْ مَّنْ اَسَّسَ بُنْيَانَهٗ عَلٰى شَفَا جُرُفٍ هَارٍ فَانْهَارَ بِهٖ فِيْ نَارِ جَهَنَّمَۗ وَاللّٰهُ لَا يَهْدِى الْقَوْمَ الظّٰلِمِيْنَ١٠٩
Afaman assasa bun-yānahū ‘alā taqwā minallāhi wa riḍwānin khairun am man assasa bun-yānahū ‘alā syafā jurufin hārin fanhāra bihī fī nāri jahannam(a), wallāhu lā yahdil-qaumaẓ-ẓālimīn(a).
[109]
Jari apa’ diangdi to mappake’de’ masigi sawa’ takwa lao di Puang Allah Taala anna rio-Na di’o macoa, iyade’ to mappake’de ke’deang dio di biring orro’ iya ra’ba, mane ke’deang di’o siolai tama di naraka Jahannam. Anna Puang Allah Taala andiang mambei patiroang lao di kaum iya ta’lalo pagau’ bawang.
لَا يَزَالُ بُنْيَانُهُمُ الَّذِيْ بَنَوْا رِيْبَةً فِيْ قُلُوْبِهِمْ اِلَّآ اَنْ تَقَطَّعَ قُلُوْبُهُمْۗ وَاللّٰهُ عَلِيْمٌ حَكِيْمٌ ࣖ١١٠
Lā yazālu bun-yānuhumul-lażī banau rībatan fī qulūbihim illā an taqaṭṭa‘a qulūbuhum, wallāhu ‘alīmun ḥakīm(un).
[110]
Ke’de-ke’deangna ise’iya iya napake’de’ diangi simata menjari ponge’na abata-batang lalang di atena ise’iya, selaengna mua’ atena ise’iya di’o accurmi. Anna Puang Allah Taala Masarro Paissang na Maroro (Adil).
۞ اِنَّ اللّٰهَ اشْتَرٰى مِنَ الْمُؤْمِنِيْنَ اَنْفُسَهُمْ وَاَمْوَالَهُمْ بِاَنَّ لَهُمُ الْجَنَّةَۗ يُقَاتِلُوْنَ فِيْ سَبِيْلِ اللّٰهِ فَيَقْتُلُوْنَ وَيُقْتَلُوْنَ وَعْدًا عَلَيْهِ حَقًّا فِى التَّوْرٰىةِ وَالْاِنْجِيْلِ وَالْقُرْاٰنِۗ وَمَنْ اَوْفٰى بِعَهْدِهٖ مِنَ اللّٰهِ فَاسْتَبْشِرُوْا بِبَيْعِكُمُ الَّذِيْ بَايَعْتُمْ بِهٖۗ وَذٰلِكَ هُوَ الْفَوْزُ الْعَظِيْمُ١١١
Innallāhasytarā minal-mu'minīna anfusahum wa amwālahum bi'anna lahumul-jannah(ta), yuqātilūna fī sabīlillāhi fa yaqtulūna wa yuqtalūna wa‘dan ‘alaihi ḥaqqan fit-taurāti wal-injīli wal-qur'ān(i), wa man aufā bi‘ahdihī minallāhi fastabsyirū bibai‘ikumul-lażī bāya‘tum bih(ī), wa żālika huwal-fauzul-‘aẓīm(u).
[111]
Sitongangna Puang Allah Taala pole di to matappa’, alawe anna barangna ise’iya siola nabenganna suruga lao ise’iya. Ise’iya mammusu’ di tangalalangna Puang Allah Taala, mane ise’iya mambuno iyade’ di bunoi. Iya di’o talli’ tongang polei di Puang Allah Taala lalang di Taurat, anna Injil, anna Koroang. Anna inai la’bi mappasilennarang janjinna selaengna Puang Allah Taala? jari pariomo’o mie’ sawa’ pa’baluang anna pa’alliang iya mupogau’, anna iyamo di’o apakalang iya maraya.
اَلتَّاۤىِٕبُوْنَ الْعٰبِدُوْنَ الْحٰمِدُوْنَ السَّاۤىِٕحُوْنَ الرّٰكِعُوْنَ السّٰجِدُوْنَ الْاٰمِرُوْنَ بِالْمَعْرُوْفِ وَالنَّاهُوْنَ عَنِ الْمُنْكَرِ وَالْحٰفِظُوْنَ لِحُدُوْدِ اللّٰهِ ۗوَبَشِّرِ الْمُؤْمِنِيْنَ١١٢
At tā'ibūnal-‘ābidul-ḥāmidūnas-sā'iḥūnar-rāki‘ūnas-sājidūnal-āmirūna bil-ma‘rūfi wan-nāhūna ‘anil-munkari wal-ḥāfiẓūna liḥudūdillāh(i), wa basysyiril-mu'minīn(a).
[112]
Ise’iya di’o to me’atowa’, makkasiwiang, mappuyi (Puang Allah Taala), massiara (mellamba ma’itai pa’issangan), ruku’, suyu’, massio mappogau’ apiangan anna mappusara mappogau’ adaeang anna mappiara hukum-hukum (sarea’na) Puang Allah Taala. Anna pakarioi to matappa’.
مَا كَانَ لِلنَّبِيِّ وَالَّذِيْنَ اٰمَنُوْٓا اَنْ يَّسْتَغْفِرُوْا لِلْمُشْرِكِيْنَ وَلَوْ كَانُوْٓا اُولِيْ قُرْبٰى مِنْۢ بَعْدِ مَا تَبَيَّنَ لَهُمْ اَنَّهُمْ اَصْحٰبُ الْجَحِيْمِ١١٣
Mā kāna lin-nabiyyi wal-lażīna āmanū ay yastagfirū lil-musyrikīna wa lau kānū ulī qurbā mim ba‘di mā tabayyana lahum annahum aṣḥābul-jaḥīm(i).
[113]
Andiangi sipato’ di sesena nabi anna di to matappa’ mapperau a’dappangan lao (di Puang Allah Taala) to mappa’dua, maui to mappa’dua di’o sikadeppu’na, di puranamo mannassa lao ise’iya mua’ sitongangna to mappa’dua di’o iyamo pa’engei naraka Jahannam.
وَمَا كَانَ اسْتِغْفَارُ اِبْرٰهِيْمَ لِاَبِيْهِ اِلَّا عَنْ مَّوْعِدَةٍ وَّعَدَهَآ اِيَّاهُۚ فَلَمَّا تَبَيَّنَ لَهٗٓ اَنَّهٗ عَدُوٌّ لِّلّٰهِ تَبَرَّاَ مِنْهُۗ اِنَّ اِبْرٰهِيْمَ لَاَوَّاهٌ حَلِيْمٌ١١٤
Wa mā kānastigfāru ibrāhīma li'abīhi illā ‘am mau‘idatiw wa‘adahā iyyāh(u), falammā tabayyana lahū annahū ‘aduwwul lillāhi tabarra'a minh(u), inna ibrāhīma la'awwāhun ḥalīm(un).
[114]
Anna perau a’dappanganna Ibrahim lao (di Puang Allah Taala) untu’ amanna, andiang laeng selaengna sangga’ mesa janji iya pura nattekang lao di amanna. Jari di wattunna mannassamo di Ibrahim mua’ amanna di’o balinnai Puang Allah Taala, jari Ibrahim napalappassi alawena pole di amanna. Sitongangna Ibrahim mesa rupa tau kaminang malumu ate na mappelomo-lomo.
وَمَا كَانَ اللّٰهُ لِيُضِلَّ قَوْمًاۢ بَعْدَ اِذْ هَدٰىهُمْ حَتّٰى يُبَيِّنَ لَهُمْ مَّا يَتَّقُوْنَۗ اِنَّ اللّٰهَ بِكُلِّ شَيْءٍ عَلِيْمٌ١١٥
Wa mā kānallāhu liyuḍilla qaumam ba‘da iż hadāhum ḥattā yubayyina lahum mā yattaqūn(a), innallāha bikulli syai'in ‘alīm(un).
[115]
Anna Puang Allah Taala andiang sinalai na mappapusa mesa kaum, di purana Puang Allah Taala mambei patiroang lao ise’iya lambi’i na papannassa lao ise’iya anu iya sipato’ napeakaraoang. Sitongangna Puang Allah Taala Masarro Paissang di inggannana seu-seuwa.
اِنَّ اللّٰهَ لَهٗ مُلْكُ السَّمٰوٰتِ وَالْاَرْضِۗ يُحْيٖ وَيُمِيْتُۗ وَمَا لَكُمْ مِّنْ دُوْنِ اللّٰهِ مِنْ وَّلِيٍّ وَّلَا نَصِيْرٍ١١٦
Innallāha lahū mulkus-samāwāti wal-arḍ(i), yuḥyī wa yumīt(u), wa mā lakum min dūnillāhi miw waliyyiw wa lā naṣīr(in).
[116]
Sitongangna Puang Allah Taala maappunnai arayang langi’ anna lino. Iya (Puang) mappatuo anna mappamate. Anna andiang le’ba’ diang petturundungan anna pattulung di sesemu mie’ saliwangna Puang Allah Taala.
لَقَدْ تَّابَ اللّٰهُ عَلَى النَّبِيِّ وَالْمُهٰجِرِيْنَ وَالْاَنْصَارِ الَّذِيْنَ اتَّبَعُوْهُ فِيْ سَاعَةِ الْعُسْرَةِ مِنْۢ بَعْدِ مَا كَادَ يَزِيْغُ قُلُوْبُ فَرِيْقٍ مِّنْهُمْ ثُمَّ تَابَ عَلَيْهِمْۗ اِنَّهٗ بِهِمْ رَءُوْفٌ رَّحِيْمٌ ۙ١١٧
Laqat tāballāhu ‘alan-nabiyyi wal-muhājirīna wal-anṣāril-lażīnattaba‘ūhu fī sā‘atil-‘usrati mim ba‘di mā kāda yazīgu qulūbu farīqim minhum ṡumma tāba ‘alaihim, innahū bihim ra'ūfur raḥīm(un).
[117]
Sitongangna Puang Allah Taala mattarima towa’na Nabi, to Muhajirin anna to Anshar, iya mappeccoe’i Nabi lalang di wattu amasussang, dipuranamo atena sambareang ise’iya saicco’pa na meppondo’, mane Puang Allah Taala mattarima towa’na ise’iya. Sitongangna Puang Allah Taala Masarro Masayang na Makkesayang lao ise’iya.
وَّعَلَى الثَّلٰثَةِ الَّذِيْنَ خُلِّفُوْاۗ حَتّٰٓى اِذَا ضَاقَتْ عَلَيْهِمُ الْاَرْضُ بِمَا رَحُبَتْ وَضَاقَتْ عَلَيْهِمْ اَنْفُسُهُمْ وَظَنُّوْٓا اَنْ لَّا مَلْجَاَ مِنَ اللّٰهِ اِلَّآ اِلَيْهِۗ ثُمَّ تَابَ عَلَيْهِمْ لِيَتُوْبُوْاۗ اِنَّ اللّٰهَ هُوَ التَّوَّابُ الرَّحِيْمُ ࣖ١١٨
Wa ‘alaṡ-ṡalāṡatil-lażīna khullifū, ḥattā iżā ḍāqat ‘alaihimul-arḍu bimā raḥubat wa ḍāqat ‘alaihim anfusuhum wa ẓannū allā malja'a minallāhi illā ilaih(i), ṡumma tāba ‘alaihim liyatūbū, innallāha huwat-tawwābur-raḥīm(u).
[118]
Anna lao di tallu to dipattanjeng pattarimang towa’na (Ka’ab bin Malik, Hilal bin Umayyah, anna Mararah bin Rabi’). Lambi’ wattu lino menjari sippi’ di sesena ise’iya, anna iya di’o lino-o maloangi anna nyawana ise’iya sippi’ (nasa’ding), anna diangi ise’iya ma’issang mua’ andiang diang engeang maindong pole di (passessana) Puang Allah Taala, selaengna di sese-Na tappa’. Mane Puang Allah Taala mattarima towa’na ise’iya mamoare’i ise’iya tatta’ lalang di towa’na. Sitongangna Puang Allah Taala Masarro Pattarima towa’ na Makkesayang.
يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَكُوْنُوْا مَعَ الصّٰدِقِيْنَ١١٩
Yā ayyuhal-lażīna āmanuttaqullāha wa kūnū ma‘aṣ-ṣādiqīn(a).
[119]
E inggannana to matapa’, pe’atakwao mie’ lao di Puang Allah Taala, anna sitinayannao mie’ siola to tongang (parua).
مَا كَانَ لِاَهْلِ الْمَدِيْنَةِ وَمَنْ حَوْلَهُمْ مِّنَ الْاَعْرَابِ اَنْ يَّتَخَلَّفُوْا عَنْ رَّسُوْلِ اللّٰهِ وَلَا يَرْغَبُوْا بِاَنْفُسِهِمْ عَنْ نَّفْسِهٖۗ ذٰلِكَ بِاَنَّهُمْ لَا يُصِيْبُهُمْ ظَمَاٌ وَّلَا نَصَبٌ وَّلَا مَخْمَصَةٌ فِيْ سَبِيْلِ اللّٰهِ وَلَا يَطَـُٔوْنَ مَوْطِئًا يَّغِيْظُ الْكُفَّارَ وَلَا يَنَالُوْنَ مِنْ عَدُوٍّ نَّيْلًا اِلَّا كُتِبَ لَهُمْ بِهٖ عَمَلٌ صَالِحٌۗ اِنَّ اللّٰهَ لَا يُضِيْعُ اَجْرَ الْمُحْسِنِيْنَ١٢٠
Mā kāna li'ahlil-madīnati wa man ḥaulahum minal-a‘rābi ay yatakhallafū ‘ar rasūlillāhi wa lā yargabū bi'anfusihim ‘an nafsih(ī), żālika bi'annahum lā yuṣībuhum ẓama'uw wa lā naṣabuw wa lā makhmaṣatun fī sabīlillāhi wa lā yaṭa'ūna mauṭi'ay yagīẓul-kuffāra wa lā yanālūna min ‘aduwwin nailan illā kutiba lahum bihī ‘amalun ṣāliḥ(un), innallāha lā yuḍī‘u ajral-muḥsinīn(a).
[120]
Andiangi sitinaya di pakkappung Madinah anna to Ara’ Badwi iya diang mottong (me’asannang) di alleroangna ise’iya, anndiangi turu’ (massolang Surona Puang Allah Taala (lamba mammusu’) anna andiang toi sitinaya ise’iya la’bi ma’elo’i alawena dadi ma’elo’i Surona Puang Allah Taala. Iya bassa di’o sawa’ ise’iya andiang narua amamarangan, atanggalang anna acipurang di tangalalangna Puang Allah Taala, anna andiang toi ma’inda’i engeang iya mappapole cai’na to kaper. Anna andiang toi mappapole awala’ lao di musu’ selaengna di ukiri di sesena panggauang macoa. Sitongangna Puang Allah Taala andiang mappaso’na appalangna to mappogau’ apiangan.
وَلَا يُنْفِقُوْنَ نَفَقَةً صَغِيْرَةً وَّلَا كَبِيْرَةً وَّلَا يَقْطَعُوْنَ وَادِيًا اِلَّا كُتِبَ لَهُمْ لِيَجْزِيَهُمُ اللّٰهُ اَحْسَنَ مَا كَانُوْا يَعْمَلُوْنَ١٢١
Wa lā yunfiqūna nafaqatan ṣagīrataw wa lā kabīrataw wa lā yaqṭa‘ūna wādiyan illā kutiba lahum liyajziyahumullāhu aḥsana mā kānū ya‘malūn(a).
[121]
Anna ise’iya andiangi mappasulakkang passulakka keccu’ anna iya topa passulakka kaiyang, anna andiangi mallambangngi mesa lembang, selaengna di ukiri di sesena (panggauang macoa), sawa’ Puang Allah Taala mambalasi, (pambalas) iya kaminang macoa di anu iya pura napogau’ ise’iya.
۞ وَمَا كَانَ الْمُؤْمِنُوْنَ لِيَنْفِرُوْا كَاۤفَّةًۗ فَلَوْلَا نَفَرَ مِنْ كُلِّ فِرْقَةٍ مِّنْهُمْ طَاۤىِٕفَةٌ لِّيَتَفَقَّهُوْا فِى الدِّيْنِ وَلِيُنْذِرُوْا قَوْمَهُمْ اِذَا رَجَعُوْٓا اِلَيْهِمْ لَعَلَّهُمْ يَحْذَرُوْنَ ࣖ١٢٢
Wa mā kānal-mu'minūna liyanfirū kāffah(tan), falau lā nafara min kulli firqatim minhum ṭā'ifatul liyatafaqqahū fid-dīni wa liyunżirū qaumahum iżā raja‘ū ilaihim la‘allahum yaḥżarūn(a).
[122]
Anna andiangi sipato’ di sesena to matappa’ lamba nasang lao (di pammusuang). Mangapa na andiang lamba di mesa-mesa golongan di antarana ise’iya, sisaapa tau na mappeapahangngi pa’issangan (pe’guruang) agama na maappaingarang lao di kaumna mua’ diangi membali’mo, mamoarei ise’iya mala manjagai alawena ise’iya?
يٰٓاَيُّهَا الَّذِيْنَ اٰمَنُوْا قَاتِلُوا الَّذِيْنَ يَلُوْنَكُمْ مِّنَ الْكُفَّارِ وَلْيَجِدُوْا فِيْكُمْ غِلْظَةًۗ وَاعْلَمُوْٓا اَنَّ اللّٰهَ مَعَ الْمُتَّقِيْنَ١٢٣
Yā ayyuhal-lażīna āmanū qātilul-lażīna yalūnakum minal-kuffāri wal-yajidū fīkum gilẓah(tan), wa‘lamū annallāha ma‘al-muttaqīn(a).
[123]
E inggannana to matappa’, musu’i (baliangi) mie’ tau kaper iya sikadeppe’mu, anna sitinayai mapperasai amakarrasangmu mie’, anna issangi mie’ mua’ sitongangna Puang Allah Taala siola to me’atakwa.
وَاِذَا مَآ اُنْزِلَتْ سُوْرَةٌ فَمِنْهُمْ مَّنْ يَّقُوْلُ اَيُّكُمْ زَادَتْهُ هٰذِهٖٓ اِيْمَانًاۚ فَاَمَّا الَّذِيْنَ اٰمَنُوْا فَزَادَتْهُمْ اِيْمَانًا وَّهُمْ يَسْتَبْشِرُوْنَ١٢٤
Wa iżā mā unzilat sūratun fa minhum may yaqūlu ayyukum zādathu hāżihī īmānā(n), fa ammal-lażīna āmanū fa zādathum īmānaw wa hum yastabsyirūn(a).
[124]
Anna mua’ dipaturungi mesa sura’, jari di antarana ise’iya (to munape’/bali’ balla’) diang ma’uang: “Inai di sesemu mie’ tambang tappa’na sawa’ dipaturungani di’e (sura’-e)?” Anna to matappa’, jari sura’ di’e mattambai tappa’na, anna ise’iya mario.
وَاَمَّا الَّذِيْنَ فِيْ قُلُوْبِهِمْ مَّرَضٌ فَزَادَتْهُمْ رِجْسًا اِلٰى رِجْسِهِمْ وَمَاتُوْا وَهُمْ كٰفِرُوْنَ١٢٥
Wa ammal-lażīna fī qulūbihim maraḍun fa zādathum rijsan ilā rijsihim wa mātū wa hum kāfirūn(a).
[125]
Anna iya topa to lalang di atena ise’iya diang amongeang, jari (sawa’ iya di’o sura’-o) mattambai akaperangna, anna akaperangna ise’iya, anna ise’iya mate lalang di akaperang.
اَوَلَا يَرَوْنَ اَنَّهُمْ يُفْتَنُوْنَ فِيْ كُلِّ عَامٍ مَّرَّةً اَوْ مَرَّتَيْنِ ثُمَّ لَا يَتُوْبُوْنَ وَلَا هُمْ يَذَّكَّرُوْنَ١٢٦
Awalā yarauna annahum yuftanūna fī kulli ‘āmim marrataini ṡumma lā yatūbūna wa lā hum yażżakkarūn(a).
[126]
Apa’ andiangdi ise’iya (to munape’, bali’ balla’) mappendalingai mua’ ise’iya diuyi pissang iyade’ penda’dua di lalangna setaung, mane ise’iya andiang me’atowa’ anna andiang toi maala pe’guruang?
وَاِذَا مَآ اُنْزِلَتْ سُوْرَةٌ نَّظَرَ بَعْضُهُمْ اِلٰى بَعْضٍۗ هَلْ يَرٰىكُمْ مِّنْ اَحَدٍ ثُمَّ انْصَرَفُوْاۗ صَرَفَ اللّٰهُ قُلُوْبَهُمْ بِاَنَّهُمْ قَوْمٌ لَّا يَفْقَهُوْنَ١٢٧
Wa iżā mā unzilat sūratun naẓara ba‘ḍuhum ilā ba‘ḍ(in), hal yarākum min aḥadin ṡummanṣarafū, ṣarafallāhu qulūbahum bi'annahum qaumul lā yafqahūn(a).
[127]
Anna mua’ dipaturungani mesa sura’, sambareangi ise’iya mattangngar lao di sambareang laengna, na ma’uang: “Diangdi mesa rupa tau pole (di to Sallang) iya ma’itao?” Dipuranamo di’o ise’iya lamba. Puang Allah Taala mappepeppondo’ atena ise’iya, sawa’ sitongangna ise’iya kaum iya andiang mappahang.
لَقَدْ جَاۤءَكُمْ رَسُوْلٌ مِّنْ اَنْفُسِكُمْ عَزِيْزٌ عَلَيْهِ مَا عَنِتُّمْ حَرِيْصٌ عَلَيْكُمْ بِالْمُؤْمِنِيْنَ رَءُوْفٌ رَّحِيْمٌ١٢٨
Laqad jā'akum rasūlum min anfusikum ‘azīzun ‘alaihi mā ‘anittum ḥarīṣun ‘alaikum bil-mu'minīna ra'ūfur raḥīm(un).
[128]
Sitongangna napoleimo’o mie’ mesa Suro di simbassamu, mane’ mabe’i nasa’ding amasussangmu, napoelo’ sannai (amakanynyangan anna asalamakang) di sesemu mie’, mappelomo-lomo na makkesayang lao di to matapa’.
فَاِنْ تَوَلَّوْا فَقُلْ حَسْبِيَ اللّٰهُ لَآ اِلٰهَ اِلَّا هُوَ ۗ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيْمِ ࣖ١٢٩
Fa in tawallau faqul ḥasbiyallāhu lā ilāha illā huw(a), ‘alaihi tawakkaltu wa huwa rabbul-‘arsyil-‘aẓīm(i).
[129]
Jari mua’ ise’iya meppondo’ (pole di tappa’), jari pa’uango’o (Muhammad): Sukku’mi Puang Allah Taala di seseu, andiang diang Puang sangadinna Iya. Sangga’ di sese-Nai dianga’ mattawakkal, anna Iya (Puang) maappunnai Arsy iya maraya.