Surah Al-Mursalat
بِسْمِ اللّٰهِ الرَّحْمٰنِ الرَّحِيْمِ
وَالْمُرْسَلٰتِ عُرْفًاۙ١
Wal-mursalāti ‘urfā(n).
[1]
Sawa’ para malaika’ (iya) disio mambawa apiangan.
فَالْعٰصِفٰتِ عَصْفًاۙ٢
Fal-‘āṣifāti ‘aṣfā(n).
[2]
Anna (para malaika’) iya melluttus masiga sanna’.
وَّالنّٰشِرٰتِ نَشْرًاۙ٣
Wan-nāsyirāti nasyrā(n).
[3]
anna (para malaika’) iya mambure (pammasena Puangna) kaminang maloang,
فَالْفٰرِقٰتِ فَرْقًاۙ٤
Fal-fāriqāti farqā(n).
[4]
anna (para malaika’) iya mappasallaesang (anu parua anna anu salah) mappannassana tongang,
فَالْمُلْقِيٰتِ ذِكْرًاۙ٥
Fal-mulqiyāti żikrā(n).
[5]
anna (para malaika’) iya mappalambi’ wahyu,
عُذْرًا اَوْ نُذْرًاۙ٦
‘Użran au nużrā(n).
[6]
na mattola’ (andiang matarima) alasan iyade’ mappaingarang.
اِنَّمَا تُوْعَدُوْنَ لَوَاقِعٌۗ٧
Innamā tū‘adūna lawāqi‘(un).
[7]
Sitongangna anu iya na janjiango’o, tongang na tipatengi.
فَاِذَا النُّجُوْمُ طُمِسَتْۙ٨
Fa iżan-nujūmu ṭumisat.
[8]
Jari mua’ bittoeng di apusmi,
وَاِذَا السَّمَاۤءُ فُرِجَتْۙ٩
Wa iżas-samā'u furijat.
[9]
anna mua’ langi’ tisigi’mi,
وَاِذَا الْجِبَالُ نُسِفَتْۙ١٠
Wa iżal-jibālu nusifat.
[10]
anna mua’ buttu dipaaccurmi menjari kareamus,
وَاِذَا الرُّسُلُ اُقِّتَتْۗ١١
Wa iżar-rusulu uqqitat.
[11]
anna mua’ para suro dipato’mi wattunna.
لِاَيِّ يَوْمٍ اُجِّلَتْۗ١٢
Li'ayyi yaumin ujjilat.
[12]
(Ise’iya tongang di pa’uangngi): “Ingga inna allo, di pattanjeng (na massessa to kaper)?”
لِيَوْمِ الْفَصْلِۚ١٣
Liyaumil-faṣl(i).
[13]
Lambi’ allo atattuang.
وَمَآ اَدْرٰىكَ مَا يَوْمُ الْفَصْلِۗ١٤
Wa mā adrāka mā yaumul-faṣl(i).
[14]
Anna muissang bandi apa di’o disanga allo atattuang-o?
وَيْلٌ يَّوْمَىِٕذٍ لِّلْمُكَذِّبِيْنَ١٥
Wailuy yauma'iżil lil-mukażżibīn(a).
[15]
Acilakang kaiyang di allo di’o di sesena to malloso-losongan.
اَلَمْ نُهْلِكِ الْاَوَّلِيْنَۗ١٦
Alam nuhlikil-awwalīn(a).
[16]
Apa’ taniadi Iyami’ pura mappawinasai to mendiolo?
ثُمَّ نُتْبِعُهُمُ الْاٰخِرِيْنَ١٧
Ṡumma nutbi‘uhumul-ākhirīn(a).
[17]
Mane Iyami’ mappacoe’ (passessa-I lao ise’iya) sawa’ passessa to pole di boe’.
كَذٰلِكَ نَفْعَلُ بِالْمُجْرِمِيْنَ١٨
Każālika naf‘alu bil-mujrimīn(a).
[18]
Tipatenganmi di’o Iyami’ mappogau’ lao di to madosa.
وَيْلٌ يَّوْمَىِٕذٍ لِّلْمُكَذِّبِيْنَ١٩
Wailuy yauma'iżil lil-mukażżibīn(a).
[19]
Acilakang kaiyang di allo di’o di sesena to malloso-losongan.
اَلَمْ نَخْلُقْكُّمْ مِّنْ مَّاۤءٍ مَّهِيْنٍۙ٢٠
Alam nakhluqkum mim mā'im mahīn(in).
[20]
Apa’ taniadi Iyami’ mappadiango-o mie’ pole di uai iya matuna,
فَجَعَلْنٰهُ فِيْ قَرَارٍ مَّكِيْنٍ٢١
Fa ja‘alnāhu fī qarārim makīn(in).
[21]
mane Iyami’ maannai lalang di engeang makasau (are’ pianang),
اِلٰى قَدَرٍ مَّعْلُوْمٍۙ٢٢
Ilā qadarim ma‘lūm(in).
[22]
lambi’ wattu iya di pattantu,
فَقَدَرْنَاۖ فَنِعْمَ الْقٰدِرُوْنَ٢٣
Fa qadarnā, fani‘mal-qādirūn(a).
[23]
mane Iyami’ mappattantu (benru’ tokkona), jari Iyami’mo kaminang macoa iya mappattantu.
وَيْلٌ يَّوْمَىِٕذٍ لِّلْمُكَذِّبِيْنَ٢٤
Wailuy yauma'iżil lil-mukażżibīn(a).
[24]
Acilakang kaiyang di allo di’o di sesena to malloso-losongan.
اَلَمْ نَجْعَلِ الْاَرْضَ كِفَاتًاۙ٢٥
Alam naj‘alil-arḍa kifātā(n).
[25]
Apa’ taniadi Iyami’ mappajari lino (engeang) assirumungan,
اَحْيَاۤءً وَّاَمْوَاتًاۙ٢٦
Aḥyā'aw wa amwātā(n).
[26]
to tuo anna to mate?
وَّجَعَلْنَا فِيْهَا رَوَاسِيَ شٰمِخٰتٍ وَّاَسْقَيْنٰكُمْ مَّاۤءً فُرَاتًاۗ٢٧
Wa ja‘alnā fīhā rawāsiya syāmikhātiw wa asqainākum mā'an furātā(n).
[27]
Anna Iyami’ mappapiangani mai’di buttu malinggao, anna Iyami’ mappadunduo mie’ uai matawar.
وَيْلٌ يَّوْمَىِٕذٍ لِّلْمُكَذِّبِيْنَ٢٨
Wailuy yauma'iżil lil-mukażżibīn(a).
[28]
Acilakang kaiyang di allo di’o, di sesena to malloso-losongan.
اِنْطَلِقُوْٓا اِلٰى مَا كُنْتُمْ بِهٖ تُكَذِّبُوْنَۚ٢٩
Inṭaliqū ilā mā kuntum bihī tukażżibūn(a).
[29]
(Dipa’uangngi lao ise’iya di allo kiama’): “Lambamo’o mie’ mallolongan passessa iya diolo’ mai muloso-losongan.
اِنْطَلِقُوْٓا اِلٰى ظِلٍّ ذِيْ ثَلٰثِ شُعَبٍ٣٠
Inṭaliqū ilā ẓillin żī ṡalāṡi syu‘ab(in).
[30]
Lambamo’o na mallolongan pettullungan (iya) tallu ta’ena (api naraka),
لَا ظَلِيْلٍ وَّلَا يُغْنِيْ مِنَ اللَّهَبِۗ٣١
Lā ẓalīliw wa lā yugnī minal-lahab(i).
[31]
Iya andiang marrundungngi anna andiang toi mattola’ sundalle’na (passopana api naraka).”
اِنَّهَا تَرْمِيْ بِشَرَرٍ كَالْقَصْرِۚ٣٢
Innahā tarmī bisyararin kal-qaṣr(i).
[32]
Sitongangna (naraka) mappasung (massemburang) bunga api sikkaiyang anna simmalinggao boyang arayang,
كَاَنَّهٗ جِمٰلَتٌ صُفْرٌۗ٣٣
Ka'annahū jimālatun ṣufr(un).
[33]
ingga’na le’ba’i sattindorang unta iya mariri.
وَيْلٌ يَّوْمَىِٕذٍ لِّلْمُكَذِّبِيْنَ٣٤
Wailuy yauma'iżil lil-mukażżibīn(a).
[34]
Acilakang kaiyang di allo di’o, di sesena to malloso-losongan.
هٰذَا يَوْمُ لَا يَنْطِقُوْنَۙ٣٥
Hāżā yaumu lā yanṭiqūn(a).
[35]
Iyamo di’e allo, ise’iya andiang mala mappau,
وَلَا يُؤْذَنُ لَهُمْ فَيَعْتَذِرُوْنَ٣٦
Wa lā yu'żanu lahum fa ya‘tażirūn(a).
[36]
anna andiangi dielorang lao ise’iya mappau alasanna mamoare’i ise’iya dia’dappangan.
وَيْلٌ يَّوْمَىِٕذٍ لِّلْمُكَذِّبِيْنَ٣٧
Wailuy yauma'iżil lil-mukażżibīn(a).
[37]
Acilakang kaiyang di allo di’o, di sesena to malloso-losongan.
هٰذَا يَوْمُ الْفَصْلِ جَمَعْنٰكُمْ وَالْاَوَّلِيْنَ٣٨
Hāżā yaumul-faṣli jama‘nākum wal-awwalīn(a).
[38]
Iyamo di’e allo di atattuang, (di allo di’e) Iyami’ mappasirumungo’o mie’ anna to mendiolo.
فَاِنْ كَانَ لَكُمْ كَيْدٌ فَكِيْدُوْنِ٣٩
Fa'in kāna lakum kaidun fakīdūn(i).
[39]
Mua’ maappunnaio mie’ pepagengge, jari pogau’i iya di’o pepagenggemu di sese-U.
وَيْلٌ يَّوْمَىِٕذٍ لِّلْمُكَذِّبِيْنَ ࣖ٤٠
Wailuy yauma'iżil lil-mukażżibīn(a).
[40]
Acilakang kaiyang di allo di’o, di sesena to malloso-losongan.
اِنَّ الْمُتَّقِيْنَ فِيْ ظِلٰلٍ وَّعُيُوْنٍۙ٤١
Innal-muttaqīna fī ẓilāliw wa ‘uyūn(in).
[41]
Sitongangna to me’atakwa di lalangnai pettullungan (iya maullung) anna (sikadeppu’na) mai’di mata uai.
وَّفَوَاكِهَ مِمَّا يَشْتَهُوْنَۗ٤٢
Wa fawākiha mimmā yasytahūn(a).
[42]
Anna ise’iya (mallolongan) bua-bua iya naelo’i.
كُلُوْا وَاشْرَبُوْا هَنِيْۤـًٔا ۢبِمَا كُنْتُمْ تَعْمَلُوْنَ٤٣
Kulū wasyrabū hanī'am bimā kuntum ta‘malūn(a).
[43]
(Dip’auangngi ise’iya): “Ande anna pandundumo’o mie’ siola nyamang, sawa’ anu iya pura mupogau’.
اِنَّا كَذٰلِكَ نَجْزِى الْمُحْسِنِيْنَ٤٤
Innā każālika najzil-muḥsinīn(a).
[44]
Sitongangna tipatenganmi di’o Iyami’ mambalas to mappogau’ apiangan.
وَيْلٌ يَّوْمَىِٕذٍ لِّلْمُكَذِّبِيْنَ٤٥
Wailuy yauma'iżil lil-mukażżibīn(a).
[45]
Acilakang kaiyang di allo di’o, di sesena to maloso-losongan.
كُلُوْا وَتَمَتَّعُوْا قَلِيْلًا اِنَّكُمْ مُّجْرِمُوْنَ٤٦
Kulū wa tamatta‘ū qalīlan innakum mujrimūn(a).
[46]
(Dipa’uangngi lao di to kaper); “Ande anna pi’asanna-sannammo’o mie’ (di lino di wattu) mapocci’ (cinappa’). Sitongangna i'o mie’ iyamo to madosa (madoraka).”
وَيْلٌ يَّوْمَىِٕذٍ لِّلْمُكَذِّبِيْنَ٤٧
Wailuy yauma'iżil lil-mukażżibīn(a).
[47]
Acilakang kaiyang di allo di’o, di sesena to malloso-losongan.
وَاِذَا قِيْلَ لَهُمُ ارْكَعُوْا لَا يَرْكَعُوْنَ٤٨
Wa iżā qīla lahumurka‘ū lā yarka‘ūn(a).
[48]
Anna mua’ dipa’uangngi lao ise’iya: “Ruku’o mie’, tongang andiangi ise’iya melo’ ruku’.
وَيْلٌ يَّوْمَىِٕذٍ لِّلْمُكَذِّبِيْنَ٤٩
Wailuy yauma'iżil lil-mukażżibīn(a).
[49]
Acilakang kaiyang di allo di’o, di sesena to malloso-losongan!
فَبِاَيِّ حَدِيْثٍۢ بَعْدَهٗ يُؤْمِنُوْنَ ࣖ ۔٥٠
Fa bi'ayyi ḥadīṡim ba‘dahū yu'minūn(a).
[50]
Jari pau apaduapa, dipurana Koroang di’e ise’iya na mattappa’?