Surah Al-Qiyamah
بِسْمِ اللّٰهِ الرَّحْمٰنِ الرَّحِيْمِ
لَآ اُقْسِمُ بِيَوْمِ الْقِيٰمَةِۙ١
Lā uqsimu biyaumil-qiyāmah(ti).
[1]
Tongang mattunda’ sawa’ allo kiama’,
وَلَآ اُقْسِمُ بِالنَّفْسِ اللَّوَّامَةِ٢
Wa lā uqsimu bin nafsil-lawwāmah(ti).
[2]
anna tongang mattunda’ sawa’ nyawa iya tulu manoso (alawe).
اَيَحْسَبُ الْاِنْسَانُ اَلَّنْ نَّجْمَعَ عِظَامَهٗ ۗ٣
Ayaḥsabul-insānu allan najma‘a ‘iẓāmah(ū).
[3]
Apa’ na nasangadi rupa tau, mua’ Iyami’ andiang na mappasirumungi (membali’) buku-bukunna?
بَلٰى قٰدِرِيْنَ عَلٰٓى اَنْ نُّسَوِّيَ بَنَانَهٗ٤
Balā qādirīna ‘alā an nusawwiya banānah(ū).
[4]
Andiangi tipateng, sitongangna Iyami’ kuasa massusun (membali’) gariminna (massusun) sukku’ (kalepu).
بَلْ يُرِيْدُ الْاِنْسَانُ لِيَفْجُرَ اَمَامَهٗۚ٥
Bal yurīdul-insānu liyafjura amāmah(ū).
[5]
Naiya tia rupa tau di’o melo’ mappogau’ adaeang tarru-tarrus.
يَسْـَٔلُ اَيَّانَ يَوْمُ الْقِيٰمَةِۗ٦
Yas'alu ayyāna yaumul-qiyāmah(ti).
[6]
Mettule’i: “Pirangpai di’o allo kima’-o?”
فَاِذَا بَرِقَ الْبَصَرُۙ٧
Fa iżā bariqal-baṣar(u).
[7]
Jari mua’ membulla’mi mata (marakke’),
وَخَسَفَ الْقَمَرُۙ٨
Wa khasafal-qamar(u).
[8]
anna mua’ bulan pa’dami tayangna (paindona),
وَجُمِعَ الشَّمْسُ وَالْقَمَرُۙ٩
Wa jumi‘asy-syamsu wal-qamar(u).
[9]
anna dipasirumung (dipasammesai) mata allo anna bulan,
يَقُوْلُ الْاِنْسَانُ يَوْمَىِٕذٍ اَيْنَ الْمَفَرُّۚ١٠
Yaqūlul-insānu yauma'iżin ainal-mafarr(u).
[10]
di allo di’o (diangi) rupa tau ma’uang: “Inna na diengei maindong?”
كَلَّا لَا وَزَرَۗ١١
Kallā lā wazar(a).
[11]
Tongang andiangi! andiang diang petturundungan!
اِلٰى رَبِّكَ يَوْمَىِٕذِ ِۨالْمُسْتَقَرُّۗ١٢
Ilā rabbika yauma'iżinil-mustaqarr(u).
[12]
Sangga’ lao tappa’ di Puangmu di allo di’o engeang membali’.
يُنَبَّؤُا الْاِنْسَانُ يَوْمَىِٕذٍۢ بِمَا قَدَّمَ وَاَخَّرَۗ١٣
Yunabba'ul-insānu yauma'iżim bimā qaddama wa akhkhar(a).
[13]
Di allo di’o dipakarewai’i rupa tau anu iya pura na pependiolo anna (siola) anu iya na pependiboe’
بَلِ الْاِنْسَانُ عَلٰى نَفْسِهٖ بَصِيْرَةٌۙ١٤
Balil-insānu ‘alā nafsihī baṣīrah(tun).
[14]
Mala iya di’o rupa tau-o, menjari sa’bi di alawena,
وَّلَوْ اَلْقٰى مَعَاذِيْرَهٗۗ١٥
Wa lau alqā ma‘āżīrah(ū).
[15]
maui (mappadiang) mappasung alasanna.
لَا تُحَرِّكْ بِهٖ لِسَانَكَ لِتَعْجَلَ بِهٖۗ١٦
Lā tuḥarrik bihī lisānaka lita‘jala bih(ī).
[16]
Da mupatiuya’i pallepa’mu na (mambaca) Koroang sawa’ melo’o me’asiga-siga (makkuasai’i).
اِنَّ عَلَيْنَا جَمْعَهٗ وَقُرْاٰنَهٗ ۚ١٧
Inna ‘alainā jam‘ahū wa qur'ānah(ū).
[17]
Sitongangna Iyami’ na mappasirumungi (lalang di dadammu) anna (mappamanarango’o) mambacai.
فَاِذَا قَرَأْنٰهُ فَاتَّبِعْ قُرْاٰنَهٗ ۚ١٨
Fa iżā qara'nāhu fattabi‘ qur'ānah(ū).
[18]
Ana mua’ Iyami’ pura mambacai, jari piccoe’i bacana.
ثُمَّ اِنَّ عَلَيْنَا بَيَانَهٗ ۗ١٩
Ṡumma inna ‘alainā bayānah(ū).
[19]
mane sitongangna Iyami’ na mappannassa-i (Koroang).
كَلَّا بَلْ تُحِبُّوْنَ الْعَاجِلَةَۙ٢٠
Kallā bal tuḥibbūnal-‘ājilah(ta).
[20]
Tongang andiangi! Mala ma’elo’i sanna’o mie’ atuoang lino,
وَتَذَرُوْنَ الْاٰخِرَةَۗ٢١
Wa tażarūnal-‘ākhirah(ta).
[21]
anna mupelei mie’ (atuoang) ahera’.
وُجُوْهٌ يَّوْمَىِٕذٍ نَّاضِرَةٌۙ٢٢
Wujūhuy yauma'iżin nāḍirah(tun).
[22]
Rupanna (to matappa’) di allo di’o mawarra’ (mario),
اِلٰى رَبِّهَا نَاظِرَةٌ ۚ٢٣
Ilā rabbihā nāẓirah(tun).
[23]
mattangngar lao di Puangna.
وَوُجُوْهٌ يَّوْمَىِٕذٍۢ بَاسِرَةٌۙ٢٤
Wa wujūhuy yauma'iżim bāsirah(tun).
[24]
Anna rupanna (to kaper) di allo di’o murrungi,
تَظُنُّ اَنْ يُّفْعَلَ بِهَا فَاقِرَةٌ ۗ٢٥
Taẓunnu ay yuf‘ala bihā fāqirah(tun).
[25]
ise’iya makanynyangi mua’ na diparuai awala’ iya kaiyang sanna’.
كَلَّآ اِذَا بَلَغَتِ التَّرَاقِيَۙ٢٦
Kallā iżā balagatit-tarāqiy(a).
[26]
Tongang andiangi! Mua’ nappasna (mesa tau) lambi’mi lao di tingarro’na (ummadang),
وَقِيْلَ مَنْ ۜرَاقٍۙ٢٧
Wa qīla man…rāq(in).
[27]
anna dipauangngi: “Inai na mala mappamassau?”
وَّظَنَّ اَنَّهُ الْفِرَاقُۙ٢٨
Wa ẓanna annahul-firāq(u).
[28]
Anna makanynyangi mua’ sitongangna iyamo di’o wattu assisarang (di lino),
وَالْتَفَّتِ السَّاقُ بِالسَّاقِۙ٢٩
Waltaffatis-sāqu bis-sāq(i).
[29]
anna sige’gesmi battis (kaeri) anna battis (kanang),
اِلٰى رَبِّكَ يَوْمَىِٕذِ ِۨالْمَسَاقُ ۗ ࣖ٣٠
Ilā rabbika yauma'iżinil-masāq(u).
[30]
lao di Puangmu di allo di’o, dilewo’o.
فَلَا صَدَّقَ وَلَا صَلّٰىۙ٣١
Falā ṣaddaqa wa lā ṣallā.
[31]
Anna andiangi melo’ mappattongang (Suro anna Koroang) anna andiang toi melo’ massambayang.
وَلٰكِنْ كَذَّبَ وَتَوَلّٰىۙ٣٢
Wa lākin każżaba wa tawallā.
[32]
anna iya tia malloso-losongani (suro) anna meppondo’i (pole di atongangan).
ثُمَّ ذَهَبَ اِلٰٓى اَهْلِهٖ يَتَمَطّٰىۗ٣٣
Ṡumma żahaba ilā ahlihī yatamaṭṭā.
[33]
Mane mellambai lao di biya-biyanna mettokko (taka’bor).
اَوْلٰى لَكَ فَاَوْلٰىۙ٣٤
Aulā laka fa'aulā.
[34]
Acilakangmu (to kaper), jari acilakang (di sesemu)!
ثُمَّ اَوْلٰى لَكَ فَاَوْلٰىۗ٣٥
Ṡumma aulā laka fa'aulā.
[35]
Mane acilakangmu (to kaper), jari anna acilakang (di sesemu)!
اَيَحْسَبُ الْاِنْسَانُ اَنْ يُّتْرَكَ سُدًىۗ٣٦
Ayaḥsabul-insānu ay yutraka sudā(n).
[36]
Apa’ nasangadi rupa tau, mua’ na dipappaso’na-so’nai tipatengan tappa’ di’o (andiang ditanggungni)?
اَلَمْ يَكُ نُطْفَةً مِّنْ مَّنِيٍّ يُّمْنٰى٣٧
Alam yaku nuṭfatam mim maniyyiy yumnā.
[37]
Taniadi (ise’iya) diolo’ satti’diang manning iya dituppasang (tama di are’ pianang),
ثُمَّ كَانَ عَلَقَةً فَخَلَقَ فَسَوّٰىۙ٣٨
Ṡumma kāna ‘alaqatan fa khalaqa fa sawwā.
[38]
mane iya di’o manning-o menjari sambo’ong cera’, mane Puang Allah Taala mappadiangi, anna mappasukku’i,
فَجَعَلَ مِنْهُ الزَّوْجَيْنِ الذَّكَرَ وَالْاُنْثٰىۗ٣٩
Fa ja‘ala minhuz-zaujainiż-żakara wal-unṡā.
[39]
mane Puang Allah Taala mappajari di sesena sappasang tommuane anna to baine.
اَلَيْسَ ذٰلِكَ بِقٰدِرٍ عَلٰٓى اَنْ يُّحْيِ َۧ الْمَوْتٰى ࣖ٤٠
Alaisa żālika biqādirin ‘alā ay yuḥyiyal-mautā.
[40]
Apa’ taniadi (Puang Allah Taala mappogau’) anna kuasa (to’o) mappatuo to mate?