Surah Al-Haqqah
بِسْمِ اللّٰهِ الرَّحْمٰنِ الرَّحِيْمِ
اَلْحَاۤقَّةُۙ١
Al-ḥāqqah(tu).
[1]
Allo kiama’,
مَا الْحَاۤقَّةُ ۚ٢
Mal-ḥāqqah(tu).
[2]
apa di’o (disanga) allo kiama’-o?
وَمَآ اَدْرٰىكَ مَا الْحَاۤقَّةُ ۗ٣
Wa mā adrāka mal-ḥāqqah(tu).
[3]
Anna apa’ muissang bandi apa di’o (disanga) allo kima’-o?
كَذَّبَتْ ثَمُوْدُ وَعَادٌ ۢبِالْقَارِعَةِ٤
Każżabat ṡamūdu wa ‘ādum bil-qāri‘ah(ti).
[4]
Kaum Tsamud anna ‘Ad mallosongani allo kiama’.
فَاَمَّا ثَمُوْدُ فَاُهْلِكُوْا بِالطَّاغِيَةِ٥
Fa'ammā ṡamūdu fa uhlikū biṭ-ṭāgiyah(ti).
[5]
anna kaum Tsamud, jari dipabinasai (dipaaccuri) sawa’ bamba iya makarras,
وَاَمَّا عَادٌ فَاُهْلِكُوْا بِرِيْحٍ صَرْصَرٍ عَاتِيَةٍۙ٦
Wa ammā ‘ādun fa'uhlikū birīḥin ṣarṣarin ‘ātiyah(tin).
[6]
anna kaum ‘Ad, jari dipabinasai (dipaaccur) sawa’ angin iya kaccang na madingin sanna’ topa,
سَخَّرَهَا عَلَيْهِمْ سَبْعَ لَيَالٍ وَّثَمٰنِيَةَ اَيَّامٍۙ حُسُوْمًا فَتَرَى الْقَوْمَ فِيْهَا صَرْعٰىۙ كَاَنَّهُمْ اَعْجَازُ نَخْلٍ خَاوِيَةٍۚ٧
Sakhkharahā ‘alaihim sab‘a layāliw wa ṡamāniyata ayyām(in), ḥusūman fataral-qauma fīhā ṣar‘ā, ka'annahum a‘jāzu nakhlin khāwiyah(tin).
[7]
(Puang Allah Taala) mapparuai ise’iya di’o angin-o pitumbongi anna arua allona tarru-tarrus, mane muitai kaum ‘Ad di wattu di’o mate sisembur rapang le’ba’i toe’ kuruma mando.
فَهَلْ تَرٰى لَهُمْ مِّنْۢ بَاقِيَةٍ٨
Fahal tarā lahum mim bāqiyah(tin).
[8]
Jari ma’ita do’o mau mesa tau mottong pole ise’iya?
وَجَاۤءَ فِرْعَوْنُ وَمَنْ قَبْلَهٗ وَالْمُؤْتَفِكٰتُ بِالْخَاطِئَةِۚ٩
Wa jā'a fir‘aunu wa man qablahū wal-mu'tafikātu bil-khāṭi'ah(ti).
[9]
Mane polemi Fir’aun anna to diandiangnapai anna (pakkappung) banua iya dipembali-balittueang sawa’ asalang iya kaiyang.
فَعَصَوْا رَسُوْلَ رَبِّهِمْ فَاَخَذَهُمْ اَخْذَةً رَّابِيَةً١٠
Fa ‘aṣau rasūla rabbihim fa akhażahum akhżatar rābiyah(tan).
[10]
Jari ise’iya sare maadorakai suro Puangna, mane Puang Allah Taala massessai ise’iya passessa iya makarras sanna’.
اِنَّا لَمَّا طَغَا الْمَاۤءُ حَمَلْنٰكُمْ فِى الْجَارِيَةِۙ١١
Innā lammā ṭagal-mā'u ḥamalnākum fil-jāriyah(ti).
[11]
Sitongangna Iyami’, di wattunna uai mendai’ (bonang) lambi’ (dai’ di buttu) Iyami’ (mambawa kanne-kanne’mu) mie’, tama di lopi.
لِنَجْعَلَهَا لَكُمْ تَذْكِرَةً وَّتَعِيَهَآ اُذُنٌ وَّاعِيَةٌ١٢
Linaj‘alahā lakum tażkirataw wa ta‘iyahā użunuw wā‘iyah(tun).
[12]
Mamoare’i Iyami’ mappajari panggauangna di’o pappaingarang di sesemu mie’ anna mamoare’i napinnassai talinga iya melo’ ma’irrangngi.
فَاِذَا نُفِخَ فِى الصُّوْرِ نَفْخَةٌ وَّاحِدَةٌ ۙ١٣
Fa iżā nufikha fiṣ-ṣūri nafkhatuw wāḥidah(tun).
[13]
Jari mua’ tarompe’ ditueimi pissang tueinna,
وَّحُمِلَتِ الْاَرْضُ وَالْجِبَالُ فَدُكَّتَا دَكَّةً وَّاحِدَةًۙ١٤
Wa ḥumilatil-arḍu wal-jibālu fa dukkatā dakkataw wāḥidah(tan).
[14]
anna diakke’mi lino anna buttu, mane dipasilatu’mi pissang pellatuang.
فَيَوْمَىِٕذٍ وَّقَعَتِ الْوَاقِعَةُۙ١٥
Fayauma'iżiw waqa‘atil-wāqi‘ah(tu).
[15]
Jari di allo di’o menjarimi allo kiama’,
وَانْشَقَّتِ السَّمَاۤءُ فَهِيَ يَوْمَىِٕذٍ وَّاهِيَةٌۙ١٦
Wansyaqqatis-samā'u fahiya yauma'iżiw wāhiyah(tun).
[16]
anna poa’mi langi’, sawa’ malammai (langi’) di’o allo’-o.
وَّالْمَلَكُ عَلٰٓى اَرْجَاۤىِٕهَاۗ وَيَحْمِلُ عَرْشَ رَبِّكَ فَوْقَهُمْ يَوْمَىِٕذٍ ثَمٰنِيَةٌ ۗ١٧
Wal-malaku ‘alā arjā'ihā, wa yaḥmilu ‘arsya rabbika fauqahum yauma'iżin ṡamāniyah(tun).
[17]
Anna para malaika’ dioi ma’engei inggannana langi’. Anna di allo di’o arua malaika’ mandudung Arasyna (Puangmu diaya di ulunna)
يَوْمَىِٕذٍ تُعْرَضُوْنَ لَا تَخْفٰى مِنْكُمْ خَافِيَةٌ١٨
Yauma'iżin tu‘raḍūna lā takhfā minkum khāfiyah(tun).
[18]
Di allo di’o di pipi’olo’o mie’ lao (di Puangmu), andiang diang apa-apa pole di sesemu mie’ tibuniang (di Puang Allah Taala).
فَاَمَّا مَنْ اُوْتِيَ كِتٰبَهٗ بِيَمِيْنِهٖ فَيَقُوْلُ هَاۤؤُمُ اقْرَءُوْا كِتٰبِيَهْۚ١٩
Fa ammā man ūtiya kitābahū biyamīnihī fa yaqūlu hā'umuqra'ū kitābiyah.
[19]
Anna to dibei kitta’na pole di lima kanangna, jari ma’uangi: “Alai, bacai di’e kitta’u-e.”
اِنِّيْ ظَنَنْتُ اَنِّيْ مُلٰقٍ حِسَابِيَهْۚ٢٠
Innī ẓanantu annī mulāqin ḥisābiyah.
[20]
Sitongangna makanynyanga’, mua’ sitongangna na mallolongana’ hisab (rekengan) lao di alaweu.
فَهُوَ فِيْ عِيْشَةٍ رَّاضِيَةٍۚ٢١
Fa huwa fī ‘īsyatir rāḍiyah(tin).
[21]
Jari iya di’o (tau-o) lalangi di atuoang iya diarioi,
فِيْ جَنَّةٍ عَالِيَةٍۙ٢٢
Fī jannatin ‘āliyah(tin).
[22]
.lalang di suruga iya matinggi,
قُطُوْفُهَا دَانِيَةٌ٢٣
Quṭūfuhā dāniyah(tun).
[23]
bua-buana kadeppu’,
كُلُوْا وَاشْرَبُوْا هَنِيْۤـًٔا ۢبِمَآ اَسْلَفْتُمْ فِى الْاَيَّامِ الْخَالِيَةِ٢٤
Kulū wasyrabū hanī'am bimā aslaftum fil-ayyāmil-khāliyah(ti).
[24]
(di pauangngi ise’iya): “Ande anna pandundumo’o mie’ siola nyamang nasawa’ ammal iya pura mupogau’ di allo (pura mai).”
وَاَمَّا مَنْ اُوْتِيَ كِتٰبَهٗ بِشِمَالِهٖ ەۙ فَيَقُوْلُ يٰلَيْتَنِيْ لَمْ اُوْتَ كِتٰبِيَهْۚ٢٥
Wa ammā man ūtiya kitābahū bisyimālih(ī), fa yaqūlu yā laitanī lam ūta kitābiyah.
[25]
Anna to di bei kitta’na pole di lima kaerinna, ma’uangi: “Maco-macoapai tia tenna’ andianga’ na bei di’e kitta’u-e.
وَلَمْ اَدْرِ مَا حِسَابِيَهْۚ٢٦
Wa lam adri mā ḥisābiyah.
[26]
Anna andianga’ ma’issang me’apai hisab (rekengan) lao di alaweu.
يٰلَيْتَهَا كَانَتِ الْقَاضِيَةَۚ٢٧
Yā laitahā kānatil-qāḍiyah(ta).
[27]
E tenna’ diangi amateang mappurai inggannana seu-seuwa.
مَآ اَغْنٰى عَنِّيْ مَالِيَهْۚ٢٨
Mā agnā ‘annī māliyah.
[28]
Barang-barangngu tongang andiangi mambeia’ akkegunang di seseu.
هَلَكَ عَنِّيْ سُلْطٰنِيَهْۚ٢٩
Halaka ‘annī sulṭāniyah.
[29]
Akkuasa’u pa’dami pole di alaweu.”
خُذُوْهُ فَغُلُّوْهُۙ٣٠
Khużūhu fagullūh(u).
[30]
(Puang Allah Taala) ma’uang: “Sakai mane pungoi limanna lao di barona.”
ثُمَّ الْجَحِيْمَ صَلُّوْهُۙ٣١
Ṡummal-jaḥīma ṣallūh(u).
[31]
Mane patamai di naraka iya sundallea’ (massopa-sopa).
ثُمَّ فِيْ سِلْسِلَةٍ ذَرْعُهَا سَبْعُوْنَ ذِرَاعًا فَاسْلُكُوْهُۗ٣٢
Ṡumma fī silsilatin żar‘uhā sab‘ūna żirā‘an faslukūh(u).
[32]
Mane tuju’i (ulele’i) ratte iya lakkana pituppulo si’ung.
اِنَّهٗ كَانَ لَا يُؤْمِنُ بِاللّٰهِ الْعَظِيْمِۙ٣٣
Innahū kāna lā yu'minu billāhil-‘aẓīm(i).
[33]
Sitongangna diangi andiang matappa’ lao di Puang Allah Taala Iya Masarro Maraya.
وَلَا يَحُضُّ عَلٰى طَعَامِ الْمِسْكِيْنِۗ٣٤
Wa lā yaḥuḍḍu ‘alā ṭa‘āmil-miskīn(i).
[34]
Anna andiang toi massio (tau laeng) na mappande to kasi-asi.
فَلَيْسَ لَهُ الْيَوْمَ هٰهُنَا حَمِيْمٌۙ٣٥
Fa laisa lahul-yauma hāhunā ḥamīm(un).
[35]
Jari di allo di’e, indinie andiang diang mau namesana tau massolangi.
وَّلَا طَعَامٌ اِلَّا مِنْ غِسْلِيْنٍۙ٣٦
Wa lā ṭa‘āmun illā min gislīn(in).
[36]
Anna andiang to’o diang ande mau (nasaicco’na dio ise’iya) selaengna (ande) pole di cera’ nana.
لَّا يَأْكُلُهٗٓ اِلَّا الْخٰطِـُٔوْنَ ࣖ٣٧
Lā ya'kuluhū illal-khāṭi'ūn(a).
[37]
Andiang diang maandei selaengna to madosa.
فَلَآ اُقْسِمُ بِمَا تُبْصِرُوْنَۙ٣٨
Falā uqsimu bimā tubṣirūn(a).
[38]
Jari Iyau mattunda sawa’ anu iya mie’ muita,
وَمَا لَا تُبْصِرُوْنَۙ٣٩
Wa mā lā tubṣirūn(a).
[39]
anna sawa’ anu iya andiang mie’ muita.
اِنَّهٗ لَقَوْلُ رَسُوْلٍ كَرِيْمٍۙ٤٠
Innahū laqaulu rasūlin karīm(in).
[40]
Sitongangna iya di’o Koroang-o tongang wahyunna (Puang Allah Taala iya dipaturung) lao di suro mala’bi’,
وَّمَا هُوَ بِقَوْلِ شَاعِرٍۗ قَلِيْلًا مَّا تُؤْمِنُوْنَۙ٤١
Wa mā huwa biqauli syā‘ir(in), qalīlam mā tu'minūn(a).
[41]
anna iya di’o Koroang-o tania pau-paunna mesa passair (pakkalinda’da’). Saicco’ sanna’o mie’ matappa’ lao (di Puang Allah Taala).
وَلَا بِقَوْلِ كَاهِنٍۗ قَلِيْلًا مَّا تَذَكَّرُوْنَۗ٤٢
Wa lā biqauli kāhin(in), qalīlam mā tażakkarūn(a).
[42]
Anna tania to’o paunna pa’ita-itai. Saicco’ sanna’o mie’ maala pe’guruang (pole iya).
تَنْزِيْلٌ مِّنْ رَّبِّ الْعٰلَمِيْنَ٤٣
Tanzīlum mir rabbil-‘ālamīn(a).
[43]
(Koroang) iyamo wahyu iya dipaturung pole di Puang inggannana alang.
وَلَوْ تَقَوَّلَ عَلَيْنَا بَعْضَ الْاَقَاوِيْلِۙ٤٤
Wa lau taqawwala ‘alainā ba‘ḍal-aqāwīl(i).
[44]
Anna tenna’ iya (Muhammad) mappadi-padiangi sambareang pau sawa’ (sanga-I),
لَاَخَذْنَا مِنْهُ بِالْيَمِيْنِۙ٤٥
La'akhażnā minhu bil-yamīn(i).
[45]
Iyami tongang matta’ei lima kanangna.
ثُمَّ لَقَطَعْنَا مِنْهُ الْوَتِيْنَۖ٤٦
Ṡumma laqaṭa‘nā minhul-watīn(a).
[46]
Mane Iyami’ tongang na marrattas ura’ ba’babuana.
فَمَا مِنْكُمْ مِّنْ اَحَدٍ عَنْهُ حٰجِزِيْنَۙ٤٧
Famā minkum min aḥadin ‘anhu ḥājizīn(a).
[47]
Jari tongang andiang diang mesa tau di sesemu mie’ na mala mappusara (Iyami’), di na marrattas iya di’o ura’na-o.
وَاِنَّهٗ لَتَذْكِرَةٌ لِّلْمُتَّقِيْنَ٤٨
Wa innahū latażkiratul lil-muttaqīn(a).
[48]
Anna sitongangna iya di’o Koroang-o tongang pe’guruang kaiyang di sesena to me’atakwa.
وَاِنَّا لَنَعْلَمُ اَنَّ مِنْكُمْ مُّكَذِّبِيْنَۗ٤٩
Wa innā lana‘lamu anna minkum mukażżibīn(a).
[49]
Anna sitongangna Iyami’ tongang ma’issang mua’ di antaramu mie’ diang to malloso- losongani.
وَاِنَّهٗ لَحَسْرَةٌ عَلَى الْكٰفِرِيْنَۚ٥٠
Wa innahū laḥasratun ‘alal-kāfirīn(a).
[50]
Anna sitongangna iya di’o Koroang-o tongang menjari panoso di sesena to kaper (dio di ahera’).
وَاِنَّهٗ لَحَقُّ الْيَقِيْنِ٥١
Wa innahū laḥaqqul-yaqīn(i).
[51]
Anna sitongangna iya di’o Koroang-o tongang atongangan (aparuang) iya dipokanynyang.
فَسَبِّحْ بِاسْمِ رَبِّكَ الْعَظِيْمِ ࣖ٥٢
Fa sabbiḥ bismi rabbikal-‘aẓīm(i).
[52]
jari pattasa’beo sawa’ (marrappe) sangana Puangmu (Iya) Masarro Maraya.