Surah Muhammad
بِسْمِ اللّٰهِ الرَّحْمٰنِ الرَّحِيْمِ
اَلَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ اَضَلَّ اَعْمَالَهُمْ١
Allażīna kafarū wa ṣaddū ‘an sabīlillāhi aḍalla a‘mālahum.
[1]
To kaper anna mappusara (tau) pole di tangalalangna Puang Allah Taala, (Puang Allah Taala) maapus ammal panggauangna ise’iya.
وَالَّذِيْنَ اٰمَنُوْا وَعَمِلُوا الصّٰلِحٰتِ وَاٰمَنُوْا بِمَا نُزِّلَ عَلٰى مُحَمَّدٍ وَّهُوَ الْحَقُّ مِنْ رَّبِّهِمْ ۚ كَفَّرَ عَنْهُمْ سَيِّاٰتِهِمْ وَاَصْلَحَ بَالَهُمْ٢
Wal-lażīna āmanū wa ‘amiluṣ-ṣāliḥāti wa āmanū bimā nuzzila ‘alā muḥammadiw wa huwal-ḥaqqu mir rabbihim, kaffara ‘anhum sayyi'ātihim wa aṣlaḥa bālahum.
[2]
Anna to matappa’ (lao di Puang Allah Taala) anna mappogau’ apiangan anna matappa’ (toi) di anu napaturung lao di Muhammad; anna iyamo di’o atongangan pole di Puangna ise’iya, Puang Allah Taala maapus asala-asalangna ise’iya anna mappecoai keadaanna ise’iya.
ذٰلِكَ بِاَنَّ الَّذِيْنَ كَفَرُوا اتَّبَعُوا الْبَاطِلَ وَاَنَّ الَّذِيْنَ اٰمَنُوا اتَّبَعُوا الْحَقَّ مِنْ رَّبِّهِمْ ۗ كَذٰلِكَ يَضْرِبُ اللّٰهُ لِلنَّاسِ اَمْثَالَهُمْ٣
Żālika bi'annal-lażīna kafaruttaba‘ul-bāṭila wa annal-lażīna āmanuttaba‘ul-ḥaqqa mir rabbihim, każālika yaḍribullāhu lin-nāsi amṡālahum.
[3]
Iya bassa di’o, sawa’ sitongangna to kaper mappeccoe’i anu adae’ anna sitongangna to matappa’ mappeccoe’i anu tongang pole di Puangna ise’iya. Tipatenganmi di’o Puang Allah Taala mappapia akkalarapangan akkalarapangan lao di rupa tau.
فَاِذَا لَقِيْتُمُ الَّذِيْنَ كَفَرُوْا فَضَرْبَ الرِّقَابِۗ حَتّٰٓى اِذَآ اَثْخَنْتُمُوْهُمْ فَشُدُّوا الْوَثَاقَۖ فَاِمَّا مَنًّاۢ بَعْدُ وَاِمَّا فِدَاۤءً حَتّٰى تَضَعَ الْحَرْبُ اَوْزَارَهَا ەۛ ذٰلِكَ ۛ وَلَوْ يَشَاۤءُ اللّٰهُ لَانْتَصَرَ مِنْهُمْ وَلٰكِنْ لِّيَبْلُوَا۟ بَعْضَكُمْ بِبَعْضٍۗ وَالَّذِيْنَ قُتِلُوْا فِيْ سَبِيْلِ اللّٰهِ فَلَنْ يُّضِلَّ اَعْمَالَهُمْ٤
Fa iżā laqītumul-lażīna kafarū faḍarbar-riqāb(i), ḥattā iżā aṡkhantumūhum fa syuddul-waṡāq(a), fa'immā mannam ba‘du wa immā fidā'an ḥattā taḍa‘al-ḥarbu auzārahā - żālika - wa lau yasyā'ullāhu lantaṣara minhum wa lākil liyabluwa ba‘ḍakum biba‘ḍ(in), wal-lażīna qutilū fī sabīlillāhi falay yuḍilla a‘mālahum.
[4]
Mua’ siruppa’o mie’ to kaper (dio di pammusuang) jari lappasangni barona. Anna mua’ mukalai ise’iya, sakai, mua’ purai di’o malai mulappasang iyade’ mattarima pappapoleiangna lambi’ me’osa pammusuang. Bassami di’o, anna tenna’ Puang Allah Taala mappoelo’, Iya (Puang) na mappawinasa ise’iya. Anna iya tia (Puang) melo’ ma’uyi sambareango’o mie’ di sambareang laeng. Anna to mate di tangalalangna Puang Allah Taala, jari (Puang Allah Taala) andiang na mappalaosala ammal panggauangna ise’iya.
سَيَهْدِيْهِمْ وَيُصْلِحُ بَالَهُمْۚ٥
Sayahdīhim wa yuṣliḥu bālahum.
[5]
(Puang Allah Taala) na mambei patiroang lao ise’iya anna mappecoai keadaanna ise’iya,
وَيُدْخِلُهُمُ الْجَنَّةَ عَرَّفَهَا لَهُمْ٦
Wa yudkhiluhumul-jannata ‘arrafahā lahum.
[6]
anna mappatamai ise’iya lalang di suruga iya pura napepessangan lao ise’iya
يٰٓاَيُّهَا الَّذِيْنَ اٰمَنُوْٓا اِنْ تَنْصُرُوا اللّٰهَ يَنْصُرْكُمْ وَيُثَبِّتْ اَقْدَامَكُمْ٧
Yā ayyuhal-lażīna āmanū in tanṣurullāha yanṣurkum wa yuṡabbit aqdāmakum.
[7]
E inggannana to matappa’, mua’ mattulungo’o mie’ (agamana) Puang Allah Taala, napominasai Puang Allah Taala na mattulungo’o mie’ anna mappamasse’ mie’ onromu,
وَالَّذِيْنَ كَفَرُوْا فَتَعْسًا لَّهُمْ وَاَضَلَّ اَعْمَالَهُمْ٨
Wal-lażīna kafarū fata‘sal lahum wa aḍalla a‘mālahum.
[8]
Anna to kaper, jari acilakangmo lao ise’iya anna Puang Allah Taala maapus ammal panggauangna ise’iya.
ذٰلِكَ بِاَنَّهُمْ كَرِهُوْا مَآ اَنْزَلَ اللّٰهُ فَاَحْبَطَ اَعْمَالَهُمْ٩
Żālika bi'annahum karihū mā anzalallāhu fa aḥbaṭa a‘mālahum.
[9]
Iya bassa di’o sawa’ sitongangna ise’iya maccalla anu napaturung Puang Allah Taala (Koroang) mane Puang Allah Taala maapus ammal panggauangna ise’iya.
۞ اَفَلَمْ يَسِيْرُوْا فِى الْاَرْضِ فَيَنْظُرُوْا كَيْفَ كَانَ عَاقِبَةُ الَّذِيْنَ مِنْ قَبْلِهِمْ ۗ دَمَّرَ اللّٰهُ عَلَيْهِمْ ۖوَلِلْكٰفِرِيْنَ اَمْثَالُهَا١٠
Afalam yasīrū fil-arḍi fayanẓurū kaifa kāna ‘āqibatul-lażīna min qablihim, dammarallāhu ‘alaihim, wa lil-kāfirīna amṡāluhā.
[10]
Jari apa ise’iya andiangi rua mellamba di baona lino lambi’i mala mappinnassai me’apai capparangna to mendiolo (to diolo’ mai), Puang Allah Taala pura mapparuai ise’iya awinasang anna to kaper na mattarima sitteng di’o.
ذٰلِكَ بِاَنَّ اللّٰهَ مَوْلَى الَّذِيْنَ اٰمَنُوْا وَاَنَّ الْكٰفِرِيْنَ لَا مَوْلٰى لَهُمْ ࣖ١١
Żālika bi'annallāha maulal-lażīna āmanū wa annal-kāfirīna lā maulā lahum.
[11]
Iya bassa di’o sawa’ sitongangna Puang Allah Taala petturundunganna to matappa’, anna sitongangna to kaper di’o andiangi maappunnai petturundungan.
اِنَّ اللّٰهَ يُدْخِلُ الَّذِيْنَ اٰمَنُوْا وَعَمِلُوا الصّٰلِحٰتِ جَنّٰتٍ تَجْرِيْ مِنْ تَحْتِهَا الْاَنْهٰرُ ۗوَالَّذِيْنَ كَفَرُوْا يَتَمَتَّعُوْنَ وَيَأْكُلُوْنَ كَمَا تَأْكُلُ الْاَنْعَامُ وَالنَّارُ مَثْوًى لَّهُمْ١٢
Innallāha yudkhilul-lażīna āmanū wa ‘amiluṣ-ṣāliḥāti jannātin tajrī min taḥtihal-anhār(u), wal-lażīna kafarū yatamatta‘ūna wa ya'kulūna kamā ta'kulul-an‘āmu wan-nāru maṡwal lahum.
[12]
Sitongangna Puang Allah Taala mappatama to matappa’ anna mappogau’ apiangan tama di suruga iya lolong di naungna binanga-binanga. Anna to kaper me’asanna-sannangi (di lino) anna ise’iya ummande sitteng (ummandena) olo’-olo’. Anna naraka engeangna ise’iya mottong.
وَكَاَيِّنْ مِّنْ قَرْيَةٍ هِيَ اَشَدُّ قُوَّةً مِّنْ قَرْيَتِكَ الَّتِيْٓ اَخْرَجَتْكَۚ اَهْلَكْنٰهُمْ فَلَا نَاصِرَ لَهُمْ١٣
Wa ka'ayyim min qaryatin hiya asyaddu quwwatam min qaryatikal-latī akhrajatk(a), ahlaknāhum falā nāṣira lahum.
[13]
Anna tongang mai’di banua iya (pakkappungna) la’bi makasau’ dadi (di pakkappung) banuammu (Muhammad) iya marrimbao malai. Iyami’mo mappawinasai ise’iya, jari andiang diang mesa tau pattulung lao ise’iya.
اَفَمَنْ كَانَ عَلٰى بَيِّنَةٍ مِّنْ رَّبِّهٖ كَمَنْ زُيِّنَ لَهٗ سُوْۤءُ عَمَلِهٖ وَاتَّبَعُوْٓا اَهْوَاۤءَهُمْ١٤
Afaman kāna ‘alā bayyinatim mir rabbihī kaman zuyyina lahū sū'u ‘amalihī wattaba‘ū ahwā'ahum.
[14]
Jari apa to mettunga’eng lao di katarangan iya pole di Puangna sittengi (setang) iya ma’ita macoa panggauangna iya adae’ anna ise’iya mappeccoe’i nassunna?
مَثَلُ الْجَنَّةِ الَّتِيْ وُعِدَ الْمُتَّقُوْنَ ۗفِيْهَآ اَنْهٰرٌ مِّنْ مَّاۤءٍ غَيْرِ اٰسِنٍۚ وَاَنْهٰرٌ مِّنْ لَّبَنٍ لَّمْ يَتَغَيَّرْ طَعْمُهٗ ۚوَاَنْهٰرٌ مِّنْ خَمْرٍ لَّذَّةٍ لِّلشّٰرِبِيْنَ ەۚ وَاَنْهٰرٌ مِّنْ عَسَلٍ مُّصَفًّى ۗوَلَهُمْ فِيْهَا مِنْ كُلِّ الثَّمَرٰتِ وَمَغْفِرَةٌ مِّنْ رَّبِّهِمْ ۗ كَمَنْ هُوَ خَالِدٌ فِى النَّارِ وَسُقُوْا مَاۤءً حَمِيْمًا فَقَطَّعَ اَمْعَاۤءَهُمْ١٥
Maṡalul-jannatil-latī wu‘idal-muttaqūn(a), fīhā anhārum mim mā'in gairi āsin(in), wa anhārum mil labanil lam yatagayyar ṭa‘muh(ū), wa anhārum min khamril lażżatil lisy-syāribīn(a), wa anhārum min ‘asalim muṣaffā(n), wa lahum fīhā min kulliṡ-ṡamarāti wa magfiratum mir rabbihim, kaman huwa khālidun fin-nāri wa suqū mā'an ḥamīman faqaṭṭa‘a am‘ā'ahum.
[15]
Akkalarapangan (pa’engei) suruga iya dijanjiang lao di to me’atakwa, iya di lalangna diang binanga-binanga pole di uai iya andiang tipinra rasana anna baunna, binanga-binanga pole di uai susu andiang tipinra rasana, binanga-binanga pole di khamar iya macoa rasana di to mandundui, anna binanga-binanga cani’ iya ditapis, anna ise’iya mallolongan di lalangna inggannana bua-bua anna pa’dappang pole di Puangna ise’iya, sittengandi ise’iya to mannannungan lalang di naraka, anna dipadundui uai re’de iya mappolo-polong (mappaaccur) galla-gallanna ise’iya?
وَمِنْهُمْ مَّنْ يَّسْتَمِعُ اِلَيْكَۚ حَتّٰىٓ اِذَا خَرَجُوْا مِنْ عِنْدِكَ قَالُوْا لِلَّذِيْنَ اُوْتُوا الْعِلْمَ مَاذَا قَالَ اٰنِفًا ۗ اُولٰۤىِٕكَ الَّذِيْنَ طَبَعَ اللّٰهُ عَلٰى قُلُوْبِهِمْ وَاتَّبَعُوْٓا اَهْوَاۤءَهُمْ١٦
Wa minhum may yastami‘u ilaiīk(a), ḥattā iżā kharajū min ‘indika qālū lil-ażīna ūtul-ilma māżā qāla ānifā(n), ulā'ikal-ażīna ṭaba‘allāhu ‘alā qulūbihim wattaba‘ū ahwā'ahum.
[16]
Anna di antarana ise’iya diang to ma’irrangngi paummu (Muhammad), anna mua’ messungi pole di sesemu ma’uangi ise’iya lao di to pura di bei pa’issangan (para sahaba’na Nabi): “Apa na pau digena’di’o?” Ise’iyamo tu’u di’o to nakocci mata atena Puang Allah Taala anna ise’iya mappeccoe’i nassunna.
وَالَّذِيْنَ اهْتَدَوْا زَادَهُمْ هُدًى وَّاٰتٰىهُمْ تَقْوٰىهُمْ١٧
Wal-ażīnahtadau zādahum hudaw wa ātāhum taqwāhum.
[17]
Anna to mallolongan patiroangna Puang Allah Taala mattambai patiroang lao ise’iya anna mambei’i (mambalas) takwana ise’iya.
فَهَلْ يَنْظُرُوْنَ اِلَّا السَّاعَةَ اَنْ تَأْتِيَهُمْ بَغْتَةً ۚ فَقَدْ جَاۤءَ اَشْرَاطُهَا ۚ فَاَنّٰى لَهُمْ اِذَا جَاۤءَتْهُمْ ذِكْرٰىهُمْ١٨
Fahal yanẓurūna illas-ā‘ata an ta'tiyahum bagtah(tan), faqad jā'a asyrāṭuhā, fa'annā lahum iżā jā'athum żikrāhum.
[18]
Jari apa naeppei ise’iya selaengna allo kiama’, iya na pole lao ise’iya andiang napanna-panna, jari tongang polemi tanda-tandana. Jari apa gunana lao ise’iya pa’ingarangna di’o mua’ allo kiama’ polemi?
فَاعْلَمْ اَنَّهٗ لَآ اِلٰهَ اِلَّا اللّٰهُ وَاسْتَغْفِرْ لِذَنْۢبِكَ وَلِلْمُؤْمِنِيْنَ وَالْمُؤْمِنٰتِۚ وَاللّٰهُ يَعْلَمُ مُتَقَلَّبَكُمْ وَمَثْوٰىكُمْ ࣖ١٩
Fa‘lam annahū lā ilāha illallāhu wastagfir liżambika wa lil-u'minīna wal-u'mināt(i), wallāhu ya‘lamu mutaqallabakum wa maṡwākum.
[19]
Jari issangi, mua’ sitongangna andiang diang Puang sangadinna Puang Allah Taala anna perau a’dappangani dosa-dosamu anna (dosana) to matappa’ tommuane anna to baine. Anna Puang Allah Taala ma’issang engeangmu mie’ me’uya’ anna engeangmu mie’ mottong.
وَيَقُوْلُ الَّذِيْنَ اٰمَنُوْا لَوْلَا نُزِّلَتْ سُوْرَةٌ ۚفَاِذَآ اُنْزِلَتْ سُوْرَةٌ مُّحْكَمَةٌ وَّذُكِرَ فِيْهَا الْقِتَالُ ۙرَاَيْتَ الَّذِيْنَ فِيْ قُلُوْبِهِمْ مَّرَضٌ يَّنْظُرُوْنَ اِلَيْكَ نَظَرَ الْمَغْشِيِّ عَلَيْهِ مِنَ الْمَوْتِۗ فَاَوْلٰى لَهُمْۚ٢٠
Wa yaqūlul-ażīna āmanū lau lā nuzzilat sūrah(tun), fa iżā unzilat sūratum muḥkamatuw wa żukira fīhal-itāl(u), ra'aital-ażīna fī qulūbihim maraḍuy yanẓurūna ilaika naẓaral-magsyiyyi ‘alaihi minal-maut(i), fa'aulā lahum.
[20]
Anna to matappa’ ma’uang: “Mangapa na andiang dipaturung mesa sura’ (pesio manjiha’)?” Jari mua’ diang mesa sura’ dipaturung iya mannassa akkattana anna dipau di lalangna (diang parenta) mammusu’, muitai to diang amongeang lalang di atena na me’ita mating sitteng pe'itanna to tialuppe sawa’ marakke’i mate, jari iyamo di’o sitinaya lao ise’iya.
طَاعَةٌ وَّقَوْلٌ مَّعْرُوْفٌۗ فَاِذَا عَزَمَ الْاَمْرُۗ فَلَوْ صَدَقُوا اللّٰهَ لَكَانَ خَيْرًا لَّهُمْۚ٢١
Ṭā‘atuw wa qaulum ma‘rūf(un), fa'iżā ‘azamal-amr(u), falau ṣadaqullāha lakāna khairal lahum.
[21]
Tunru’ anna mappau macoa (la’bi macoai lao ise’iya). Jari mua’ dipato’mi parenta (mammusu’). Jari mua’ ise’iya tongang (matappa’) lao di Puang Allah Taala, tongang diangi labi macoa di sesena ise’iya.
فَهَلْ عَسَيْتُمْ اِنْ تَوَلَّيْتُمْ اَنْ تُفْسِدُوْا فِى الْاَرْضِ وَتُقَطِّعُوْٓا اَرْحَامَكُمْ٢٢
Fahal ‘asaitum in tawallaitum an tufsidū fil-arḍi wa tuqaṭṭi‘ū arḥāmakum.
[22]
Jari apamode’ mua’ kuasao mie’, na mappogau’o mie’ adaeang di baona lino anna mappolongo’o mie’ pallulluareang?
اُولٰۤىِٕكَ الَّذِيْنَ لَعَنَهُمُ اللّٰهُ فَاَصَمَّهُمْ وَاَعْمٰٓى اَبْصَارَهُمْ٢٣
Ulā'ikal-lażīna la‘anahumullāhu fa aṣammahum wa a‘mā abṣārahum.
[23]
Ise’iyamo tu’u di’o to nacalla Puang Allah Taala, jari na pabingai ise’iya talinganna anna napabutai ise’iya pe’itanna.
اَفَلَا يَتَدَبَّرُوْنَ الْقُرْاٰنَ اَمْ عَلٰى قُلُوْبٍ اَقْفَالُهَا٢٤
Afalā yatadabbarūnal-qur'āna am ‘alā qulūbin aqfāluhā.
[24]
Jari andiangdi ise’iya mappinnassai Koroang iyade’ atena ise’iya tikocci’i?
اِنَّ الَّذِيْنَ ارْتَدُّوْا عَلٰٓى اَدْبَارِهِمْ مِّنْۢ بَعْدِ مَا تَبَيَّنَ لَهُمُ الْهُدَى الشَّيْطٰنُ سَوَّلَ لَهُمْۗ وَاَمْلٰى لَهُمْ٢٥
Innal-lażīnartaddū ‘alā adbārihim mim ba‘di mā tabayyana lahumul-hudasy-syaiṭānu sawwala lahum, wa amlā lahum.
[25]
Sitongangna to membali’ lao di (akaperang) dipurana patiroang mannassa di sesena, setang maccalowo’i ise’iya anna mappamalakka paaga’-aga’na ise’iya.
ذٰلِكَ بِاَنَّهُمْ قَالُوْا لِلَّذِيْنَ كَرِهُوْا مَا نَزَّلَ اللّٰهُ سَنُطِيْعُكُمْ فِيْ بَعْضِ الْاَمْرِۚ وَاللّٰهُ يَعْلَمُ اِسْرَارَهُمْ٢٦
Żālika bi'annahum qālū lil-lażīna karihū mā nazzalallāhu sanuṭī‘ukum fī ba‘ḍil-amr(i), wallāhu ya‘lamu isrārahum.
[26]
Iya bassa di’o sawa’ sitongangna ise’iya (to munape’) ma’uang lao di to maccalla anu napaturung Puang Allah Taala (Yahudi): “Iyami’ na me’atunru’ mating di sesemu mie’ di sisaapa urusan,” anna Puang Allah Taala ma’issang rahasiana ise’iya.
فَكَيْفَ اِذَا تَوَفَّتْهُمُ الْمَلٰۤىِٕكَةُ يَضْرِبُوْنَ وُجُوْهَهُمْ وَاَدْبَارَهُمْ٢٧
Fa kaifa iżā tawaffathumul-malā'ikatu yaḍribūna wujūhahum wa adbārahum.
[27]
Jari me’apai ise’iya mua’ malaika’ (paala nyawa) marrambu’ nyawana ise’iya, na mappipal rupanna ise’iya, anna (mattuttu’) pondo’na ise’iya?
ذٰلِكَ بِاَنَّهُمُ اتَّبَعُوْا مَآ اَسْخَطَ اللّٰهَ وَكَرِهُوْا رِضْوَانَهٗ فَاَحْبَطَ اَعْمَالَهُمْ ࣖ٢٨
Żālika bi'annahumuttaba‘ū mā askhaṭallāha wa karihū riḍwānahū fa aḥbaṭa a‘mālahum.
[28]
Iya bassa di’o, sawa’ sitongangna ise’iya mappeccoe’i di anu iya mappapole cai’na Puang Allah Taala anna ise’iya maccalla (anu mappapole) rio-Na. Jari (Puang) maapus ammal panggauangna ise’iya.
اَمْ حَسِبَ الَّذِيْنَ فِيْ قُلُوْبِهِمْ مَّرَضٌ اَنْ لَّنْ يُّخْرِجَ اللّٰهُ اَضْغَانَهُمْ٢٩
Am ḥasibal-lażīna fī qulūbihim maraḍun allay yukhrijallāhu aḍgānahum.
[29]
Iyade’ apa’ to diang amongeang lalang di atena massanga mua’ Puang Allah Taala andiang na mappepetiroang siri atena ise’iya?
وَلَوْ نَشَاۤءُ لَاَرَيْنٰكَهُمْ فَلَعَرَفْتَهُمْ بِسِيْمٰهُمْ ۗوَلَتَعْرِفَنَّهُمْ فِيْ لَحْنِ الْقَوْلِۗ وَاللّٰهُ يَعْلَمُ اَعْمَالَكُمْ٣٠
Wa lau nasyā'u la'arainākahum fala‘araftahum bisīmāhum, wa lata‘rifannahum fī laḥnil-qaul(i), wallāhu ya‘lamu a‘mālakum.
[30]
Anna mua’ Iyami’ mappoelo’, napominasai Iyami’ tongang na mappessangngi (Muhammad) lambi’ muissang tongangi ise’iya pole di bamba paunna, anna Puang Allah Taala ma’issang ammal panggauangmu mie’.
وَلَنَبْلُوَنَّكُمْ حَتّٰى نَعْلَمَ الْمُجٰهِدِيْنَ مِنْكُمْ وَالصّٰبِرِيْنَۙ وَنَبْلُوَا۟ اَخْبَارَكُمْ٣١
Wa lanabluwannakum ḥattā na‘lamal-mujāhidīna minkum waṣ-ṣābirīn(a), wa nabluwa akhbārakum.
[31]
Anna sitongangna Iyami’ tongang na ma’uyio mie’ lambi’ Iyami’ ma’issang to manjiha’ anna to me’asa’bar di sesemu mie’, anna Iyami’ ma’uyi karewamu mie’.
اِنَّ الَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ وَشَاۤقُّوا الرَّسُوْلَ مِنْۢ بَعْدِ مَا تَبَيَّنَ لَهُمُ الْهُدٰى لَنْ يَّضُرُّوا اللّٰهَ شَيْـًٔاۗ وَسَيُحْبِطُ اَعْمَالَهُمْ٣٢
Innal-lażīna kafarū wa ṣaddū ‘an sabīlillāhi wa syāqqur-rasūla mim ba‘di mā tabayyana lahumul-hudā lay yaḍurrullāha syai'ā(n), wa sayuḥbiṭu a‘mālahum.
[32]
Sitongangna to kaper anna mappusara (tau) pole di tangalalangna Puang Allah Taala anna mambaliang suro dipurana patiroang di’o mannassa di sesena, ise’iya andiangi mala mambei adaeang lao di Puang Allah Taala mau nasaicco’na. Anna Puang Allah Taala na maapus ammal panggauangna ise’iya.
۞ يٰٓاَيُّهَا الَّذِيْنَ اٰمَنُوْٓا اَطِيْعُوا اللّٰهَ وَاَطِيْعُوا الرَّسُوْلَ وَلَا تُبْطِلُوْٓا اَعْمَالَكُمْ٣٣
Yā ayyuhal-lażīna āmanū aṭī‘ullāha wa aṭī‘ur-rasūla wa lā tubṭilū a‘mālakum.
[33]
E inggannana to matappa’, tunru’o mie’ lao di Puang Allah Taala anna tunru’o to’o mie’ lao di suro anna da mie mappoda-podae’ammal panggauangmu mie’.
اِنَّ الَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ ثُمَّ مَاتُوْا وَهُمْ كُفَّارٌ فَلَنْ يَّغْفِرَ اللّٰهُ لَهُمْ٣٤
Innal-lażīna kafarū wa ṣaddū ‘an sabīlillāhi ṡumma mātū wa hum kuffārun falay yagfirallāhu lahum.
[34]
Sitongangna to kaper anna mappusara (tau) pole di tangalalangna Puang Allah Taala mane ise’iya mate di akaperangna, jari Puang Allah Taala tongang andiang na maadappangani ise’iya.
فَلَا تَهِنُوْا وَتَدْعُوْٓا اِلَى السَّلْمِۖ وَاَنْتُمُ الْاَعْلَوْنَۗ وَاللّٰهُ مَعَكُمْ وَلَنْ يَّتِرَكُمْ اَعْمَالَكُمْ٣٥
Falā tahinū wa tad‘ū ilas-salm(i), wa antumul-a‘laun(a), wallāhu ma‘akum wa lay yatirakum a‘mālakum.
[35]
Dao mie’ palamma anna mapperoa (melo’) siama’ anna i’o mie’ madiaya anna Puang Allah Taala (tomo) massolangano’o anna Iya (Puang Allah Taala) massolagano’o mie’, anna Iya (Puang) andiang na makkurangngi ammal panggauangmu mie’.
اِنَّمَا الْحَيٰوةُ الدُّنْيَا لَعِبٌ وَّلَهْوٌ ۗوَاِنْ تُؤْمِنُوْا وَتَتَّقُوْا يُؤْتِكُمْ اُجُوْرَكُمْ وَلَا يَسْـَٔلْكُمْ اَمْوَالَكُمْ٣٦
Innamal-ḥayātud-dun-yā la‘ibuw wa lahw(un), wa in tu'minū wa tattaqū yu'tikum ujūrakum wa lā yas'alkum amwālakum.
[36]
Sitongangna atuoang lino sangga’ pangi-panginoang anna rio tamma’guna tappa’. Anna mua’ matappa’o mie’ anna me’atakwao, Puang Allah Taala na mambeio mie’ appalang anna Iya (Puang)) andiang na mapperau barang-barangmu mie’.
اِنْ يَّسْـَٔلْكُمُوْهَا فَيُحْفِكُمْ تَبْخَلُوْا وَيُخْرِجْ اَضْغَانَكُمْ٣٧
Iy yas'alkumūhā fa yuḥfikum tabkhalū wa yukhrij aḍgānakum.
[37]
Mua’ Iya (Puang) mapperauio mie’ barang-barang mappassao (mamoare’o mappebengan nasang) tongang na makikkiro’o mie’ anna Iya (Puang) na mappalatto siri atemu mie’.
هٰٓاَنْتُمْ هٰٓؤُلَاۤءِ تُدْعَوْنَ لِتُنْفِقُوْا فِيْ سَبِيْلِ اللّٰهِۚ فَمِنْكُمْ مَّنْ يَّبْخَلُ ۚوَمَنْ يَّبْخَلْ فَاِنَّمَا يَبْخَلُ عَنْ نَّفْسِهٖ ۗوَاللّٰهُ الْغَنِيُّ وَاَنْتُمُ الْفُقَرَاۤءُ ۗوَاِنْ تَتَوَلَّوْا يَسْتَبْدِلْ قَوْمًا غَيْرَكُمْۙ ثُمَّ لَا يَكُوْنُوْٓا اَمْثَالَكُمْ ࣖ٣٨
Hā antum hā'ulā'i tud‘auna litunfiqū fī sabīlillāh(i), fa minkum may yabkhal(u), wa may yabkhal fa innamā yabkhalu ‘an nafsih(ī), wallāhul-ganiyyu wa antumul-fuqarā'(u), wa in tatawallau yastabdil qauman gairakum, ṡumma lā yakūnū amṡālakum.
[38]
Ingarangi, i’o mie’ di’e to diperoa na mappasung (mappasulakkang barangmu) lao di tangalalangna Puang Allah Taala. Jari di antaramu mie’ diang to makikkir, anna inai makikkir sitongangna iya sangga’ makikkir lao di alawena toi tia. Anna Puang Allah Taala Tongang Sugi’ anna i’omo mie’ to mapparalluangi. Anna mua’ meppondo’o mie’ napominasai (Puang) na massalleio di umma’ laeng, anna diangi ise’iya andiango’o mie’ sitteng.