Surah Ya Sin
بِسْمِ اللّٰهِ الرَّحْمٰنِ الرَّحِيْمِ
يٰسۤ ۚ١
Yā sīn.
[1]
Yā sīn.
وَالْقُرْاٰنِ الْحَكِيْمِۙ٢
Wal-qur'ānil-ḥakīm(i).
[2]
Sawa’ Koroang iya panno hikmah,
اِنَّكَ لَمِنَ الْمُرْسَلِيْنَۙ٣
Innaka laminal-mursalīn(a).
[3]
Sitongangna i’o (Muhammad) sala mesana to pole di para suro,
عَلٰى صِرَاطٍ مُّسْتَقِيْمٍۗ٤
‘Alā ṣirāṭim mustaqīm(in).
[4]
(Iya dio) di tangalalang iya maroro,
تَنْزِيْلَ الْعَزِيْزِ الرَّحِيْمِۙ٥
Tanzīlal-‘azīzir-raḥīm(i).
[5]
iya napaturung (Puang) Masarro Maraya Pa’ulleang na Makkesayang
لِتُنْذِرَ قَوْمًا مَّآ اُنْذِرَ اٰبَاۤؤُهُمْ فَهُمْ غٰفِلُوْنَ٦
Litunżira qaumam mā unżira ābā'uhum fahum gāfilūn(a).
[6]
Malaao mappaingarang lao di umma’ iya ama-amanna andiangpa rua dipaingarang, jari ise’iya takkalupa.
لَقَدْ حَقَّ الْقَوْلُ عَلٰٓى اَكْثَرِهِمْ فَهُمْ لَا يُؤْمِنُوْنَ٧
Laqad ḥaqqal-qaulu ‘alā akṡarihim fahum lā yu'minūn(a).
[7]
Sitongangna, tongang natipatenganmi pau (atattuangna Puang Allah Taala) lao di mae’diangi ise’iya, jari ise’iya andiangi matappa’
اِنَّا جَعَلْنَا فِيْٓ اَعْنَاقِهِمْ اَغْلٰلًا فَهِيَ اِلَى الْاَذْقَانِ فَهُمْ مُّقْمَحُوْنَ٨
Innā ja‘alnā fī a‘nāqihim aglālan fa hiya ilal-ażqāni fahum muqmaḥūn(a).
[8]
Sitongangna Iyami’ mappasang sakkala dio di barona ise’iya, mane limanna ise’iya (diakke’) lao di sadanna, jari ise’iya mendonga.
وَجَعَلْنَا مِنْۢ بَيْنِ اَيْدِيْهِمْ سَدًّا وَّمِنْ خَلْفِهِمْ سَدًّا فَاَغْشَيْنٰهُمْ فَهُمْ لَا يُبْصِرُوْنَ٩
Wa ja‘alnā mim baini aidīhim saddaw wa min khalfihim saddan fa agsyaināhum fahum lā yubṣirūn(a).
[9]
Anna Iyami’ mappasang rinding dio di olona ise’iya anna mappasang to’o rinding dio di pondo’na ise’iya, anna Iyami’ ma’oppo’ (matanna ise’iya ) jari andiangi ise’iya mala paita.
وَسَوَاۤءٌ عَلَيْهِمْ ءَاَنْذَرْتَهُمْ اَمْ لَمْ تُنْذِرْهُمْ لَا يُؤْمِنُوْنَ١٠
Wa sawā'un ‘alaihim a'anżartahum am lam tunżirhum lā yu'minūn(a).
[10]
Sitteng bandi ise’iya mupaingarag iyade’ iyade’ andiangi mupaingarang, andiangi ise’iya na matappa’.
اِنَّمَا تُنْذِرُ مَنِ اتَّبَعَ الذِّكْرَ وَخَشِيَ الرَّحْمٰنَ بِالْغَيْبِۚ فَبَشِّرْهُ بِمَغْفِرَةٍ وَّاَجْرٍ كَرِيْمٍ١١
Innamā tunżiru manittaba‘aż-żikra wa khasyiyar-raḥmāna bil-gaib(i), fa basysyirhu bimagfiratiw wa ajrin karīm(in).
[11]
Sitongangna i’o sangga’ pappaingarang lao di to melo’ mappeccoe’i pappaingarangan anna marakke’ lao di Puang Masarro Masayang mau andiang naita. Jari bei’i karewa mapperi-rio siola pa’dappang na appalang iya mala’bi’.
اِنَّا نَحْنُ نُحْيِ الْمَوْتٰى وَنَكْتُبُ مَا قَدَّمُوْا وَاٰثَارَهُمْۗ وَكُلَّ شَيْءٍ اَحْصَيْنٰهُ فِيْٓ اِمَامٍ مُّبِيْنٍ ࣖ١٢
Innā naḥnu nuḥyil-mautā wa naktubu mā qaddamū wa āṡārahum, wa kulla syai'in aḥṣaināhu fī imāmim mubīn(in).
[12]
Sitongangna Iyami’ mappatuo to mate anna Iyami’ mattulis anu iya pura napogau’ ise’iya anna bate gau’na iya napamottong. Anna inggannana seu-seuwa Iyami’ pasirumungi lalang di Indo Kitta’ iya ma’nyata (Lauh Mahfudz).
وَاضْرِبْ لَهُمْ مَّثَلًا اَصْحٰبَ الْقَرْيَةِۘ اِذْ جَاۤءَهَا الْمُرْسَلُوْنَۚ١٣
Waḍrib lahum maṡalan aṣḥābal-qaryah(ti), iż jā'ahal-mursalūn(a).
[13]
Anna papiai di sesena ise’iya akkalarapangan, iyamo pakkappung mesa banua di wattunna para sioang mappolei ise’iya.
اِذْ اَرْسَلْنَآ اِلَيْهِمُ اثْنَيْنِ فَكَذَّبُوْهُمَا فَعَزَّزْنَا بِثَالِثٍ فَقَالُوْٓا اِنَّآ اِلَيْكُمْ مُّرْسَلُوْنَ١٤
Iż arsalnā ilaihimuṡnaini fa każżabūhumā fa ‘azzaznā biṡāliṡin faqālū innā ilaikum mursalūn(a).
[14]
(Iyamo) di wattu’-I massio lao ise’iya da’dua (tau) sioang, mane ise’iya malloso-losongani. Mane Iyami’ mappamakasau’i (sioang) matallu, jari iya di’o tallu (sioango) ma’uang: “Sitongangna iyami’ to disio di sesemu mie’.”
قَالُوْا مَآ اَنْتُمْ اِلَّا بَشَرٌ مِّثْلُنَاۙ وَمَآ اَنْزَلَ الرَّحْمٰنُ مِنْ شَيْءٍۙ اِنْ اَنْتُمْ اِلَّا تَكْذِبُوْنَ١٥
Qālū mā antum illā basyarum miṡlunā, wa mā anzalar-raḥmānu min syai'(in), in antum illā takżibūn(a).
[15]
Ise’iya ma’uang: “I’o mie’ andiang laeng selaengna sangga’ rupa tau sitteng iyami’ anna (Puang) Masarro Masayang andiangi mappaturung seu-seuwa, anna i’o mie’ andiang laeng sselaengna sanga’ pallosong.
قَالُوْا رَبُّنَا يَعْلَمُ اِنَّآ اِلَيْكُمْ لَمُرْسَلُوْنَ١٦
Qālū rabbunā ya‘lamu innā ilaikum lamursalūn(a).
[16]
Ise’iya ma’uang: “Puangngi ma’issang mua’ sitongangna iyami’ to disio di sesemu mie’.
وَمَا عَلَيْنَآ اِلَّا الْبَلٰغُ الْمُبِيْنُ١٧
Wa mā ‘alainā illal-balāgul-mubīn(u).
[17]
Anna awajika’i andiang laeng selaengna sangga’ mappalambi’ (parentana Puang Allah Taala) iya ma’nyata (mannassa).”
قَالُوْٓا اِنَّا تَطَيَّرْنَا بِكُمْۚ لَىِٕنْ لَّمْ تَنْتَهُوْا لَنَرْجُمَنَّكُمْ وَلَيَمَسَّنَّكُمْ مِّنَّا عَذَابٌ اَلِيْمٌ١٨
Qālū innā taṭayyarnā bikum, la'il lam tantahū lanarjumannakum wa layamassannakum minnā ‘ażābun alīm(un).
[18]
Ise’iya ma’uang: “Sitongangna iyami’ makketoto’ cilaka sawa’ i’o mie’, sitongangna mua’ andiango’o mie’ me’osa (me’illong di iyami’), iyami’ tongang na marrajango’o (mattimbeo mie’ batu) anna tongang na mallolongano’o mie’ passessa iya pemonge’ pole di iyami’.”
قَالُوْا طَاۤىِٕرُكُمْ مَّعَكُمْۗ اَىِٕنْ ذُكِّرْتُمْۗ بَلْ اَنْتُمْ قَوْمٌ مُّسْرِفُوْنَ١٩
Qālū ṭā'irukum ma‘akum, a'in żukkirtum, bal antum qaumum musrifūn(a).
[19]
Ise’iya (para sioang di’o) ma’uang: “Acilakangmu mie’ sawa’ alawemu toi i’o mie’. Apa sawa’ dipaingarango’o mie’? mala i’o mie’ kaum iya mambulallo atorang.”
وَجَاۤءَ مِنْ اَقْصَا الْمَدِيْنَةِ رَجُلٌ يَّسْعٰى قَالَ يٰقَوْمِ اتَّبِعُوا الْمُرْسَلِيْنَۙ٢٠
Wa jā'a min aqṣal-madīnati rajuluy yas‘ā qāla yā qaumittabi‘ul-mursalīn(a).
[20]
Anna polemi di uyung kota mesa tommuane (Habib an- Najjar) me’asiga-siga ma’uang: “E kaumnu, peccoe’i mie’ iya di’o para sioango.
اتَّبِعُوْا مَنْ لَّا يَسْـَٔلُكُمْ اَجْرًا وَّهُمْ مُّهْتَدُوْنَ ۔٢١
Ittabi‘ū mal lā yas'alukum ajraw wa hum muhtadūn(a).
[21]
Peccoe’i mie’ to anding mapperauio mie’ tambo, anna ise’iya to mallolongan patiroang.
وَمَا لِيَ لَآ اَعْبُدُ الَّذِيْ فَطَرَنِيْ وَاِلَيْهِ تُرْجَعُوْنَ٢٢
Wa mā liya lā a‘budul-lażī faṭaranī wa ilaihi turja‘ūn(a).
[22]
Anna andiangdi diang alasannu na andianga’ massomba (Puang) iya pura mappapia-a’ anna sangga’ di sese-Nai dipepembali’-o (iyanasangna)?
ءَاَتَّخِذُ مِنْ دُوْنِهٖٓ اٰلِهَةً اِنْ يُّرِدْنِ الرَّحْمٰنُ بِضُرٍّ لَّا تُغْنِ عَنِّيْ شَفَاعَتُهُمْ شَيْـًٔا وَّلَا يُنْقِذُوْنِۚ٢٣
A'attakhiżu min dūnihī ālihatan iy yuridnir-raḥmānu biḍurril lā tugni ‘annī syafā‘atuhum syai'aw wa lā yunqiżūn(i).
[23]
Mangapa na massomba’ puang-puang selaengna Iya, mua’ (Puang) Masarro Masayang mappoelo’ adaeang di seseu, napominasai pattulunganna ise’iya andiangi ma’guna mau nasaicco’na di seseu anna andiang (toi) ise’iya mala mappasalama’?
اِنِّيْٓ اِذًا لَّفِيْ ضَلٰلٍ مُّبِيْنٍ٢٤
Innī iżal lafī ḍalālim mubīn(in).
[24]
Sitongangna iyau mua’ bassai di’o tongang lalanga’ di apusang iya ma’nyata (mannassa).
اِنِّيْٓ اٰمَنْتُ بِرَبِّكُمْ فَاسْمَعُوْنِۗ٢٥
Innī āmantu birabbikum fasma‘ūn(i).
[25]
Sitongangna matappa’ma’ lao di Puangmu mie’, jari peirrangngia’ (tettongangna tappa’u).
قِيْلَ ادْخُلِ الْجَنَّةَ ۗقَالَ يٰلَيْتَ قَوْمِيْ يَعْلَمُوْنَۙ٢٦
Qīladkhulil-jannah(ta), qāla yā laita qaumī ya‘lamūn(a).
[26]
Dipa’uangngi: “Pettamamo’o di suruga,” ma’uangi: Mapi-mapia pai tia tenna’ kaumnu ma’issangi,
بِمَا غَفَرَ لِيْ رَبِّيْ وَجَعَلَنِيْ مِنَ الْمُكْرَمِيْنَ٢٧
Bimā gafaralī rabbī wa ja‘alanī minal-mukramīn(a).
[27]
apa massawa’i Puangngu maa'dappangana’ anna napajaria’ to di pakala’bi’.
۞ وَمَآ اَنْزَلْنَا عَلٰى قَوْمِهٖ مِنْۢ بَعْدِهٖ مِنْ جُنْدٍ مِّنَ السَّمَاۤءِ وَمَا كُنَّا مُنْزِلِيْنَ٢٨
Wa mā anzalnā ‘alā qaumihī mim ba‘dihī min jundim minas-samā'i wa mā kunnā munzilīn(a).
[28]
Anna di (matenamo), Iyami’ andiang mappaturung mesa jannangan pole di langi’ lao di kaumna, anna diangi Iyami’ andiang mappaturungi.
اِنْ كَانَتْ اِلَّا صَيْحَةً وَّاحِدَةً فَاِذَا هُمْ خٰمِدُوْنَ٢٩
In kānat illā ṣaiḥataw wāḥidatan fa'iżā hum khāmidūn(a).
[29]
Andiang diang passessa lao ise’iya selaengna mesa tappa’ pe’irri’, jari ise’iya tappa mate nasang.
يٰحَسْرَةً عَلَى الْعِبَادِۚ مَا يَأْتِيْهِمْ مِّنْ رَّسُوْلٍ اِلَّا كَانُوْا بِهٖ يَسْتَهْزِءُوْنَ٣٠
Yā ḥasratan ‘alal-‘ibād(i), mā ya'tīhim mir rasūlin illā kānū bihī yastahzi'ūn(a).
[30]
Kai-kaiyang pai tia panoso lao di para batua, andiangi pole mesa suro lao ise’iya, selaengna diangi ise’iya samata ma’elle-ellei.
اَلَمْ يَرَوْا كَمْ اَهْلَكْنَا قَبْلَهُمْ مِّنَ الْقُرُوْنِ اَنَّهُمْ اِلَيْهِمْ لَا يَرْجِعُوْنَ٣١
Alam yarau kam ahlaknā qablahum minal-qurūni annahum ilaihim lā yarji‘ūn(a).
[31]
Apa’ andiangdi ise’iya naissang saapa mae’dinna umma’ di andiangnapai ise’iya iya pura iyami’ paaccuri, sitongangna to (pura Iyami’ paaccuri) andiangi na membali’ lao ise’iya.
وَاِنْ كُلٌّ لَّمَّا جَمِيْعٌ لَّدَيْنَا مُحْضَرُوْنَ ࣖ٣٢
Wa in kullul lammā jamī‘ul ladainā muḥḍarūn(a).
[32]
Anna tungga’-tungga’ (umma’), na dipepe’olo nasangi di Iyami’.
وَاٰيَةٌ لَّهُمُ الْاَرْضُ الْمَيْتَةُ ۖاَحْيَيْنٰهَا وَاَخْرَجْنَا مِنْهَا حَبًّا فَمِنْهُ يَأْكُلُوْنَ٣٣
Wa āyatul lahumul-arḍul-maitah(tu), aḥyaināhā wa akhrajnā minhā ḥabban faminhu ya'kulūn(a).
[33]
Anna mesa tanda (alama’ akkuasangna Puang Allah Taala) lao ise’iya iyamo lino iya mate. Iyami’ mappatuoi di’o lino anna Iyami’ mappasung pole di lino mae’di tulang, jari pole (di mae’di tulang) ise’iya ummande.
وَجَعَلْنَا فِيْهَا جَنّٰتٍ مِّنْ نَّخِيْلٍ وَّاَعْنَابٍ وَّفَجَّرْنَا فِيْهَا مِنَ الْعُيُوْنِۙ٣٤
Wa ja‘alnā fīhā jannātim min nakhīliw wa a‘nābiw wa fajjarnā fīhā minal-‘uyūn(i).
[34]
Anna Iyami’ mappajari di sesena uma-uma kuruma anna anggur anna Iyami’ mappatumbur (mappaticorre) sisaapa mata uai.
لِيَأْكُلُوْا مِنْ ثَمَرِهٖۙ وَمَا عَمِلَتْهُ اَيْدِيْهِمْ ۗ اَفَلَا يَشْكُرُوْنَ٣٥
Liya'kulū min ṡamarihī wa mā ‘amilathu aidīhim, afalā yasykurūn(a).
[35]
Malaai ise’iya maande pole di bua-buana, anna pole di anu nausahai limanna ise’iya. Jari apa’ mangapai ise’iya na andiang me’asukkur?
سُبْحٰنَ الَّذِيْ خَلَقَ الْاَزْوَاجَ كُلَّهَا مِمَّا تُنْۢبِتُ الْاَرْضُ وَمِنْ اَنْفُسِهِمْ وَمِمَّا لَا يَعْلَمُوْنَ٣٦
Subḥānal-lażī khalaqal-azwāja kullahā mimmā tumbitul-arḍu wa min anfusihim wa mimmā lā ya‘lamūn(a).
[36]
Tongang mapaccingi Puang iya pura mappadiang sipa’baliang iyanasangna, pole di anu iya dipatuo di lino anna pole di alawena ise’iya iyade’ pole di anu andiang naissang.
وَاٰيَةٌ لَّهُمُ الَّيْلُ ۖنَسْلَخُ مِنْهُ النَّهَارَ فَاِذَا هُمْ مُّظْلِمُوْنَۙ٣٧
Wa āyatul lahumul-lailu naslakhu minhun-nahāra fa'iżā hum muẓlimūn(a).
[37]
Anna mesa tanda (alama’ akkuasangna Puang Allah Taala) lao ise’iya iyamo bongi. Iyami’ maalai allo pole (di bongi), jari tappa siola-olai ise’iya lalang di apattangan.
وَالشَّمْسُ تَجْرِيْ لِمُسْتَقَرٍّ لَّهَا ۗذٰلِكَ تَقْدِيْرُ الْعَزِيْزِ الْعَلِيْمِۗ٣٨
Wasy-syamsu tajrī limustaqarril lahā, żālika taqdīrul-‘azīzil-‘alīm(i).
[38]
Anna mata allo jalangi dio di engeang pepputarangna. Bassami di’o pato’na (Puang) Iya Masarro Maraya Pa’ulleang na Paissang.
وَالْقَمَرَ قَدَّرْنٰهُ مَنَازِلَ حَتّٰى عَادَ كَالْعُرْجُوْنِ الْقَدِيْمِ٣٩
Wal-qamara qaddarnāhu manāzila ḥattā ‘āda kal-‘urjūnil-qadīm(i).
[39]
Anna Iyami’ pura mappato’ engeang pepputarangna bulang, lambi’i (tanda’ lao di cappa’na), membali’ boi mettokko buli (kandope) matoa.
لَا الشَّمْسُ يَنْۢبَغِيْ لَهَآ اَنْ تُدْرِكَ الْقَمَرَ وَلَا الَّيْلُ سَابِقُ النَّهَارِ ۗوَكُلٌّ فِيْ فَلَكٍ يَّسْبَحُوْنَ٤٠
Lasy-syamsu yambagī lahā an tudrikal-qamara wa lal-lailu sābiqun-nahār(i), wa kullun fī falakiy yasbaḥūn(a).
[40]
Andiang sinalai mata allo mallolongan bulang anna bongi andiang (toi) mala mappendioloi allo. Anna sare mepputari di pepputarangna.
وَاٰيَةٌ لَّهُمْ اَنَّا حَمَلْنَا ذُرِّيَّتَهُمْ فِى الْفُلْكِ الْمَشْحُوْنِۙ٤١
Wa āyatul lahum annā ḥamalnā żurriyyatahum fil-fulkil-masyḥūn(i).
[41]
Anna mesa tanda (alama’ akkuasangna Puang Allah Taala) lao ise’iya iyamo mua’ Iyami’ mambawai biya-biyanna lao di kappal iya panno rurangan.
وَخَلَقْنَا لَهُمْ مِّنْ مِّثْلِهٖ مَا يَرْكَبُوْنَ٤٢
Wa khalaqnā lahum mim miṡlihī mā yarkabūn(a).
[42]
Anna Iyami’ mappadiangani ise’iya anu iya na naola, rapang kappal iya na naola.
وَاِنْ نَّشَأْ نُغْرِقْهُمْ فَلَا صَرِيْخَ لَهُمْ وَلَاهُمْ يُنْقَذُوْنَۙ٤٣
Wa in nasya' nugriqhum falā ṣarīkha lahum wa lā hum yunqażūn(a).
[43]
Anna mua’ Iyami’ mappoelo’, Iyami’ tongang na mappatallangi ise’iya, jari andiangmo diang pattulung lao ise’iya anna andiang toi ise’iya dipasalama’.
اِلَّا رَحْمَةً مِّنَّا وَمَتَاعًا اِلٰى حِيْنٍ٤٤
Illā raḥmatam minnā wa matā‘an ilā ḥīn(in).
[44]
Selaengna pammase kaiyang pole di Iyami’ anna mambei asannangan atuoang lambi’i lao di mesa wattu.
وَاِذَا قِيْلَ لَهُمُ اتَّقُوْا مَا بَيْنَ اَيْدِيْكُمْ وَمَا خَلْفَكُمْ لَعَلَّكُمْ تُرْحَمُوْنَ٤٥
Wa iżā qīla lahumuttaqū mā baina aidīkum wa mā khalfakum la‘allakum turḥamūn(a).
[45]
Anna mua’ dipa’ungngi lao ise’iya: “Takwao mie’ lao di passessa iya mupe’oloi mie’ (lino) anna passessa na pole (ahera’), mamoare’o mie’ diammasei.”
وَمَا تَأْتِيْهِمْ مِّنْ اٰيَةٍ مِّنْ اٰيٰتِ رَبِّهِمْ اِلَّا كَانُوْا عَنْهَا مُعْرِضِيْنَ٤٦
Wa mā ta'tīhim min āyatim min āyāti rabbihim illā kānū ‘anhā mu‘riḍīn(a).
[46]
Anna tongang andiangi na pole lao ise’iya mesa tanda pole di tanda (akkuasangna) Puangna, selaengna diangi ise’iya samata mappeppondo’i.
وَاِذَا قِيْلَ لَهُمْ اَنْفِقُوْا مِمَّا رَزَقَكُمُ اللّٰهُ ۙقَالَ الَّذِيْنَ كَفَرُوْا لِلَّذِيْنَ اٰمَنُوْٓا اَنُطْعِمُ مَنْ لَّوْ يَشَاۤءُ اللّٰهُ اَطْعَمَهٗٓ ۖاِنْ اَنْتُمْ اِلَّا فِيْ ضَلٰلٍ مُّبِيْنٍ٤٧
Wa iżā qīla lahum anfiqū mimmā razaqakumullāh(u), qālal-lażīna kafarū lil-lażīna āmanū anuṭ‘imu mal lau yasyā'ullāhu aṭ‘amah(ū), in antum illā fī ḍalālim mubīn(in).
[47]
Anna mua’ dipa’uangngi ise’iya: “Passulakkangani mie’ dalle’ iya na bengano’o Puang Allah Taala.” To kaper ma’uang lao di to matappa’: “Apa’ sitinayadi iyami’ na mappande lao di to iya mua’ Puang Alla Taala mappoelo’ tongang Iya (Puang) na mappandei? I’o mie’ andiang laeng selaengna tongang lalang di apusang iya ma’nyata (mannassa).”
وَيَقُوْلُوْنَ مَتٰى هٰذَا الْوَعْدُ اِنْ كُنْتُمْ صٰدِقِيْنَ٤٨
Wa yaqūlūna matā hāżal-wa‘du in kuntum ṣādiqīn(a).
[48]
Anna ise’iya (to kaper) ma’uang: “Pirangpai di’e janji-e (allo dipatiwa’as), mua’ diango’o mie’ to tongang (parua)?”
مَا يَنْظُرُوْنَ اِلَّا صَيْحَةً وَّاحِدَةً تَأْخُذُهُمْ وَهُمْ يَخِصِّمُوْنَ٤٩
Mā yanẓurūna illā ṣaiḥataw wāḥidatan ta'khużuhum wa hum yakhiṣṣimūn(a).
[49]
Ise’iya andiangi metteppe selaengna pissang tappa’di pe’irri’ iya na mappaaccuri ise’iya di wattunnai ise’iya mamanya sibaro.
فَلَا يَسْتَطِيْعُوْنَ تَوْصِيَةً وَّلَآ اِلٰٓى اَهْلِهِمْ يَرْجِعُوْنَ ࣖ٥٠
Falā yastaṭī‘ūna tauṣiyataw wa lā ilā ahlihim yarji‘ūn(a).
[50]
Mane ise’iya andiangi kuasa mappapia mau na mesa mana’ (pappasang) anna andiang topa mala membali’ lao di to di alawena.
وَنُفِخَ فِى الصُّوْرِ فَاِذَا هُمْ مِّنَ الْاَجْدَاثِ اِلٰى رَبِّهِمْ يَنْسِلُوْنَ٥١
Wa nufikha fiṣ-ṣūri fa'iżā hum minal-ajdāṡi ilā rabbihim yansilūn(a).
[51]
Anna ditueimi tarompe’, jari tappa silalona ise’iya messung me’asiga-siga pole di ku’burna (lao) di Puangna.
قَالُوْا يٰوَيْلَنَا مَنْۢ بَعَثَنَا مِنْ مَّرْقَدِنَا ۜهٰذَا مَا وَعَدَ الرَّحْمٰنُ وَصَدَقَ الْمُرْسَلُوْنَ٥٢
Qālū yā wailanā mam ba‘aṡanā mim marqadinā…hāżā mā wa‘adar-raḥmānu wa ṣadaqal-mursalūn(a).
[52]
Ise’iya ma’uang: “Adede cila-cilakapai iyami’. Inai mappatiwa’asi iyami’ pole di patindoa’i (ku’bur)?” Iyamo di’e na janjiang (Puang) Iya Masarro Pammase anna tongang paruai para suro-Na.
اِنْ كَانَتْ اِلَّا صَيْحَةً وَّاحِدَةً فَاِذَا هُمْ جَمِيْعٌ لَّدَيْنَا مُحْضَرُوْنَ٥٣
In kānat illā ṣaiḥataw wāḥidatan fa'iżā hum jamī‘ul ladainā muḥḍarūn(a).
[53]
Iya di’o pe’irri’-o andiang laeng selaengna pissang (tappa’ pe’irri’), jari tappa silalona ise’iya dipasirumung nasang di Iyami’.
فَالْيَوْمَ لَا تُظْلَمُ نَفْسٌ شَيْـًٔا وَّلَا تُجْزَوْنَ اِلَّا مَا كُنْتُمْ تَعْمَلُوْنَ٥٤
Fal-yauma lā tuẓlamu nafsun syai'aw wa lā tujzauna illā mā kuntum ta‘malūn(a).
[54]
jari di allo di’o, mesa rupa tau andiangi na diparugi mau nasaicco’na, anna andiango’o na di balas, selaengna anu iya pura mupogau’.
اِنَّ اَصْحٰبَ الْجَنَّةِ الْيَوْمَ فِيْ شُغُلٍ فٰكِهُوْنَ ۚ٥٥
Inna aṣḥābal-jannatil-yauma fī syugulin fākihūn(a).
[55]
Sitongangna to ma’engei suruga di allo di’o miasanna-sannang lalang di asiwuangna (ise’iya).
هُمْ وَاَزْوَاجُهُمْ فِيْ ظِلٰلٍ عَلَى الْاَرَاۤىِٕكِ مُتَّكِـُٔوْنَ ۚ٥٦
Hum wa azwājuhum fī ẓilālin ‘alal-arā'iki muttaki'ūn(a).
[56]
Ise’iya anna para pa’baliangna ise’iya dioi di engeang iya maullung, messender dio di bakko-bakko.
لَهُمْ فِيْهَا فَاكِهَةٌ وَّلَهُمْ مَّا يَدَّعُوْنَ ۚ٥٧
Lahum fīhā fākihatuw wa lahum mā yadda‘ūn(a).
[57]
(Dio di suruga di’o), ise’iya mallolongan bua-bua anna mallolongan anu iya naperau.
سَلٰمٌۗ قَوْلًا مِّنْ رَّبٍّ رَّحِيْمٍ٥٨
Salāmun qaulam mir rabbir raḥīm(in).
[58]
(ise’iya dipa’uangngi): “salam (salama’),” pau asalamakang pole di Puang Iya Masarro Makkesayang.
وَامْتَازُوا الْيَوْمَ اَيُّهَا الْمُجْرِمُوْنَ٥٩
Wamtāzul-yauma ayyuhal-mujrimūn(a).
[59]
Anna (to kaper dipa’uangngi ): “Pessara’mo’o mie’ (pole di to matappa’) di allo di’e, E inggannana to madosa.
۞ اَلَمْ اَعْهَدْ اِلَيْكُمْ يٰبَنِيْٓ اٰدَمَ اَنْ لَّا تَعْبُدُوا الشَّيْطٰنَۚ اِنَّهٗ لَكُمْ عَدُوٌّ مُّبِيْنٌ٦٠
Alam a‘had ilaikum yā banī ādama allā ta‘budusy-syaiṭān(a), innahū lakum ‘aduwwum mubīn(un).
[60]
Andiangda’ pura mapparentao mie’ E ana’ appona Adam malaao andiang massomba setang? Sitongangna setang di’o bali ma’nyata (mannassa) di sesemu mie’.
وَاَنِ اعْبُدُوْنِيْ ۗهٰذَا صِرَاطٌ مُّسْتَقِيْمٌ٦١
Wa ani‘budūnī, hāżā ṣirāṭum mustaqīm(un).
[61]
Anna sitinayannao mie’ massomba limai di Iyau. Iyamo di’e tangalalang iya maroro.”
وَلَقَدْ اَضَلَّ مِنْكُمْ جِبِلًّا كَثِيْرًا ۗاَفَلَمْ تَكُوْنُوْا تَعْقِلُوْنَ٦٢
Wa laqad aḍalla minkum jibillan kaṡīrā(n), afalam takūnū ta‘qilūn(a).
[62]
Sitongangna iya di’o setang-o mappapusa sambareang mae’di di antaramu mie’. Jari apa’ andiangdo’o mie’ keakkalang?
هٰذِهٖ جَهَنَّمُ الَّتِيْ كُنْتُمْ تُوْعَدُوْنَ٦٣
Hāżihī jahannamul-latī kuntum tū‘adūn(a).
[63]
Iyamo di’e (naraka) Jahannam, iya diango’o mie’ di janjiang.
اِصْلَوْهَا الْيَوْمَ بِمَا كُنْتُمْ تَكْفُرُوْنَ٦٤
Iṣlauhal-yauma bimā kuntum takfurūn(a).
[64]
Pettamamo’o mie’ di lalangna di’e allo-e sawa’ diango’o mie’ makkaperri’i.
اَلْيَوْمَ نَخْتِمُ عَلٰٓى اَفْوَاهِهِمْ وَتُكَلِّمُنَآ اَيْدِيْهِمْ وَتَشْهَدُ اَرْجُلُهُمْ بِمَا كَانُوْا يَكْسِبُوْنَ٦٥
Al-yauma nakhtimu ‘alā afwāhihim wa tukallimunā aidīhim wa tasyhadu arjuluhum bimā kānū yaksibūn(a).
[65]
Di allo di’e Iyami’ ma’oppo’ nganganna ise’iya, anna maappunnai di Iyami’ limanna ise’iya anna lette’na ise’iya massa’bi di anu iya na akkaresoi.
وَلَوْ نَشَاۤءُ لَطَمَسْنَا عَلٰٓى اَعْيُنِهِمْ فَاسْتَبَقُوا الصِّرَاطَ فَاَنّٰى يُبْصِرُوْنَ٦٦
Wa lau nasyā'u laṭamasnā ‘alā a‘yunihim fastabaquṣ-ṣirāṭa fa annā yubṣirūn(a).
[66]
Anna mua’ Iyami’ mappoelo’ Iyami’ tongang na maapus pe’ita matanna ise’iya, mane ise’iya silumba-lumba (ma’itai) tangalalang. Jari tiapai ise’iya na mala me’ita (lao).
وَلَوْ نَشَاۤءُ لَمَسَخْنٰهُمْ عَلٰى مَكَانَتِهِمْ فَمَا اسْتَطَاعُوْا مُضِيًّا وَّلَا يَرْجِعُوْنَ ࣖ٦٧
Wa lau nasyā'u lamasakhnāhum ‘alā makānatihim famastaṭā‘ū muḍiyyaw wa lā yarji‘ūn(a).
[67]
Anna mua’ Iyami’ mappoelo’, Iyami’ tongang na mambenru’ laengi ise’iya dio di engeangna, jari andiangi ise’iya naulle mellamba anna andiang (toi) naulle membali’.
وَمَنْ نُّعَمِّرْهُ نُنَكِّسْهُ فِى الْخَلْقِۗ اَفَلَا يَعْقِلُوْنَ٦٨
Wa man nu‘ammirhu nunakkishu fil-khalq(i), afalā ya‘qilūn(a).
[68]
Anna inai-inai to Iyami’ pamalakka ummurna, Iyami’ tongang mappepembali’i di pappadianganna, jari apa’ andiangdi ise’iya keakkalang?
وَمَا عَلَّمْنٰهُ الشِّعْرَ وَمَا يَنْۢبَغِيْ لَهٗ ۗاِنْ هُوَ اِلَّا ذِكْرٌ وَّقُرْاٰنٌ مُّبِيْنٌ ۙ٦٩
Wa mā ‘allamnāhusy-syi‘ra wa mā yambagī lah(ū), in huwa illā żikruw wa qur'ānum mubīn(un).
[69]
Anna Iyami’ andiangi mappepatuduang syair lao di (Muhammad) anna masysyair di’o andiangi sitinaya di sesena. Koroang di’o andiang laeng selaengna pe’guruang anna kitta’ iya ma’nyata (mannassa),
لِّيُنْذِرَ مَنْ كَانَ حَيًّا وَّيَحِقَّ الْقَوْلُ عَلَى الْكٰفِرِيْنَ٧٠
Liyunżira man kāna ḥayyaw wa yaḥiqqal-qaulu ‘alal-kāfirīn(a).
[70]
Mamoare’i (Muhammad) mappaingarang lao di to tuo (atena) anna tongang di pato’mi attattuang (passessa) lao di to kaper.
اَوَلَمْ يَرَوْا اَنَّا خَلَقْنَا لَهُمْ مِّمَّا عَمِلَتْ اَيْدِيْنَآ اَنْعَامًا فَهُمْ لَهَا مٰلِكُوْنَ٧١
Awalam yarau annā khalaqnā lahum mimmā ‘amilat aidīnā an‘āman fahum lahā mālikūn(a).
[71]
Anna andiangdi ise’iya ma’ita mua’ sitongangna Iyami’ pura mappadiangani ise’iya olo’-olo’ piarang, iyamo sambareang pole di anu iya Iyami’ mappadiang sawa’ akkuasa’-I, mane ise’iya makkuasai’i?
وَذَلَّلْنٰهَا لَهُمْ فَمِنْهَا رَكُوْبُهُمْ وَمِنْهَا يَأْكُلُوْنَ٧٢
Wa żallalnāhā lahum fa minhā rakūbuhum wa minhā ya'kulūn(a).
[72]
Anna Iyami’ mappatunru’ olo’-olo’ lao ise’iya, jari sambareangna na patteke’i ise’iya anna sambareangna naandei ise’iya.
وَلَهُمْ فِيْهَا مَنَافِعُ وَمَشَارِبُۗ اَفَلَا يَشْكُرُوْنَ٧٣
Wa lahum fīhā manāfi‘u wa masyārib(u), afalā yasykurūn(a).
[73]
Anna ise’iya mallolongan mae’di akkegunang (pole di olo-olo’) anna dunduang. Jari mangapa na andiangi ise’iya me’asukkur?
وَاتَّخَذُوْا مِنْ دُوْنِ اللّٰهِ اٰلِهَةً لَّعَلَّهُمْ يُنْصَرُوْنَ ۗ٧٤
Wattakhażū min dūnillāhi ālihatal la‘allahum yunṣarūn(a).
[74]
Ise’iya maala somba-sombang selaengna Puang Allah Taala mamoare’i ise’iya mallolongan pattulung.
لَا يَسْتَطِيْعُوْنَ نَصْرَهُمْۙ وَهُمْ لَهُمْ جُنْدٌ مُّحْضَرُوْنَ٧٥
Lā yastaṭī‘ūna naṣrahum, wa hum lahum jundum muḥḍarūn(a).
[75]
Barahala-barahala (patung) andiangi mala mattulungi ise’iya, padahal barahala-barahala (patung) menjari joa’ iya dipataya na manjagai ise’iya.
فَلَا يَحْزُنْكَ قَوْلُهُمْ ۘاِنَّا نَعْلَمُ مَا يُسِرُّوْنَ وَمَا يُعْلِنُوْنَ٧٦
Falā yaḥzunka qauluhum, innā na‘lamu mā yusirrūna wa mā yu‘linūn(a).
[76]
Jari dai paunna ise’iya mappamasara nyawao. Sitongangna Iyami’ ma’issang anu iya na buniang ise’iya anna anu iya na pa’nyata.
اَوَلَمْ يَرَ الْاِنْسَانُ اَنَّا خَلَقْنٰهُ مِنْ نُّطْفَةٍ فَاِذَا هُوَ خَصِيْمٌ مُّبِيْنٌ٧٧
Awalam yaral-insānu annā khalaqnāhu min nuṭfatin fa'iżā huwa khaṣīmum mubīn(un).
[77]
Anna apa’ andiangdi rupa tau mappennassai mua’ Iyami’ mappadiangi pole di satti’diang uai (manning), tappa menjari’i passakka’ iya ma’nyata (mannassa).
وَضَرَبَ لَنَا مَثَلًا وَّنَسِيَ خَلْقَهٗۗ قَالَ مَنْ يُّحْيِ الْعِظَامَ وَهِيَ رَمِيْمٌ٧٨
Wa ḍaraba lanā maṡalaw wa nasiya khalqah(ū), qāla may yuḥyil-‘iẓāma wa hiya ramīm(un).
[78]
Anna iya mappapia akkalarapangan di Iyami’, anna iya maaluppei pappadianganna, ma’uangi: “Inaidi mala mappatuo buku-buku, anna iya accurmi meppallili?”
قُلْ يُحْيِيْهَا الَّذِيْٓ اَنْشَاَهَآ اَوَّلَ مَرَّةٍ ۗوَهُوَ بِكُلِّ خَلْقٍ عَلِيْمٌ ۙ٧٩
Qul yuḥyīhal-lażī ansya'ahā awwala marrah(tin), wa huwa bikulli khalqin ‘alīm(un).
[79]
Pa’uango’o (Muhammad): “Iya na mappatuoi iyamo (Puang) iya mappadiangi di ammula-mulanna. Anna Iyamo (Puang) Masarro Paissang di inggannana anu dipadiang,
ۨالَّذِيْ جَعَلَ لَكُمْ مِّنَ الشَّجَرِ الْاَخْضَرِ نَارًاۙ فَاِذَآ اَنْتُمْ مِّنْهُ تُوْقِدُوْنَ٨٠
Allażī ja‘ala lakum minasy-syajaril-akhḍari nārā(n), fa'iżā antum minhu tūqidūn(a).
[80]
Iyamo (Puang) iya mappajariango’o mie’ api pole di ayu iya makurarra’, jari tappa i’o mie’ mappatue (api) pole di ayu di’o.”
اَوَلَيْسَ الَّذِيْ خَلَقَ السَّمٰوٰتِ وَالْاَرْضَ بِقٰدِرٍ عَلٰٓى اَنْ يَّخْلُقَ مِثْلَهُمْ ۗبَلٰى وَهُوَ الْخَلّٰقُ الْعَلِيْمُ٨١
Awa laisal-lażī khalaqas-samāwāti wal-arḍa biqādirin ‘alā ay yakhluqa miṡlahum, balā wa huwal-khallāqul-‘alīm(u).
[81]
Anna taniadi (Puang) iya mappadiang langi’ anna lino, kuasa mappadiang membali’ tuwunna ise’iya iya (nasallei) dipuranamo accur? Tongang, anna Iya (Puang) Masarro Pappadiang na Paissang.
اِنَّمَآ اَمْرُهٗٓ اِذَآ اَرَادَ شَيْـًٔاۖ اَنْ يَّقُوْلَ لَهٗ كُنْ فَيَكُوْنُ٨٢
Innamā amruhū iżā arāda syai'an ay yaqūla lahū kun fa yakūn(u).
[82]
Sitongangna parenta-Na (Puang) mua’ Iya (Puang) mappoelo’ seu-seuwa (Iya) sangga’ ma’uang lao: “Kun (jario),” payakun (mane menjarimi).
فَسُبْحٰنَ الَّذِيْ بِيَدِهٖ مَلَكُوْتُ كُلِّ شَيْءٍ وَّاِلَيْهِ تُرْجَعُوْنَ ࣖ٨٣
Fa subḥānal-lażī biyadihī malakūtu kulli syai'iw wa ilaihi turja‘ūn(a).
[83]
Jari tongang Mapaccingi (Puang Allah Taala) iya di liman-Na akkuasang di inggannana seu-seuwa anna di sese-Nai di pepembali’o mie’.