Surah An-Naml
بِسْمِ اللّٰهِ الرَّحْمٰنِ الرَّحِيْمِ
طٰسۤ ۚ تِلْكَ اٰيٰتُ الْقُرْاٰنِ وَكِتَابٍ مُّبِيْنٍ ۙ١
Ṭā Sīn, tilka āyātul-qur'āni wa kitābim mubīn(in).
[1]
Ṭā Sīn. Iyamo di’e aya’-aya’ Koroang anna (aya’aya’) kitta’ iya ma’nyata (mannassa).
هُدًى وَّبُشْرٰى لِلْمُؤْمِنِيْنَ ۙ٢
Hudaw wa busyrā lil-mu'minīn(a).
[2]
patiroang anna karewa mapperi-rio di sesena to matappa’.
الَّذِيْنَ يُقِيْمُوْنَ الصَّلٰوةَ وَيُؤْتُوْنَ الزَّكٰوةَ وَهُمْ بِالْاٰخِرَةِ هُمْ يُوْقِنُوْنَ٣
Allażīna yuqīmūnaṣ-ṣalāta wa yu'tūnaz-zakāta wa hum bil-ākhirati hum yūqinūn(a).
[3]
(iyamo) to makke’deang sambayang anna mappasilennarang sakka’ anna ise’iya makanynyang di ahera’.
اِنَّ الَّذِيْنَ لَا يُؤْمِنُوْنَ بِالْاٰخِرَةِ زَيَّنَّا لَهُمْ اَعْمَالَهُمْ فَهُمْ يَعْمَهُوْنَ ۗ٤
Innal-lażīna lā yu'minūna bil-ākhirati zayyannā lahum a‘mālahum fahum ya‘mahūn(a).
[4]
Sitongangna to andiang matappa’ lao di ahera’, Iyami’ mappajari’ ise’iya mattangngar macoa panggauangna, jari ise’iya silolle’i (lalang di apusang),
اُولٰۤىِٕكَ الَّذِيْنَ لَهُمْ سُوْۤءُ الْعَذَابِ وَهُمْ فِى الْاٰخِرَةِ هُمُ الْاَخْسَرُوْنَ٥
Ulā'ikal-lażīna lahum sū'ul-‘ażābi wa hum fil-ākhirati humul-akhsarūn(a).
[5]
Ise’iyamo di’o to mallolongan passessa adae’ (di lino) anna ise’iya dio di ahera’ iyamo to kaminang rugi (bangkuru’).
وَاِنَّكَ لَتُلَقَّى الْقُرْاٰنَ مِنْ لَّدُنْ حَكِيْمٍ عَلِيْمٍ٦
Wa innaka latulaqqal-qur'āna mil ladun ḥakīmin ‘alīm(in).
[6]
Anna sitongangna i’o (Muhammad) tongang purao dibei Koroang pole di sesena (Puang Iya) Masarro Maroro (Adil) na Paissang.
اِذْ قَالَ مُوْسٰى لِاَهْلِهٖٓ اِنِّيْٓ اٰنَسْتُ نَارًاۗ سَاٰتِيْكُمْ مِّنْهَا بِخَبَرٍ اَوْ اٰتِيْكُمْ بِشِهَابٍ قَبَسٍ لَّعَلَّكُمْ تَصْطَلُوْنَ٧
Iż qāla mūsā li'ahlihī innī ānastu nārā(n), sa'ātīkum minhā bikhabarin au ātīkum bisyihābin qabasil la‘allakum taṣṭalūn(a).
[7]
(Ingarangi) wattunna Musa ma’uang lao di keluargana (pallulluareangna): “Sitongangna ma’ita-a’ api. na ubawangano’o mie’ karewa, iyade’ na ubawangano’o mie’ sulo api mamoare’o mie’ mala mendarang.
فَلَمَّا جَاۤءَهَا نُوْدِيَ اَنْۢ بُوْرِكَ مَنْ فِى النَّارِ وَمَنْ حَوْلَهَاۗ وَسُبْحٰنَ اللّٰهِ رَبِّ الْعٰلَمِيْنَ٨
Falammā jā'ahā nūdiya am būrika man fin-nāri wa man ḥaulahā, wa subḥānallāhi rabbil-‘ālamīn(a).
[8]
Jari di wattunna mappolei di’o (engeang api-o), di illongngimi: “Mua’ purami dibarakka’i to dio di sikadeppe’ api anna to dio di alleroangna. Anna tongang mapaccingi Puang Allah Taala, Puang inggannana alang.”
يٰمُوْسٰٓى اِنَّهٗٓ اَنَا اللّٰهُ الْعَزِيْزُ الْحَكِيْمُ ۙ٩
Yā mūsā innahū anallāhul-‘azīzul-ḥakīm(u).
[9]
(Puang Allah Taala ma’uang): E Musa, sitongangna Iyamo tu’u Puang Allah Taala, (Puang Iya) Masarro Maraya Pa’ulleang na Maroro (Adil).
وَاَلْقِ عَصَاكَ ۗفَلَمَّا رَاٰهَا تَهْتَزُّ كَاَنَّهَا جَاۤنٌّ وَّلّٰى مُدْبِرًا وَّلَمْ يُعَقِّبْۗ يٰمُوْسٰى لَا تَخَفْۗ اِنِّيْ لَا يَخَافُ لَدَيَّ الْمُرْسَلُوْنَ ۖ١٠
Wa alqi ‘aṣāk(a), falammā ra'āhā tahtazzu ka'annahā jānnuw wallā mudbiraw wa lam yu‘aqqib, yā mūsā lā takhaf, innī lā yakhāfu ladayyal-mursalūn(a).
[10]
Anna Pettimbianganmi te’engmu.” Jari di wattu (te’eng di’o menjari ular anna) Musa ma’itai tiuya-uya’ rapang le’ba’ mesa ular matira’ (makasau’), maindongi membali’ lao di pondo’ andiang menggiling. “E Musa, da parakke’. Sitongangna dio di olo-U, para suro andiangi marakke’,
اِلَّا مَنْ ظَلَمَ ثُمَّ بَدَّلَ حُسْنًاۢ بَعْدَ سُوْۤءٍ فَاِنِّيْ غَفُوْرٌ رَّحِيْمٌ١١
Illā man ẓalama ṡumma baddala ḥusnam ba‘da sū'in fa innī gafūrur raḥīm(un).
[11]
Selaengna to ta’lalo pagau’ bawang, mane nasallei (nasapi’) apiangan di purana adaeang (towa’). Jari sitongangna Iyau Masarro Pa’dappang na Makkesayang.
وَاَدْخِلْ يَدَكَ فِيْ جَيْبِكَ تَخْرُجْ بَيْضَاۤءَ مِنْ غَيْرِ سُوْۤءٍۙ فِيْ تِسْعِ اٰيٰتٍ اِلٰى فِرْعَوْنَ وَقَوْمِهٖۗ اِنَّهُمْ كَانُوْا قَوْمًا فٰسِقِيْنَ١٢
Wa adkhil yadaka fī jaibika takhruj baiḍā'a min gairi sū'(in), fī tis‘i āyātin ilā fir‘auna wa qaumih(ī), innahum kānū qauman fāsiqīn(a).
[12]
Anna patamai limammu di baro bayummu, napominasai na missungi mapute (paindo), andiang diang callana (tania sawa’ amongeang). (dida’dua mu’jizat di’e) mettamai di ammessa mu’jizat (iya na dipepetiroang) lao di Fir’aun anna kaumna, sitongangna diangi ise’iya kaum iya pase’.”
فَلَمَّا جَاۤءَتْهُمْ اٰيٰتُنَا مُبْصِرَةً قَالُوْا هٰذَا سِحْرٌ مُّبِيْنٌ ۚ١٣
Falammā jā'athum āyātunā mubṣiratan qālū hāżā siḥrum mubīn(un).
[13]
Jari di wattu tanda’namo mu’jizat-I lao ise’iya iya tarrang, ise’iya ma’uang: “Iya di’e seher ma’nyata (mannassa).”
وَجَحَدُوْا بِهَا وَاسْتَيْقَنَتْهَآ اَنْفُسُهُمْ ظُلْمًا وَّعُلُوًّاۗ فَانْظُرْ كَيْفَ كَانَ عَاقِبَةُ الْمُفْسِدِيْنَ ࣖ١٤
Wa jaḥadū bihā wastaiqanathā anfusuhum ẓulmaw wa ‘uluwwā(n), fanẓur kaifa kāna ‘āqibatul-mufsidīn(a).
[14]
Anna ise’iya makkperri sawa’ ata’laloangna anna ataka’borangna ise’iya, padahal atena ise’iya mappokanynyang (atonganganna). Jari pe’itamo’o me’apai capparangna to mappogau’ arrusang.
وَلَقَدْ اٰتَيْنَا دَاوٗدَ وَسُلَيْمٰنَ عِلْمًاۗ وَقَالَا الْحَمْدُ لِلّٰهِ الَّذِيْ فَضَّلَنَا عَلٰى كَثِيْرٍ مِّنْ عِبَادِهِ الْمُؤْمِنِيْنَ١٥
Wa laqad ātainā dāwūda wa sulaimāna ‘ilmā(n), wa qālal-ḥamdu lillāhil-lażī faḍḍalanā ‘alā kaṡīrim min ‘ibādihil-mu'minīn(a).
[15]
Anna sitongangna Iyami’ pura mambei pa’issangan lao di Daud anna Sulaiman, anna (da’dua siola) ma’uang: Inggannana Pappuyi di Puang Allah Taala iya mambei iyami’ palla’birang pole di mae’dianna para batuan-Na iya matappa’.
وَوَرِثَ سُلَيْمٰنُ دَاوٗدَ وَقَالَ يٰٓاَيُّهَا النَّاسُ عُلِّمْنَا مَنْطِقَ الطَّيْرِ وَاُوْتِيْنَا مِنْ كُلِّ شَيْءٍۗ اِنَّ هٰذَا لَهُوَ الْفَضْلُ الْمُبِيْنُ١٦
Wa wariṡa sulaimānu dāwūda wa qāla yā ayyuhan-nāsu ‘ullimnā manṭiqaṭ-ṭairi wa ūtīnā min kulli syai'(in), inna hāżā lahuwal-faḍlul-mubīn(u).
[16]
Anna Sulaiman namana’i Daud, anna ma’uangi: “E inggannana rupa tau, purami iyami’ dipaissangngi bamba manu-manu’ anna purami iyami’ di bei inggannana seu-seuwa. Sitongangna iya di’e, tongang palla’birang iya ma’nyata (mannassa).”
وَحُشِرَ لِسُلَيْمٰنَ جُنُوْدُهٗ مِنَ الْجِنِّ وَالْاِنْسِ وَالطَّيْرِ فَهُمْ يُوْزَعُوْنَ١٧
Wa ḥusyira lisulaimāna junūduhū minal-jinni wal-insi waṭ-ṭairi fahum yūza‘ūn(a).
[17]
Anna dipasirumungi lao di Sulaiman joa’na pole bassa jin anna bassa tau anna anna manu-manu’, mane ise’iya di’o tiator taratte’ (ma’barris).
حَتّٰىٓ اِذَآ اَتَوْا عَلٰى وَادِ النَّمْلِۙ قَالَتْ نَمْلَةٌ يّٰٓاَيُّهَا النَّمْلُ ادْخُلُوْا مَسٰكِنَكُمْۚ لَا يَحْطِمَنَّكُمْ سُلَيْمٰنُ وَجُنُوْدُهٗۙ وَهُمْ لَا يَشْعُرُوْنَ١٨
Ḥattā iżā atau ‘alā wādin-naml(i), qālat namlatuy yā ayyuhan-namludkhulū masākinakum, lā yaḥṭimannakum sulaimānu wa junūduhū wa hum lā yasy‘urūn(a).
[18]
Lambi’i ise’iya tanda’ di lembana sumarrang anna ma’uangmi mesa sumarrang: “E inggannana sumarrang, pettamao mie’ di serangmu (kalo’bo’mu), mamoare’o andiang nainda’i Sulaiman anna joa’na, anna ise’iya andiangi nasa’ding.”
فَتَبَسَّمَ ضَاحِكًا مِّنْ قَوْلِهَا وَقَالَ رَبِّ اَوْزِعْنِيْٓ اَنْ اَشْكُرَ نِعْمَتَكَ الَّتِيْٓ اَنْعَمْتَ عَلَيَّ وَعَلٰى وَالِدَيَّ وَاَنْ اَعْمَلَ صَالِحًا تَرْضٰىهُ وَاَدْخِلْنِيْ بِرَحْمَتِكَ فِيْ عِبَادِكَ الصّٰلِحِيْنَ١٩
Fatabassama ḍāḥikam min qaulihā wa qāla rabbi auzi‘nī an asykura ni‘matakal-latī an‘amta ‘alayya wa ‘alā wālidayya wa an a‘mala ṣāliḥan tarḍāhu wa adkhilnī biraḥmatika fī ‘ibādikaṣ-ṣāliḥīn(a).
[19]
Jari mecawa ca’berui (Sulaiman ma’irrangngi) paunna sumarrang, anna diangi ma’uang (mando’a): “E Puangngu, beia’ ilham (patiroang) na tatta’ massukkurri pappenyamang-Mu iya pura Mu-beia’ anna di da’dua indo ama’u anna mala-a’ na mappogaua’ apiangan iya Mu-arioi, anna patama-a’ sawa’ pammase-Mu lalang di golonganna para batuam-Mu iya masaleh.”
وَتَفَقَّدَ الطَّيْرَ فَقَالَ مَا لِيَ لَآ اَرَى الْهُدْهُدَۖ اَمْ كَانَ مِنَ الْغَاۤىِٕبِيْنَ٢٠
Wa tafaqqadaṭ-ṭaira fa qāla mā liya lā aral-hudhud(a), am kāna minal-gā'ibīn(a).
[20]
Anna (Sulaiman) mapparessa manu-manu’ mane ma’uang: “Mangapa anna andiangi uita manu-manu’ hud-hud, apa’ diangdi to iya andiang hader?
لَاُعَذِّبَنَّهٗ عَذَابًا شَدِيْدًا اَوْ لَاَا۟ذْبَحَنَّهٗٓ اَوْ لَيَأْتِيَنِّيْ بِسُلْطٰنٍ مُّبِيْنٍ٢١
La'u‘ażżibannahū ‘ażāban syadīdan au la'ażbaḥannahū au laya'tiyannī bisulṭānim mubīn(in).
[21]
Tongang na usessai sessa iya makarras, iyade’ tongang na ugere’i selaengna mua’ pole tongangi mai di iyau mambawa alasang iya ma’nyata (mannassa).”
فَمَكَثَ غَيْرَ بَعِيْدٍ فَقَالَ اَحَطْتُّ بِمَا لَمْ تُحِطْ بِهٖ وَجِئْتُكَ مِنْ سَبَاٍ ۢبِنَبَاٍ يَّقِيْنٍ٢٢
Famakaṡa gaira ba‘īdin faqāla aḥaṭtu bimā lam tuḥiṭ bihī wa ji'tuka min saba'im binaba'iy yaqīn(in).
[22]
Jari andiangi masae lao (polemi manu-manu’ hud-hud), mane ma’uangi: “Uisssangi seu-seuwa iya andiang muissang, anna iyau mappoleio polea’ di banua Saba’, mambawa mesa karewa dipokanynyang.
اِنِّيْ وَجَدْتُّ امْرَاَةً تَمْلِكُهُمْ وَاُوْتِيَتْ مِنْ كُلِّ شَيْءٍ وَّلَهَا عَرْشٌ عَظِيْمٌ٢٣
Innī wajattumra'atan tamlikuhum wa ūtiyat min kulli syai'iw wa lahā ‘arsyun ‘aẓīm(un).
[23]
Sitongangna marruppa’ mesa to baine (mara’dia) iya mapparettai ise’iya, anna dibei inggannana seu-seuwa anna maappunnai pe’oroang arayang (salassa’-singgasana) iya maraya.
وَجَدْتُّهَا وَقَوْمَهَا يَسْجُدُوْنَ لِلشَّمْسِ مِنْ دُوْنِ اللّٰهِ وَزَيَّنَ لَهُمُ الشَّيْطٰنُ اَعْمَالَهُمْ فَصَدَّهُمْ عَنِ السَّبِيْلِ فَهُمْ لَا يَهْتَدُوْنَۙ٢٤
Wajattuhā wa qaumahā yasjudūna lisy-syamsi min dūnillāhi wa zayyana lahumusy-syaiṭānu a‘mālahum fa ṣaddahum ‘anis-sabīli fahum lā yahtadūn(a).
[24]
Uruppa’i anna kaumna massomba mata allo, selaengna Puang Allah Taala, anna setang mappajari’i ise’iya ma’ita macoa panggauang (adae’na) ise’iya, mane mapposarai ise’iya pole di tangalalangna (Puang Allah Taala), jari andiangi ise’iya mallolongan patiroang,
اَلَّا يَسْجُدُوْا لِلّٰهِ الَّذِيْ يُخْرِجُ الْخَبْءَ فِى السَّمٰوٰتِ وَالْاَرْضِ وَيَعْلَمُ مَا تُخْفُوْنَ وَمَا تُعْلِنُوْنَ٢٥
Allā yasjudū lillāhil-lażī yukhrijul-khab'a fis-samāwāti wal-arḍi wa ya‘lamu mā tukhfūna wa mā tu‘linūn(a).
[25]
andiang (toi) ise’iya massomba Puang Allah Taala Iya mappasung anu tialai (tiotto) di langi’ anna di lino, anna Iya ma’issang anu mubuniang anna anu iya mupa’nyata.
اَللّٰهُ لَآ اِلٰهَ اِلَّا هُوَۙ رَبُّ الْعَرْشِ الْعَظِيْمِ ۩٢٦
Allāhu lā ilāha illā huwa rabbul-‘arsyil-‘aẓīm(i).
[26]
Puang Allah Taala, andiang diang puang sangadinna Iya, Puang (Iya) maappunnai Arasy iya maraya.
۞ قَالَ سَنَنْظُرُ اَصَدَقْتَ اَمْ كُنْتَ مِنَ الْكٰذِبِيْنَ٢٧
Qāla sananẓuru aṣadaqta am kunta minal-kāżibīn(a).
[27]
(Sulaiman) ma’uang: “Iyami’ na mappennassai, apa i'o parua, iyade’ diango’o mettama di to loso-losong.
اِذْهَبْ بِّكِتٰبِيْ هٰذَا فَاَلْقِهْ اِلَيْهِمْ ثُمَّ تَوَلَّ عَنْهُمْ فَانْظُرْ مَاذَا يَرْجِعُوْنَ٢٨
Iżhab bikitābī hāżā fa alqih ilaihim ṡumma tawalla ‘anhum fanẓur māżā yarji‘ūn(a).
[28]
Pellambao na (mambawa) sura’u di’e, mane bemmeangi lao ise’iya, mane meppondo’o pole ise’iya, mane pennassai anu iya nasipaui.”
قَالَتْ يٰٓاَيُّهَا الْمَلَؤُا اِنِّيْٓ اُلْقِيَ اِلَيَّ كِتٰبٌ كَرِيْمٌ٢٩
Qālat yā ayyuhal-mala'u innī ulqiya ilayya kitābun karīm(un).
[29]
(Mara’dia Balkis) ma’uang: “E para to kaiyang (para pangulu), sitongangna purai di bemmeang limai di iyau mesa sura’ iya mala’bi’.”
اِنَّهٗ مِنْ سُلَيْمٰنَ وَاِنَّهٗ بِسْمِ اللّٰهِ الرَّحْمٰنِ الرَّحِيْمِ ۙ٣٠
Innahū min sulaimāna wa innahū bismillāhir-raḥmānir-raḥīm(i).
[30]
Sitongangna (sura’ di’o), polei di Sulaiman anna sitongangna (issinna): “Sawa’ sangana Puang Allah Taala, (Puang Iya) Masarro Masayang na Makkesayang,
اَلَّا تَعْلُوْا عَلَيَّ وَأْتُوْنِيْ مُسْلِمِيْنَ ࣖ٣١
Allā ta‘lū ‘alayya wa'tūnī muslimīn(a).
[31]
Da mie’ taka’bor limai di iyau anna poleo mai di seseu, to masserakang alawe.”
قَالَتْ يٰٓاَيُّهَا الْمَلَؤُا اَفْتُوْنِيْ فِيْٓ اَمْرِيْۚ مَا كُنْتُ قَاطِعَةً اَمْرًا حَتّٰى تَشْهَدُوْنِ٣٢
Qālat yā ayyuhal-mala'u aftūnī fī amrī, mā kuntu qāṭi‘atan amran ḥattā tasyhadūn(i).
[32]
(mara’dia Balkis) ma’uang: “E para to kaiyang (para pangulu) beia’ tangngar di urusannu (di’e), andianga’ rua mapputussi mesa masala lambi’i musa’bi mie’.
قَالُوْا نَحْنُ اُولُوْا قُوَّةٍ وَّاُولُوْا بَأْسٍ شَدِيْدٍ ەۙ وَّالْاَمْرُ اِلَيْكِ فَانْظُرِيْ مَاذَا تَأْمُرِيْنَ٣٣
Qālū naḥnu ulū quwwatiw wa ulū ba'sin syadīd(in), wal-amru ilaiki fanẓurī māżā ta'murīn(a).
[33]
Ise’iya ma’uang: “Iyami’ maappunnai amakasauang anna maappunnai abaraniang iya masanna’ (lalang di pammusuang), anna putusan di limammui, anna timbangngi (mapiai) anu iya na mupesioang (muparentang).”
قَالَتْ اِنَّ الْمُلُوْكَ اِذَا دَخَلُوْا قَرْيَةً اَفْسَدُوْهَا وَجَعَلُوْٓا اَعِزَّةَ اَهْلِهَآ اَذِلَّةً ۚوَكَذٰلِكَ يَفْعَلُوْنَ٣٤
Qālat innal-mulūka iżā dakhalū qaryatan afsadūhā wa ja‘alū a‘izzata ahlihā ażillah(tan), wa każālika yaf‘alūn(a).
[34]
Ise’iya ma’uang: “Sitongangna para mara’dia mua’ mettamai di mesa banua, tongang na mappaaccuri, na mapajari pa’banuanna iya maraya menjari matuna, anna bassami di’o iya anu na pogau’ ise’iya.
وَاِنِّيْ مُرْسِلَةٌ اِلَيْهِمْ بِهَدِيَّةٍ فَنٰظِرَةٌ ۢبِمَ يَرْجِعُ الْمُرْسَلُوْنَ٣٥
Wa innī mursilatun ilaihim bihadiyyatin fanāẓiratun bima yarji‘ul-mursalūn(a).
[35]
Anna sitongangna na makkiringa’ sioang lao di ise’iya na (mambawa) hadiah, anna (iyau na) ma’eppei anu iya na nabawa membali’ para sioang di’o.
فَلَمَّا جَاۤءَ سُلَيْمٰنَ قَالَ اَتُمِدُّوْنَنِ بِمَالٍ فَمَآ اٰتٰىنِ َۧ اللّٰهُ خَيْرٌ مِّمَّآ اٰتٰىكُمْۚ بَلْ اَنْتُمْ بِهَدِيَّتِكُمْ تَفْرَحُوْنَ٣٦
Falammā jā'a sulaimāna qāla atumiddūnani bimālin famā ātāniyallāhu khairum mimmā ātākum, bal antum bihadiyyatikum tafraḥūn(a).
[36]
jari di wattunna sioang di’o tanda’mi lao di Sulaiman, Sulaiman ma’uang: “Apa (sitinayado’o mie’) mattulunga’ di barang? Anu nabeia Puang Allah Taala la’bi macoai pole di anu na beiango’o mie’, mala i’o mie’ musa’ding kaiyangi alawemu di hadiah (pappibenganmu).
اِرْجِعْ اِلَيْهِمْ فَلَنَأْتِيَنَّهُمْ بِجُنُوْدٍ لَّا قِبَلَ لَهُمْ بِهَا وَلَنُخْرِجَنَّهُمْ مِّنْهَآ اَذِلَّةً وَّهُمْ صٰغِرُوْنَ٣٧
Irji‘ ilaihim falana'tiyannahum bijunūdil lā qibala lahum bihā wa lanukhrijannahum minhā ażillataw wa hum ṣāgirūn(a).
[37]
Pembali’mo’o lao ise’iya, iyami’ tongang na mappolei’i ise’iya (anna) joa’ iya andiang kuasa na mambalasi, anna iyami’ tongang na massioi malai (marrimbai) ise’iya messung pole di banua di’o (Saba) matuna anna ise’iya menjari to keccu’.”
قَالَ يٰٓاَيُّهَا الْمَلَؤُا اَيُّكُمْ يَأْتِيْنِيْ بِعَرْشِهَا قَبْلَ اَنْ يَّأْتُوْنِيْ مُسْلِمِيْنَ٣٨
Qāla yā ayyuhal-mala'u ayyukum ya'tīnī bi‘arsyihā qabla ay ya'tūnī muslimīn(a).
[38]
(Sulaiman) ma’uang: “E para to kaiyang (para pangulu), inai di antaramu mie’ mala mambawa pe’oroang arayangna limai di iyau diandiangnapai pole mai di seseu, to masserakang alawe.”
قَالَ عِفْرِيْتٌ مِّنَ الْجِنِّ اَنَا۠ اٰتِيْكَ بِهٖ قَبْلَ اَنْ تَقُوْمَ مِنْ مَّقَامِكَۚ وَاِنِّيْ عَلَيْهِ لَقَوِيٌّ اَمِيْنٌ٣٩
Qāla ‘ifrītum minal-jinni ana atīka bihī qabla an taqūma mim maqāmik(a), wa innī ‘alaihi laqawiyyun amīn(un).
[39]
Ifrit pole bassa jin ma’uang: “Iyau na mappapolengo’o di andiangmupa mekke’de’ pole di pe’oangmu, sitongangna iyau tongang kua’ na mambawai na dipokanynyang topa.”
قَالَ الَّذِيْ عِنْدَهٗ عِلْمٌ مِّنَ الْكِتٰبِ اَنَا۠ اٰتِيْكَ بِهٖ قَبْلَ اَنْ يَّرْتَدَّ اِلَيْكَ طَرْفُكَۗ فَلَمَّا رَاٰهُ مُسْتَقِرًّا عِنْدَهٗ قَالَ هٰذَا مِنْ فَضْلِ رَبِّيْۗ لِيَبْلُوَنِيْٓ ءَاَشْكُرُ اَمْ اَكْفُرُۗ وَمَنْ شَكَرَ فَاِنَّمَا يَشْكُرُ لِنَفْسِهٖۚ وَمَنْ كَفَرَ فَاِنَّ رَبِّيْ غَنِيٌّ كَرِيْمٌ٤٠
Qālal-lażī ‘indahū ‘ilmum minal-kitābi ana ātīka bihī qabla ay yartadda ilaika ṭarfuk(a), falammā ra'āhu mustaqirran ‘indahū qāla hāżā min faḍli rabbī, liyabluwanī a'asykuru am akfur(u), wa man syakara fa'innamā yasykuru linafsih(ī), wa man kafara fa'inna rabbī ganiyyun karīm(un).
[40]
Mesa to maappunnai pa’issangan pole di Kitta’ ma’uang: “Iyau na mambawa pe’oroang arayangna di’o diolo tammikkini’na matammu. Jari di wattunna (Sulaiman) ma’itai pe’oroang arayang di’o diang di olona, ma’uangmi: “Iya di’e palla’birangna Puangngu na nacowa-a’ sukkur banda-a’ iyade’ makaperria’ (pappenyamang-Na). Anna inai-inai massukkurri, jari sitongangna sukkuri (diacoangan) alawena toi tia anna inai-inai kaper, jari sitongangna Puangngu Masarro Sugi’ na Mala’bi’.”
قَالَ نَكِّرُوْا لَهَا عَرْشَهَا نَنْظُرْ اَتَهْتَدِيْٓ اَمْ تَكُوْنُ مِنَ الَّذِيْنَ لَا يَهْتَدُوْنَ٤١
Qāla nakkirū lahā ‘arsyahā nanẓur atahtadī am takūnu minal-lażīna lā yahtadūn(a).
[41]
(Sulaiman) ma’uang: “Benru’ laengi pe’oroang arayangna, jari na ditai, apa’ naissang dua bandi iyade’ mettamai to andiang ma’issangi.”
فَلَمَّا جَاۤءَتْ قِيْلَ اَهٰكَذَا عَرْشُكِۗ قَالَتْ كَاَنَّهٗ هُوَۚ وَاُوْتِيْنَا الْعِلْمَ مِنْ قَبْلِهَا وَكُنَّا مُسْلِمِيْنَ٤٢
Falammā jā'at qīla ahakażā ‘arsyuk(i), qālat ka'annahū huw(a), wa ūtīnal-‘ilma min qablihā wa kunnā muslimīn(a).
[42]
Anna di wattunna polenamo (Balqis), dipatulemi (Balqis): “Sittengandi di’e pe’oroang arayangmu-e? (Balqis) ma’uang: “Ingga’na le’ba’i iya,” (anna Balqis ma’uang) anna iyami’ pura dibei pa’issangan di andiangnapai, anna diangi iyami’ to masserakang alawe (lao di Puang Allah Taala).”
وَصَدَّهَا مَا كَانَتْ تَّعْبُدُ مِنْ دُوْنِ اللّٰهِ ۗاِنَّهَا كَانَتْ مِنْ قَوْمٍ كٰفِرِيْنَ٤٣
Wa ṣaddahā mā kānat ta‘budu min dūnillāh(i), innahā kānat min qaumin kāfirīn(a).
[43]
Anna abiasanganna massomba selaengna Puang Allah Taala, mappusarai (na mappapole asallangan), sawa’ sitongangna diangi diolo’ mettamai kaum iya kaper.
قِيْلَ لَهَا ادْخُلِى الصَّرْحَۚ فَلَمَّا رَاَتْهُ حَسِبَتْهُ لُجَّةً وَّكَشَفَتْ عَنْ سَاقَيْهَاۗ قَالَ اِنَّهٗ صَرْحٌ مُّمَرَّدٌ مِّنْ قَوَارِيْرَ ەۗ قَالَتْ رَبِّ اِنِّيْ ظَلَمْتُ نَفْسِيْ وَاَسْلَمْتُ مَعَ سُلَيْمٰنَ لِلّٰهِ رَبِّ الْعٰلَمِيْنَ ࣖ٤٤
Qīla lahadkhuliṣ-ṣarḥ(a), falammā ra'athu ḥasibathu lujjataw wa kasyafat ‘an sāqaihā, qāla innahū ṣarḥum mumarradum min qawārīr(a), qālat rabbi innī ẓalamtu nafsī wa aslamtu ma‘a sulaimāna lillāhi rabbil-‘ālamīn(a).
[44]
Dipa’uangngi-i (Balqis): “Pettamamo’o lalang di boyang arayang (salassa’).” Jari di wattunnai (Balqis) ma’ita lapar boyang arayang di’o, nasangai kollang uai kaiyang, anna napatibuai da’dua battisna. (Sulaiman) ma’uang: “Sitongangna lapar boyang arayang (salassa’) alus di’e dipapiai pole di kaca.” (Balkis) ma’uang: “E Puangngu, sitongangna purai ugau’ bawang alaweu anna iyau masserakang alaweu siola Sulaiman lao di Puang Allah Taala, Puang inggannana alang.”
وَلَقَدْ اَرْسَلْنَآ اِلٰى ثَمُوْدَ اَخَاهُمْ صٰلِحًا اَنِ اعْبُدُوا اللّٰهَ فَاِذَا هُمْ فَرِيْقٰنِ يَخْتَصِمُوْنَ٤٥
Wa laqad arsalnā ilā ṡamūda akhāhum ṣāliḥan ani‘budullāha fa'iżā hum farīqāni yakhtaṣimūn(a).
[45]
Anna sitongangna iyami’ pura ma’utusi lao di (kaum) Tsamud lulluae’na Saleh (iya me’illong): “Sombai Puang Allah Taala, mane ise’iya tappa menjari da’dua golongan iya simusu’.
قَالَ يٰقَوْمِ لِمَ تَسْتَعْجِلُوْنَ بِالسَّيِّئَةِ قَبْلَ الْحَسَنَةِۚ لَوْلَا تَسْتَغْفِرُوْنَ اللّٰهَ لَعَلَّكُمْ تُرْحَمُوْنَ٤٦
Qāla yā qaumi lima tasta‘jilūna bis-sayyi'ati qablal-ḥasanah(ti), lau lā tastagfirūnallāha la‘allakum turḥamūn(a).
[46]
(Saleh) ma’uang: “E umma’u, mangapao na merauo dipamasigang adaeang di andiangmupa (merau) apiangan? Mangapa na andiango’o mie’ merau a’dappang lao di Puang Allah Taala, mamoare’o mie’ diammasei?”
قَالُوا اطَّيَّرْنَا بِكَ وَبِمَنْ مَّعَكَۗ قَالَ طٰۤىِٕرُكُمْ عِنْدَ اللّٰهِ بَلْ اَنْتُمْ قَوْمٌ تُفْتَنُوْنَ٤٧
Qāluṭ ṭayyarnā bika wa bimam ma‘ak(a), qāla ṭā'irukum ‘indallāhi bal antum qaumun tuftanūn(a).
[47]
Ise’iya ma’uang: “Iyami’ mallolongan toto’ cilaka, sawa’ i’o anna to massolangano’o.” (Saleh) ma’uang: “Toto’mu mie’ dioi di Puang Allah Taala, (tania iyami’ massawa’i), mala i’o mie’ i’o kaum iya diuyi.”
وَكَانَ فِى الْمَدِيْنَةِ تِسْعَةُ رَهْطٍ يُّفْسِدُوْنَ فِى الْاَرْضِ وَلَا يُصْلِحُوْنَ٤٨
Wa kāna fil-madīnati tis‘atu rahṭiy yufsidūna fil-arḍi wa lā yuṣliḥūn(a).
[48]
Anna diangi dio di kota di’o, ammessa tommuane iya mappogau’ abinasang (adaeang) di baona lino, anna ise’iya andiangi mappogau’ apiangan.
قَالُوْا تَقَاسَمُوْا بِاللّٰهِ لَنُبَيِّتَنَّهٗ وَاَهْلَهٗ ثُمَّ لَنَقُوْلَنَّ لِوَلِيِّهٖ مَا شَهِدْنَا مَهْلِكَ اَهْلِهٖ وَاِنَّا لَصٰدِقُوْنَ٤٩
Qālū taqāsamū billāhi lanubayyitannahū wa ahlahū ṡumma lanaqūlanna liwaliyyihī mā syahidnā mahlika ahlihī wa innā laṣādiqūn(a).
[49]
Ise’iya ma’uang: “Pattundamo’o mie’ sawa’ sangana Puang Allah Taala, iyami’ tongang na masserangi (mallurui) siola keluargana (iya andiang napanna-panna di wattu bongi), mane dipa’uangngi warrisna (mua’) iyami’ andiang massa’bi amateangna keluargana di’o, sitongangna iyami’mo tu’u to tongang (parua).”
وَمَكَرُوْا مَكْرًا وَّمَكَرْنَا مَكْرًا وَّهُمْ لَا يَشْعُرُوْنَ٥٠
Wa makarū makraw wa makarnā makraw wa hum lā yasy‘urūn(a).
[50]
Anna ise’iya mappogau’ adaeang, anna Iyami’ mappogau’ toi adaeang, anna ise’iya andiang nasa’ding.
فَانْظُرْ كَيْفَ كَانَ عَاقِبَةُ مَكْرِهِمْ اَنَّا دَمَّرْنٰهُمْ وَقَوْمَهُمْ اَجْمَعِيْنَ٥١
Fanẓur kaifa kāna ‘āqibatu makrihim annā dammarnāhum wa qaumahum ajma‘īn(a).
[51]
Jari pennassai me’apai di’o capparangna gau’ adae’, sitongangna mua’ iyami’ mappaaccuri ise’iya anna kaumna ise’iya iyanasangna.
فَتِلْكَ بُيُوْتُهُمْ خَاوِيَةً ۢبِمَا ظَلَمُوْاۗ اِنَّ فِيْ ذٰلِكَ لَاٰيَةً لِّقَوْمٍ يَّعْلَمُوْنَ٥٢
Fatilka buyūtuhum khāwiyatam bimā ẓalamū, inna fī żālika la'āyatal liqaumiy ya‘lamūn(a).
[52]
Jari iyamo di’o boyangna ise’iya iya ropo’ sawa’ ata’laloangna. Sitongangna iya bassa di’o (diang) pe’guruang lao di kaum iya ma’issang.
وَاَنْجَيْنَا الَّذِيْنَ اٰمَنُوْا وَكَانُوْا يَتَّقُوْنَ٥٣
Wa anjainal-lażīna āmanū wa kānū yattaqūn(a).
[53]
Anna Iyami’ pura mappasalama’ to matappa’ anna diangi ise’iya me’atakwa.
وَلُوْطًا اِذْ قَالَ لِقَوْمِهٖٓ اَتَأْتُوْنَ الْفَاحِشَةَ وَاَنْتُمْ تُبْصِرُوْنَ٥٤
Wa lūṭan iż qāla liqaumihī ata'tūnal-fāḥisyata wa antum tubṣirūn(a).
[54]
Anna (ingarangi curitana) Luth, di wattunna ma’uang lao di kaumna: “Mangapa na mappogau’o panggauang adae’ (carupu’), anna muitai mie’?.
اَىِٕنَّكُمْ لَتَأْتُوْنَ الرِّجَالَ شَهْوَةً مِّنْ دُوْنِ النِّسَاۤءِ ۗبَلْ اَنْتُمْ قَوْمٌ تَجْهَلُوْنَ٥٥
A'innakum lata'tūnar-rijāla syahwatam min dūnin-nisā'(i), bal antum qaumun tajhalūn(a).
[55]
Mangapa na mattanda’io mie’ tommuane (mallappasang) nassummu tania (mappolei) to baine. Sitongangna i'o mie’ kaum iya cangngo (andiang ma’issang boe’na panggauangmu).
۞ فَمَا كَانَ جَوَابَ قَوْمِهٖٓ اِلَّآ اَنْ قَالُوْٓا اَخْرِجُوْٓا اٰلَ لُوْطٍ مِّنْ قَرْيَتِكُمْۙ اِنَّهُمْ اُنَاسٌ يَّتَطَهَّرُوْنَ٥٦
Famā kāna jawāba qaumihī illā an qālū akhrijū āla lūṭim min qaryatikum, innahum unāsuy yataṭahharūn(a).
[56]
Jari pambalinna kaumna andiang laeng selaengna ma’uang: “Sioi malai (rimbai) Luth siola keluargana (pallulluareangna) pole di banuammu, sitongangna ise’iya di’o to (maangga’ mapaccing) alawena.”
فَاَنْجَيْنٰهُ وَاَهْلَهٗٓ اِلَّا امْرَاَتَهٗ قَدَّرْنٰهَا مِنَ الْغٰبِرِيْنَ٥٧
Fa'anjaināhu wa ahlahū illamra'atahū qaddarnāhā minal-gābirīn(a).
[57]
jari Iyami’ mappasalama’i siola keluargana (pallulluareangna), selaengna bainena, iyami’ mappatoto’i mettamai di to di pamottong (dipabinasa).
وَاَمْطَرْنَا عَلَيْهِمْ مَّطَرًاۚ فَسَاۤءَ مَطَرُ الْمُنْذَرِيْنَ ࣖ٥٨
Wa amṭarnā ‘alaihim maṭarā(n), fasā'a maṭarul-munżarīn(a).
[58]
Anna Iyami’ mappaturung urang (batu) lao ise’iya, jari tongang adae’i urang (iya dipapoleangani) to dipaingarang (na andiangi mendalinga).
قُلِ الْحَمْدُ لِلّٰهِ وَسَلٰمٌ عَلٰى عِبَادِهِ الَّذِيْنَ اصْطَفٰىۗ ءٰۤاللّٰهُ خَيْرٌ اَمَّا يُشْرِكُوْنَ ۔٥٩
Qulil-ḥamdu lillāhi wa salāmun ‘alā ‘ibādihil-lażīnaṣṭafā, āllāhu khairun ammā yusyrikūn(a).
[59]
Pa’uango’o (Muhammad): “Inggannana pappuyi appunnanna Puang Allah Taala anna assagenang lao di para batuan-Na iya napile. Apa’ Puang Allah Taaladi la’bi macoa, iyade’ anu iya na pappa’duang (ise’iya)?”
اَمَّنْ خَلَقَ السَّمٰوٰتِ وَالْاَرْضَ وَاَنْزَلَ لَكُمْ مِّنَ السَّمَاۤءِ مَاۤءً فَاَنْۢبَتْنَا بِهٖ حَدَاۤىِٕقَ ذَاتَ بَهْجَةٍۚ مَا كَانَ لَكُمْ اَنْ تُنْۢبِتُوْا شَجَرَهَاۗ ءَاِلٰهٌ مَّعَ اللّٰهِ ۗبَلْ هُمْ قَوْمٌ يَّعْدِلُوْنَ ۗ٦٠
Am man khalaqas-samāwāti wal-arḍa wa anzala minas-samā'i mā'an fa ambatnā bihī ḥadā'iqa żāta bahjah(tin), mā kāna lakum an tumbitū syajarahā, a'ilāhum ma‘allāh(i), bal hum qaumuy ya‘dilūn(a).
[60]
Apa’ inaidi mappadiang langi’ anna lino, anna mappaturungano’o mie’ uai pole di langi’, mane Iyami’ mappatuo sawa’ uai di’o uma-uma iya mappamalolo pe’ita? Andiango’o mala mappatuo ponnana. Apa’ diangdi (puang laeng) iya massolangi Puang Allah Taala? Mala ise’iya kaum iya mappesalai (atongangan).
اَمَّنْ جَعَلَ الْاَرْضَ قَرَارًا وَّجَعَلَ خِلٰلَهَآ اَنْهٰرًا وَّجَعَلَ لَهَا رَوَاسِيَ وَجَعَلَ بَيْنَ الْبَحْرَيْنِ حَاجِزًاۗ ءَاِلٰهٌ مَّعَ اللّٰهِ ۗبَلْ اَكْثَرُهُمْ لَا يَعْلَمُوْنَ ۗ٦١
Am man ja‘alal-arḍa qarāraw wa ja‘ala khilālahā anhāraw wa ja‘ala lahā rawāsiya wa ja‘ala bainal-baḥraini ḥājizā(n), a'ilāhum ma‘allāh(i), bal akṡaruhum lā ya‘lamūn(a).
[61]
Apa’ inaidi pura mappapia lino menjari engeang mottong, anna mappajari mai’di-binanga di alle-alle’na, anna mappajari buttu passanna’ (mappamakasu’i) anna mappajari rinding di antara da’dua sasi’. Apa’ diangdi (puang laeng) massolangi Puang Allah Taala? Mala mai’diangi ise’iya andiang ma’issang.
اَمَّنْ يُّجِيْبُ الْمُضْطَرَّ اِذَا دَعَاهُ وَيَكْشِفُ السُّوْۤءَ وَيَجْعَلُكُمْ خُلَفَاۤءَ الْاَرْضِۗ ءَاِلٰهٌ مَّعَ اللّٰهِ ۗقَلِيْلًا مَّا تَذَكَّرُوْنَۗ٦٢
Am may yujībul-muḍṭarra iżā da‘āhu wa yaksyifus-sū'a wa yaj‘alukum khulafā'a fil-arḍ(i), a'ilāhum ma‘allāh(i), qalīlam mā tażakkarūn(a).
[62]
Apa’ inaidi mappasilennarang (peraunna) to lalang di sussa, mua’ merauo lao di sese-Na, iya mappa’dai sussa anna iya mappajario (rupa tau) khalifah (pangulu) di baona lino? Apa’ diangdi (puang laeng) massolangi Puang Allah Taala? saicco’ sanna’i (pappenyamangna Puang) iya muingarang.
اَمَّنْ يَّهْدِيْكُمْ فِيْ ظُلُمٰتِ الْبَرِّ وَالْبَحْرِ وَمَنْ يُّرْسِلُ الرِّيٰحَ بُشْرًاۢ بَيْنَ يَدَيْ رَحْمَتِهٖۗ ءَاِلٰهٌ مَّعَ اللّٰهِ ۗتَعٰلَى اللّٰهُ عَمَّا يُشْرِكُوْنَ٦٣
Am may yahdīkum fī ẓulumātil-barri wal-baḥri wa may yursilur-riyāḥa busyram baina yadai raḥmatih(ī), a'ilāhum ma‘allāh(i), ta‘ālallāhu ‘ammā yusyrikūn(a).
[63]
Apa’ inaidi mappatiroio mie’ lalang di apattanganna pottana anna sasi’ anna inai (to’o) mappapole iri’ (iya menjari) karewa mapperio-rio diolo (apoelangna) pammase-Na? Apa’ diangdi (puang laeng) massolangi Puang Allah Taala? Masarro Matinggi Puang Allah Taala lao di anu iya napappa’duang ise’iya.
اَمَّنْ يَّبْدَؤُا الْخَلْقَ ثُمَّ يُعِيْدُهٗ وَمَنْ يَّرْزُقُكُمْ مِّنَ السَّمَاۤءِ وَالْاَرْضِۗ ءَاِلٰهٌ مَّعَ اللّٰهِ ۗقُلْ هَاتُوْا بُرْهَانَكُمْ اِنْ كُنْتُمْ صٰدِقِيْنَ٦٤
Am may yabda'ul-khalqa ṡumma yu‘īduhū wa may yarzuqukum minas-samā'i wal-arḍ(i), a'ilāhum ma‘allāh(i), qul hātū burhānakum in kuntum ṣādiqīn(a).
[64]
Apa’ inaidi mappammula mappadiang (anu dipadiang), mane napapekkullingngi (boi), anna inai (to’o) mambeio mie’ dalle’ pole di langi’ anna di lino? Apa’ diangdi (puang laeng) massolangi Puang Allah Taala? Pa’uango’o: “Pipitiroangmi mie’ butti atonganganmu mua’ diango’o mie’ to tongang (parua).”
قُلْ لَّا يَعْلَمُ مَنْ فِى السَّمٰوٰتِ وَالْاَرْضِ الْغَيْبَ اِلَّا اللّٰهُ ۗوَمَا يَشْعُرُوْنَ اَيَّانَ يُبْعَثُوْنَ٦٥
Qul lā ya‘lamu man fis-samāwāti wal-arḍil gaiba illallāh(u), wa mā yasy‘urūna ayyāna yub‘aṡūn(a).
[65]
Pa’uango’o (Muhammad): “Andiang diang mau na mesana tau di langi’ anna di lino iya ma’issang anu iya mallinrung, sangadinna Puang Allah Taala, anna andiangi ise’iya naissang mua’ dipirangpai ise’iya na dipatiwa’as.”
بَلِ ادّٰرَكَ عِلْمُهُمْ فِى الْاٰخِرَةِۗ بَلْ هُمْ فِيْ شَكٍّ مِّنْهَاۗ بَلْ هُمْ مِّنْهَا عَمُوْنَ ࣖ٦٦
Balid dāraka ‘ilmuhum fil-ākhirah(ti), bal hum fī syakkim minhā, bal hum minhā ‘amūn(a).
[66]
Mala paissanganna ise’iya di allo ahera’ andiangi lambi’ (lao), mala ise’iya bata-bata lao (di ahera’), mala ise’iya butai lao (di ahera’).
وَقَالَ الَّذِيْنَ كَفَرُوْٓا ءَاِذَا كُنَّا تُرٰبًا وَّاٰبَاۤؤُنَآ اَىِٕنَّا لَمُخْرَجُوْنَ٦٧
Wa qālal-lażīna kafarū a'iżā kunnā turābaw wa ābā'unā a'innā lamukhrajūn(a).
[67]
Anna to kaper ma’uang: “Apa’ mua’ menjari lita’mi iyami’ anna (bassa toi) ama-amai, apa’ tongang na dipasungdi iyami’ (pole di ku’bur)?
لَقَدْ وُعِدْنَا هٰذَا نَحْنُ وَاٰبَاۤؤُنَا مِنْ قَبْلُۙ اِنْ هٰذَآ اِلَّآ اَسَاطِيْرُ الْاَوَّلِيْنَ٦٨
Laqad wu‘idnā hāżā naḥnu wa ābā'unā min qabl(u), in hāżā illā asāṭīrul-awwalīn(a).
[68]
Sitongangna iyami’ purami di bei peaccang di bassa di’e anna (lao to’o di) ama-amai diolo’, iya di’e andiang laeng selaengna sangga curi-curitana tappa’ to diolo’ mai.”
قُلْ سِيْرُوْا فِى الْاَرْضِ فَانْظُرُوْا كَيْفَ كَانَ عَاقِبَةُ الْمُجْرِمِيْنَ٦٩
Qul sīrū fil-arḍi fanẓurū kaifa kāna ‘āqibatul-mujrimīn(a).
[69]
Pa’uango’o (Muhammad): “Pellambamo’o mie’ (di baona lino), mane pennasai mie’ me’apai capparangna to madosa.
وَلَا تَحْزَنْ عَلَيْهِمْ وَلَا تَكُنْ فِيْ ضَيْقٍ مِّمَّا يَمْكُرُوْنَ٧٠
Wa lā taḥzan ‘alaihim wa lā takun fī ḍaiqim mimmā yamkurūn(a).
[70]
Anna da pasara nyawa lao ise’iya, anna da musa’ding sippi’ (dadammu) lao di peipagenggena ise’iya.”
وَيَقُوْلُوْنَ مَتٰى هٰذَا الْوَعْدُ اِنْ كُنْتُمْ صٰدِقِيْنَ٧١
Wa yaqūlūna matā hāżal-wa‘du in kuntum ṣādiqīn(a).
[71]
Anna ise’iya (to kaper) ma’uang: “Pirangpai polena (di’o passessa-o), mua’ diango’o mie’ to tongang (parua).”
قُلْ عَسٰٓى اَنْ يَّكُوْنَ رَدِفَ لَكُمْ بَعْضُ الَّذِيْ تَسْتَعْجِلُوْنَ٧٢
Qul ‘asā ay yakūna radifa lakum ba‘ḍul-lażī tasta‘jilūn(a).
[72]
Pa’uango’o (Muhammad): “Naulle napolei di sesemu mie’ sambareang (passessa) iya muperau (mamoare’i) dipamasiga?”
وَاِنَّ رَبَّكَ لَذُوْ فَضْلٍ عَلَى النَّاسِ وَلٰكِنَّ اَكْثَرَهُمْ لَا يَشْكُرُوْنَ٧٣
Wa inna rabbaka lażū faḍlin ‘alan-nāsi wa lākinna akṡarahum lā yasykurūn(a).
[73]
Anna sitongangna Puangmu tongang maappunnai palla’birang kaiyang (iya napebei) lao di rupa tau , anna iya tia mai’diangi ise’iya andiang massukkurri.
وَاِنَّ رَبَّكَ لَيَعْلَمُ مَا تُكِنُّ صُدُوْرُهُمْ وَمَا يُعْلِنُوْنَ٧٤
Wa inna rabbaka laya‘lamu mā tukinnu ṣudūruhum wa mā yu‘linūn(a).
[74]
Anna sitongangna Puangmu, tongang ma’issang anu iya na buniang atena ise’iya anna anu iya napa’nyata ise’iya.
وَمَا مِنْ غَاۤىِٕبَةٍ فِى السَّمَاۤءِ وَالْاَرْضِ اِلَّا فِيْ كِتٰبٍ مُّبِيْنٍ٧٥
Wa mā min gā'ibatin fis-samā'i wal-arḍi illā fī kitābim mubīn(in).
[75]
Anna andiang diang mau namesa anu mallinrung di langi’ anna di lino, selaengna lalangi di kitta’ iya ma’nyata (Lauh Mahfudz).
اِنَّ هٰذَا الْقُرْاٰنَ يَقُصُّ عَلٰى بَنِيْٓ اِسْرَاۤءِيْلَ اَكْثَرَ الَّذِيْ هُمْ فِيْهِ يَخْتَلِفُوْنَ٧٦
Inna hāżal-qur'āna yaquṣṣu ‘alā banī isrā'īla akṡaral-lażī hum fīhi yakhtalifūn(a).
[76]
Sitongangna iya di’e Koroang mappannassa lao di Bani Israil sambareang mae’di pole di (parakara) anu iya nasisakka’i ise’iya.
وَاِنَّهٗ لَهُدًى وَّرَحْمَةٌ لِّلْمُؤْمِنِيْنَ٧٧
Wa innahū lahudaw wa raḥmatul lil-mu'minīn(a).
[77]
Anna sitongangna (iya di’o Koroang-o) tongang menjari patiroang anna pammase di sesena to matappa’.
اِنَّ رَبَّكَ يَقْضِيْ بَيْنَهُمْ بِحُكْمِهٖۚ وَهُوَ الْعَزِيْزُ الْعَلِيْمُۚ٧٨
Inna rabbaka yaqḍī bainahum biḥukmih(ī), wa huwal-‘azīzul-‘alīm(u).
[78]
Sitongangna Puangmu na mappattantu (parakara) antara ise’iya siola putusan-Na, anna Iya (Puang) Masarro Maraya Pa’ulleang na Paissang.
فَتَوَكَّلْ عَلَى اللّٰهِ ۗاِنَّكَ عَلَى الْحَقِّ الْمُبِيْنِ٧٩
Fatawakkal ‘alallāh(i), innaka ‘alal-ḥaqqil mubīn(i).
[79]
jari pattawakkalo’o lao di Puang Allah Taala, sitongangna i’o (Muhammad) dio-o di atongangan (aparuang) iya ma'nyata (mannassa).
اِنَّكَ لَا تُسْمِعُ الْمَوْتٰى وَلَا تُسْمِعُ الصُّمَّ الدُّعَاۤءَ اِذَا وَلَّوْا مُدْبِرِيْنَ٨٠
Innaka lā tusmi‘ul-mautā wa lā tusmi‘uṣ-ṣummad-du‘ā'a iżā wallau mudbirīn(a).
[80]
Sitongangna andiango’o mala mappajari to mate ma’irrangngi anna (andiang to’o) mala mappajari to binga ma’irrangngi pe’illong, mua’ menggilingi ise’iya na meppondo’.
وَمَآ اَنْتَ بِهٰدِى الْعُمْيِ عَنْ ضَلٰلَتِهِمْۗ اِنْ تُسْمِعُ اِلَّا مَنْ يُّؤْمِنُ بِاٰيٰتِنَا فَهُمْ مُّسْلِمُوْنَ٨١
Wa mā anta bihādil-‘umyi ‘an ḍalālatihim, in tusmi‘u illā may yu'minu bi'āyātinā fahum muslimūn(a).
[81]
Anna andiango’o mala mambei patiroang to buta pole di apusangna. Andiango’o mala mappajari (mau na mesana tau) ma’irrangngi, selaengna to matappa’ lao di aya’-aya’-I, mane ise’iya masserakang alawe.
۞ وَاِذَا وَقَعَ الْقَوْلُ عَلَيْهِمْ اَخْرَجْنَا لَهُمْ دَاۤبَّةً مِّنَ الْاَرْضِ تُكَلِّمُهُمْ اَنَّ النَّاسَ كَانُوْا بِاٰيٰتِنَا لَا يُوْقِنُوْنَ ࣖ٨٢
Wa iżā waqa‘al-qaulu ‘alaihim akhrajnā lahum dābbatam minal-arḍi tukallimuhum annan-nāsa kānū bi'āyātinā lā yūqinūn(a).
[82]
Anna mua’ pau attattuang (wattu accurna anu dipadiang) lao ise’iya, Iyami’ na mappasung rapang olo’-olo’ mi’uya’ (iya kenyawa) pole di lino iya na mappau lao ise’iya, sitongangna rupa tau (diolo’) diangi ise’iya andiang makanynyang lao di aya’-aya’-I.
وَيَوْمَ نَحْشُرُ مِنْ كُلِّ اُمَّةٍ فَوْجًا مِّمَّنْ يُّكَذِّبُ بِاٰيٰتِنَا فَهُمْ يُوْزَعُوْنَ٨٣
Wa yauma naḥsyuru min kulli ummatin faujam mimmay yukażżibu bi'āyātinā fahum yūza‘ūn(a).
[83]
Anna (ingarangi) allo (wattu) Iyami’ mappasirumung pole di tungga-tungga’ umma’ sanggolongan to malloso-losongan aya’-aya’-I, mane ise’iya di bare-barei (mai’di kelompo’).
حَتّٰٓى اِذَا جَاۤءُوْ قَالَ اَكَذَّبْتُمْ بِاٰيٰتِيْ وَلَمْ تُحِيْطُوْا بِهَا عِلْمًا اَمَّاذَا كُنْتُمْ تَعْمَلُوْنَ٨٤
Ḥattā iżā jā'ū qāla akażżabtum bi'āyātī wa lam tuḥīṭū bihā ‘ilman ammāżā kuntum ta‘malūn(a).
[84]
lambi’i mua’ polei ise’iya, Puang Allah Taala ma’uang: “Apa’ malloso-losongando’o mie’ aya’-aya’-U, anna pa’issanganmu mie’ andiangi mallewungngi, iyade’ diango’o mie’ pura mapogau’i?”
وَوَقَعَ الْقَوْلُ عَلَيْهِمْ بِمَا ظَلَمُوْا فَهُمْ لَا يَنْطِقُوْنَ٨٥
Wa waqa‘al-qaulu ‘alaihim bimā ẓalamū fahum lā yanṭiqūn(a).
[85]
Anna dipattatntumi pau (paccalla) lao ise’iya sawa’ ata’laloangna, jari ise’iya andiang mala mappau.
اَلَمْ يَرَوْا اَنَّا جَعَلْنَا الَّيْلَ لِيَسْكُنُوْا فِيْهِ وَالنَّهَارَ مُبْصِرًاۗ اِنَّ فِيْ ذٰلِكَ لَاٰيٰتٍ لِّقَوْمٍ يُّؤْمِنُوْنَ٨٦
Alam yarau annā ja‘alnal-laila liyaskunū fīhi wan-nahāra mubṣirā(n), inna fī żālika la'āyātil liqaumiy yu'minūn(a).
[86]
Apa’ andiangdi ise’iya mappennassai, mua’ sitongangna Iyami’ mappajari bongi mamoare’i ise’iya mappassau anna allo iya ma’indoi, sitongangna di bassa di’o diang tanda (alama’ akkuasangna Puang Allah Taala) di sesena kaum iya matappa’.
وَيَوْمَ يُنْفَخُ فِى الصُّوْرِ فَفَزِعَ مَنْ فِى السَّمٰوٰتِ وَمَنْ فِى الْاَرْضِ اِلَّا مَنْ شَاۤءَ اللّٰهُ ۗوَكُلٌّ اَتَوْهُ دٰخِرِيْنَ٨٧
Wa yauma yunfakhu fiṣ-ṣūri fa fazi‘a man fis-samāwāti wa man fil-arḍi illā man syā'allāh(u), wa kullun atauhu dākhirīn(a).
[87]
Anna (ingarangi) allo (wattu) dituei (dikumbus) tarompe’ (sangkakala), jari tibikke’i anu di langi’ anna anu di lino, selaengna inai napoelo’ Puang Allah Taala. Anna inggannana ise’iya polei me’olo di sese-Na mappakatuna ale.
وَتَرَى الْجِبَالَ تَحْسَبُهَا جَامِدَةً وَّهِيَ تَمُرُّ مَرَّ السَّحَابِۗ صُنْعَ اللّٰهِ الَّذِيْٓ اَتْقَنَ كُلَّ شَيْءٍۗ اِنَّهٗ خَبِيْرٌۢ بِمَا تَفْعَلُوْنَ٨٨
Wa taral-jibāla taḥsabuhā jāmidataw wa hiya tamurru marras saḥāb(i), ṣun‘allāhil-lażī atqana kulla syai'(in), innahū khabīrum bimā taf‘alūn(a).
[88]
Anna muitai mai’di buttu, musangai tatta dio di engeangna, padahal mellambai (mellenggu’) me’apai mellenggu’na tai iri’. (Bassami di’o) Puang Allah Taala mappapia, (mappapia) sukku’ inggannana seu-seuwa. Sitongangna Puang Allah Taala Masarro Paissang di anu mupogau’.
مَنْ جَاۤءَ بِالْحَسَنَةِ فَلَهٗ خَيْرٌ مِّنْهَاۚ وَهُمْ مِّنْ فَزَعٍ يَّوْمَىِٕذٍ اٰمِنُوْنَ٨٩
Man jā'a bil-ḥasanati falahū khairum minhā, wa hum min faza‘iy yauma'iżin āminūn(a).
[89]
Inai-inai mambawa apiangan, jari na mallolongani la’bi macoa pole iya, anna ise’iya di’o tannang amang pole di pappatibikke’ kaiyang di allo di’o.
وَمَنْ جَاۤءَ بِالسَّيِّئَةِ فَكُبَّتْ وُجُوْهُهُمْ فِى النَّارِۗ هَلْ تُجْزَوْنَ اِلَّا مَا كُنْتُمْ تَعْمَلُوْنَ٩٠
Wa man jā'a bis-sayyi'ati fakubbat wujūhuhum fin-nār(i), hal tujzauna illā mā kuntum ta‘malūn(a).
[90]
Anna inai mambawa adaeang, jari dipatiru’ungmi rupanna ise’iya tama di naraka. Andiango’o na di balas, selaengna (sitteng, puli) di anu mupogau’ diolo’.
اِنَّمَآ اُمِرْتُ اَنْ اَعْبُدَ رَبَّ هٰذِهِ الْبَلْدَةِ الَّذِيْ حَرَّمَهَا وَلَهٗ كُلُّ شَيْءٍ وَّاُمِرْتُ اَنْ اَكُوْنَ مِنَ الْمُسْلِمِيْنَ ۙ٩١
Innamā umirtu an a‘buda rabba hāżihil-baldatil-lażī ḥarramahā wa lahū kullu syai'iw wa umirtu an akūna minal-muslimīn(a).
[91]
Iyau (Muhammad) sangga’ diparentada’ na masomba Puang banua di’e (Makkah) Iya mappamapaccingi anna di sese-Nai inggannana seu-seuwa, anna diparentaia’ mamoarea’ mettama to masserakang alawe,
وَاَنْ اَتْلُوَا الْقُرْاٰنَ ۚفَمَنِ اهْتَدٰى فَاِنَّمَا يَهْتَدِيْ لِنَفْسِهٖۚ وَمَنْ ضَلَّ فَقُلْ اِنَّمَآ اَنَا۠ مِنَ الْمُنْذِرِيْنَ٩٢
Wa an atluwal-qur'ān(a), famanihtadā fa'innamā yahtadī linafsih(ī), wa man ḍalla faqul innamā ana minal-munżirīn(a).
[92]
Anna mamoarea’ mambacangan Koroang (lao di rupa tau). Jari inai-inai mallolongan patiroang jari sitongangna mallolongani patiroang (acoang) di alawena, anna inai-inai pusa jari pa’uango’o: “Sitongangna iyau (di’e) andiang laeng sangga’ pappaingarang.”
وَقُلِ الْحَمْدُ لِلّٰهِ سَيُرِيْكُمْ اٰيٰتِهٖ فَتَعْرِفُوْنَهَاۗ وَمَا رَبُّكَ بِغَافِلٍ عَمَّا تَعْمَلُوْنَ ࣖ٩٣
Wa qulil-ḥamdu lillāhi sayurīkum āyātihī fata‘rifūnahā, wa mā rabbuka bigāfilin ‘ammā ta‘malūn(a).
[93]
Anna pa’uango’o (Muhammad): “Inggannana pappuji appunnanna Puang Allah Taala, Iya na mappaitaio mie’ tanda-tanda (alama’ akaiyangan)-Na, jari na muissangi. Anna Puangmu andiang takkalupa pole di anu iya mupogau’.”