Surah Al-Furqan
بِسْمِ اللّٰهِ الرَّحْمٰنِ الرَّحِيْمِ
تَبٰرَكَ الَّذِيْ نَزَّلَ الْفُرْقَانَ عَلٰى عَبْدِهٖ لِيَكُوْنَ لِلْعٰلَمِيْنَ نَذِيْرًا ۙ١
Tabārakal-lażī nazzalal-furqāna ‘alā ‘abdihī liyakūna lil-‘ālamīna nażīrā(n).
[1]
Tongang mapaccingi Puang Allah Taala iya pura mappaturung Al Furqan (Koroang) lao di batuan-Na (Muhammad), mamoare’i menjari pappaingarang di inggannana alang.
ۨالَّذِيْ لَهٗ مُلْكُ السَّمٰوٰتِ وَالْاَرْضِ وَلَمْ يَتَّخِذْ وَلَدًا وَّلَمْ يَكُنْ لَّهٗ شَرِيْكٌ فِى الْمُلْكِ وَخَلَقَ كُلَّ شَيْءٍ فَقَدَّرَهٗ تَقْدِيْرًا٢
Allażī lahū mulkus-samāwāti wal-arḍi wa lam yattakhiż waladaw wa lam yakul lahū syarīkun fil-mulki wa khalaqa kulla syai'in fa qaddarahū taqdīrā(n).
[2]
Iya maappunnai arayang langi’ anna lino, anna andiangi keana’, anna andiang (to’o) diang da’duanna (massittengan-I) lalang di akkuasang(Na), anna Iya pura mappadiang di inggannana seu-seuwa, mane napato’i (napecoai) uku-ukurangna siola naparappi atorna.
وَاتَّخَذُوْا مِنْ دُوْنِهٖٓ اٰلِهَةً لَّا يَخْلُقُوْنَ شَيْـًٔا وَّهُمْ يُخْلَقُوْنَ وَلَا يَمْلِكُوْنَ لِاَنْفُسِهِمْ ضَرًّا وَّلَا نَفْعًا وَّلَا يَمْلِكُوْنَ مَوْتًا وَّلَا حَيٰوةً وَّلَا نُشُوْرًا٣
Wattakhażū min dūnihī ālihatal lā yakhluqūna syai'aw wa hum yukhlaqūna wa lā yamlikūna li'anfusihim ḍarraw wa lā naf‘aw wa lā yamlikūna mautaw wa lā ḥayātaw wa lā nusyūrā(n).
[3]
Anna ise’iya maala mae’di puang selaengna Iya, iya di’o mae’di puango andiangi mala mappadiang seu-seuwa, mala ise’iya dipadiangi anna andiang kuasa na mattola’ mesa adaeang di alawena anna andiang (toi na maala) mesa akkegunang anna andiang kuasa mappamate, anna andiangi mappatuo anna andiang toi (mala) mappatiwa’as.
وَقَالَ الَّذِيْنَ كَفَرُوْٓا اِنْ هٰذَآ اِلَّآ اِفْكُ ِۨافْتَرٰىهُ وَاَعَانَهٗ عَلَيْهِ قَوْمٌ اٰخَرُوْنَۚ فَقَدْ جَاۤءُوْ ظُلْمًا وَّزُوْرًا ۚ٤
Wa qālal-lażīna kafarū in hāżā illā ifkuniftarāhu wa a‘ānahū ‘alaihi qaumun ākharūn(a), fa qad jā'ū ẓulmaw wa zūrā(n).
[4]
Anna to kaper ma’uang: “(Koroang) di’e andiang laeng selaengna alosongan tappa’ iya napapi-papiai (Muhammad), anna nakalulu tau laeng.” Jari sitongangna purai ise’iya mappogau’ mesa apagau’ bawangan anna alosongan iya kaiyang.
وَقَالُوْٓا اَسَاطِيْرُ الْاَوَّلِيْنَ اكْتَتَبَهَا فَهِيَ تُمْلٰى عَلَيْهِ بُكْرَةً وَّاَصِيْلًا٥
Wa qālū asāṭīrul-awwalīnaktatabahā fa hiya tumlā ‘alaihi bukrataw wa aṣīlā(n).
[5]
Anna ise’iya ma’uang: “(iya di’o) sangga’ curi-curitana to diolo’ mai, diperau malaai ditulis, mane ditaleangi (dibacangani) di’o curita-o lao di sesena tuttu’ malimang anna arawiang.”
قُلْ اَنْزَلَهُ الَّذِيْ يَعْلَمُ السِّرَّ فِى السَّمٰوٰتِ وَالْاَرْضِۗ اِنَّهٗ كَانَ غَفُوْرًا رَّحِيْمًا٦
Qul anzalahul-lażī ya‘lamus-sirra fis-samāwāti wal-arḍ(i), innahū kāna gafūrar raḥīmā(n).
[6]
Pa’uango’o (Muhammad): “(Koroang) di’o napaturungi (Puang Allah Taala) iya ma’issang rahasia di langi’ anna di lino. Sitongangna Iya (Puang) Masarro Pa’dappang na Makkesayang.”
وَقَالُوْا مَالِ هٰذَا الرَّسُوْلِ يَأْكُلُ الطَّعَامَ وَيَمْشِيْ فِى الْاَسْوَاقِۗ لَوْلَآ اُنْزِلَ اِلَيْهِ مَلَكٌ فَيَكُوْنَ مَعَهٗ نَذِيْرًا ۙ٧
Wa qālū mā lihāżar-rasūli ya'kuluṭ-ṭa‘āma wa yamsyī fil-aswāq(i), lau lā unzila ‘alaihi malakun fa yakūna ma‘ahū nażīrā(n).
[7]
Anna ise’iya ma’uang: “Mangapai suro (Muhammad) di’o na maande ande anna mellamba lao di pasar? Mangapai na andiang di paturungan lao mesa malaika’, (mamoare’i malaika’) di’o massolangi mappaingarang?,
اَوْ يُلْقٰىٓ اِلَيْهِ كَنْزٌ اَوْ تَكُوْنُ لَهٗ جَنَّةٌ يَّأْكُلُ مِنْهَاۗ وَقَالَ الظّٰلِمُوْنَ اِنْ تَتَّبِعُوْنَ اِلَّا رَجُلًا مَّسْحُوْرًا٨
Au yulqā ilaihi kanzun au takūnu lahū jannatuy ya'kulu minhā, wa qālaẓ-ẓālimūna in tattabi‘ūna illā rajulam masḥūrā(n).
[8]
Iyade’ (mangapa na andiang) dipaturungan lao ga’dong (asugiang), iyade’ (mangapa na andiang) diang uma di sesena iya malai maande (hasselna)? Anna to ta’lalo pagau’bawang di’o ma’uang: “Diango’o mie’ sangga’ mappeccoe’i mesa tommuane iya narua seher.
اُنْظُرْ كَيْفَ ضَرَبُوْا لَكَ الْاَمْثَالَ فَضَلُّوْا فَلَا يَسْتَطِيْعُوْنَ سَبِيْلًا ࣖ٩
Unẓur kaifa ḍarabū lakal-amṡāla fa ḍallū falā yastaṭī‘ūna sabīlā(n).
[9]
Pennassai, me’apai ise’iya mappapia akkalarapangan tentang i’o, jari pusami ise’iya andiang mala (mallolongan) tangalalang (na massakka’ di passuroangmu).
تَبٰرَكَ الَّذِيْٓ اِنْ شَاۤءَ جَعَلَ لَكَ خَيْرًا مِّنْ ذٰلِكَ جَنّٰتٍ تَجْرِيْ مِنْ تَحْتِهَا الْاَنْهٰرُۙ وَيَجْعَلْ لَّكَ قُصُوْرًا١٠
Tabārakal-lażī in syā'a ja‘ala laka khairam min żālika jannātin tajrī min taḥtihal-anhār(u), wa yaj‘al laka quṣūrā(n).
[10]
Tongang mapaccingi (Puang Allah Taala) iya mua’ napoelo’i, tongang na dipadiangi di sesemu iya la’bi macoa pole di bassa di’o, (iyamo) suruga iya lolong mae’di binanga di naungna, anna napajariang to’o salassa’ (istana).
بَلْ كَذَّبُوْا بِالسَّاعَةِۙ وَاَعْتَدْنَا لِمَنْ كَذَّبَ بِالسَّاعَةِ سَعِيْرًا١١
Bal każżabū bis-sā‘ah(ti), wa a‘tadnā liman każżaba bis-sā‘ati sa‘īrā(n).
[11]
Mala ise’iya mallosongani allo keama’. Anna Iyami’ mappatayangi naraka iya sundallea’ (massopa-sopa) di sesena to malloso-losongan allo keama’.
اِذَا رَاَتْهُمْ مِّنْ مَّكَانٍۢ بَعِيْدٍ سَمِعُوْا لَهَا تَغَيُّظًا وَّزَفِيْرًا١٢
Iżā ra'athum mim makānim ba‘īdin sami‘ū lahā tagayyuẓaw wa zafīrā(n).
[12]
Mua’ (naraka) ma’itai ise’iya pole di engeang karao, diangi ise’iya ma’irrangngi sundallea’na sawa’ cai’na.
وَاِذَآ اُلْقُوْا مِنْهَا مَكَانًا ضَيِّقًا مُّقَرَّنِيْنَ دَعَوْا هُنَالِكَ ثُبُوْرًا ۗ١٣
Wa iżā ulqū minhā makānan ḍayyiqam muqarranīna da‘au hunālika ṡubūrā(n).
[13]
Anna mua’ dipembuangani ise’iya lao di engeang iya sippi’ dio di naraka siola na dipungo, ise’iya dilai’ di’o (me’irri’) marrannuang abinasang.
لَا تَدْعُوا الْيَوْمَ ثُبُوْرًا وَّاحِدًا وَّادْعُوْا ثُبُوْرًا كَثِيْرًا١٤
Lā tad‘ul-yauma ṡubūraw wāḥidaw wad‘ū ṡubūran kaṡīrā(n).
[14]
(na dipa’uangngi lao ise’iya): “da mie’ parrannuang abinasang di allo di’e, anna parrannuangmo’o mie’ abinasang iya mae’di (makkulli-kulling).”
قُلْ اَذٰلِكَ خَيْرٌ اَمْ جَنَّةُ الْخُلْدِ الَّتِيْ وُعِدَ الْمُتَّقُوْنَۗ كَانَتْ لَهُمْ جَزَاۤءً وَّمَصِيْرًا١٥
Qul ażālika khairun am jannatul-khuldil-latī wu‘idal-muttaqūn(a), kānat lahum jazā'aw wa maṣīrā(n).
[15]
Pa’uango’o (Muhammad): “Apa (passessa) iya bassa di’o macoai, iyade’ suruga iya mannannungan iya pura di janjiang lao di to me’atakwa. Diangi menjari balasan anna engeang membali’ lao ise’iya.”
لَهُمْ فِيْهَا مَا يَشَاۤءُوْنَ خٰلِدِيْنَۗ كَانَ عَلٰى رَبِّكَ وَعْدًا مَّسْـُٔوْلًا١٦
Lahum fīhā mā yasyā'ūna khālidīn(a), kāna ‘alā rabbika wa‘dam mas'ūlā(n).
[16]
Di sesena ise’iya lalang di suruga di’o anu iya napoelo’, ise’iya mannannungan di (lalangna). Diangi janji pole di Puangmu iya sitinaya diperau (Lao).
وَيَوْمَ يَحْشُرُهُمْ وَمَا يَعْبُدُوْنَ مِنْ دُوْنِ اللّٰهِ فَيَقُوْلُ ءَاَنْتُمْ اَضْلَلْتُمْ عِبَادِيْ هٰٓؤُلَاۤءِ اَمْ هُمْ ضَلُّوا السَّبِيْلَ ۗ١٧
Wa yauma yaḥsyuruhum wa mā ya‘budūna min dūnillāhi fa yaqūlu a'antum aḍlaltum ‘ibādī hā'ulā'i am hum ḍallus-sabīl(a).
[17]
Anna (ingarangi) mesa allo (wattunna) Puang Allah Taala mapasirumungi ise’iya siola anu iya nasomba selaengna Puang Allah Taala, mane Puang Allah Taala ma’uang (di anu nasomba): “Apa’ i’odi mie’ mappapusa para batua’-U, iyade’ ise’iya tomodi tia pusa pole di tangalalang (iya parua)?”
قَالُوْا سُبْحٰنَكَ مَا كَانَ يَنْۢبَغِيْ لَنَآ اَنْ نَّتَّخِذَ مِنْ دُوْنِكَ مِنْ اَوْلِيَاۤءَ وَلٰكِنْ مَّتَّعْتَهُمْ وَاٰبَاۤءَهُمْ حَتّٰى نَسُوا الذِّكْرَۚ وَكَانُوْا قَوْمًاۢ بُوْرًا١٨
Qālū subḥānaka mā kāna yambagī lanā an nattakhiża min dūnika min auliyā'a wa lākim matta‘tahum wa ābā'ahum ḥattā nasuż-żikr(a), wa kānū qaumam būrā(n).
[18]
Ise’iya (di anu nasomba di’o) ma’uang: “Tongang mappaccingo’-O, andiangi sitinaya di iyami’ maala selaengna I’o (na menjari) petturundungan. Anna iya tia puramo’o mambei ise’iya anna ama-amanna anyamangan tuo, lambi’i ise’iya maaluppei pappaingarang. Anna diangi ise’iya kaum iya binasa.”
فَقَدْ كَذَّبُوْكُمْ بِمَا تَقُوْلُوْنَۙ فَمَا تَسْتَطِيْعُوْنَ صَرْفًا وَّلَا نَصْرًاۚ وَمَنْ يَّظْلِمْ مِّنْكُمْ نُذِقْهُ عَذَابًا كَبِيْرًا١٩
Faqad każżabūkum bimā taqūlūn(a), famā tastaṭī‘ūna ṣarfaw wa lā naṣrā(n), wa may yaẓlim minkum nużiqhu ‘ażāban kabīrā(n).
[19]
Jari sitongangna iya (anu nasomba ise’iya di’o) purai malloso-losongano’o mie’ di anu iya mupau, jari andiango’o na mala mattola’ (passessa) anna andiang (to’o) mattulung (alawemu), anna inai-inai di antaramu iya ta’lalo pagau’ bawang, Iyami’ tongang na mappeperasai passessa iya kaiyang.
وَمَآ اَرْسَلْنَا قَبْلَكَ مِنَ الْمُرْسَلِيْنَ اِلَّآ اِنَّهُمْ لَيَأْكُلُوْنَ الطَّعَامَ وَيَمْشُوْنَ فِى الْاَسْوَاقِۗ وَجَعَلْنَا بَعْضَكُمْ لِبَعْضٍ فِتْنَةً ۗ اَتَصْبِرُوْنَۚ وَكَانَ رَبُّكَ بَصِيْرًا ࣖ ۔٢٠
Wa mā arsalnā qablaka minal-mursalīna illā innahum laya'kulūnaṭ-ṭa‘āma wa yamsyūna fil aswāq(i), wa ja‘alnā ba‘ḍakum liba‘ḍin fitnah(tan), ataṣbirūn(a), wa kāna rabbuka baṣīrā(n).
[20]
Anna Iyami’ andiang ma’utus para suro di andiangmupa (Muhammad), selaengna ise’iya tongang ma’andei ande anna mellamba dio di pasar. Anna Iyami’ mappajari sambareango’o paccowa di sambareang laengna. Apa’ melo’do’o mie’ me’asa’bar? Anna diangi Puangmu Masarro Paita.
۞ وَقَالَ الَّذِيْنَ لَا يَرْجُوْنَ لِقَاۤءَنَا لَوْلَآ اُنْزِلَ عَلَيْنَا الْمَلٰۤىِٕكَةُ اَوْ نَرٰى رَبَّنَا ۗ لَقَدِ اسْتَكْبَرُوْا فِيْٓ اَنْفُسِهِمْ وَعَتَوْ عُتُوًّا كَبِيْرًا٢١
Wa qālal-lażīna lā yarjūna liqā'anā lau lā unzila ‘alainal-malā'ikata au narā rabbanā, laqadistakbarū fī anfusihim wa ‘atau ‘utuwwan kabīrā(n).
[21]
Anna to andiang mahhara’ (mattatta-tattangai) assitang di Iyami’ ma’uang: “Mangapai na tania para malaika’ dipaturung di iyami’ iyade’ (mangapai) na (andiangi) iyami’ ma’ita Puangta?” Sitongangna ise’iya tongang mattaka’borang alawena anna mambulallo atorang, (mambulallo) iya kaiyang.
يَوْمَ يَرَوْنَ الْمَلٰۤىِٕكَةَ لَا بُشْرٰى يَوْمَىِٕذٍ لِّلْمُجْرِمِيْنَ وَيَقُوْلُوْنَ حِجْرًا مَّحْجُوْرًا٢٢
Yauma yaraunal-malā'ikata lā busyrā yauma'iżil lil-mujrimīna wa yaqūlūna ḥijram maḥjūrā(n).
[22]
(Ingarangi) di allo (wattu) ise’iya ma’ita para malaika’, di allo di’o andiang diang karewa mapperio-rio di sesena to madosa anna ise’iya ma’uang: “Hijran mahjura (mamoare’i Puang Allah Taala mealaiang awala’).
وَقَدِمْنَآ اِلٰى مَا عَمِلُوْا مِنْ عَمَلٍ فَجَعَلْنٰهُ هَبَاۤءً مَّنْثُوْرًا٢٣
Wa qadimnā ilā mā ‘amilū min ‘amalin fa ja‘alnāhu habā'am manṡūrā(n).
[23]
Anna Iyami’ mappepetiroang inggannana panggauangna ise’iya, mane Iyami’ na mappaari (ammal panggauang di’o) rapang kareamus iya melluttusang.
اَصْحٰبُ الْجَنَّةِ يَوْمَىِٕذٍ خَيْرٌ مُّسْتَقَرًّا وَّاَحْسَنُ مَقِيْلًا٢٤
Aṣḥābul-jannati yauma'iżin khairum mustaqarraw wa aḥsanu maqīlā(n).
[24]
Para pa’’engei suruga di allo di’o kaminang macoa engeangna (mottong) anna kaminang malolo (engeangna) mappassau.
وَيَوْمَ تَشَقَّقُ السَّمَاۤءُ بِالْغَمَامِ وَنُزِّلَ الْمَلٰۤىِٕكَةُ تَنْزِيْلًا٢٥
Wa yauma tasyaqqaqus-samā'u bil-gamāmi wa nuzzilal-malā'ikatu tanzīlā(n).
[25]
Anna (ingarangi) di allo (wattu) langi’ poa’ (tisigi’) mappasungi tai iri’ (gaung) mapute anna dipaturungmi (mae’di) malaika’ di paturung tongang (mallimbo-limbo).
اَلْمُلْكُ يَوْمَىِٕذِ ِۨالْحَقُّ لِلرَّحْمٰنِۗ وَكَانَ يَوْمًا عَلَى الْكٰفِرِيْنَ عَسِيْرًا٢٦
Al-mulku yauma'iżinil-ḥaqqu lir-raḥmān(i), wa kāna yauman ‘alal-kāfirīna ‘asīrā(n).
[26]
Arayang iya tongang (parua) di allo di’o appunnanna (Puang Iya) Masarro Masayang. Anna diangi (di allo di’o) mesa allo masussa lao di to kaper.
وَيَوْمَ يَعَضُّ الظَّالِمُ عَلٰى يَدَيْهِ يَقُوْلُ يٰلَيْتَنِى اتَّخَذْتُ مَعَ الرَّسُوْلِ سَبِيْلًا٢٧
Wa yauma ya‘aḍḍuẓ-ẓālimu ‘alā yadaihi yaqūlu yā laitanittakhażtu ma‘ar-rasūli sabīlā(n).
[27]
Anna (ingarangi) allo (wattu di’o) to ta’lalo pagau’ bawang mambokko da’dua limanna, na ma’uang: Adede, tenna’ iyau (diolo’) maala tangalalang siola-ola suro.
يٰوَيْلَتٰى لَيْتَنِيْ لَمْ اَتَّخِذْ فُلَانًا خَلِيْلًا٢٨
Yā wailatā laitanī lam attakhiż fulānan khalīlā(n).
[28]
Acilakang kaiyang di seseu, tenna’ iyau (diolo’) andiang mappajari (iyanu) sammuaneu.
لَقَدْ اَضَلَّنِيْ عَنِ الذِّكْرِ بَعْدَ اِذْ جَاۤءَنِيْۗ وَكَانَ الشَّيْطٰنُ لِلْاِنْسَانِ خَذُوْلًا٢٩
Laqad aḍallanī ‘aniż-żikri ba‘da iż jā'anī, wa kānasy-syaiṭānu lil-insāni khażūlā(n).
[29]
Tongang na papusa’ pole di pappaingarang (Koroang) di wattunna (Koroang) mappoleia’. Anna diangi setang hiana’ (andiang melo’ mattulung) rupa tau.”
وَقَالَ الرَّسُوْلُ يٰرَبِّ اِنَّ قَوْمِى اتَّخَذُوْا هٰذَا الْقُرْاٰنَ مَهْجُوْرًا٣٠
Wa qālar-rasūlu yā rabbi inna qaumittakhażū hāżal-qur'āna mahjūrā(n).
[30]
Anna suro (Muhammad) ma’uang: “E Puangngu, sitongangna umma’u mappajari Koroang di’e andiang dipendalingai.”
وَكَذٰلِكَ جَعَلْنَا لِكُلِّ نَبِيٍّ عَدُوًّا مِّنَ الْمُجْرِمِيْنَۗ وَكَفٰى بِرَبِّكَ هَادِيًا وَّنَصِيْرًا٣١
Wa każālika ja‘alnā likulli nabiyyin ‘aduwwam minal-mujrimīn(a), wa kafā birabbika hādiyaw wa naṣīrā(n).
[31]
Anna bassami di’o, Iyami’ mappadiang di tungga-tungga’ nabi, bali pole di to madosa. Anna sukku’mi Puangmu Pambei Patiroang anna Pattulung.
وَقَالَ الَّذِيْنَ كَفَرُوْا لَوْلَا نُزِّلَ عَلَيْهِ الْقُرْاٰنُ جُمْلَةً وَّاحِدَةً ۛ كَذٰلِكَ ۛ لِنُثَبِّتَ بِهٖ فُؤَادَكَ وَرَتَّلْنٰهُ تَرْتِيْلًا٣٢
Wa qālal-lażīna kafarū lau lā nuzzila ‘alaihil-qur'ānu jumlataw wāḥidatan - każālika - linuṡabbita bihī fu'ādaka wa rattalnāhu tartīlā(n).
[32]
Anna to kaper ma’uang: “Mangapai Korong di’o na andiang di paturung di sesena saawusang. Bassami di’o, malaai Iyami’ mappamakasau’ atemu (Muhammad) lao (di Koroang) anna Iyami’ mambacai baca taratte’ (tiator anna parua).
وَلَا يَأْتُوْنَكَ بِمَثَلٍ اِلَّا جِئْنٰكَ بِالْحَقِّ وَاَحْسَنَ تَفْسِيْرًا ۗ٣٣
Wa lā ya'tūnaka bimaṡalin illā ji'nāka bil-ḥaqqi wa aḥsana tafsīrā(n).
[33]
Anna ise’iya (to kaper di’o) andiangi mappoleio (mambawa) iya makkealla-alla’, selaengna Iyami’ mappapoleango’o anu iya tongang (ha’) anna kaminang macoa tafserena (amannassanganna).
اَلَّذِيْنَ يُحْشَرُوْنَ عَلٰى وُجُوْهِهِمْ اِلٰى جَهَنَّمَۙ اُولٰۤىِٕكَ شَرٌّ مَّكَانًا وَّاَضَلُّ سَبِيْلًا ࣖ٣٤
Allażīna yuḥsyarūna ‘alā wujūhihim ilā jahannam(a), ulā'ika syarrum makānaw wa aḍallu sabīlā(n).
[34]
To di pasirumung dilelleri rupanna ise’iya tama di naraka Jahannam, ise’iyamo di’o kaminang adae’ engeangna ana kaminang pusa tangalalangna.
وَلَقَدْ اٰتَيْنَا مُوْسَى الْكِتٰبَ وَجَعَلْنَا مَعَهٗٓ اَخَاهُ هٰرُوْنَ وَزِيْرًا ۚ٣٥
Wa laqad ātainā mūsal-kitāba wa ja‘alnā ma‘ahū akhāhu hārūna wazīrā(n).
[35]
Anna sitongangna Iyami’ pura mambei Kitta’ (Taurat) lao di Musa anna Iyami’ pura mappajari Harun lulluare’na, massolangi na makkalulu.
فَقُلْنَا اذْهَبَآ اِلَى الْقَوْمِ الَّذِيْنَ كَذَّبُوْا بِاٰيٰتِنَاۗ فَدَمَّرْنٰهُمْ تَدْمِيْرًا ۗ٣٦
Fa qulnażhabā ilal-qaumil-lażīna każżabū bi'āyātinā, fa dammarnāhum tadmīrā(n).
[36]
Mane Iyami’ ma’uang lao di (da’duanna): “Pellambamo’o da’dua (siola) lao di kaum iya mallosongan aya’-aya’-I.” Jari Iyami’ mappabinasai ise’iya accur sanna’.
وَقَوْمَ نُوْحٍ لَّمَّا كَذَّبُوا الرُّسُلَ اَغْرَقْنٰهُمْ وَجَعَلْنٰهُمْ لِلنَّاسِ اٰيَةًۗ وَاَعْتَدْنَا لِلظّٰلِمِيْنَ عَذَابًا اَلِيْمًا ۚ٣٧
Wa qauma nūḥil lammā każżabur-rusula agraqnāhum wa ja‘alnāhum lin-nāsi āyah(tan), wa a‘tadnā liẓ-ẓālimīna ‘ażāban alīmā(n).
[37]
Anna (Iyami’ pura mappabinasa) kaum Nuh di wattunnai mallosongan para suro. Iyami’ mappatallangi ise’iya anna Iyami’ mappajari (curita)na di’o pe’guruang di sesena rupa tau. Anna Iyami’ pura mappatayangi to ta’lalo pagau’ bawang passessa iya pemonge’.
وَعَادًا وَّثَمُوْدَا۟ وَاَصْحٰبَ الرَّسِّ وَقُرُوْنًاۢ بَيْنَ ذٰلِكَ كَثِيْرًا٣٨
Wa ‘ādaw wa ṡamūda wa aṣḥābar-rassi wa qurūnam baina żālika kaṡīrā(n).
[38]
Anna (Iyami’ mappaaccur) kaum ‘Ad anna Tsamud anna pakkappung Rass anna mae’di (pai) di’o biya-biyanna kaum-o.
وَكُلًّا ضَرَبْنَا لَهُ الْاَمْثَالَۖ وَكُلًّا تَبَّرْنَا تَتْبِيْرًا٣٩
Wa kullan ḍarabnā lahul-amṡāl(a), wa kullan tabbarnā tatbīrā(n).
[39]
Anna Iyami’ mappajariangi lao di tungga-tungga’ ise’iya akkalarapangan anna tungga-tungga’i Iyami’ mappaaccuri, mappaaccur tongang.
وَلَقَدْ اَتَوْا عَلَى الْقَرْيَةِ الَّتِيْٓ اُمْطِرَتْ مَطَرَ السَّوْءِۗ اَفَلَمْ يَكُوْنُوْا يَرَوْنَهَاۚ بَلْ كَانُوْا لَا يَرْجُوْنَ نُشُوْرًا٤٠
Wa laqad atau ‘alal-qaryatil-latī umṭirat maṭaras-sau'(i), afalam yakūnū yaraunahā, bal kānū lā yarjūna nusyūrā(n).
[40]
Anna sitongangna ise’iya (pappa’dua dio di Makkah) pura mallandurri mesa banua (Sadum) iya (diolo’) dipaurangngi urang kaminang adae’ (urang batu). Jari andiangdi ise’iya ma’itai (parropoangna)? Mala diangi ise’iya andiangmi marrannuang (mappoelo’) allo dipatiwa’as.
وَاِذَا رَاَوْكَ اِنْ يَّتَّخِذُوْنَكَ اِلَّا هُزُوًاۗ اَهٰذَا الَّذِيْ بَعَثَ اللّٰهُ رَسُوْلًا٤١
Wa iżā ra'auka iy yattakhiżūnaka illā huzuwā(n), ahāżal-lażī ba‘aṡallāhu rasūlā(n).
[41]
Anna mua’ ise’iya ma’itao (Muhammad), ise’iya mappajari tappa’o pielle-elleang (na ma’uang): “Iyadi di’e taunna iya nasio Puang Allah Taala (nakke’ menjari) Suro?”
اِنْ كَادَ لَيُضِلُّنَا عَنْ اٰلِهَتِنَا لَوْلَآ اَنْ صَبَرْنَا عَلَيْهَاۗ وَسَوْفَ يَعْلَمُوْنَ حِيْنَ يَرَوْنَ الْعَذَابَ مَنْ اَضَلُّ سَبِيْلًا٤٢
In kāda layuḍillunā ‘an ālihatinā lau lā an ṣabarnā ‘alaihā, wa saufa ya‘lamūna ḥīna yaraunal-‘ażāba man aḍallu sabīlā(n).
[42]
Sitongangna saicco’ le’ba’pai na mepappusa pole di disombangna iyami’, tenna’ andiangi tau sa’bar (massombai).” Anna naissangi ise’iya manini di wattu ise’iya ma’ita passessa, inai kaminang pusa tangala- langna.
اَرَءَيْتَ مَنِ اتَّخَذَ اِلٰهَهٗ هَوٰىهُۗ اَفَاَنْتَ تَكُوْنُ عَلَيْهِ وَكِيْلًا ۙ٤٣
Ara'aita manittakhaża ilāhahū hawāh(u), afa anta takūnu ‘alaihi wakīlā(n).
[43]
Apa’ pura bandi mupennassai (Muhammad) to mappajari nassunna rapang puangna. Jari apa’ mala bando’o menjari parrundungna?
اَمْ تَحْسَبُ اَنَّ اَكْثَرَهُمْ يَسْمَعُوْنَ اَوْ يَعْقِلُوْنَۗ اِنْ هُمْ اِلَّا كَالْاَنْعَامِ بَلْ هُمْ اَضَلُّ سَبِيْلًا ࣖ٤٤
Am taḥsabu anna akṡarahum yasma‘ūna au ya‘qilūn(a), in hum illā kal-an‘āmi bal hum aḍallu sabīlā(n).
[44]
Iyade’ apa’ musangadi mua’ mae’diangi ise’iya ma’irrangngi iyade’ mappahang. Ise’iya di’o andiang laeng sangga’ rapangi olo’-olo’ piarang, mala ise’iya la’bi pusa tangalalangna.
اَلَمْ تَرَ اِلٰى رَبِّكَ كَيْفَ مَدَّ الظِّلَّۚ وَلَوْ شَاۤءَ لَجَعَلَهٗ سَاكِنًاۚ ثُمَّ جَعَلْنَا الشَّمْسَ عَلَيْهِ دَلِيْلًا ۙ٤٥
Alam tara ilā rabbika kaifa maddaẓ-ẓill(a), wa lau syā'a laja‘alahū sākinā(n), ṡumma ja‘alnasy-syamsa ‘alaihi dalīlā(n).
[45]
Apa’ andiangdi mupennassai (pappadianganna) Puangmu, me’apai (Puang Allah Taala) mappamalakka (anna mappamapocci’) bayo-bayo, anna mua’ napoelo’i na mappatatta’ bayo-bayo, mane Iyami’ mappajari mata allo patiroang (di sesena).
ثُمَّ قَبَضْنٰهُ اِلَيْنَا قَبْضًا يَّسِيْرًا٤٦
Ṡumma qabaḍnā ilainā qabḍay yasīrā(n).
[46]
Mane Iyami’ mambeso di’o (bayo-bayo-o) lao di Iyami’, sisicco-sicco’.
وَهُوَ الَّذِيْ جَعَلَ لَكُمُ الَّيْلَ لِبَاسًا وَّالنَّوْمَ سُبَاتًا وَّجَعَلَ النَّهَارَ نُشُوْرًا٤٧
Wa huwal-lażī ja‘ala lakumul-laila libāsaw wan-nauma subātaw wa ja‘alan-nahāra nusyūrā(n).
[47]
Anna Iya (Puang) mappajariangano’o mie’ bongi (rapang) pakeang anna matindo (muengei) mappassau, anna Iya (Puang) mappadiang allo (muengei) membue’ na me’uja’.
وَهُوَ الَّذِيْٓ اَرْسَلَ الرِّيَاحَ بُشْرًاۢ بَيْنَ يَدَيْ رَحْمَتِهٖۚ وَاَنْزَلْنَا مِنَ السَّمَاۤءِ مَاۤءً طَهُوْرًا ۙ٤٨
Wa huwal-lażī arsalar-riyāḥa busyram baina yadai raḥmatih(ī), wa anzalnā minas-samā'i mā'an ṭahūrā(n).
[48]
Anna Iya (Puang) makkumbusang iri’ pambawa karewa mapperio-rio di andiangnapa pole pammase-Na (urang), anna Iyami’ mappaturung pole di langi’ uai urang iya mapaccing sanna’,
لِّنُحْيِ َۧ بِهٖ بَلْدَةً مَّيْتًا وَّنُسْقِيَهٗ مِمَّا خَلَقْنَآ اَنْعَامًا وَّاَنَاسِيَّ كَثِيْرًا٤٩
Linuḥyiya bihī baldatam maitaw wa nusqiyahū mimmā khalaqnā an‘āmaw wa anāsiyya kaṡīrā(n).
[49]
Malaai (uai di’o) Iyami’ mappatuo banua (lita’) mate (kambu’), anna Iyami’ mappadundu sambareang anu iya Iyami’ padiang, (alarapanganna) olo’-olo’ piarang, anna tau mae’di.
وَلَقَدْ صَرَّفْنٰهُ بَيْنَهُمْ لِيَذَّكَّرُوْاۖ فَاَبٰىٓ اَكْثَرُ النَّاسِ اِلَّا كُفُوْرًا٥٠
Wa laqad ṣarrafnāhu bainahum liyażżakkarū, fa abā akṡarun-nāsi illā kufūrā(n).
[50]
Anna sitongangna Iyami’ pura mappaleleang (mapparuai nasang) urang di’o lao di antara rupa tau malaai ise’iya maala pe’guruang, anna iya tia mae’diangi rupa tau andiang melo’ (sukkur), mala ise’iya makkaperri (pappenyamang).
وَلَوْ شِئْنَا لَبَعَثْنَا فِيْ كُلِّ قَرْيَةٍ نَّذِيْرًا ۖ٥١
Wa lau syi'nā laba‘aṡnā fī kulli qaryatin nażīrā(n).
[51]
Anna tenna’ Iyami’ mappoelo’, Iyami’ tongang na massio di tungga-tungga’ banua mesa pappaingarang (suro).
فَلَا تُطِعِ الْكٰفِرِيْنَ وَجَاهِدْهُمْ بِهٖ جِهَادًا كَبِيْرًا٥٢
Falā tuṭi‘il-kāfirīna wa jāhidhum bihī jihādan kabīrā(n).
[52]
Jari da mappeccoe’i to kaper, anna panjiha’o lao ise’iya sawa’ (Koroang) jiha’ iya kaiyang.
۞ وَهُوَ الَّذِيْ مَرَجَ الْبَحْرَيْنِ هٰذَا عَذْبٌ فُرَاتٌ وَّهٰذَا مِلْحٌ اُجَاجٌۚ وَجَعَلَ بَيْنَهُمَا بَرْزَخًا وَّحِجْرًا مَّحْجُوْرًا٥٣
Wa huwal-lażī marajal-baḥraini hāżā ‘ażbun furātuw wa hāżā milḥun ujāj(un), wa ja‘ala bainahumā barzakhaw wa ḥijram maḥjūrā(n).
[53]
Anna Iya (Puang) mappaso’nai da’dua sasi’ lolong (siapper), iya di’e matawar na segar (marandang) anna iya laengna masing na mapai’. Anna Iya (Puang) mappajari di alle’na (da’dua sasi’) rinding anna batas iya mappasara’i.
وَهُوَ الَّذِيْ خَلَقَ مِنَ الْمَاۤءِ بَشَرًا فَجَعَلَهٗ نَسَبًا وَّصِهْرًاۗ وَكَانَ رَبُّكَ قَدِيْرًا٥٤
Wa huwal-lażī khalaqa minal-mā'i basyaran fa ja‘alahū nasabaw wa ṣihrā(n), wa kāna rabbuka qadīrā(n).
[54]
Anna Iya (Puang) mappadiang rupa tau pole di uai, mane Iya (Puang) mappadiang rupa tau di’o (maappunnai) biya anna passanganang) anna diangi Puangmu Masarro Kuasa.
وَيَعْبُدُوْنَ مِنْ دُوْنِ اللّٰهِ مَا لَا يَنْفَعُهُمْ وَلَا يَضُرُّهُمْۗ وَكَانَ الْكَافِرُ عَلٰى رَبِّهٖ ظَهِيْرًا٥٥
Wa ya‘budūna min dūnillāhi mā lā yanfa‘uhum wa lā yaḍurruhum, wa kānal-kāfiru ‘alā rabbihī ẓahīrā(n).
[55]
Anna ise’iya massomba selaengna Puang Allah Taala iya andiang mappapole akkegunang di sesena anna andiang (toi) mappapole adaeang (mudharat) di sesena. Anna diangi to kaper pattulung (setang na madoraka) lao di Puangna.
وَمَآ اَرْسَلْنٰكَ اِلَّا مُبَشِّرًا وَّنَذِيْرًا٥٦
Wa mā arsalnāka illā mubasysyiraw wa nażīrā(n).
[56]
Anna andiangi Iyami’ ma’utuso’o (Muhammad) selaengna pambawa karewa mapperio-rio anna pappaingarang.
قُلْ مَآ اَسْـَٔلُكُمْ عَلَيْهِ مِنْ اَجْرٍ اِلَّا مَنْ شَاۤءَ اَنْ يَّتَّخِذَ اِلٰى رَبِّهٖ سَبِيْلًا٥٧
Qul mā as'alukum ‘alaihi min ajrin illā man syā'a ay yattakhiża ilā rabbihī sabīlā(n).
[57]
Pa’uango’o: “Andianga’ merau tambo di sesemu mie’ mau nasaicco’na di lalangna mappalambi’ (pesioang), selaengna (mahhara’ malaai) tau melo’ ma’ola tangalalang lao di Puangna.”
وَتَوَكَّلْ عَلَى الْحَيِّ الَّذِيْ لَا يَمُوْتُ وَسَبِّحْ بِحَمْدِهٖۗ وَكَفٰى بِهٖ بِذُنُوْبِ عِبَادِهٖ خَبِيْرًا ۚ٥٨
Wa tawakkal ‘alal-ḥayyil-lażī lā yamūtu wa sabbiḥ biḥamdih(ī), wa kafā bihī biżunūbi ‘ibādihī khabīrā(n).
[58]
Anna pattawakkalo’o lao di (Puang Iya) Tuo (mannannungan) Iya andiang mate, anna pattasa’beo sawa’ mappuyi’-I. Anna sukku’mi (Puang) Masarro pappakarewa dosa-dosa para batuan-Na,
اَلَّذِيْ خَلَقَ السَّمٰوٰتِ وَالْاَرْضَ وَمَا بَيْنَهُمَا فِيْ سِتَّةِ اَيَّامٍ ثُمَّ اسْتَوٰى عَلَى الْعَرْشِۚ اَلرَّحْمٰنُ فَسْـَٔلْ بِهٖ خَبِيْرًا٥٩
Allażī khalaqas-samāwāti wal-arḍa wa mā bainahumā fī sittati ayyāmin ṡummastawā ‘alal-‘arsy(i), ar-raḥmānu fas'al bihī khabīrā(n).
[59]
Iya mappadiang langi’ anna lino anna anu diang di alle’na lalang di annang wattu, mane Iya (Puang) istawa’ diaya di Arasy. Iya (Puang) Masarro Masayang, jari pettuleangi (Puang Allah Taala) lao di to kaminang ma’issangi (Muhammad).
وَاِذَا قِيْلَ لَهُمُ اسْجُدُوْا لِلرَّحْمٰنِ قَالُوْا وَمَا الرَّحْمٰنُ اَنَسْجُدُ لِمَا تَأْمُرُنَا وَزَادَهُمْ نُفُوْرًا ۩ ࣖ٦٠
Wa iżā qīla lahumusjudū lir-raḥmāni qālū wa mar-raḥmānu anasjudu limā ta'murunā wa zādahum nufūrā(n).
[60]
Anna mua’ dipa’uangngi lao ise’iya: “Suyu’o mie’ lao di (Puang) Iya Masarro Masayang, ise’iya ma’uang: “Inai Masarro Masayang? Apa’ na suyu’di iyami’ lao di Puang iya mupesioang (Muhammad) di iyami’ (suyu’ lao di sese-Na)?” Anna ise’iya tamba karao (pole di atongangan).
تَبٰرَكَ الَّذِيْ جَعَلَ فِى السَّمَاۤءِ بُرُوْجًا وَّجَعَلَ فِيْهَا سِرٰجًا وَّقَمَرًا مُّنِيْرًا٦١
Tabārakal-lażī ja‘ala fis-samā'i burūjaw wa ja‘ala fīhā sirājaw wa qamaram munīrā(n).
[61]
Tongang mapaccingi Puang Allah Taala iya mappadiang di langi’ mae’di bittoeng timbocco-bocco anna mappadiang toi mata allo anna bulan iya paindo.
وَهُوَ الَّذِيْ جَعَلَ الَّيْلَ وَالنَّهَارَ خِلْفَةً لِّمَنْ اَرَادَ اَنْ يَّذَّكَّرَ اَوْ اَرَادَ شُكُوْرًا٦٢
Wa huwal-lażī ja‘alal-laila wan-nahāra khilfatal liman arāda ay yażżakkara au arāda syukūrā(n).
[62]
Anna Iya (Puang) mappadiang bongi anna allo sisalle-salle di sesena to melo’ maala pe’guruang iyade’ to melo’ me’asukkur.
وَعِبَادُ الرَّحْمٰنِ الَّذِيْنَ يَمْشُوْنَ عَلَى الْاَرْضِ هَوْنًا وَّاِذَا خَاطَبَهُمُ الْجٰهِلُوْنَ قَالُوْا سَلٰمًا٦٣
Wa ‘ibādur-raḥmānil-lażīna yamsyūna ‘alal-arḍi haunaw wa iżā khāṭabahumul-jāhilūna qālū salāmā(n).
[63]
Anna para batuanna (Puang Iya) Masarro Masayang di’o (iyamo) to mellamba di baona lino na mappakatuna ale anna mua’ to gengge (cangngo) maambaroangi (mattuna-tunai) ise’iya, ise’iya ma’uang “salam”.
وَالَّذِيْنَ يَبِيْتُوْنَ لِرَبِّهِمْ سُجَّدًا وَّقِيَامًا٦٤
Wal-lażīna yabītūna lirabbihim sujjadaw wa qiyāmā(n).
[64]
Anna to (cappu’) wattu bonginna makkasiwiang lao di Puangna, suyu’ anna mekke’de’.
وَالَّذِيْنَ يَقُوْلُوْنَ رَبَّنَا اصْرِفْ عَنَّا عَذَابَ جَهَنَّمَۖ اِنَّ عَذَابَهَا كَانَ غَرَامًا ۖ٦٥
Wal-lażīna yaqūlūna rabbanaṣrif ‘annā ‘ażāba jahannam(a), inna ‘ażābahā kāna garāmā(n).
[65]
Anna to ma’uang: “E Puangngi, pakaraoi pole di Iyami passessa naraka Jahannam, sitongangna passessana diangi abinasang mannannungan.
اِنَّهَا سَاۤءَتْ مُسْتَقَرًّا وَّمُقَامًا٦٦
Innahā sā'at mustaqarraw wa muqāmā(n).
[66]
Sitongangna (naraka Jahannam) di’o kaminang adae’na engeang me’atatta’ anna engeang mottong.
وَالَّذِيْنَ اِذَآ اَنْفَقُوْا لَمْ يُسْرِفُوْا وَلَمْ يَقْتُرُوْا وَكَانَ بَيْنَ ذٰلِكَ قَوَامًا٦٧
Wal-lażīna iżā anfaqū lam yusrifū wa lam yaqturū wa kāna baina żālika qawāmā(n).
[67]
Anna to mua’ mambalanjai (barangna), ise’iya andiang me’ata’lalo maccappu-cappu’, anna andiang (toi) ta’lalo makikkir, anna diangi di alle’na di’o (tangnga-tangga).
وَالَّذِيْنَ لَا يَدْعُوْنَ مَعَ اللّٰهِ اِلٰهًا اٰخَرَ وَلَا يَقْتُلُوْنَ النَّفْسَ الَّتِيْ حَرَّمَ اللّٰهُ اِلَّا بِالْحَقِّ وَلَا يَزْنُوْنَۚ وَمَنْ يَّفْعَلْ ذٰلِكَ يَلْقَ اَثَامًا ۙ٦٨
Wal-lażīna lā yad‘ūna ma‘allāhi ilāhan ākhara wa lā yaqtulūnan nafsal-latī ḥarramallāhu illā bil-ḥaqqi wa lā yaznūn(a), wa may yaf‘al żālika yalqa aṡāmā(n).
[68]
Anna to andiang massomba puang laeng selaengna Puang Allah Taala anna andiang mambuno nyawa iya naharangan Puang Allah Taala (mappatei’i) selaengna sawa’ alasan iya tongang (parua), anna andiangi mappanga’ding, anna inai mappogau’ bassa di’o, napominasai na mallolongan (pambalasan) dosana.
يُّضٰعَفْ لَهُ الْعَذَابُ يَوْمَ الْقِيٰمَةِ وَيَخْلُدْ فِيْهٖ مُهَانًا ۙ٦٩
Yuḍā‘af lahul-‘ażābu yaumal-qiyāmati wa yakhlud fīhī muhānā(n).
[69]
Na di palliccu-liccungi passessana di allo keama’ anna mannannungani lalang di passessa, lalang di amatunang.
اِلَّا مَنْ تَابَ وَاٰمَنَ وَعَمِلَ عَمَلًا صَالِحًا فَاُولٰۤىِٕكَ يُبَدِّلُ اللّٰهُ سَيِّاٰتِهِمْ حَسَنٰتٍۗ وَكَانَ اللّٰهُ غَفُوْرًا رَّحِيْمًا٧٠
Illā man tāba wa āmana wa ‘amila ‘amalan ṣāliḥan fa ulā'ika yubaddilullāhu sayyi'ātihim ḥasanāt(in), wa kānallāhu gafūrar raḥīmā(n).
[70]
Selaengna to me’atowa’ anna matappa’ anna mappogau’ apiangan, jari adaeangna ise’iya nasallei apiangan Puang Allah Taala. Anna diangi Puang Allah Taala Masarro Pa’dappang na Makkesayang.
وَمَنْ تَابَ وَعَمِلَ صَالِحًا فَاِنَّهٗ يَتُوْبُ اِلَى اللّٰهِ مَتَابًا٧١
Wa man tāba wa ‘amila ṣāliḥan fa innahū yatūbu ilallāhi matābā(n).
[71]
Anna inai-inai me’atowa’ anna mappogau’ apiangan, jari sitongangna me’atowa’i lao di Puang Allah Taala towa’ tongang.
وَالَّذِيْنَ لَا يَشْهَدُوْنَ الزُّوْرَۙ وَاِذَا مَرُّوْا بِاللَّغْوِ مَرُّوْا كِرَامًا٧٢
Wal-lażīna yasyhadūnaz-zūr(a), wa iżā marrū bil-lagwi marrū kirāmā(n).
[72]
Anna to andiang mappibei passa’biang palsu, anna mua’ sitai ise’iya to mappogau’ panggauang iya andiang ma’guna, sangga’ landur (tappa’i) sawa’ na jagai apaccinganna alawena,
وَالَّذِيْنَ اِذَا ذُكِّرُوْا بِاٰيٰتِ رَبِّهِمْ لَمْ يَخِرُّوْا عَلَيْهَا صُمًّا وَّعُمْيَانًا٧٣
Wal-lażīna iżā żukkirū bi'āyāti rabbihim lam yakhirrū ‘alaihā ṣummaw wa ‘umyānā(n).
[73]
Anna to mua’ dipaingarangi sawa’ aya’-aya’na Puangna ise’iya, andiangi ise’iya menggau’ rapang to binga anna buta.
وَالَّذِيْنَ يَقُوْلُوْنَ رَبَّنَا هَبْ لَنَا مِنْ اَزْوَاجِنَا وَذُرِّيّٰتِنَا قُرَّةَ اَعْيُنٍ وَّاجْعَلْنَا لِلْمُتَّقِيْنَ اِمَامًا٧٤
Wal-lażīna yaqūlūna rabbanā hab lanā min azwājinā wa żurriyyātinā qurrata a‘yuniw waj‘alnā lil-muttaqīna imāmā(n).
[74]
Anna to ma’uang: “E Puangngi, pebengano’o mai di iyami’ para bainei anna biya-biya’i pappasannang ate, anna pajari iyami’ pangulu di sesena to me’atakwa.”
اُولٰۤىِٕكَ يُجْزَوْنَ الْغُرْفَةَ بِمَا صَبَرُوْا وَيُلَقَّوْنَ فِيْهَا تَحِيَّةً وَّسَلٰمًا ۙ٧٥
Ulā'ika yujzaunal-gurfata bimā ṣabarū wa yulaqqauna fīhā taḥiyyataw wa salāmā(n).
[75]
Ise’iyamo di’o na di balas (onro) iya matinggi (lalang di suruga) sawa’ asa’barangna, anna diromai ise’iya palla’birang anna pau-pau asalamakang di lalangna.
خٰلِدِيْنَ فِيْهَاۗ حَسُنَتْ مُسْتَقَرًّا وَّمُقَامًا٧٦
Khālidīna fīhā, ḥasunat mustaqarraw wa muqāmā(n).
[76]
Ise’iya mannannungan di lalangna, suruga di’o engeang kaminang macoa diengei me’atatta’ anna engeang mottong.
قُلْ مَا يَعْبَؤُا بِكُمْ رَبِّيْ لَوْلَا دُعَاۤؤُكُمْۚ فَقَدْ كَذَّبْتُمْ فَسَوْفَ يَكُوْنُ لِزَامًا ࣖ٧٧
Qul mā ya‘ba'u bikum rabbī lau lā du‘ā'ukum, faqad każżabtum fa saufa yakūnu lizāmā(n).
[77]
Pa’uango’o (Muhammad, lao di to mappa’dua): “Puangngu andiangi mappindalingaio mie’, tenna’ tania pakkasiwiangmu mie’. (na iya tia me’apao mie’ na makkasiwiang lao di sese-Na), padahal tongang purao mie’ malloso-losongani (Puang)? Sawa’ iyamo di’o tongang diango’o na narua passessa.”