Surah Ibrahim
بِسْمِ اللّٰهِ الرَّحْمٰنِ الرَّحِيْمِ
الۤرٰ ۗ كِتٰبٌ اَنْزَلْنٰهُ اِلَيْكَ لِتُخْرِجَ النَّاسَ مِنَ الظُّلُمٰتِ اِلَى النُّوْرِ ەۙ بِاِذْنِ رَبِّهِمْ اِلٰى صِرَاطِ الْعَزِيْزِ الْحَمِيْدِۙ١
Alif lām rā, kitābun anzalnāhu ilaika litukhrijan-nāsa minaẓ-ẓulumāti ilan-nūr(i), bi'iżni rabbihim ilā ṣirāṭil-‘azīzil-ḥamīd(i).
[1]
Alif Lām Rā. (Iyamo di’e) Kitta’ iya Iyami’ paturungano’o (Muhammad) mamoare’o mappasung rupa tau pole di apattangan lao di tayang sawa’ elo’na Puangna ise’iya, (iyamo) lao di tangalalangna Puang Masarro Maraya Pa’ulleang na Tipuyi.
اللّٰهِ الَّذِيْ لَهٗ مَا فِى السَّمٰوٰتِ وَمَا فِى الْاَرْضِۗ وَوَيْلٌ لِّلْكٰفِرِيْنَ مِنْ عَذَابٍ شَدِيْدٍۙ٢
Allāhil-lażī lahū mā fis-samāwāti wa mā fil-arḍ(i), wa wailul lil-kāfirīna min ‘ażābin syadīd(in).
[2]
Puang Allah Taala maappunnai inggannana anu di langi’ anna di lino. Anna cilakai to kaper sawa’ passessa iya kaminang masanna’,
ۨالَّذِيْنَ يَسْتَحِبُّوْنَ الْحَيٰوةَ الدُّنْيَا عَلَى الْاٰخِرَةِ وَيَصُدُّوْنَ عَنْ سَبِيْلِ اللّٰهِ وَيَبْغُوْنَهَا عِوَجًا ۗ اُولٰۤىِٕكَ فِيْ ضَلٰلٍۢ بَعِيْدٍ٣
Allażīna yastaḥibbūnal-ḥayātad-dun-yā ‘alal-ākhirati wa yaṣuddūna ‘an sabīlillāhi wa yabgūnahā ‘iwajā(n), ulā'ika fī ḍalālim ba‘īd(in).
[3]
(iyamo) to la’bi ma’elo’i atuoang lino dadi atuoang ahera’, anna mappusara (tau) pole di tangalalangna Puang Allah Taala anna ma’elo’i malaai tangalalang lao di Puang Allah Taala di’o peko’. Ise’iyamo di’o lalang di apusang iya karao.
وَمَآ اَرْسَلْنَا مِنْ رَّسُوْلٍ اِلَّا بِلِسَانِ قَوْمِهٖ لِيُبَيِّنَ لَهُمْ ۗفَيُضِلُّ اللّٰهُ مَنْ يَّشَاۤءُ وَيَهْدِيْ مَنْ يَّشَاۤءُ ۗوَهُوَ الْعَزِيْزُ الْحَكِيْمُ٤
Wa mā arsalnā mir rasūlin illā bilisāni qaumihī liyubayyina lahum, fa yuḍillullāhu may yasyā'u wa yahdī may yasyā'(u), wa huwal-‘azīzul-ḥakīm(u).
[4]
Anna Iyami’ andiang massio mesa suro selaengna (mappakei) basa kaumna, mamoare’i mala mappannassa lao ise’iya. Jari Puang Allah Taala mappapusa inai napoelo’ anna mambei patiroang inai napoelo’. Anna Iya (Puang) Masarro Maraya Pa’ulleang na Maroro (Adil).
وَلَقَدْ اَرْسَلْنَا مُوْسٰى بِاٰيٰتِنَآ اَنْ اَخْرِجْ قَوْمَكَ مِنَ الظُّلُمٰتِ اِلَى النُّوْرِ ەۙ وَذَكِّرْهُمْ بِاَيّٰىمِ اللّٰهِ ۗاِنَّ فِيْ ذٰلِكَ لَاٰيٰتٍ لِّكُلِّ صَبَّارٍ شَكُوْرٍ٥
Wa laqad arsalnā mūsā bi'āyātinā an akhrij qaumaka minaẓ-ẓulumāti ilan-nūr(i), wa żakkirhum bi'ayyāmillāh(i), inna fī żālika la'āyātil likulli ṣabbārin syakūr(in).
[5]
Anna sitonganna Iyami’ pura ma’utus Musa na mambawa aya’-aya’-I (anna Iyami’ mapparentai): “Pasungi kaummu pole di pattang kapa’ lao di tayang paindo anna paingarangi ise’iya di allo-allona Puang Allah Taala. Sitonganna iya bassa di’o diang alama’ (akkuasangna Puang Allah Taala) di sesena to me’asa’bar na me’asukkur.
وَاِذْ قَالَ مُوْسٰى لِقَوْمِهِ اذْكُرُوْا نِعْمَةَ اللّٰهِ عَلَيْكُمْ اِذْ اَنْجٰىكُمْ مِّنْ اٰلِ فِرْعَوْنَ يَسُوْمُوْنَكُمْ سُوْۤءَ الْعَذَابِ وَيُذَبِّحُوْنَ اَبْنَاۤءَكُمْ وَيَسْتَحْيُوْنَ نِسَاۤءَكُمْ ۗوَفِيْ ذٰلِكُمْ بَلَاۤءٌ مِّنْ رَّبِّكُمْ عَظِيْمٌ ࣖ٦
Wa iż qāla mūsā liqaumihiżkurū ni‘matallāhi ‘alaikum iż anjākum min āli fir‘auna yasūmūnakum sū'al-‘ażābi wa yużabbiḥūna abnā'akum wa yastaḥyūna nisā'akum, wa fī żālikum balā'um mir rabbikum ‘aẓīm(un).
[6]
Anna (ingarangi), di wattunna Musa ma’uang lao di kaumna: “Ingarangi pappenyamangna Puang Allah Taala di sesemu mie’ di wattunna Iya (Puang) mappasalama’o mie’ pole (di Fir’aun) anna tau mappeccoe’i, ise’iya massessao passessa iya pemonge’, ise’iya manggere’ nanaeke’ tommuanemu, anna mappaso’nai tuo nanaeke to bainemu, anna iya tipatengan di’o diang paccowa kaiyang pole di Puangmu.”
وَاِذْ تَاَذَّنَ رَبُّكُمْ لَىِٕنْ شَكَرْتُمْ لَاَزِيْدَنَّكُمْ وَلَىِٕنْ كَفَرْتُمْ اِنَّ عَذَابِيْ لَشَدِيْدٌ٧
Wa iż ta'ażżana rabbukum la'in syakartum la'azīdannakum wa la'in kafartum inna ‘ażābī lasyadīd(un).
[7]
Anna (ingarang toi), di wattunna Puangmu mappepissangan: “Sitonganna mua’ sukkuro’o mie’, Iyami’ tongang na mattambai (pappenyamangngu) mating di sesemu, anna mua’ mukaperri (pappenyamangngu), jari sitonganna passessa-U tongang pemonge’ sanna’i.”
وَقَالَ مُوْسٰٓى اِنْ تَكْفُرُوْٓا اَنْتُمْ وَمَنْ فِى الْاَرْضِ جَمِيْعًا ۙفَاِنَّ اللّٰهَ لَغَنِيٌّ حَمِيْدٌ٨
Wa qāla mūsā in takfurū antum wa man fil-arḍi jamī‘ā(n), fa innallāha laganiyyun ḥamīd(un).
[8]
Anna Musa ma’uang: “Mua’ i’o mie’ anna to diang di baona lino makkaperi (nasang) pappenyamang pole di (Puang Allah Taala), jari sitonganna Puang Allah Taala Masarro Sugi’ na Tipuyi.
اَلَمْ يَأْتِكُمْ نَبَؤُا الَّذِيْنَ مِنْ قَبْلِكُمْ قَوْمِ نُوْحٍ وَّعَادٍ وَّثَمُوْدَ ەۗ وَالَّذِيْنَ مِنْۢ بَعْدِهِمْ ۗ لَا يَعْلَمُهُمْ اِلَّا اللّٰهُ ۗجَاۤءَتْهُمْ رُسُلُهُمْ بِالْبَيِّنٰتِ فَرَدُّوْٓا اَيْدِيَهُمْ فِيْٓ اَفْوَاهِهِمْ وَقَالُوْٓا اِنَّا كَفَرْنَا بِمَآ اُرْسِلْتُمْ بِهٖ وَاِنَّا لَفِيْ شَكٍّ مِّمَّا تَدْعُوْنَنَآ اِلَيْهِ مُرِيْبٍ٩
Alam ya'tikum naba'ul-lażīna min qablikum qaumi nūḥiw wa ‘ādiw wa ṡamūd(a), wal-lażīna mim ba‘dihim, lā ya‘lamuhum illallāh(u), jā'athum rusuluhum bil-bayyināti fa raddū aidiyahum fī afwāhihim wa qālū innā kafarnā bimā ursiltum bihī wa innā lafī syakkim mimmā tad‘ūnanā ilaihi murīb(in).
[9]
Andiangpadi lambi’ di sesemu mie’ karewana to diolo’mu (iyamo) Kaum Nuh, ‘Ad, Tsamud anna to diboe’na ise’iya. Andiang diang ma’issangi ise’iya selaengna Puang Allah Taala. Polemi suro-suro di sesena ise’iya (mambawa) butti iya ma’nyata mane ise’iya mappaoppoang limanna lao di lawena (sawa’ pe’awire’na), anna ma’uang: “Sitonganna iyami’ makkaperri di anu nasioango’o mappalambi’i (di iyami’), anna sitonganna iyami’ tongang lalang di abata-batang iya mepawalisa di anu iya meperoangano’o di iyami’.”
۞ قَالَتْ رُسُلُهُمْ اَفِى اللّٰهِ شَكٌّ فَاطِرِ السَّمٰوٰتِ وَالْاَرْضِۗ يَدْعُوْكُمْ لِيَغْفِرَ لَكُمْ مِّنْ ذُنُوْبِكُمْ وَيُؤَخِّرَكُمْ اِلٰٓى اَجَلٍ مُّسَمًّىۗ قَالُوْٓا اِنْ اَنْتُمْ اِلَّا بَشَرٌ مِّثْلُنَا ۗ تُرِيْدُوْنَ اَنْ تَصُدُّوْنَا عَمَّا كَانَ يَعْبُدُ اٰبَاۤؤُنَا فَأْتُوْنَا بِسُلْطٰنٍ مُّبِيْنٍ١٠
Qālat rusuluhum afillāhi syakkun fāṭiris-samāwāti wal-arḍ(i), yad‘ūkum liyagfira lakum min żunūbikum wa yu'akhkhirakum ilā ajalim musammā(n), qālū in antum illā basyarum miṡlunā, turīdūna an taṣuddūnā ‘ammā kāna ya‘budu ābā'unā fa'tūnā bisulṭānim mubīn(in).
[10]
Para surona ise’iya ma’uang: ‘Apa’ diangdi abata-batang lao di Puang Allah Taala, Pappapia langi’ anna lino? Iya (Puang) mapperoao na maa’dappangano’o pole di dosa-dosamu anna mattunda (passessa)mu lambi’i wattu iya dipattattu. Ise’iya ma’uang: “I’o mie’ andiang laeng selaengna sitteng bandi tau. Melo’o mappusara (massomba) anu iya nasomba ama-ama’i (to diolo’i), sawa’ tipatengmi di’o papolemi di iyami’ butti iya ma’nyata (mannassa).”
قَالَتْ لَهُمْ رُسُلُهُمْ اِنْ نَّحْنُ اِلَّا بَشَرٌ مِّثْلُكُمْ وَلٰكِنَّ اللّٰهَ يَمُنُّ عَلٰى مَنْ يَّشَاۤءُ مِنْ عِبَادِهٖۗ وَمَا كَانَ لَنَآ اَنْ نَّأْتِيَكُمْ بِسُلْطٰنٍ اِلَّا بِاِذْنِ اللّٰهِ ۗوَعَلَى اللّٰهِ فَلْيَتَوَكَّلِ الْمُؤْمِنُوْنَ١١
Qālat lahum rusuluhum in naḥnu illā basyarum miṡlukum wa lākinnallāha yamunnu ‘alā may yasyā'u min ‘ibādih(ī), wa mā kāna lanā an na'tiyakum bisulṭānin illā bi'iżnillāh(i), wa ‘alallāhi falyatawakkalil-mu'minūn(a).
[11]
Para surona ise’iya mappau lao ise’iya: “Iyami’ andiang laeng selaengna to sittengano’o, anna iya tia Puang Allah Taala mambei pappenyamang lao di to napoelo’ pole di batuan-Na. Anna andiangi sitinaya di iyami’ na mappapole mesa butti di sesemu selaengna sawa’ pa’elo’-Na Puang Allah Taala. Anna sangga’ lao di Puang Allah Taala tappa’mo tu’u to matappa’ mattawakkal.
وَمَا لَنَآ اَلَّا نَتَوَكَّلَ عَلَى اللّٰهِ وَقَدْ هَدٰىنَا سُبُلَنَاۗ وَلَنَصْبِرَنَّ عَلٰى مَآ اٰذَيْتُمُوْنَاۗ وَعَلَى اللّٰهِ فَلْيَتَوَكَّلِ الْمُتَوَكِّلُوْنَ ࣖ١٢
Wa mā lanā allā natawakkala ‘alallāhi wa qad hadānā subulanā, wa lanaṣbiranna ‘alā mā āżaitumūnā, wa ‘alallāhi falyatawakkalil-mutawakkilūn(a).
[12]
Anna mangapa iyami’ na andiang mattawakkal lao di Puang Allah Taala anna Iya (Puang) pura mepatiroi tangalalang di iyami’, anna iyami’ tongang na sa’bar di pappesara-saramu di iyami’. Anna sitinayannai sangga’ lao di Puang Allah Taala tappa’i mattawakkal to mattawakkal.”
وَقَالَ الَّذِيْنَ كَفَرُوْا لِرُسُلِهِمْ لَنُخْرِجَنَّكُمْ مِّنْ اَرْضِنَآ اَوْ لَتَعُوْدُنَّ فِيْ مِلَّتِنَاۗ فَاَوْحٰٓى اِلَيْهِمْ رَبُّهُمْ لَنُهْلِكَنَّ الظّٰلِمِيْنَ ۗ١٣
Wa qālal-lażīna kafarū lirusulihim lanukhrijannakum min arḍinā au lata‘ūdunna fī millatinā, fa auḥā ilaihim rabbuhum lanuhlikannaẓ-ẓālimīn(a).
[13]
Anna to kaper ma’uang lao di para surona ise’iya: “Iyami’ tongang na marrimbao mie’ malai pole di banua’i’ iyade’ diango’o membali’ di agamai.” Jari Puang Allah Taala ma’wahyukang lao ise’iya: “Iyami’ tongang na mappabinasa tongang to ta’lalo pagau’ bawang di’o.
وَلَنُسْكِنَنَّكُمُ الْاَرْضَ مِنْۢ بَعْدِهِمْ ۗذٰلِكَ لِمَنْ خَافَ مَقَامِيْ وَخَافَ وَعِيْدِ١٤
Wa lanuskinannakumul-arḍa mim ba‘dihim, żālika liman khāfa maqāmī wa khāfa wa‘īd(i).
[14]
Anna Iyami’ tongang na maannao mie’ di banua di’o diboe’na ise’iya. Iya bassa di’o iyamo to marakke’ (na me’olo) lao di adianga’-U, anna marakke’ toi lao di peaccanga’-U.”
وَاسْتَفْتَحُوْا وَخَابَ كُلُّ جَبَّارٍ عَنِيْدٍۙ١٥
Wastaftaḥū wa khāba kullu jabbārin ‘anīd(in).
[15]
Anna ise’iya merau apakalang (pole di balinna) anna binasami inggannana tau iya massusu’ elo’ anna makarras ulu.
مِّنْ وَّرَاۤىِٕهٖ جَهَنَّمُ وَيُسْقٰى مِنْ مَّاۤءٍ صَدِيْدٍۙ١٦
Miw warā'ihī jahannamu wa yusqā mim mā'in ṣadīd(in).
[16]
Di pe’oloangna diang naraka Jahannam anna na dipadunndui uai nanah.
يَّتَجَرَّعُهٗ وَلَا يَكَادُ يُسِيْغُهٗ وَيَأْتِيْهِ الْمَوْتُ مِنْ كُلِّ مَكَانٍ وَّمَا هُوَ بِمَيِّتٍۗ وَمِنْ وَّرَاۤىِٕهٖ عَذَابٌ غَلِيْظٌ١٧
Yatajarra‘uhū wa lā yakādu yusīguhū wa ya'tīhil-mautu min kulli makāniw wa mā huwa bimayyit(in), wa miw warā'ihī ‘ażābun galīẓ(un).
[17]
Nadundumi di’o (uai nanah-o) anna saicco’ le’ba’pai ta’andiang mala naamme’ anna polemi (bahaya) amateang di sesena pole di inggannana engeang, anna andiang to bandipa mate, anna di pe’oloangna diang duapa passessa mabe’i.
مَثَلُ الَّذِيْنَ كَفَرُوْا بِرَبِّهِمْ اَعْمَالُهُمْ كَرَمَادِ ِۨاشْتَدَّتْ بِهِ الرِّيْحُ فِيْ يَوْمٍ عَاصِفٍۗ لَا يَقْدِرُوْنَ مِمَّا كَسَبُوْا عَلٰى شَيْءٍ ۗذٰلِكَ هُوَ الضَّلٰلُ الْبَعِيْدُ١٨
Maṡalul-lażīna kafarū birabbihim a‘māluhum karamādinisytaddat bihir-rīḥu fī yaumin ‘āṣif(in), lā yaqdirūna mimmā kasabū ‘alā syai'(in), żālika huwaḍ-ḍalālul-ba‘īd(u).
[18]
Alarapanganna to kaper lao di Puangna ise’iya, ammalakang-ammalakangna sitteng tayau iya naliliang anging kaccang di mesa allo iya peanging makarras. Andiangi mala maala akkegunang mau nasaicco’na pole di anu na akkaresoi ise’iya (di lino). Iya bassa di’o apusang iya karao.
اَلَمْ تَرَ اَنَّ اللّٰهَ خَلَقَ السَّمٰوٰتِ وَالْاَرْضَ بِالْحَقِّۗ اِنْ يَّشَأْ يُذْهِبْكُمْ وَيَأْتِ بِخَلْقٍ جَدِيْدٍۙ١٩
Alam tara annallāha khalaqas-samāwāti wal-arḍa bil-ḥaqq(i), iy yasya' yużhibkum wa ya'ti bikhalqin jadīd(in).
[19]
Apa’ andiangdi mupinnassai, mua’ sitonganna Puang Allah Taala pura mappadiang langi’ anna lino tongang (parua)? Mua’ Napoelo’i, na napabinasao mie’ anna mappapole mahluk iya baru (na massalleo mie’).
وَّمَا ذٰلِكَ عَلَى اللّٰهِ بِعَزِيْزٍ٢٠
Wa mā żālika ‘alallāhi bi‘azīz(in).
[20]
Anna iya bassa di’o tongang andiangi maparri’ di sesena Puang Allah Taala.
وَبَرَزُوْا لِلّٰهِ جَمِيْعًا فَقَالَ الضُّعَفٰۤؤُا لِلَّذِيْنَ اسْتَكْبَرُوْٓا اِنَّا كُنَّا لَكُمْ تَبَعًا فَهَلْ اَنْتُمْ مُّغْنُوْنَ عَنَّا مِنْ عَذَابِ اللّٰهِ مِنْ شَيْءٍ ۗقَالُوْا لَوْ هَدٰىنَا اللّٰهُ لَهَدَيْنٰكُمْۗ سَوَاۤءٌ عَلَيْنَآ اَجَزِعْنَآ اَمْ صَبَرْنَا مَا لَنَا مِنْ مَّحِيْصٍ ࣖ٢١
Wa barazū lillāhi jamī‘an fa qālaḍ-ḍu‘afā'u lil-lażīnastakbarū innā kunnā lakum taba‘an fahal antum mugnūna ‘annā min ‘ażābillāhi min syai'(in), qālū lau hadānallāhu lahadainākum, sawā'un ‘alainā ajazi‘nā am ṣabarnā mā lanā mim maḥīṣ(in).
[21]
Anna ise’iya iyanasangna (dio di Padang Mahsyar) na me’olo lao di Puang Allah Taala, anna ma’uangmi to malamma lao di to matingka: “Sitonganna diangi iyami’ diolo’ to mappeccoe’io mie’, jari malado’o mappalenggu’i iyami’ pole di passessana Puang Allah Taala maumo nasaicco’na?” Ise’iya ma’uang: “Tenna’ Puang Allah Taala mambei iyami’ patiroang, mattantu iyami’ namala mambeio patiroang mating. Sitteng bandi ita’ di’e na merae-raengi iyade’ me’asa’bari tau. Andiang diang engeang na diengei maindong.”
وَقَالَ الشَّيْطٰنُ لَمَّا قُضِيَ الْاَمْرُ اِنَّ اللّٰهَ وَعَدَكُمْ وَعْدَ الْحَقِّ وَوَعَدْتُّكُمْ فَاَخْلَفْتُكُمْۗ وَمَا كَانَ لِيَ عَلَيْكُمْ مِّنْ سُلْطٰنٍ اِلَّآ اَنْ دَعَوْتُكُمْ فَاسْتَجَبْتُمْ لِيْ ۚفَلَا تَلُوْمُوْنِيْ وَلُوْمُوْٓا اَنْفُسَكُمْۗ مَآ اَنَا۠ بِمُصْرِخِكُمْ وَمَآ اَنْتُمْ بِمُصْرِخِيَّۗ اِنِّيْ كَفَرْتُ بِمَآ اَشْرَكْتُمُوْنِ مِنْ قَبْلُ ۗاِنَّ الظّٰلِمِيْنَ لَهُمْ عَذَابٌ اَلِيْمٌ٢٢
Wa qālasy-syaiṭānu lammā quḍiyal-amru innallāha wa‘adakum wa‘dal-ḥaqqi wa wa‘attukum fa akhlaftukum, wa mā kāna liya ‘alaikum min sulṭānin illā an da‘autukum fastajabtum lī, falā talūmūnī wa lūmū anfusakum, wa mā ana bimuṣrikhikum wa mā antum bimuṣrikhiyy(a), innī kafartu bimā asyraktumūni min qabl(u), innaẓ-ẓālimīna lahum ‘ażābun alīm(un).
[22]
Anna ma’uangmi setang di wattunna parakara (hisab) iya puramo: “Sitonganna Puang Allah Taala pura manjanjio mie’ janji iya tongang (parua), anna iyau pura toa’ manjanjio upisalaidi. Andiang sanna’ diang akkuasa’u di sesemu, selaengna sangga’ uperoao mane turu’mo’o mie’ di piperoau. Sawa’ iyamo di’o da mupassala’, anna iya tia passalai alawemu mie’. Andiang sinala’ mala mattulungo’o anna andiang to’o mala mattulunga’. Sitonganna andianga’ mappattongan panggauangmu mupappa’duanga’ (di Puang Allah Taala) simemanganna diolo’ mai.” Sitonganna to ta’lalo pagau’ bawang na mallolongani passessa iya pemonge’.
وَاُدْخِلَ الَّذِيْنَ اٰمَنُوْا وَعَمِلُوا الصّٰلِحٰتِ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا بِاِذْنِ رَبِّهِمْۗ تَحِيَّتُهُمْ فِيْهَا سَلٰمٌ٢٣
Wa udkhilal-lażīna āmanū wa ‘amiluṣ-ṣāliḥāti jannātin tajrī min taḥtihal-anhāru khālidīna fīhā bi'iżni rabbihim, taḥiyyatuhum fīhā salām(un).
[23]
Anna dipatamami to matappa’ anna to mappogau’ apiangan lalang di suruga iya lolong di naungna binanga-binanga, ise’iya mannannungan di lalangna sawa’ pa’elo’na Puangna ise’iya. Pau pappamakaraya lalang di suruga iyamo Salam (salama’).
اَلَمْ تَرَ كَيْفَ ضَرَبَ اللّٰهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ اَصْلُهَا ثَابِتٌ وَّفَرْعُهَا فِى السَّمَاۤءِۙ٢٤
Alam tara kaifa ḍaraballāhu maṡalan kalimatan ṭayyibatan kasyajaratin ṭayyibatin aṣluhā ṡābituw wa far‘uhā fis-samā'(i).
[24]
Apa’ andiangdi mupinnassai me’apai Puang Allah Taala mappapia alarapangan pau (kalima’) iya mapia, rapang ponna ayu iya mapia, uake’na makasau’, anna ta’ena (me’aliaya) dai’ di langi’,
تُؤْتِيْٓ اُكُلَهَا كُلَّ حِيْنٍ ۢبِاِذْنِ رَبِّهَاۗ وَيَضْرِبُ اللّٰهُ الْاَمْثَالَ لِلنَّاسِ لَعَلَّهُمْ يَتَذَكَّرُوْنَ٢٥
Tu'tī ukulahā kulla ḥīnim bi'iżni rabbihā, wa yaḍribullāhul-amṡāla lin-nāsi la‘allahum yatażakkarūn(a).
[25]
Ponna ayu di’o membuai di tuttu wattu pembuanna sawa’ pa’elo’na Puangna. Puang Allah Taala mappapia alarapangan lao di rupa tau mamoarei ise’iya samata paingarang.
وَمَثَلُ كَلِمَةٍ خَبِيْثَةٍ كَشَجَرَةٍ خَبِيْثَةِ ِۨاجْتُثَّتْ مِنْ فَوْقِ الْاَرْضِ مَا لَهَا مِنْ قَرَارٍ٢٦
Wa maṡalu kalimatin khabīṡatin kasyajaratin khabīṡatinijtuṡṡat min fauqil-arḍi mā lahā min qarār(in).
[26]
Anna alarapanganna pau adae’ rapangi ponna ayu adae’, iya pura di rambu’ siola uake’na di baona lino, andiangi mala mekke’de’ mau nasaicco’na.
يُثَبِّتُ اللّٰهُ الَّذِيْنَ اٰمَنُوْا بِالْقَوْلِ الثَّابِتِ فِى الْحَيٰوةِ الدُّنْيَا وَفِى الْاٰخِرَةِۚ وَيُضِلُّ اللّٰهُ الظّٰلِمِيْنَۗ وَيَفْعَلُ اللّٰهُ مَا يَشَاۤءُ ࣖ٢٧
Yuṡabbitullāhul-lażīna āmanū bil-qauliṣ-ṣābiti fil-ḥayātid-dun-yā wa fil-ākhirah(ti), wa yuḍillullāhuẓ-ẓālimīn(a), wa yaf‘alullāhu mā yasyā'(u).
[27]
Puang Allah Taala mappamakasau’ (tappa’)na to matappa’ sawa’ pau iya makasau’ lalang di atuoang di lino anna di ahera’, anna Puang Allah Taala mappapusa to ta’lalo pagau’ bawang anna Puang Allah Taala mappogau’ Iya napoelo’.
۞ اَلَمْ تَرَ اِلَى الَّذِيْنَ بَدَّلُوْا نِعْمَتَ اللّٰهِ كُفْرًا وَّاَحَلُّوْا قَوْمَهُمْ دَارَ الْبَوَارِۙ٢٨
Alam tara ilal-lażīna baddalū ni‘matallāhi kufraw wa aḥallū qaumahum dāral-bawār(i).
[28]
Apa’ andiangdi mupinnassai to massapi’ pappenyamangna Puang Allah Taala di akaperang anna mambemmeangi kaumna naung di orro’ abinasang?
جَهَنَّمَ ۚيَصْلَوْنَهَاۗ وَبِئْسَ الْقَرَارُ٢٩
Jahannama yaṣlaunahā, wa bi'sal-qarār(u).
[29]
Iyamo naraka Jahannam, ise’iya mettama di lalangna, anna iyamo di’o kaminang adae’na engeang mottong.
وَجَعَلُوْا لِلّٰهِ اَنْدَادًا لِّيُضِلُّوْا عَنْ سَبِيْلِهٖۗ قُلْ تَمَتَّعُوْا فَاِنَّ مَصِيْرَكُمْ اِلَى النَّارِ٣٠
Wa ja‘alū lillāhi andādal liyuḍillū ‘an sabīlih(ī), qul tamatta‘ū fa inna maṣīrakum ilan-nār(i).
[30]
Anna (to kaper) di’o pura mappapia (sola-sola) na massaingi Puang Allah Taala malaai mappapusa (tau) pole di tangalalang-Na (Puang Allah Taala). Pa’uango’o (Muhammad): “Pe’asanna-sannangmo’o mie’, jari sitonganna engeang membali’mu mie’ iyamo naraka.”
قُلْ لِّعِبَادِيَ الَّذِيْنَ اٰمَنُوْا يُقِيْمُوا الصَّلٰوةَ وَيُنْفِقُوْا مِمَّا رَزَقْنٰهُمْ سِرًّا وَّعَلَانِيَةً مِّنْ قَبْلِ اَنْ يَّأْتِيَ يَوْمٌ لَّا بَيْعٌ فِيْهِ وَلَا خِلٰلٌ٣١
Qul li‘ibādiyal-lażīna āmanū yuqīmuṣ-ṣalāta wa yunfiqū mimmā razaqnāhum sirraw wa ‘alāniyatam min qabli ay ya'tiya yaumul lā bai‘un fīhi wa lā khilāl(un).
[31]
Pa’uango’o (Muhammad) lao di batua’-U iya matappa’: “Ke’deangi mie’ sambayang, mappasulakkang sambareang dalle’ iya Iyami’ dibei’i membuni iyade’ ma’nyata (mannassa) di andiangnapa pole allo (keama’) iya di allo di’o andiangmo diang sipa’balu’ sipaalli anna andiang to’o diang pe’asammuaneang.”
اَللّٰهُ الَّذِيْ خَلَقَ السَّمٰوٰتِ وَالْاَرْضَ وَاَنْزَلَ مِنَ السَّمَاۤءِ مَاۤءً فَاَخْرَجَ بِهٖ مِنَ الثَّمَرٰتِ رِزْقًا لَّكُمْ ۚوَسَخَّرَ لَكُمُ الْفُلْكَ لِتَجْرِيَ فِى الْبَحْرِ بِاَمْرِهٖ ۚوَسَخَّرَ لَكُمُ الْاَنْهٰرَ٣٢
Allāhul-lażī khalaqas-samāwāti wal-arḍa wa anzala minas-samā'i mā'an fa akhraja bihī minaṡ-ṡamarāti rizqal lakum, wa sakhkhara lakumul-fulka litajriya fil-baḥri bi'amrih(ī), wa sakhkhara lakumul-anhār(a).
[32]
Puang Allah Taala mappadiang langi’ anna lino, anna mappaturung uai (urang) pole di langi’. Mane Iya (Puang) mappasung sawa’ uai di’o mae’di bua-bua menjari dalle’ di sesemu mie’, anna Iya (Puang) mappatunru’ lopi di sesemu malaai lopi di’o sumombal di baona sasi’ sawa’ pa’elo’-Na, anna Iya (Puang) mappatunru’ to’o di sesemu mie’ binanga-binanga.
وَسَخَّرَ لَكُمُ الشَّمْسَ وَالْقَمَرَ دَاۤىِٕبَيْنِۚ وَسَخَّرَ لَكُمُ الَّيْلَ وَالنَّهَارَ ۚ٣٣
Wa sakhkhara lakumusy-syamsa wal-qamara dā'ibaīn(i), wa sakhkhara lakumul-laila wan-nahār(a).
[33]
Anna Iya (Puang) mappatunru’ toi di sesemu me’ mata allo anna bulan iya tarru-tarrus mepputar (di engeang pepputarangna) anna mappatunru’ di sesemu mie’ bongi anna allo.
وَاٰتٰىكُمْ مِّنْ كُلِّ مَا سَاَلْتُمُوْهُۗ وَاِنْ تَعُدُّوْا نِعْمَتَ اللّٰهِ لَا تُحْصُوْهَاۗ اِنَّ الْاِنْسَانَ لَظَلُوْمٌ كَفَّارٌ ࣖ٣٤
Wa ātākum min kulli mā sa'altumūh(u), wa in ta‘uddū ni‘matallāhi lā tuḥṣūhā, innal-insāna laẓalūmun kaffār(un).
[34]
Anna Iya (Puang) mambeio (anu muparalluang) pole di inggannana anu muperau lao di sese-Na, anna mua’ murekengi mie’ pappenyamangna Puang Allah Taala, tongang andiangi mala muatta’i (mubilang). Sitonganna rupa tau di’o tongang ta’lalo pagau’ bawangi anna tongang makkaperri (pappenyamangna Puang Allah Taala).
وَاِذْ قَالَ اِبْرٰهِيْمُ رَبِّ اجْعَلْ هٰذَا الْبَلَدَ اٰمِنًا وَّاجْنُبْنِيْ وَبَنِيَّ اَنْ نَّعْبُدَ الْاَصْنَامَ ۗ٣٥
Wa iż qāla ibrāhīmu rabbij‘al hāżal-balada āminaw wajnubnī wa baniyya an na‘budal-aṣnām(a).
[35]
Anna (ingarangi) di wattunna Ibrahim ma’uang: “E Puangngu, pajari di’e banua-e (Makkah) banua amang, anna pakaraoa’ siola ana’ appou pole di na massomba patung (barahala-barahala).
رَبِّ اِنَّهُنَّ اَضْلَلْنَ كَثِيْرًا مِّنَ النَّاسِۚ فَمَنْ تَبِعَنِيْ فَاِنَّهٗ مِنِّيْۚ وَمَنْ عَصَانِيْ فَاِنَّكَ غَفُوْرٌ رَّحِيْمٌ٣٦
Rabbi innahunna aḍlalna kaṡīram minan-nās(i), faman tabi‘anī fa innahū minnī, wa man ‘aṣānī fa innaka gafūrur raḥīm(un).
[36]
E Puangngu, sitonganna patung (barahala-barahala) di’o mappapusai mae’di tau, jari inai mappeccoe’ia’, jari sitonganna iya di’o tau-o mettamai di golongannu, anna inai-inai makkaperria’, jari sitonganna I’o (Puang) Masarro Pa’dappang na Makkesayang.
رَبَّنَآ اِنِّيْٓ اَسْكَنْتُ مِنْ ذُرِّيَّتِيْ بِوَادٍ غَيْرِ ذِيْ زَرْعٍ عِنْدَ بَيْتِكَ الْمُحَرَّمِۙ رَبَّنَا لِيُقِيْمُوا الصَّلٰوةَ فَاجْعَلْ اَفْـِٕدَةً مِّنَ النَّاسِ تَهْوِيْٓ اِلَيْهِمْ وَارْزُقْهُمْ مِّنَ الثَّمَرٰتِ لَعَلَّهُمْ يَشْكُرُوْنَ٣٧
Rabbanā innī askantu min żurriyyatī biwādin gairi żī zar‘in ‘inda baitikal-muḥarram(i), rabbanā liyuqīmuṣ-ṣalāta faj‘al af'idatam minan-nāsi tahwī ilaihim warzuqhum minaṡ-ṡamarāti la‘allahum yasykurūn(a).
[37]
E Puangngi, sitonganna purai upadiengeang (uanna) sambare biya-biya’u dio di lemba iya andiang diang tuda-tuda’ (tana’-tanang) sikadeppe’ boyang-Mu (Baitullah) iya dipakaraya. E Puangngi, (iya tipatengan di’o) mamoare’i ise’iya makke’deang sambayang, jari pajari atena sambareang tau patottong lao ise’iya anna bei’i ise’iya dalle’na pole di bua-bua, anna mamoare’i ise’iya me’asukkur.
رَبَّنَآ اِنَّكَ تَعْلَمُ مَا نُخْفِيْ وَمَا نُعْلِنُۗ وَمَا يَخْفٰى عَلَى اللّٰهِ مِنْ شَيْءٍ فِى الْاَرْضِ وَلَا فِى السَّمَاۤءِ٣٨
Rabbanā innaka ta‘lamu mā nukhfī wa mā nu‘lin(u), wa mā yakhfā ‘alallāhi min syai'in fil-arḍi wa lā fis-samā'(i).
[38]
E Puangngi, sitonganna I’o (Puang) ma’issang anu iya iyami’ di buniang anna anu iya iyami’ di pa’nyata, anna andiang diang seu-seuwa membuni di sesena Puang Allah Taala, anu di lino iyade’ anu di langi’.
اَلْحَمْدُ لِلّٰهِ الَّذِيْ وَهَبَ لِيْ عَلَى الْكِبَرِ اِسْمٰعِيْلَ وَاِسْحٰقَۗ اِنَّ رَبِّيْ لَسَمِيْعُ الدُّعَاۤءِ٣٩
Al-ḥamdu lillāhil-lażī wahaba lī ‘alal-kibari ismā‘īla wa isḥāq(a), inna rabbī lasamī‘ud-du‘ā'(i).
[39]
Inggannana pappuyi di Puang Allah Taala iya mappedalle’ia’ di allo mabuwengngu (iyamo) Ismail anna Ishak. Sitonganna Puangngu Masarro Pairrangngi (Pattarima) do’a.
رَبِّ اجْعَلْنِيْ مُقِيْمَ الصَّلٰوةِ وَمِنْ ذُرِّيَّتِيْۖ رَبَّنَا وَتَقَبَّلْ دُعَاۤءِ٤٠
Rabbij‘alnī muqīmaṣ-ṣalāti wa min żurriyyatī, rabbanā wa taqabbal du‘ā'(i).
[40]
E Puangngu, pajaria’ anna ana’ appou to tatta’ makke’deang sambayang. E Puangngi, anna tarimai do’au.
رَبَّنَا اغْفِرْ لِيْ وَلِوَالِدَيَّ وَلِلْمُؤْمِنِيْنَ يَوْمَ يَقُوْمُ الْحِسَابُ ࣖ٤١
Rabbanagfir lī wa liwālidayya wa lil-mu'minīna yauma yaqūmul-ḥisāb(u).
[41]
E Puangngi, a’dappangana’ anna da’dua indo ama’u anna inggannana to matappa’ lao di allo dike’deangna hisab (allo keama’).”
وَلَا تَحْسَبَنَّ اللّٰهَ غَافِلًا عَمَّا يَعْمَلُ الظّٰلِمُوْنَ ەۗ اِنَّمَا يُؤَخِّرُهُمْ لِيَوْمٍ تَشْخَصُ فِيْهِ الْاَبْصَارُۙ٤٢
Wa lā taḥsabannallāha gāfilan ‘ammā ya‘maluẓ-ẓālimūn(a), innamā yu'akhkhiruhum liyaumin tasykhaṣu fīhil-abṣār(u).
[42]
Anna da le’ba’o (Muhammad) makkira-kira, mua’ Puang Allah Taala lesangi pole di anu pura napogau’ to ta’lalo pagau’ bawang. Sitonganna Puang Allah Taala mambei teppo ise’iya lambi’i allo iya di wattu di’o matanna (ise’iya) membulla’.
مُهْطِعِيْنَ مُقْنِعِيْ رُءُوْسِهِمْ لَا يَرْتَدُّ اِلَيْهِمْ طَرْفُهُمْ ۚوَاَفْـِٕدَتُهُمْ هَوَاۤءٌ ۗ٤٣
Muhṭi‘īna muqni‘ī ru'ūsihim lā yartaddu ilaihim ṭarfuhum, wa af'idatuhum hawā'(un).
[43]
Ise’iya pole me’asiga-siga sawa’ pe'illong na maakke’ ulunna, anna matanna andiang mekkini’ anna atena ise’iya lupa (lo’bang).
وَاَنْذِرِ النَّاسَ يَوْمَ يَأْتِيْهِمُ الْعَذَابُۙ فَيَقُوْلُ الَّذِيْنَ ظَلَمُوْا رَبَّنَآ اَخِّرْنَآ اِلٰٓى اَجَلٍ قَرِيْبٍۙ نُّجِبْ دَعْوَتَكَ وَنَتَّبِعِ الرُّسُلَۗ اَوَلَمْ تَكُوْنُوْٓا اَقْسَمْتُمْ مِّنْ قَبْلُ مَا لَكُمْ مِّنْ زَوَالٍۙ٤٤
Wa anżirin-nāsa yauma ya'tīhimul-‘ażāb(u), fa yaqūlul-lażīna ẓalamū rabbanā akhkhirnā ilā ajalin qarīb(in), nujib da‘wataka wa nattabi‘ir-rusul(a), awalam takūnū aqsamtum min qablu mā lakum min zawāl(in).
[44]
Anna paingarangi rupa tau di allo iya (wattu di’o) pole passessa (awala’na) ise’iya, jari ma’uangmi to ta’lalo pagau’ bawang: “E Puangngi, bengani iyami’ teppo (pepembali’i iyami’ lao di lino) mau nasaicco’ wattunna, mennassai iyami’ na ma’ola piperoa-Mu anna mappeccoe’i para suro-Mu.” (di pa’uangngi): “Andiang do’o mattunda diolo’ (dio di lino) mua’ andiang sinalao mie’ na accur?
وَّسَكَنْتُمْ فِيْ مَسٰكِنِ الَّذِيْنَ ظَلَمُوْٓا اَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْاَمْثَالَ٤٥
Wa sakantum fī masākinil-lażīna ẓalamū anfusahum wa tabayyana lakum kaifa fa‘alnā bihim wa ḍarabnā lakumul-amṡāl(a).
[45]
Anna mottongmo’o mie’ dio di engeang amottonganna to massessa alawena toi tia. Anna ma’nyatami di sesemu mie’ me’apai Iyami’ mappogau’ lao ise’iya anna Iyami’ mambeio sisaapa alarapangan?”
وَقَدْ مَكَرُوْا مَكْرَهُمْ وَعِنْدَ اللّٰهِ مَكْرُهُمْۗ وَاِنْ كَانَ مَكْرُهُمْ لِتَزُوْلَ مِنْهُ الْجِبَالُ٤٦
Wa qad makarū makrahum wa ‘indallāhi makruhum, wa in kāna makruhum litazūla minhul-jibāl(u).
[46]
Anna sitonganna ise’iya pura mappogau’ pepagengge, anna di sesena Puang Allah Taala (balasan) pepagenggena ise’iya. Anna sitonganna pepagenggena ise’iya andiangi mala ma’alai (mappalanynya’) buttu.
فَلَا تَحْسَبَنَّ اللّٰهَ مُخْلِفَ وَعْدِهٖ رُسُلَهٗ ۗاِنَّ اللّٰهَ عَزِيْزٌ ذُو انْتِقَامٍۗ٤٧
Falā taḥsabannallāha mukhlifa wa‘dihī rusulah(ū), innallāha ‘azīzun żun tiqām(in).
[47]
Jari da le’ba’ musangai Puang Allah Taala na mappesalai janjin-Na lao di para suro-Na. Sitonganna Puang Allah Taala Masarro Maraya Pa’ulleang na maappunnai pambalasan.
يَوْمَ تُبَدَّلُ الْاَرْضُ غَيْرَ الْاَرْضِ وَالسَّمٰوٰتُ وَبَرَزُوْا لِلّٰهِ الْوَاحِدِ الْقَهَّارِ٤٨
Yauma tubaddalul-arḍu gairal-arḍi was-samāwātu wa barazū lillāhil-wāḥidil-qahhār(i).
[48]
(Iyamo) di allo (wattu) lino disallei lino iya laeng anna bassa toi langi’, anna ise’iya iyanasangna (dio di padang Mahsyar) messarumung me’olo lao di hadiratna Puang Allah Taala Iya masarro Mesa na Maraya.
وَتَرَى الْمُجْرِمِيْنَ يَوْمَىِٕذٍ مُّقَرَّنِيْنَ فِى الْاَصْفَادِۚ٤٩
Wa taral-mujrimīna yauma'iżim muqarranīna fil-aṣfād(i).
[49]
Anna na ma’itao to madosa di allo di’o dituyuang siola-ola (disakkala).
سَرَابِيْلُهُمْ مِّنْ قَطِرَانٍ وَّتَغْشٰى وُجُوْهَهُمُ النَّارُۙ٥٠
Sarābīluhum min qaṭirāniw wa tagsyā wujūhahumun-nār(u).
[50]
Pakaeangna ise’iya iyamo pole di katiran (te’e aspal) anna rupanna ise’iya dioppo’ api naraka.
لِيَجْزِيَ اللّٰهُ كُلَّ نَفْسٍ مَّا كَسَبَتْۗ اِنَّ اللّٰهَ سَرِيْعُ الْحِسَابِ٥١
Liyajziyallāhu kulla nafsim mā kasabat, innallāha sarī‘ul-ḥisāb(i).
[51]
Mamoare’i Puang Allah Taala mambalas di tungga’-tungga’ tau di anu iya pura na akkaresoi. Sitonganna Puang Allah Taala Masarro Masiga Parrekeng-Na.
هٰذَا بَلٰغٌ لِّلنَّاسِ وَلِيُنْذَرُوْا بِهٖ وَلِيَعْلَمُوْٓا اَنَّمَا هُوَ اِلٰهٌ وَّاحِدٌ وَّلِيَذَّكَّرَ اُولُوا الْاَلْبَابِ ࣖ٥٢
Hāżā balāgul lin-nāsi wa liyunżarū bihī wa liya‘lamū annamā huwa ilāhuw wāḥiduw wa liyażżakkara ulul-albāb(i).
[52]
(Koroang) di’e pappannassa iya sukku’ di sesena rupa tau, anna mappaingarangi, anna mamoare’i ise’iya ma’issang mua’ Iya (Puang Allah Taala) Puang Masarro Mesa anna malaai to diang akkalangna maala pe’guruang.