Surah Ar-Ra’d
بِسْمِ اللّٰهِ الرَّحْمٰنِ الرَّحِيْمِ
الۤمّۤرٰۗ تِلْكَ اٰيٰتُ الْكِتٰبِۗ وَالَّذِيْٓ اُنْزِلَ اِلَيْكَ مِنْ رَّبِّكَ الْحَقُّ وَلٰكِنَّ اَكْثَرَ النَّاسِ لَا يُؤْمِنُوْنَ١
Alif lām mīm rā, tilka āyātul-kitāb(i), wal-lażī unzila ilaika mir rabbikal-ḥaqqu wa lākinna akṡaran-nāsi lā yu'minūn(a).
[1]
Alif Lām Mīm Rā. Iyamo di’e aya’-aya’ Kitta’ (Koroang). Anna Kitta’ iya dipaturungano’o pole di Puangmu, iya di’o anu tongang (parua). Anna iya tia mae’diangi rupa tau andiang maatappa’i.
اَللّٰهُ الَّذِيْ رَفَعَ السَّمٰوٰتِ بِغَيْرِ عَمَدٍ تَرَوْنَهَا ثُمَّ اسْتَوٰى عَلَى الْعَرْشِ وَسَخَّرَ الشَّمْسَ وَالْقَمَرَۗ كُلٌّ يَّجْرِيْ لِاَجَلٍ مُّسَمًّىۗ يُدَبِّرُ الْاَمْرَ يُفَصِّلُ الْاٰيٰتِ لَعَلَّكُمْ بِلِقَاۤءِ رَبِّكُمْ تُوْقِنُوْنَ٢
Allāhul-lażī rafa‘as-samāwāti bigairi ‘amadin taraunahā ṡummastawā ‘alal-‘arsyi wa sakhkharasy-syamsa wal-qamar(a), kulluy yajrī li'ajalim musammā(n), yudabbirul-amra yufaṣṣilul-āyāti la‘allakum biliqā'i rabbikum tūqinūn(a).
[2]
Puang Allah Taala mappamatinggi langi’ andiang diang ariangna (me’apai) iya muita. Anna Iya (Puang) istawa diaya di Arasy, anna mappatunru’ mata allo anna bulan. Mata allo anna bulan di’o mepputar lambi’ wattu iya dipattantu. Puang Allah Taala maator urusan (anu napadiang), mappannassa tanda-tanda (akaiyangan-Na), mamoare’o mie’ matappa’ asitangan di Puangmu.
وَهُوَ الَّذِيْ مَدَّ الْاَرْضَ وَجَعَلَ فِيْهَا رَوَاسِيَ وَاَنْهٰرًا ۗوَمِنْ كُلِّ الثَّمَرٰتِ جَعَلَ فِيْهَا زَوْجَيْنِ اثْنَيْنِ يُغْشِى الَّيْلَ النَّهَارَۗ اِنَّ فِيْ ذٰلِكَ لَاٰيٰتٍ لِّقَوْمٍ يَّتَفَكَّرُوْنَ٣
Wa huwal-lażī maddal-arḍa wa ja‘ala fīhā rawāsiya wa anhārā(n), wa min kulliṡ-ṡamarāti ja‘ala fīhā zaujainiṡnaini yugsyil-lailan-nahār(a), inna fī żālika la'āyātil liqaumiy yatafakkarūn(a).
[3]
Anna Iya (Puang) mappatiappar lino anna mappajari inggannana buttu anna binanga-binanga. Anna mappajari inggannana bua-bua sipasa-pasang. Puang Allah Taala ma’oppo’i bongi lao di allo. Sitonganna iya bassa di’o tongang diang tanda alama’ (akaiyanganna Puang Allah Taala) lao di kaum iya mappikkir.
وَفِى الْاَرْضِ قِطَعٌ مُّتَجٰوِرٰتٌ وَّجَنّٰتٌ مِّنْ اَعْنَابٍ وَّزَرْعٌ وَّنَخِيْلٌ صِنْوَانٌ وَّغَيْرُ صِنْوَانٍ يُّسْقٰى بِمَاۤءٍ وَّاحِدٍۙ وَّنُفَضِّلُ بَعْضَهَا عَلٰى بَعْضٍ فِى الْاُكُلِۗ اِنَّ فِيْ ذٰلِكَ لَاٰيٰتٍ لِّقَوْمٍ يَّعْقِلُوْنَ٤
Wa fil-arḍi qiṭa‘um mutajāwirātuw wa jannātum min a‘nābiw wa zar‘uw wa nakhīlun ṣinwānuw wa gairu ṣinwāniy yusqā bimā'iw wāḥid(in), wa nufaḍḍilu ba‘ḍahā ‘alā ba‘ḍin fil-ukul(i), inna fī żālika la'āyātil liqaumiy ya‘qilūn(a).
[4]
Anna di lino di’e diang bareang-bareang iya sirambangan (sisarung), anna uma-uma anggur, anna tuda-tuda’ anna ponna kuruma iya metta’e anna andiang mitta’e. Ditolloi uai iya sitteng. Iyami’ mappala’bi sambareang tuda-tuda’ di sambareang (laeng) masalah rasana. Sitonganna iya bassa di’o diang tanda-tanda alama’ (akaiyanganna Puang Allah Taala) lao di kaum iya keakkalang.
۞ وَاِنْ تَعْجَبْ فَعَجَبٌ قَوْلُهُمْ ءَاِذَا كُنَّا تُرٰبًا ءَاِنَّا لَفِيْ خَلْقٍ جَدِيْدٍ ەۗ اُولٰۤىِٕكَ الَّذِيْنَ كَفَرُوْا بِرَبِّهِمْۚ وَاُولٰۤىِٕكَ الْاَغْلٰلُ فِيْٓ اَعْنَاقِهِمْۚ وَاُولٰۤىِٕكَ اَصْحٰبُ النَّارِۚ هُمْ فِيْهَا خٰلِدُوْنَ٥
Wa in ta‘jab fa ‘ajabun qauluhum a'iżā kunnā turāban a'innā lafī khalqin jadīd(in), ulā'ikal-lażīna kafarū birabbihim, wa ulā'ikal-aglālu fī a‘nāqihim, wa ulā'ika aṣḥābun-nār(i), hum fīhā khālidūn(a).
[5]
Anna mua’ (diang anu) mappatakkayanna’o, iya sipato’ mappatakkayanna’o iyamo paunna ise’iya: “Apa’ mua’ iyami’ menjari lita’mi, apa’ iyami’ tongang (na dipepembali’) menjari baru?” Iyamo di’o to kaper lao di Puangna. Anna ise’iyamo di’o (to uelele’i) petuyu’ dio di barona, ise’iyamo di’o pa’engei naraka, ise’iya mannannungan di lalangna.
وَيَسْتَعْجِلُوْنَكَ بِالسَّيِّئَةِ قَبْلَ الْحَسَنَةِ وَقَدْ خَلَتْ مِنْ قَبْلِهِمُ الْمَثُلٰتُۗ وَاِنَّ رَبَّكَ لَذُوْ مَغْفِرَةٍ لِّلنَّاسِ عَلٰى ظُلْمِهِمْۚ وَاِنَّ رَبَّكَ لَشَدِيْدُ الْعِقَابِ٦
Wa yasta‘jilūnaka bis-sayyi'ati qablal-ḥasanati wa qad khalat min qablihimul-maṡulāt(u), wa inna rabbaka lażū magfiratil lin-nāsi ‘alā ẓulmihim, wa inna rabbaka lasyadīdul-‘iqāb(i).
[6]
Anna ise’iya merau mating mamoare’i ise’iya dipamasigang (polena) passessa (awala’), di andiangnapai (merau) apiangan, anna tongang diangmo mae’di sittenganna passesa diolo’na ise’iya. Sitonganna Puangmu tongang maappunnai pa’dappang (iya maloang) lao di rupa tau maui ise’iya ta’lalo pagau’ bawang, anna sitonganna Puangmu tongang makarras sanna’i passessa-Na.
وَيَقُوْلُ الَّذِيْنَ كَفَرُوْا لَوْلَآ اُنْزِلَ عَلَيْهِ اٰيَةٌ مِّنْ رَّبِّهٖۗ اِنَّمَآ اَنْتَ مُنْذِرٌ وَّلِكُلِّ قَوْمٍ هَادٍ ࣖ٧
Wa yaqūlul-lażīna kafarū lau lā unzila ‘alaihi āyatum mir rabbih(ī), innamā anta munżiruw wa likulli qaumin hād(in).
[7]
Anna to kaper ma’uang: “Mangapa anna andiang dipaturungan lao di (Muhammad) tanda alama’ akaiyangan pole di Puangna?” Sitonganna diango’o sangga’ pappaingarang tappa’, anna di tungga’-tungga’ kaum diang pambei patiroang.
اَللّٰهُ يَعْلَمُ مَا تَحْمِلُ كُلُّ اُنْثٰى وَمَا تَغِيْضُ الْاَرْحَامُ وَمَا تَزْدَادُ ۗوَكُلُّ شَيْءٍ عِنْدَهٗ بِمِقْدَارٍ٨
Allāhu ya‘lamu mā taḥmilu kullu unṡā wa mā tagīḍul-arḥāmu wa mā tazdād(u), wa kullu syai'in ‘indahū bimiqdār(in).
[8]
Puang Allah Taala ma’issang anu na battangan mesa-mesa to baine, anna anu na battangan di are’ diang kurang sukku’ anna diang to’o tambang. Anna inggannana seu-seuwa di sese-Na (Puang) diang ukurangna.
عٰلِمُ الْغَيْبِ وَالشَّهَادَةِ الْكَبِيْرُ الْمُتَعَالِ٩
‘Alimul-gaibi wasy-syahādatil-kabīrul-muta‘āl(i).
[9]
Iya (Puang) ma’issang inggannana anu mallinrung anna anu mallaherang. Iya (Puang) Masarro Kaiyang na Matinggi.
سَوَاۤءٌ مِّنْكُمْ مَّنْ اَسَرَّ الْقَوْلَ وَمَنْ جَهَرَ بِهٖ وَمَنْ هُوَ مُسْتَخْفٍۢ بِالَّيْلِ وَسَارِبٌۢ بِالنَّهَارِ١٠
Sawā'um minkum man asarral-qaula wa man jahara bihī wa man huwa mustakhfim bil-laili wa sāribum bin-nahār(i).
[10]
Sitteng bandi tia (di sesena Puang), inai di sesemu mambuniang paunna anna inai mappallaherang (mappa’nyata) paunna, anna inai mimbuni di wattu bongi anna iya mellamba (mappepatiroang alawena) di wattu allo.
لَهٗ مُعَقِّبٰتٌ مِّنْۢ بَيْنِ يَدَيْهِ وَمِنْ خَلْفِهٖ يَحْفَظُوْنَهٗ مِنْ اَمْرِ اللّٰهِ ۗاِنَّ اللّٰهَ لَا يُغَيِّرُ مَا بِقَوْمٍ حَتّٰى يُغَيِّرُوْا مَا بِاَنْفُسِهِمْۗ وَاِذَآ اَرَادَ اللّٰهُ بِقَوْمٍ سُوْۤءًا فَلَا مَرَدَّ لَهٗ ۚوَمَا لَهُمْ مِّنْ دُوْنِهٖ مِنْ وَّالٍ١١
Lahū mu‘aqqibātum mim baini yadaihi wa min khalfihī yaḥfaẓūnahū min amrillāh(i), innallāha lā yugayyiru mā biqaumin ḥattā yugayyirū mā bi'anfusihim, wa iżā arādallāhu biqaumin sū'an falā maradda lah(ū), wa mā lahum min dūnihī miw wāl(in).
[11]
Di rupa tau diang malaika’ iya samata sisalle-salle mappeccoe’i, di olona anna di pondo’na, ise’iya ma’jaga sawa’ pesiona Puang Allah Taala. Sitonganna Puang Allah Taala andiang mappinra mesa kaum lambi’i iya topai tia diting kaum mappinra alawena toi tia. Anna mua’ Puang Allah Taala mappoelo’ adaeang lao di mesa kaum, jari andiang diang namala massu’eang, anna andiang sinala diang petturundunganna ise’iya saliwangna Iya.
هُوَ الَّذِيْ يُرِيْكُمُ الْبَرْقَ خَوْفًا وَّطَمَعًا وَّيُنْشِئُ السَّحَابَ الثِّقَالَۚ١٢
Huwal-lażī yurīkumul -barqa khaufaw wa ṭama‘aw wa yunsyi'us -saḥābaṡ-ṡiqāl(a).
[12]
Iya (Puang Allah Taala) mappatiroiango’o mie’ dala’ na mapppapole rakke’ anna rannu, anna Iya to’o mappadiang tai iri’ mappamaullung.
وَيُسَبِّحُ الرَّعْدُ بِحَمْدِهٖ وَالْمَلٰۤىِٕكَةُ مِنْ خِيْفَتِهٖۚ وَيُرْسِلُ الصَّوَاعِقَ فَيُصِيْبُ بِهَا مَنْ يَّشَاۤءُ وَهُمْ يُجَادِلُوْنَ فِى اللّٰهِ ۚوَهُوَ شَدِيْدُ الْمِحَالِۗ١٣
Wa yusabbiḥur-ra‘du biḥamdihī wal-malā'ikatu min khīfatih(ī), wa yursiluṣ-ṣawā‘iqa fa yuṣību bihā may yasyā'u wa hum yujālidilūna fillāh(i), wa huwa syadīdul-miḥāl(i).
[13]
Anna iya di’o guttur-o mattasa’be anna mappuyi Puang Allah Taala, (bassa toi) inggannana malaika’ sawa’ marakke’i lao di sese-Na, anna Puang Allah Taala mallappasang tora’ guttur, na naparuai inai napoelo’, anna ise’iya sisakka-sakka’ di Puang Allah Taala, anna Iya (Puang Allah Taala) kaminang makarras passessa-Na.
لَهٗ دَعْوَةُ الْحَقِّۗ وَالَّذِيْنَ يَدْعُوْنَ مِنْ دُوْنِهٖ لَا يَسْتَجِيْبُوْنَ لَهُمْ بِشَيْءٍ اِلَّا كَبَاسِطِ كَفَّيْهِ اِلَى الْمَاۤءِ لِيَبْلُغَ فَاهُ وَمَا هُوَ بِبَالِغِهٖۗ وَمَا دُعَاۤءُ الْكٰفِرِيْنَ اِلَّا فِيْ ضَلٰلٍ١٤
Lahū da‘watul-ḥaqq(i), wal-lażīna yad‘ūna min dūnihī lā yastajībūna lahum bisyai'in illā kabāsiṭi kaffaihi ilal-mā'i liyabluga fāhu wa mā huwa bibāligih(ī), wa mā du‘ā'ul-kāfirīna illā fī ḍalāl(in).
[14]
Sangga’ lao di Puang Allah Taala do’a (perau) iya tongang (parua). Anna barahala (patung) iya nasomba ise’iya Saliwangna Puang Allah Taala andiangi mala mappasilennarang seu-seuwa di sesena ise’iya, selaengna sitteng to mambuaiangi da’dua pale’ limanna naung di uai anna malaai di’o uai-o lambi’-o lao di lawena, anna iya di’o uai-o andiangi mala lambi’ lao di lawena. Anna do’a (pakkasiwiangna) to kaper, andiang diang gunana (laosala tappa’i).
وَلِلّٰهِ يَسْجُدُ مَنْ فِى السَّمٰوٰتِ وَالْاَرْضِ طَوْعًا وَّكَرْهًا وَّظِلٰلُهُمْ بِالْغُدُوِّ وَالْاٰصَالِ ۩١٥
Wa lillāhi yasjudu man fis-samāwāti wal-arḍi ṭau‘aw wa karhaw wa ẓilāluhum bil-guduwwi wal-āṣāl(i).
[15]
Anna sangga’ lao di Puang Allah Taalai suyu’ (tunru’) inggannana anu di langi’ anna anu di lino, iya elo’na toi tia iyade’ dipassai (anna suyu’ toi) bayo-bayona di malimang anna arawiang.
قُلْ مَنْ رَّبُّ السَّمٰوٰتِ وَالْاَرْضِۗ قُلِ اللّٰهُ ۗقُلْ اَفَاتَّخَذْتُمْ مِّنْ دُوْنِهٖٓ اَوْلِيَاۤءَ لَا يَمْلِكُوْنَ لِاَنْفُسِهِمْ نَفْعًا وَّلَا ضَرًّاۗ قُلْ هَلْ يَسْتَوِى الْاَعْمٰى وَالْبَصِيْرُ ەۙ اَمْ هَلْ تَسْتَوِى الظُّلُمٰتُ وَالنُّوْرُ ەۚ اَمْ جَعَلُوْا لِلّٰهِ شُرَكَاۤءَ خَلَقُوْا كَخَلْقِهٖ فَتَشَابَهَ الْخَلْقُ عَلَيْهِمْۗ قُلِ اللّٰهُ خَالِقُ كُلِّ شَيْءٍ وَّهُوَ الْوَاحِدُ الْقَهَّارُ١٦
Qul mar rabbus-samāwāti wal-arḍ(i), qulillāh(u), qul afattakhażtum min dūnihī auliyā'a lā yamlikūna li'anfusihim naf‘aw wa lā ḍarrā(n), qul hal yastawil-a‘mā wal-baṣīr(u), am hal tastawiẓ-ẓulumātu wan-nūr(u), am ja‘alū lillāhi syurakā'a khalaqū kakhalqihī fa tasyābahal-khalqu ‘alaihim, qulillāhu khāliqu kulli syai'iw wa huwal-wāḥidul-qahhār(u).
[16]
Pa’uango’o (Muhammad): “Inai Puangna langi’ anna lino?” Pa’uango’o: “Puang Allah Taala.” Pa’uango’o: “Jari apa’ sipato’do’o mie’ maala petturundungan saliwangna Puang Allah Taala, anna ise’iya andiang makkuasai akkegunang anna adaeang (mudarat) di alawena toi tia?” Pa’uango’o: “Apa’ sittengandi to buta anna to paita, iyade’ sittengandi mapattang kapa’ anna tarrang sanna’. Apa’ ise’iya mappajari sisaapa solana di Puang Allah Taala iya mala mappapia sitteng pappapiang-Na (Puang) lambi’i da’dua pappapiangan di’o sitteng me’apai pa’itanna ise’iya?” Pa’uango’o: “Puang Allah Taala Mappadiang inggannana seu-seuwa anna Iya (Puang) Masarro Mesa na Makasau’ Pa’ulleang.”
اَنْزَلَ مِنَ السَّمَاۤءِ مَاۤءً فَسَالَتْ اَوْدِيَةٌ ۢ بِقَدَرِهَا فَاحْتَمَلَ السَّيْلُ زَبَدًا رَّابِيًا ۗوَمِمَّا يُوْقِدُوْنَ عَلَيْهِ فِى النَّارِ ابْتِغَاۤءَ حِلْيَةٍ اَوْ مَتَاعٍ زَبَدٌ مِّثْلُهٗ ۗ كَذٰلِكَ يَضْرِبُ اللّٰهُ الْحَقَّ وَالْبَاطِلَ ەۗ فَاَمَّا الزَّبَدُ فَيَذْهَبُ جُفَاۤءً ۚوَاَمَّا مَا يَنْفَعُ النَّاسَ فَيَمْكُثُ فِى الْاَرْضِۗ كَذٰلِكَ يَضْرِبُ اللّٰهُ الْاَمْثَالَ ۗ١٧
Anzala minas-samā'i mā'an fa sālat audiyatum biqadarihā faḥtamalas-sailu zabadar rābiyā(n), wa mimmā yūqidūna ‘alaihi fin-nāribtigā'a ḥilyatin au matā‘in zabadum miṡluh(ū), każālika yaḍribullāhul-ḥaqqa wal-bāṭil(a), fa ammaz-zabadu fa yażhabu jufā'ā(n), wa ammā mā yanfa‘un-nāsa fa yamkuṡu fil-arḍ(i), każālika yaḍribullāhul-amṡāl(a).
[17]
(Puang Allah Taala) mappaturung uai (urang) pole di langi’, jari lolongmi di’o uai-o dio di lembang situru’ ukurangna, anna lolongna di’o mambawai bura iya kambang na toyang. Anna di (salaka) iya napaaccur ise’iya dio di api na mappapia belo-belo iyade’ parewa, diang to’o burana sitteng burana uai. Bassami di’o Puang Allah Taala mappapia akkalarapangan lao di to parua anna salah. Anna iya di’o bura-o na pa’dai (iya) andiang diang angga’na; Anna anu iya to makkeguna lao di rupa tau, na tatta’i di lino. Bassami di’o Puang Allah Taala mappapia akkalarapangan.
لِلَّذِيْنَ اسْتَجَابُوْا لِرَبِّهِمُ الْحُسْنٰىۗ وَالَّذِيْنَ لَمْ يَسْتَجِيْبُوْا لَهٗ لَوْ اَنَّ لَهُمْ مَّا فِى الْاَرْضِ جَمِيْعًا وَّمِثْلَهٗ مَعَهٗ لَافْتَدَوْا بِهٖ ۗ اُولٰۤىِٕكَ لَهُمْ سُوْۤءُ الْحِسَابِ ەۙ وَمَأْوٰىهُمْ جَهَنَّمُ ۗوَبِئْسَ الْمِهَادُ ࣖ١٨
Lil-lażīnastajābū lirabbihimul-ḥusnā, wal-lażīna lam yastajībū lahū lau anna lahum mā fil-arḍi jamī‘aw wa miṡlahū ma‘ahū laftadau bih(ī), ulā'ika lahum sū'ul-ḥisāb(i), wa ma'wāhum jahannam(u), wa bi'sal-mihād(u).
[18]
Di sesena to mappeccoe’i pesiona Puangna, dipatayangani (di balas) macoai. Anna to andiang mappeccoe’i pesiona Puang, tenna’ nappunnaidi ise’iya inggannana asugiang iya diang di lino di (tambai boi) simmae’di issinna lino dipasiola, tongang na mappapolei alawena ise’iya di asugiang di’o. Iyamo di’o dipatayangani hisab (rekengan) iya adae’ anna engeangna ise’iya iyamo Jahannam anna iyamo di’o engeang kaminang adae’.
۞ اَفَمَنْ يَّعْلَمُ اَنَّمَآ اُنْزِلَ اِلَيْكَ مِنْ رَّبِّكَ الْحَقُّ كَمَنْ هُوَ اَعْمٰىۗ اِنَّمَا يَتَذَكَّرُ اُولُوا الْاَلْبَابِۙ١٩
Afamay ya‘lamu annamā unzila ilaika mir rabbikal-ḥaqqu kaman huwa a‘mā, innamā yatażakkaru ulul-albāb(i).
[19]
Apa’ diangdi tau ma’issang mua’ iya anu dipaturungano’o tongang polei di Puangmu di’o sittengi to iya buta? Sitonganna sangga’ to diang akkalangna mala maala pe’guruang,
الَّذِيْنَ يُوْفُوْنَ بِعَهْدِ اللّٰهِ وَلَا يَنْقُضُوْنَ الْمِيْثَاقَۙ٢٠
Al-lażīna yūfūna bi‘ahdillāhi wa lā yanquḍūnal-mīṡāq(a).
[20]
(iyamo) to mappogau’ talli’na Puang Allah Taala anna andiang marrusa’ assitalliang,
وَالَّذِيْنَ يَصِلُوْنَ مَآ اَمَرَ اللّٰهُ بِهٖٓ اَنْ يُّوْصَلَ وَيَخْشَوْنَ رَبَّهُمْ وَيَخَافُوْنَ سُوْۤءَ الْحِسَابِ ۗ٢١
Wal-lażīna yaṣilūna mā amarallāhu bihī ay yūṣala wa yakhsyauna rabbahum wa yakhāfūna sū'al-ḥisāb(i).
[21]
anna to mappasilambi’ anu iya napesioang Puang Allah Taala mamoare’i di pasilambi’i, anna ise’iya marakke’ lao di Puangna anna ise’iya marakke’ di hisab (rekengan) iya adae’.
وَالَّذِيْنَ صَبَرُوا ابْتِغَاۤءَ وَجْهِ رَبِّهِمْ وَاَقَامُوا الصَّلٰوةَ وَاَنْفَقُوْا مِمَّا رَزَقْنٰهُمْ سِرًّا وَّعَلَانِيَةً وَّيَدْرَءُوْنَ بِالْحَسَنَةِ السَّيِّئَةَ اُولٰۤىِٕكَ لَهُمْ عُقْبَى الدَّارِۙ٢٢
Wal-lażīna ṣabarubtigā'a wajhi rabbihim wa aqāmuṣ-ṣalāta wa anfaqū mimmā razaqnāhum sirraw wa ‘alāniyataw wa yadra'ūna bil-ḥasanatis-sayyi'ata ulā'ika lahum ‘uqbad-dār(i).
[22]
Anna to sa’bar sawa’ ma’itai riona Puangna, makke’deang sambayang, anna mappasung sambareang dalle’ iya Iyami’ di bengani, nabuniang iyade’ napalatto anna massu’eang adaeang sawa’ apiangan. iyamo di’o to mallolongan engeang paccappurang (iya macoa).
جَنّٰتُ عَدْنٍ يَّدْخُلُوْنَهَا وَمَنْ صَلَحَ مِنْ اٰبَاۤىِٕهِمْ وَاَزْوَاجِهِمْ وَذُرِّيّٰتِهِمْ وَالْمَلٰۤىِٕكَةُ يَدْخُلُوْنَ عَلَيْهِمْ مِّنْ كُلِّ بَابٍۚ٢٣
Jannātu ‘adniy yadkhulūnahā wa man ṣalaḥa min ābā'ihim wa azwājihim wa żurriyyātihim wal-malā'ikatu yadkhulūna ‘alaihim min kulli bāb(in).
[23]
(Iyamo) suruga ‘Adn ise’iya mettama di lalangna siola-ola to saleh pole di ama-amanna, anna para bainena, anna ana’ appona, anna malaika’-malaika’ mettamai di engeangna ise’iya pole di inggannana ba’ba.
سَلٰمٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّارِۗ٢٤
Salāmun ‘alaikum bimā ṣabartum fa ni‘ma ‘uqbad-dār(i).
[24]
(na ma’uang): “Asalamakang di sesemu mie’ sawa’ asa’barangmu.” Jari macoa-macoapai di’o engeang paccappurang-o.
وَالَّذِيْنَ يَنْقُضُوْنَ عَهْدَ اللّٰهِ مِنْ ۢ بَعْدِ مِيْثَاقِهٖ وَيَقْطَعُوْنَ مَآ اَمَرَ اللّٰهُ بِهٖٓ اَنْ يُّوْصَلَ وَيُفْسِدُوْنَ فِى الْاَرْضِۙ اُولٰۤىِٕكَ لَهُمُ اللَّعْنَةُ وَلَهُمْ سُوْۤءُ الدَّارِ٢٥
Wal-lażīna yanquḍūna ‘ahdallāhi mim ba‘di mīṡāqihī wa yaqṭa‘ūna mā amarallāhu bihī ay yūṣala wa yufsidūna fil-arḍ(i), ulā'ika lahumul-la‘natu wa lahum sū'ud-dār(i).
[25]
Anna to marrusa’ talli’na Puang Allah Taala di purana nattekang iya makasau’ anna naputusi anu naparentang Puang Allah Taala mamoare’i napasiuppi’ anna mappadiang anu marrusa’ (adaeang) di baona lino, iyamo di’o to mallolongan paccalla anna di sesena ise’iya engeang amottongan kaminang adae’ (Jahannam).
اَللّٰهُ يَبْسُطُ الرِّزْقَ لِمَنْ يَّشَاۤءُ وَيَقْدِرُ ۗوَفَرِحُوْا بِالْحَيٰوةِ الدُّنْيَاۗ وَمَا الْحَيٰوةُ الدُّنْيَا فِى الْاٰخِرَةِ اِلَّا مَتَاعٌ ࣖ٢٦
Allāhu yabsuṭur-rizqa limay yasyā'u wa yaqdir(u), wa fariḥū bil-ḥayātid-dun-yā, wa mal-ḥayātud-dun-yā fil-ākhirati illā matā‘(un).
[26]
Puang Allah Taala mappamaloang dalle’ anna mappasippi’ di sesena to napoelo’. Ise’iya mario di atuoang lino, anna iya di’o atuoang lino-o (mua’ di pasiwandingi) atuoang ahera’ sangga’ asannangan (saicco’di).
وَيَقُوْلُ الَّذِيْنَ كَفَرُوْا لَوْلَآ اُنْزِلَ عَلَيْهِ اٰيَةٌ مِّنْ رَّبِّهٖۗ قُلْ اِنَّ اللّٰهَ يُضِلُّ مَنْ يَّشَاۤءُ وَيَهْدِيْٓ اِلَيْهِ مَنْ اَنَابَۖ٢٧
Wa yaqūlul-lażīna kafarū lau lā unzila ‘alaihi āyatum mir rabbih(ī), qul innallāha yuḍillu may yasyā'u wa yahdī ilaihi man anāb(a).
[27]
Anna to kaper ma’uang: “Mangapai anna andiang dipaturung lao di (Muhammad) alama’ (mu’jizat) pole di Puangna?” Pa’uango’o (Muhammad): “Sitonganna Puang Allah Taala mappapusa inai napoelo’ anna mambengani patiroang lao di to me’atowa’ Lao (di Puang).”
الَّذِيْنَ اٰمَنُوْا وَتَطْمَىِٕنُّ قُلُوْبُهُمْ بِذِكْرِ اللّٰهِ ۗ اَلَا بِذِكْرِ اللّٰهِ تَطْمَىِٕنُّ الْقُلُوْبُ ۗ٢٨
Al-lażīna āmanū wa taṭma'innu qulūbuhum biżikrillāh(i), alā biżikrillāhi taṭma'innul-qulūb(u).
[28]
(Iyamo) to matappa’ anna atena menjari tannang sawa’ ma’ingarangi Puang Allah Taala. Ingarangi, sangga’ ma’ingarang lao di Puang Allah Taala ate menjari tannang.
اَلَّذِيْنَ اٰمَنُوْا وَعَمِلُوا الصّٰلِحٰتِ طُوْبٰى لَهُمْ وَحُسْنُ مَاٰبٍ٢٩
Allażīna āmanū wa ‘amiluṣ-ṣāliḥāti ṭūbā lahum wa ḥusnu ma'āb(in).
[29]
To matappa’ anna mappogau’ apiangan, di sesena ise’iya asannangan anna engeang membali’ iya macoa.
كَذٰلِكَ اَرْسَلْنٰكَ فِيْٓ اُمَّةٍ قَدْ خَلَتْ مِنْ قَبْلِهَآ اُمَمٌ لِّتَتْلُوَا۟ عَلَيْهِمُ الَّذِيْٓ اَوْحَيْنَآ اِلَيْكَ وَهُمْ يَكْفُرُوْنَ بِالرَّحْمٰنِۗ قُلْ هُوَ رَبِّيْ لَآ اِلٰهَ اِلَّا هُوَۚ عَلَيْهِ تَوَكَّلْتُ وَاِلَيْهِ مَتَابِ٣٠
Każālika arsalnāka fī ummatin qad khalat min qablihā umamul litatluwa ‘alaihimul-lażī auḥainā ilaika wa hum yakfurūna bir-raḥmān(i), qul huwa rabbī lā ilāha illā huw(a), ‘alaihi tawakkaltu wa ilaihi matāb(i).
[30]
Bassami di’o, Iyami’ pura ma’utuso’o (Muhammad) lao di mesa umma’ iya pura lesse’ lao sisaapa umma’ diolo’ mai, mamoare’o mambacangi ise’iya (Koroang) iya Iyami’ wahyukang di sesemu, anna ise’iya kaperi lao di Puangna (iya) Masarro Masayang.” Pa’uango’o: “Iya Puangngu andiang diang Puang (iya maka disomba) sangadinna Iya, sangga’ di sese-Na iyau mattawakkal anna sangga’ di sese-Na (iyau me ‘atowa’ (merau a’dappang).”
وَلَوْ اَنَّ قُرْاٰنًا سُيِّرَتْ بِهِ الْجِبَالُ اَوْ قُطِّعَتْ بِهِ الْاَرْضُ اَوْ كُلِّمَ بِهِ الْمَوْتٰىۗ بَلْ لِّلّٰهِ الْاَمْرُ جَمِيْعًاۗ اَفَلَمْ يَا۟يْـَٔسِ الَّذِيْنَ اٰمَنُوْٓا اَنْ لَّوْ يَشَاۤءُ اللّٰهُ لَهَدَى النَّاسَ جَمِيْعًاۗ وَلَا يَزَالُ الَّذِيْنَ كَفَرُوْا تُصِيْبُهُمْ بِمَا صَنَعُوْا قَارِعَةٌ اَوْ تَحُلُّ قَرِيْبًا مِّنْ دَارِهِمْ حَتّٰى يَأْتِيَ وَعْدُ اللّٰهِ ۗاِنَّ اللّٰهَ لَا يُخْلِفُ الْمِيْعَادَ ࣖ٣١
Wa lau anna qur'ānan suyyirat bihil-jibālu au quṭṭi‘at bihil-arḍu au kullima bihil-mautā, bal lillāhil-amru jamī‘ā(n), afalam yai'asil-lażīna āmanū allau yasyā'ullāhu lahadan-nāsa jamī‘ā(n), wa lā yazālul-lażīna kafarū tuṣībuhum bimā ṣana‘ū qāri‘atun au taḥullu qarībam min dārihim ḥattā ya'tiya wa‘dullāh(i), innallāha lā yukhliful-mī‘ād(a).
[31]
Anna tennna’ diang mesa anu iya di baca (Kitta’ mapaccing) iya sawa’ buttu mala tiroyong iyade’ lino tisigi’ iyade’ sawa’ to mate malai mappau (iyamo di’o Koroang). Sitonganna inggannana urusan appunnanna Puang Allah Taala. Jari andiangi naissang to matappa’ mua’ Puang Allah Taala mappoelo’ (inggannana tau matappa’), tantu Puang Allah Taala mambei patiroang lao di rupa tau iyanasangna. Anna to kaper tulu naruai awala’ nasawa’ panggauangna alawena iyade’ passessa menjari kadeppe’ lao di engeangna (to kaper), lambi’i pole janjinna Puang Allah Taala. Sitonganna Puang Allah Taala andiangi mappesalai janji.
وَلَقَدِ اسْتُهْزِئَ بِرُسُلٍ مِّنْ قَبْلِكَ فَاَمْلَيْتُ لِلَّذِيْنَ كَفَرُوْا ثُمَّ اَخَذْتُهُمْ فَكَيْفَ كَانَ عِقَابِ٣٢
Wa laqadistuhzi'a birusulim min qablika fa amlaitu lil-lażīna kafarū ṡumma akhażtuhum fa kaifa kāna ‘iqāb(i).
[32]
Anna sitonganna purai natuna-tunai sisaapa suro diolo’ mai, jari U-bei pattanjengan lao di to kaper, mane U-pabinasai ise’iya. Mannassa marasai passessa-U.
اَفَمَنْ هُوَ قَاۤىِٕمٌ عَلٰى كُلِّ نَفْسٍۢ بِمَا كَسَبَتْۚ وَجَعَلُوْا لِلّٰهِ شُرَكَاۤءَ ۗ قُلْ سَمُّوْهُمْۗ اَمْ تُنَبِّـُٔوْنَهٗ بِمَا لَا يَعْلَمُ فِى الْاَرْضِ اَمْ بِظَاهِرٍ مِّنَ الْقَوْلِ ۗبَلْ زُيِّنَ لِلَّذِيْنَ كَفَرُوْا مَكْرُهُمْ وَصُدُّوْا عَنِ السَّبِيْلِ ۗوَمَنْ يُّضْلِلِ اللّٰهُ فَمَا لَهٗ مِنْ هَادٍ٣٣
Afaman huwa qā'imun ‘alā kulli nafsim bimā kasabat, wa ja‘alū lillāhi syurakā'(a), qul sammūhum, am tunabbi'ūnahū bimā lā ya‘lamu fil-arḍi am biẓāhirim minal-qaul(i), bal zuyyina lil-lażīna kafarū makruhum wa ṣuddū ‘anis-sabīl(i), wa may yuḍlilillāhu famā lahū min hād(in).
[33]
Jari apa’ diangdi Puang manjagai tungga’-tungga’ alawe di anu napogau’, (sitteng iya andiang tipatengan sipa’na) ise’iya mappajari (mappadiang) sisaapa sola di Puang Allah Taala. Pa’uango’o: “Paui sipa-sipa’na ise’iya di’o. Iyade’ melo’do’o mappissangngi Puang Allah Taala anu iya andiang naissang di lino di’e, iyade’ ma’uango’o (bassa di’o) sangga’ pau-pau tappa’ di laherangna. Sitonganna to kaper di’o napajari (setang) ma’ita macoa pepagenggena ise’iya anna napusarai di tangalalang (iya parua). Anna inai-inai napapusa Puang Allah Taala, jari di sesena andiang diang mesa tau iya na mala mambei patiroang.
لَهُمْ عَذَابٌ فِى الْحَيٰوةِ الدُّنْيَا وَلَعَذَابُ الْاٰخِرَةِ اَشَقُّۚ وَمَا لَهُمْ مِّنَ اللّٰهِ مِنْ وَّاقٍ٣٤
Lahum ‘ażābun fil-ḥayātid-dun-yā wa la‘ażābul-ākhirati asyaqq(u), wa mā lahum minallāhi miw wāq(in).
[34]
Di sesena ise’iya diang passessa (awala’) lalang di atuoang lino anna sitonganna passessa (awala’) ahera’ la’bi makarrasi anna andiang diang ise’iya mesa tau namala mambei petturundungan pole (di passessa)na Puang Allah Taala.
۞ مَثَلُ الْجَنَّةِ الَّتِيْ وُعِدَ الْمُتَّقُوْنَۗ تَجْرِيْ مِنْ تَحْتِهَا الْاَنْهٰرُۗ اُكُلُهَا دَاۤىِٕمٌ وَّظِلُّهَاۗ تِلْكَ عُقْبَى الَّذِيْنَ اتَّقَوْا ۖوَّعُقْبَى الْكٰفِرِيْنَ النَّارُ٣٥
Maṡalul-jannatil-latī wu‘idal-muttaqūn(a), tajrī min taḥtihal-anhār(u), ukuluhā dā'imuw wa ẓilluhā, tilka ‘uqbal-lażīnattaqau, wa ‘uqbal-kāfirīnan-nār(u).
[35]
Alarapanganna suruga iya na janjiang lao di to me’atakwa iyamo (sitteng uma), lolongi binanga-binanga di lalangna, buana andiang rua me’osa anna petturundunganna (sitteng topa). Iyamo di’o engeang paccappurang lao di to me’atakwa, anna engeang paccappurang di sesena to kaper iyamo naraka.
وَالَّذِيْنَ اٰتَيْنٰهُمُ الْكِتٰبَ يَفْرَحُوْنَ بِمَآ اُنْزِلَ اِلَيْكَ وَمِنَ الْاَحْزَابِ مَنْ يُّنْكِرُ بَعْضَهٗ ۗ قُلْ اِنَّمَآ اُمِرْتُ اَنْ اَعْبُدَ اللّٰهَ وَلَآ اُشْرِكَ بِهٖ ۗاِلَيْهِ اَدْعُوْا وَاِلَيْهِ مَاٰبِ٣٦
Wal-lażīna ātaināhumul-kitāba yafraḥūna bimā unzila ilaika wa minal-aḥzābi may yunkiru ba‘ḍah(ū), qul innamā umirtu an a‘budallāha wa lā usyrika bih(ī), ilaihi ad‘ū wa ilaihi ma'āb(i).
[36]
Anna to pura Iyami’ bei Kitta’ marioi sawa’ Kitta’ iya dipaturungano’o (Muhammad), anna di golongan (Yahudi anna Nasrani) siolai andiang maatappa’i sambareangna. Pa’uango’o: “Sitonganna sangga’ diparentada’ iyau massomba Puang Allah Taala anna andiang mappa’dua-I (Puang), sangga’ di sesena-I dianga’ mapperoa (di tau) anna sangga’ di sese-Nai dianga’ membali’.”
وَكَذٰلِكَ اَنْزَلْنٰهُ حُكْمًا عَرَبِيًّاۗ وَلَىِٕنِ اتَّبَعْتَ اَهْوَاۤءَهُمْ بَعْدَمَا جَاۤءَكَ مِنَ الْعِلْمِۙ مَا لَكَ مِنَ اللّٰهِ مِنْ وَّلِيٍّ وَّلَا وَاقٍ ࣖ٣٧
Wa każālika anzalnāhu ḥukman ‘arabiyyā(n), wa la'inittaba‘ta ahwā'ahum ba‘da mā jā'aka minal-‘ilm(i), mā laka minallāhi miw waliyyiw wa lā wāq(in).
[37]
Anna bassami di’o, Iyami’ mappaturung Koroang atorang (tongan) iya ma’basa Ara’. Anna tenna’ mappeccoe’i do’o nassunna ise’iya di polenamo pa’issangan di sesemu, jari andiang diang petturundungan anna pappiara di sesemu pole (dipassessa)na Puang Allah Taala.
وَلَقَدْ اَرْسَلْنَا رُسُلًا مِّنْ قَبْلِكَ وَجَعَلْنَا لَهُمْ اَزْوَاجًا وَّذُرِّيَّةً ۗوَمَا كَانَ لِرَسُوْلٍ اَنْ يَّأْتِيَ بِاٰيَةٍ اِلَّا بِاِذْنِ اللّٰهِ ۗلِكُلِّ اَجَلٍ كِتَابٌ٣٨
Wa laqad arsalnā rusulam min qablika wa ja‘alnā lahum azwājaw wa żurriyyah(tan), wa mā kāna lirasūlin ay ya'tiya bi'āyatin illā bi'iżnillāh(i), likulli ajalin kitāb(un).
[38]
Anna sitonganna Iyami’ pura ma’utus sisaapa suro di andiangmupa (diolo’ mai) anna Iyami’ mambei ise’iya baine anna pembiyangan. Anna andiang diang ha’na lao di mesa suro na mappapole mesa tanda (mu’jizat) selaengna sawa’ elo’na Puang Allah Taala. Di tungga’-tungga’ wattu diang kitta’ (iya mattantu).
يَمْحُوا اللّٰهُ مَا يَشَاۤءُ وَيُثْبِتُ ۚوَعِنْدَهٗٓ اُمُّ الْكِتٰبِ٣٩
Yamḥullāhu mā yasyā'u wa yuṡbit(u), wa ‘indahū ummul-kitāb(i).
[39]
Puang Allah Taala maapus anu iya napoelo’ anna mappato’ (anu iya napoelo’), anna disese-Nai diang Ummul Kitab (Lauh Mahfuzh).
وَاِنْ مَّا نُرِيَنَّكَ بَعْضَ الَّذِيْ نَعِدُهُمْ اَوْ نَتَوَفَّيَنَّكَ فَاِنَّمَا عَلَيْكَ الْبَلٰغُ وَعَلَيْنَا الْحِسَابُ٤٠
Wa immā nuriyannaka ba‘ḍal-lażī na‘iduhum au natawaffayannaka fa innamā ‘alaikal-balāgu wa ‘alainal-ḥisāb(u).
[40]
Anna mua’ Iyami’ mappatiroio (Muhammad) sambareang (passessa) anna Iyami’ maaccang lao ise’iya iyade’ Iyami’ mappateio (iya di’o andiangi parallu di sesemu) sawa’ sitonganna urusanmu sangga’ mappalambi’ tappa’, anna Iyami’ marrekeng (mahhisab) appalangna ise’iya.
اَوَلَمْ يَرَوْا اَنَّا نَأْتِى الْاَرْضَ نَنْقُصُهَا مِنْ اَطْرَافِهَاۗ وَاللّٰهُ يَحْكُمُ لَا مُعَقِّبَ لِحُكْمِهٖۗ وَهُوَ سَرِيْعُ الْحِسَابِ٤١
Awa lam yarau annā na'til-arḍa nanquṣuhā min aṭrāfihā, wallāhu yaḥkumu lā mu‘aqqiba liḥukmih(ī), wa huwa sarī‘ul-ḥisāb(i).
[41]
Anna apa’ andiangdi ise’iya ma’ita mua’ sitonganna Iyami’ mappolei kappungna (to kaper), anna mane Iyami’ makkurangngi di’o kappung-o (saicco’ si saicco’) pole di biringna. Anna Puang Allah Taala pappato’ hukum (mappattantu atorang me’apai elo-Na), andiang diang to na mala mattola’ atorang-Na, anna Iya (Puang) Masarro Masiga Pambilang-Na.
وَقَدْ مَكَرَ الَّذِيْنَ مِنْ قَبْلِهِمْ فَلِلّٰهِ الْمَكْرُ جَمِيْعًا ۗيَعْلَمُ مَا تَكْسِبُ كُلُّ نَفْسٍۗ وَسَيَعْلَمُ الْكُفّٰرُ لِمَنْ عُقْبَى الدَّارِ٤٢
Wa qad makaral-lażīna min qablihim fa lillāhil-makru jamī‘ā(n), ya‘lamu mā taksibu kullu nafs(in), wa saya‘lamul-kuffāru liman ‘uqbad-dār(i).
[42]
Anna sitonganna to kaper diolo’ (kaper Makkah) purai mappadiang pepagengge, inggannana di’o pepagenggeo di lalangnai akkuasangna Puang Allah Taala. Iya (Puang Allah Taala) ma’issang anu na akkaresoi mesa alawe, anna to kaper na ma’issang di inai engeang paccappurang (macoa).
وَيَقُوْلُ الَّذِيْنَ كَفَرُوْا لَسْتَ مُرْسَلًا ۗ قُلْ كَفٰى بِاللّٰهِ شَهِيْدًاۢ بَيْنِيْ وَبَيْنَكُمْۙ وَمَنْ عِنْدَهٗ عِلْمُ الْكِتٰبِ ࣖ٤٣
Wa yaqūlul-lażīna kafarū lasta mursalā(n), qul kafā billāhi syahīdam bainī wa bainakum, wa man ‘indahū ‘ilmul-kitāb(i).
[43]
Anna ma’uangmi to kaper: “Taniao (Muhammad) mesa to dipajari suro.” Pa’uango’o: “Sukku’mi Puang Allah Taala anna to diang pa’issanganna lao di Kitta’ menjari sa’bi antara iyau anna i’o mie’.”