Home >> Museum Quran >> Terjemahan Al-Quran >> Format Al-Quran >> Format Text >> Quran Mandar >> Surah Hud

Surah Hud

Daftar Surah

بِسْمِ اللّٰهِ الرَّحْمٰنِ الرَّحِيْمِ
الۤرٰ ۗ كِتٰبٌ اُحْكِمَتْ اٰيٰتُهٗ ثُمَّ فُصِّلَتْ مِنْ لَّدُنْ حَكِيْمٍ خَبِيْرٍۙ١
Alif lām rā, kitābun uḥkimat āyātuhū ṡumma fuṣṣilat mil ladun ḥakīmin khabīr(in).
[1] Alif Lām Rā. (iyamo di’e) Kitta’ (Koroang) aya’-aya’na disusung marappi siola dipannassa, iya dipaturung (pole di Puang Allah Taala( Masarro Maroro (Adil) na Pakkarewa.
اَلَّا تَعْبُدُوْٓا اِلَّا اللّٰهَ ۗاِنَّنِيْ لَكُمْ مِّنْهُ نَذِيْرٌ وَّبَشِيْرٌۙ٢
Allā ta‘budū illallāh(a), innanī lakum minhu nażīruw wa basyīr(un).
[2] Mamoare’o mie’ andiang massomba sangadinna Puang Allah Taala. Sitongangna iyau (Muhammad) pappainga­rang anna pambawa karewa mapperio-rio di sesemu mie’.
وَّاَنِ اسْتَغْفِرُوْا رَبَّكُمْ ثُمَّ تُوْبُوْٓا اِلَيْهِ يُمَتِّعْكُمْ مَّتَاعًا حَسَنًا اِلٰٓى اَجَلٍ مُّسَمًّى وَّيُؤْتِ كُلَّ ذِيْ فَضْلٍ فَضْلَهٗ ۗوَاِنْ تَوَلَّوْا فَاِنِّيْٓ اَخَافُ عَلَيْكُمْ عَذَابَ يَوْمٍ كَبِيْرٍ٣
Wa anistagfirū rabbakum ṡumma tūbū ilaihi yumatti‘kum matā‘an ḥasanan ilā ajalim musammaw wa yu'ti kulla żī faḍlin faḍlah(ū), wa in tawallau fa innī akhāfu ‘alaikum ‘ażāba yaumin kabīr(in).
[3] Anna sitinayannao mie’ merau a’dappang lao di Puang­mu anna me’atowa’ lao di sese-Na. (mua’ mappogau’o bassa di’o), anna Iya (Puang) na mambeio pappe­nyamang macoa (tarru-tarrus) di sesemu lambi’ wattu iya pura di pattattu anna Iya (Puang) na mambei mesa-mesa to maappunnai palla’birang. Mua’ meppondo’o mie’, jari sitongangna marakkea’ na naruao mie’ passessa allo iya kaiyang (keama’).
اِلَى اللّٰهِ مَرْجِعُكُمْ ۚوَهُوَ عَلٰى كُلِّ شَيْءٍ قَدِيْرٌ٤
Ilallāhi marji‘ukum, wa huwa ‘alā kulli syai'in qadīr(un).
[4] lao di Puang Allah Taala pembali’mu mie’, anna Iya (Puang ) Masarro Kuasa di inggannana seu-seuwa.
اَلَآ اِنَّهُمْ يَثْنُوْنَ صُدُوْرَهُمْ لِيَسْتَخْفُوْا مِنْهُۗ اَلَا حِيْنَ يَسْتَغْشُوْنَ ثِيَابَهُمْ ۙيَعْلَمُ مَا يُسِرُّوْنَ وَمَا يُعْلِنُوْنَۚ اِنَّهٗ عَلِيْمٌ ۢ بِذَاتِ الصُّدُوْرِ ۔٥
Alā innahum yaṡnūna ṣudūrahum liyastakhfū minh(u), alā ḥīna yastagsyūna ṡiyābahum, ya‘lamu mā yusirrūna wa mā yu‘linūn(a), innahū ‘alīmum biżātiṣ-ṣudūr(i).
[5] Ingarangi, sitongangna ise’iya (to munape’/bali’ balla’) di’o mappepeppondo’i dadanna ise’iya na mam­bu­­­niang alawena pole di (Muhammad). Ingarangi di wattunna ise’iya mambukkussi alawena kaeng, Puang Allah Taala ma’issang anu iya nabuniang ise’iya anna anu iya nalaherang, sitongangna Puang Allah Taala Masarro Paissang di inggannana issi ate.
۞ وَمَا مِنْ دَاۤبَّةٍ فِى الْاَرْضِ اِلَّا عَلَى اللّٰهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۗ كُلٌّ فِيْ كِتٰبٍ مُّبِيْنٍ٦
Wa mā min dābbatin fil-arḍi illā ‘alallāhi rizquhā wa ya‘lamu mustaqarrahā wa mustauda‘ahā, kullun fī kitābim mubīn(in).
[6] Anna andiang-diang mesa olo’-olo’ mellene’ di baona lino selaengna Puang Allah Taala mappidalle’i. Anna Iya (Puang) Ma’issang engeang amottongangna anna enge­ang pembuniangna. Ingannana (tiukir) nasangi lalang di Kitta’ iya mannassa (Lauh Mahfudz)
وَهُوَ الَّذِيْ خَلَقَ السَّمٰوٰتِ وَالْاَرْضَ فِيْ سِتَّةِ اَيَّامٍ وَّكَانَ عَرْشُهٗ عَلَى الْمَاۤءِ لِيَبْلُوَكُمْ اَيُّكُمْ اَحْسَنُ عَمَلًا ۗوَلَىِٕنْ قُلْتَ اِنَّكُمْ مَّبْعُوْثُوْنَ مِنْۢ بَعْدِ الْمَوْتِ لَيَقُوْلَنَّ الَّذِيْنَ كَفَرُوْٓا اِنْ هٰذَٓا اِلَّا سِحْرٌ مُّبِيْنٌ٧
Wa huwal-lażī khalaqas-samāwāti wal-arḍa fī sittati ayyāmiw wa kāna ‘arsyuhū ‘alal-mā'i liyabluwakum ayyukum aḥsanu ‘amalā(n), wa la'in qulta innakum mab‘ūṡūna mim ba‘dil-mauti layaqūlannal-lażīna kafarū in hāżā illā siḥrum mubīn(un).
[7] Anna Iya (Puang Allah Taala) mappadiang langi’ anna lino di lalangna annang wattu, anna Arsy-Na dio di bao uai, anna Iya ma’uyio inai di sesemu mie’ kaminang macoa ammalna, anna mua’ ma’uango’o lao (di pak­kappung Makkah): “Sitongangna i’o mie’ na dipa­tiwa’­aso’o dipuramu mate,” napominasai iya di’o to kaper-o na ma’uang: “Iya di’e andiang laeng selaengna seher iya ma’nyata (mannassa).”
وَلَىِٕنْ اَخَّرْنَا عَنْهُمُ الْعَذَابَ اِلٰٓى اُمَّةٍ مَّعْدُوْدَةٍ لَّيَقُوْلُنَّ مَا يَحْبِسُهٗ ۗ اَلَا يَوْمَ يَأْتِيْهِمْ لَيْسَ مَصْرُوْفًا عَنْهُمْ وَحَاقَ بِهِمْ مَّا كَانُوْا بِهٖ يَسْتَهْزِءُوْنَ ࣖ٨
Wa la'in akhkharnā ‘anhumul-‘ażāba ilā ummatim ma‘dūdatil layaqūlunna mā yaḥbisuh(ū), alā yauma ya'tīhim laisa maṣrūfan ‘anhum wa ḥāqa bihim mā kānū bihī yastahzi'ūn(a).
[8] Anna sitongangna mua’ iyami’ mappamautu’ (mappe­pendi­boe’) awala’ pole ise’iya lambi’i lao di mesa wattu iya dipattattu, ise’iya na ma’uang: “Apa mallawai (mapposarai)?” Ingarangi, di wattunna awala’ dio lambi’i lao ise’iya andiangi mala dipalele pole ise’iya anna ise’iya mallolongan (awala’) iya diolo’ diangi samata na pappa’elle-elleang.
وَلَىِٕنْ اَذَقْنَا الْاِنْسَانَ مِنَّا رَحْمَةً ثُمَّ نَزَعْنٰهَا مِنْهُۚ اِنَّهٗ لَيَـُٔوْسٌ كَفُوْرٌ٩
Wa la'in ażaqnal-insāna minnā raḥmatan ṡumma naza‘nāhā ‘anh(u), innahū laya'ūsun kafūr(un).
[9] Anna mua’ Iyami’ mappeperasaiangi lao di rupa tau mesa pappenyamang (pammase) pole di Iyami’, mane pappenyamang di’o Iyami’ marrambu’ pole di sesena, tongang menjari cappu’ rannui na andiang merau tarima kasih.
وَلَىِٕنْ اَذَقْنٰهُ نَعْمَاۤءَ بَعْدَ ضَرَّاۤءَ مَسَّتْهُ لَيَقُوْلَنَّ ذَهَبَ السَّيِّاٰتُ عَنِّيْ ۗاِنَّهٗ لَفَرِحٌ فَخُوْرٌۙ١٠
Wa la'in ażaqnāhu na‘mā'a ba‘da ḍarrā'a massathu layaqūlanna żahabas-sayyi'ātu ‘annī, innahū lafariḥun fakhūr(un).
[10] Anna mua’ Iyami’ mapperasaiangi lao di rupa tau mesa asannangan dipurana awala’ iya marruai, tongang na ma’uangi: “tongang pa’dami iya di’o awala’-o di seseu,” sitongangna mario sanna’i na kaiyang pappena’dinna.
اِلَّا الَّذِيْنَ صَبَرُوْا وَعَمِلُوا الصّٰلِحٰتِۗ اُولٰۤىِٕكَ لَهُمْ مَّغْفِرَةٌ وَّاَجْرٌ كَبِيْرٌ١١
Illal-lażīna ṣabarū wa ‘amiluṣ-ṣāliḥāt(i), ulā'ika lahum magfiratuw wa ajrun kabīr(un).
[11] Selaengna to sa’bar lao (di awala’), anna mappogau’ apiangan, ise’iya di’o mallolongan pa’dappang anna appalang iya kaiyang.
فَلَعَلَّكَ تَارِكٌۢ بَعْضَ مَا يُوْحٰىٓ اِلَيْكَ وَضَاۤىِٕقٌۢ بِهٖ صَدْرُكَ اَنْ يَّقُوْلُوْا لَوْلَآ اُنْزِلَ عَلَيْهِ كَنْزٌ اَوْ جَاۤءَ مَعَهٗ مَلَكٌ ۗاِنَّمَآ اَنْتَ نَذِيْرٌ ۗ وَاللّٰهُ عَلٰى كُلِّ شَيْءٍ وَّكِيْلٌ ۗ١٢
Fa la‘allaka tārikum ba‘ḍa mā yūḥā ilaika wa ḍā'ikum bihī ṣadruka ay yaqūlū lau lā unzila ‘alaihi kanzun au jā'a ma‘ahū malak(un), innamā anta nażīr(un), wallāhu ‘alā kulli syai'in wakīl(un).
[12] Jari mala to’o (Muhammad) melo’ mappelei sambareang pole di anu na wahyukango’o anna sippi’ dadammu, sawa’ mupaarakkeangi mua’ ise’iya na ma’uang: “Mangapa anna andiangi dipaturungan ise’iya ga’dong (asugiang) iyade’ polei siola mesa malaika’?” Sitongang­na i’o mesado’-o pappaingarang, anna Puang Allah Taala Mappiara inggannana seu-seuwa.
اَمْ يَقُوْلُوْنَ افْتَرٰىهُ ۗقُلْ فَأْتُوْا بِعَشْرِ سُوَرٍ مِّثْلِهٖ مُفْتَرَيٰتٍ وَّادْعُوْا مَنِ اسْتَطَعْتُمْ مِّنْ دُوْنِ اللّٰهِ اِنْ كُنْتُمْ صٰدِقِيْنَ١٣
Am yaqūlūnaftarāh(u), qul fa'tū bi‘asyri suwarim miṡlihī muftarayātiw wad‘ū manistaṭa‘tum min dūnillāhi in kuntum ṣādiqīn(a).
[13] Mala-malai ise’iya ma’uang: “Muhammad pura map­pa­pi-papia Koroang di’o,” Pa’uango’o: “(Mua’ tipatengi ditingo), jari papolemi sappulo sura-sura iya dipapi-papia iya massittengani, anna illongngi to mala (muillongngi) saliwangna Puang Allah Taala, mua’ diango’o to tongang (parua).
فَاِلَّمْ يَسْتَجِيْبُوْا لَكُمْ فَاعْلَمُوْٓا اَنَّمَآ اُنْزِلَ بِعِلْمِ اللّٰهِ وَاَنْ لَّآ اِلٰهَ اِلَّا هُوَ ۚفَهَلْ اَنْتُمْ مُّسْلِمُوْنَ١٤
Fa illam yastajībū lakum fa‘lamū annamā unzila bi‘ilmillāhi wa allā ilāha illā huw(a), fahal antum muslimūn(a).
[14] Jari mua’ ise’iya iya muperoa di’o andiangi mattarima piperoamu mie’, jari pa’uango’o: “Jari issangi mie’, sitongangna iya di’o Koroang-o dipaturungi sawa’ pa’issanganna Puang Allah Taala, anna andiang diang Puang sangadinnna Iya, jari melo’do’o mie’ massera­kang alawe (mettama sallang)?
مَنْ كَانَ يُرِيْدُ الْحَيٰوةَ الدُّنْيَا وَزِيْنَتَهَا نُوَفِّ اِلَيْهِمْ اَعْمَالَهُمْ فِيْهَا وَهُمْ فِيْهَا لَا يُبْخَسُوْنَ١٥
Man kāna yurīdul-ḥayātad-dun-yā wa zīnatahā nuwaffi ilaihim a‘mālahum fīhā wa hum fīhā lā yubkhasūn(a).
[15] Inai-inai mappoelo’ atuoang lino anna belo-belona, tantu Iyami’ na mambengani balasan pappogauangna ise’iya di lino iya sukku’ anna ise’iya di lino andiangi na diparugi.
اُولٰۤىِٕكَ الَّذِيْنَ لَيْسَ لَهُمْ فِى الْاٰخِرَةِ اِلَّا النَّارُ ۖوَحَبِطَ مَا صَنَعُوْا فِيْهَا وَبٰطِلٌ مَّا كَانُوْا يَعْمَلُوْنَ١٦
Ulā'ikal-lażīna laisa lahum fil-ākhirati illan-nār(u), wa ḥabiṭa mā ṣana‘ū fīhā wa bāṭilum mā kānū ya‘malūn(a).
[16] Iyamo di’o to andiang mallolongan di ahera’, selaengna naraka anna lanynya’mi di ahera’ di’o anu pura nausahai di lino anna lao salami anu iya pura napogau’ ise’iya.
اَفَمَنْ كَانَ عَلٰى بَيِّنَةٍ مِّنْ رَّبِّهٖ وَيَتْلُوْهُ شَاهِدٌ مِّنْهُ وَمِنْ قَبْلِهٖ كِتٰبُ مُوْسٰىٓ اِمَامًا وَّرَحْمَةًۗ اُولٰۤىِٕكَ يُؤْمِنُوْنَ بِهٖ ۗوَمَنْ يَّكْفُرْ بِهٖ مِنَ الْاَحْزَابِ فَالنَّارُ مَوْعِدُهٗ فَلَا تَكُ فِيْ مِرْيَةٍ مِّنْهُ اِنَّهُ الْحَقُّ مِنْ رَّبِّكَ وَلٰكِنَّ اَكْثَرَ النَّاسِ لَا يُؤْمِنُوْنَ١٧
Afaman kāna ‘alā bayyinatim mir rabbihī wa yatlūhu syāhidum minhu wa min qablihī kitābu mūsā imāmaw wa raḥmah(tan), ulā'ika yu'minūna bih(ī), wa may yakfur bihī minal-aḥzābi fan-nāru mau‘iduhū falā taku fī miryatim minhu innahul-ḥaqqu mir rabbika wa lākinna akṡaran-nāsi lā yu'minūn(a).
[17] Jari apa’ (sittengandi to kaper anna ) to maappun­nai butti mannassa (Koroang) pole di Puangna, anna napeccoe’i toi mesa tau sa’bi (Muhammad) pole di Puang Allah Taala anna di andiangnapa Koroang di’o diangmo Kitta’na Musa iya menjari patiroang anna pammase? Ise’iya di’o matappa’ lao di Koroang. Anna inai-inai di piha’na ise’iya (to Kuraisy) anna sola-solana iya makkaperri Koroang, jari narakamo engeang iya di paaccangani di sesemu, sawa’ iyamo di’o da bata-bata lao di Koroang. Sitongangna (Koroang) di’o tongang polei di Puangmu, anna iya tia mae’diangi rupa tau andiang matappa’.
وَمَنْ اَظْلَمُ مِمَّنِ افْتَرٰى عَلَى اللّٰهِ كَذِبًاۗ اُولٰۤىِٕكَ يُعْرَضُوْنَ عَلٰى رَبِّهِمْ وَيَقُوْلُ الْاَشْهَادُ هٰٓؤُلَاۤءِ الَّذِيْنَ كَذَبُوْا عَلٰى رَبِّهِمْۚ اَلَا لَعْنَةُ اللّٰهِ عَلَى الظّٰلِمِيْنَ ۙ١٨
Wa man aẓlamu mimmaniftarā ‘alallāhi każibā(n), ulā'ika yu‘raḍūna ‘alā rabbihim wa yaqūlul-asyhādu hā'ulā'il-lażīna każabū ‘alā rabbihim, alā la‘natullāhi ‘alaẓ-ẓālimīn(a).
[18] Anna inaidi kaminang ta’lalo pagau’ bawang pole di to iya mappapi-papia alosongan lao di Puang Allah Taala? Ise’iya di’o na dipepe’oloi lao di Puangna, anna para sa’bi ma’uang: “Iyamo di’e tau iya pura malloso-losongan Puangna.” Ingarangi, pakkutu’na Puang Allah Taala lao di to ta’lalo pagau’ bawang.
الَّذِيْنَ يَصُدُّوْنَ عَنْ سَبِيْلِ اللّٰهِ وَيَبْغُوْنَهَا عِوَجًاۗ وَهُمْ بِالْاٰخِرَةِ هُمْ كفِٰرُوْنَ١٩
Al-lażīna yaṣuddūna ‘an sabīlillāhi wa yabgūnahā ‘iwajā(n), wa hum bil-ākhirati hum kāfirūn(a).
[19] (iyamo) to mappusara tau pole di tangalalangna Puang Allah Taala anna mappoelo’ (malaai) iya di’o tangalalang-o peko’i. Anna ise’iya to andiang matappa’ di diangna allo ahera’.
اُولٰۤىِٕكَ لَمْ يَكُوْنُوْا مُعْجِزِيْنَ فِى الْاَرْضِ وَمَا كَانَ لَهُمْ مِّنْ دُوْنِ اللّٰهِ مِنْ اَوْلِيَاۤءَ ۘ يُضٰعَفُ لَهُمُ الْعَذَابُ ۗمَا كَانُوْا يَسْتَطِيْعُوْنَ السَّمْعَ وَمَا كَانُوْا يُبْصِرُوْنَ٢٠
Ulā'ika lam yakūnū mu‘jizīna fil-arḍi wa mā kāna lahum min dūnillāhi min auliyā'(a), yuḍā‘afu lahumul-‘ażāb(u), mā kānū yastaṭī‘ūnas-sam‘a wa mā kānū yubṣirūn(a).
[20] Ise’iyamo di’o to andiang paulle mappusara (passessana) Puang Allah Taala di baona lino, anna andiang sinalai diang pattulung lao ise’iya saliwangna Puang Allah Taala. Passessa di’o dipalliccu-liccungi di sesena ise’iya. Ise’iya samata andiang mala ma’irrang­ngi (atongangan) anna ise’iya samata andiangi mala ma’itai.
اُولٰۤىِٕكَ الَّذِيْنَ خَسِرُوْٓا اَنْفُسَهُمْ وَضَلَّ عَنْهُمْ مَّا كَانُوْا يَفْتَرُوْنَ٢١
Ulā'ikal-lażīna khasirū anfusahum wa ḍalla ‘anhum mā kānū yaftarūn(a).
[21] Ise’iyamo di’o to marrugi-rugi alawena toi tia, anna lanynya’mi pole ise’iya iya anu samata napadi-padiang.
لَاجَرَمَ اَنَّهُمْ فِى الْاٰخِرَةِ هُمُ الْاَخْسَرُوْنَ٢٢
Lā jarama annahum fil-ākhirati humul-akhsarūn(a).
[22] Tongang diangi ise’iya, dio di ahera’ menjari to kaminang rugi.
اِنَّ الَّذِيْنَ اٰمَنُوْا وَعَمِلُوا الصّٰلِحٰتِ وَاَخْبَتُوْٓا اِلٰى رَبِّهِمْۙ اُولٰۤىِٕكَ اَصْحٰبُ الْجَنَّةِۚ هُمْ فِيْهَا خٰلِدُوْنَ٢٣
Innal-lażīna āmanū wa ‘amiluṣ-ṣāliḥāti wa akhbatū ilā rabbihim, ulā'ika aṣḥābul-jannati hum fīhā khālidūn(a).
[23] Sitongangna to matappa’ anna mappogau’ apiangan anna mappakatuna ale lao di Puangna, ise’iyamo di’o pa’engei suruga, ise’iya mannannungan di lalangna.
۞ مَثَلُ الْفَرِيْقَيْنِ كَالْاَعْمٰى وَالْاَصَمِّ وَالْبَصِيْرِ وَالسَّمِيْعِۗ هَلْ يَسْتَوِيٰنِ مَثَلًا ۗ اَفَلَا تَذَكَّرُوْنَ ࣖ٢٤
Maṡalul-farīqaini kal-a‘mā wal-aṣammi wal-baṣīri was-samī‘(i), hal yastawiyāni maṡalā(n), afalā tażakkarūn(a).
[24] Alarapanganna di da’dua golongan (to kaper anna to mattappa’), sittengi to buta anna to binga, na to mala ma’ita anna ma’irrangngi. Apa’ sittengandi di da’dua golongan di’o? Jari andiangdo’o mie’ maala pe’guruang (di sesena)?
وَلَقَدْ اَرْسَلْنَا نُوْحًا اِلٰى قَوْمِهٖٓ اِنِّيْ لَكُمْ نَذِيْرٌ مُّبِيْنٌ ۙ٢٥
Wa laqad arsalnā nūḥan ilā qaumihī innī lakum nażīrum mubīn(un).
[25] Anna sitongangna Iyami’ pura ma’utus Nabi Nuh lao di kaumna, (diangi ma’uang): “Sitongangna iyau tu’u pappaingarang iya ma’nyata (mannassa) di sesemu mie’.”
اَنْ لَّا تَعْبُدُوْٓا اِلَّا اللّٰهَ ۖاِنِّيْٓ اَخَافُ عَلَيْكُمْ عَذَابَ يَوْمٍ اَلِيْمٍ٢٦
Allā ta‘budū illallāh(a), innī akhāfu ‘alaikum ‘ażāba yaumin alīm(in).
[26] Malaao mie’ andiang massomba selaengna Puang Allah Taala. Sitongangna upaarakkeango’o mie’ mua’ na naruao passessa di allo iya menau-nau pa’mai’ sanna’.
فَقَالَ الْمَلَاُ الَّذِيْنَ كَفَرُوْا مِنْ قَوْمِهٖ مَا نَرٰىكَ اِلَّا بَشَرًا مِّثْلَنَا وَمَا نَرٰىكَ اتَّبَعَكَ اِلَّا الَّذِيْنَ هُمْ اَرَاذِلُنَا بَادِيَ الرَّأْيِۚ وَمَا نَرٰى لَكُمْ عَلَيْنَا مِنْ فَضْلٍۢ بَلْ نَظُنُّكُمْ كٰذِبِيْنَ٢٧
Fa qālal-mala'ul-lażīna kafarū min qaumihī mā narāka illā basyaram miṡlanā wa mā narākattaba‘aka illal-lażīna hum arāżilunā bādiyar-ra'y(i), wa mā narā lakum ‘alainā min faḍlim bal naẓunnukum kāżibīn(a).
[27] Jari ma’uangmi para pangulunna to kaper pole di kaumna: “Iyami’ andiang ma’itao, selaengna (rapang) mesa tau biasa sitteng iyami’, anna iyami’ andiang maita to mappeccoe’io selaengna to matuna sanna’ di sesei iya masiga matappa’, anna iyami’ andiang ma’itao maappunnai palla’birang pole di iyami’, mala-malai iyami’ massangao mie’ to pallosong.”
قَالَ يٰقَوْمِ اَرَءَيْتُمْ اِنْ كُنْتُ عَلٰى بَيِّنَةٍ مِّنْ رَّبِّيْ وَاٰتٰىنِيْ رَحْمَةً مِّنْ عِنْدِهٖ فَعُمِّيَتْ عَلَيْكُمْۗ اَنُلْزِمُكُمُوْهَا وَاَنْتُمْ لَهَا كٰرِهُوْنَ٢٨
Qāla yā qaumi ara'aitum in kuntu ‘alā bayyinatim mir rabbī wa ātānī raḥmatam min ‘indihī fa ‘ummiyat ‘alaikum, anulzimukumūhā wa antum lahā kārihūn(a).
[28] (Nabi Nuh) ma’uang: “E kaumnu, me’apai tangngar­mu mie’, mua’ maappunnaia’ butti iya mannassa pole di Puangngu, anna dibeia’ pammase pole di sesa-Na, anna pammase di’o dipakawuri di sesemu mie’. Apa’ diangdi iyami’ na mappassao mattarimai, anna andiangi mie’ muelo’i?
وَيٰقَوْمِ لَآ اَسْـَٔلُكُمْ عَلَيْهِ مَالًاۗ اِنْ اَجْرِيَ اِلَّا عَلَى اللّٰهِ وَمَآ اَنَا۠ بِطَارِدِ الَّذِيْنَ اٰمَنُوْاۗ اِنَّهُمْ مُّلٰقُوْا رَبِّهِمْ وَلٰكِنِّيْٓ اَرٰىكُمْ قَوْمًا تَجْهَلُوْنَ٢٩
Wa yā qaumi lā as'alukum ‘alaihi mālā(n), in ajriya illā ‘alallāhi wa mā ana biṭāridil-lażīna āmanū, innahum mulāqū rabbihim wa lākinnī arākum qauman tajhalūn(a).
[29] Anna (ma’uangi): “E kaumnu, andianga’ merau barang-barang (rapang tambo) di piperoau, tambou sangga’ polei di Puang Allah Taala anna andianga’ na marrimba malai to matappa’. Sitongangna ise’iya na sitai Puangna, anna iya tia iyau mattangngaro’o mesa kaum iya cangngo.”
وَيٰقَوْمِ مَنْ يَّنْصُرُنِيْ مِنَ اللّٰهِ اِنْ طَرَدْتُّهُمْ ۗ اَفَلَا تَذَكَّرُوْنَ٣٠
Wa yā qaumi may yanṣurunī minallāhi in ṭarattuhum, afalā tażakkarūn(a).
[30] Anna (ma’uangi): “E kaumnu, inai na mattulunga’ pole (passessa)na Puang Allah Taala mua’ urimbai ise’iya (massio malai). Jari andiang do’o maala pe’guruang?”
وَلَآ اَقُوْلُ لَكُمْ عِنْدِيْ خَزَاۤىِٕنُ اللّٰهِ وَلَآ اَعْلَمُ الْغَيْبَ وَلَآ اَقُوْلُ اِنِّيْ مَلَكٌ وَّلَآ اَقُوْلُ لِلَّذِيْنَ تَزْدَرِيْٓ اَعْيُنُكُمْ لَنْ يُّؤْتِيَهُمُ اللّٰهُ خَيْرًا ۗ اَللّٰهُ اَعْلَمُ بِمَا فِيْٓ اَنْفُسِهِمْ ۚاِنِّيْٓ اِذًا لَّمِنَ الظّٰلِمِيْنَ٣١
Wa lā aqūlu lakum ‘indī khazā'inullāhi wa lā a‘lamul-gaiba wa lā aqūlu innī malakuw wa lā aqūlu lil-lażīna tazdarī a‘yunukum lay yu'tiyahumullāhu khairā(n), allāhu a‘lamu bimā fī anfusihim, innī iżal laminaẓ-ẓālimīn(a).
[31] Anna andianga’ mappa’uangngio mua’ maappunnai-a’ ga'dongna dalle’ anna asugiang pole di Puang Allah Taala, anna andianga’ ma’issang anu mallinrung, anna andiang toa’ ma’uang: mua’ sitongangna dianga’ malaika’. Anna anding toa’ ma’uang lao di to naita matuna pe’itangmu mie’. Sitongangna Puang Allah Taala andiang sinalai na mappapole apiangan lao ise’iya. Puang Allah Taala la’bi ma’issang anu iya dio ise’iya. Sitongangna iyau, mua’ tipatengi di’o tongang mettama’ di to pagau’ bawang.
قَالُوْا يٰنُوْحُ قَدْ جَادَلْتَنَا فَاَ كْثَرْتَ جِدَالَنَا فَأْتِنَا بِمَا تَعِدُنَآ اِنْ كُنْتَ مِنَ الصّٰدِقِيْنَ٣٢
Qālū yā nūḥu qad jādaltanā fa akṡarta jidālanā fa'tinā bimā ta‘idunā in kunta minaṣ-ṣādiqīn(a).
[32] Ise’iya ma’uang: “E Nuh, tongang purao sisakka (sibaro) iyami’, anna purao mappamalakka passakka’mu di iyami’, jari pappapolemo’o di iyami’ awala’ iya mupaaccangani di iyami, mua’ diango’o to tongang (parua).
قَالَ اِنَّمَا يَأْتِيْكُمْ بِهِ اللّٰهُ اِنْ شَاۤءَ وَمَآ اَنْتُمْ بِمُعْجِزِيْنَ٣٣
Qāla innamā ya'tīkum bihillāhu in syā'a wa mā antum bimu‘jizīn(a).
[33] (Nuh) ma’uang: Sangga’ Puang Allah Taala na mappapolengo’o mie’ awala’ mua’ Iya (Puang) mappo­elo’, anna andiang sinalao mie’ mala mallappasang alawe.
وَلَا يَنْفَعُكُمْ نُصْحِيْٓ اِنْ اَرَدْتُّ اَنْ اَنْصَحَ لَكُمْ اِنْ كَانَ اللّٰهُ يُرِيْدُ اَنْ يُّغْوِيَكُمْ ۗهُوَ رَبُّكُمْ ۗوَاِلَيْهِ تُرْجَعُوْنَۗ٣٤
Wa lā yanfa‘ukum nuṣḥī in arattu an anṣaḥa lakum in kānallāhu yurīdu ay yugwiyakum, huwa rabbukum, wa ilaihi turja‘ūn(a).
[34] Anna andiangi makkeguna di sesemu mie’ naseha’u (pepatudu’u) mua’ upomelo’i mannaseha’io mie’, tenna’ Puang Allah Taala mappoelo’ mappapusao mie’. Iyamo Puangmu mie’, anna di sese-Nai diango’o di pepembali’.”
اَمْ يَقُوْلُوْنَ افْتَرٰىهُۗ قُلْ اِنِ افْتَرَيْتُهٗ فَعَلَيَّ اِجْرَامِيْ وَاَنَا۠ بَرِيْۤءٌ مِّمَّا تُجْرِمُوْنَ ࣖ٣٥
Am yaqūlūnaftarāh(u), qul iniftaraituhū fa ‘alayya ijrāmī wa ana barī'um mimmā tujrimūn(a).
[35] Mala-malai kaumna Nuh ma’uang: “sangga’ mappapi-papiai naseha’ (pepatudu). Pa’uango’o (Muhammad): “Mua’ sangga’ iyau mappapi-papia iya di’o naseha’-o, jari sangga’ iyau tappa’ mambulle (mambawa) dosau, anna lappasa’ pole di dosa iya mupogau’.”
وَاُوْحِيَ اِلٰى نُوْحٍ اَنَّهٗ لَنْ يُّؤْمِنَ مِنْ قَوْمِكَ اِلَّا مَنْ قَدْ اٰمَنَ فَلَا تَبْتَىِٕسْ بِمَا كَانُوْا يَفْعَلُوْنَۖ٣٦
Wa ūḥiya ilā nūḥin annahū lay yu'mina min qaumika illā man qad āmana falā tabta'is bimā kānū yaf‘alūn(a).
[36] Anna diwahyukangi lao di Nabi Nuh, sitongangna andiang sinalai na matappa’ di antara kaummu, selaengna to iya puramo matappa’, sawa’ tipatengnamo di’o da pasara nyawa di anu iya samata napogau’ ise’iya.
وَاصْنَعِ الْفُلْكَ بِاَعْيُنِنَا وَوَحْيِنَا وَلَا تُخَاطِبْنِيْ فِى الَّذِيْنَ ظَلَمُوْا ۚاِنَّهُمْ مُّغْرَقُوْنَ٣٧
Waṣna‘il-fulka bi'a‘yuninā wa waḥyinā wa lā tukhāṭibnī fil-lażīna ẓalamū, innahum mugraqūn(a).
[37] Anna papiai iya di’o lopi-o siola jagai anna patiroang wahyu’-I, anna da mappau mai di iyau (masalah to) pagau’ bawang, sitongangna ise’iya na dipatallangi.”
وَيَصْنَعُ الْفُلْكَۗ وَكُلَّمَا مَرَّ عَلَيْهِ مَلَاٌ مِّنْ قَوْمِهٖ سَخِرُوْا مِنْهُ ۗقَالَ اِنْ تَسْخَرُوْا مِنَّا فَاِنَّا نَسْخَرُ مِنْكُمْ كَمَا تَسْخَرُوْنَۗ٣٨
Wa yaṣna‘ul-fulk(a), wa kullamā marra ‘alaihi mala'um min qaumihī sakhirū minh(u), qāla in taskharū minnā fa innā naskharu minkum kamā taskharūn(a).
[38] Anna mattipo’mi (Nuh) mappapia lopi. Anna tatta’i mua’ pangulunna kaumna landuri lao di Nuh, ise’iya ma'elle-ellei. Ma’uangmi Nuh: “Mua’ muelle-ellei iyami’, jari sitongangna iyami’ (tu’u) ma'elle-elleo mie’ sittengan pielle-ellemu mai (di iyami)’.
فَسَوْفَ تَعْلَمُوْنَۙ مَنْ يَّأْتِيْهِ عَذَابٌ يُّخْزِيْهِ وَيَحِلُّ عَلَيْهِ عَذَابٌ مُّقِيْمٌ٣٩
Fa saufa ta‘lamūn(a), may ya'tīhi ‘ażābuy yukhzīhi wa yaḥillu ‘alaihi ‘ażābum muqīm(un).
[39] Jari na muissangi mie’ manini inai na narua awala’ iya mappamatuna anna (inai) na narua awala’ iya mannannungan.
حَتّٰىٓ اِذَا جَاۤءَ اَمْرُنَا وَفَارَ التَّنُّوْرُۙ قُلْنَا احْمِلْ فِيْهَا مِنْ كُلٍّ زَوْجَيْنِ اثْنَيْنِ وَاَهْلَكَ اِلَّا مَنْ سَبَقَ عَلَيْهِ الْقَوْلُ وَمَنْ اٰمَنَ ۗوَمَآ اٰمَنَ مَعَهٗٓ اِلَّا قَلِيْلٌ٤٠
Ḥattā iżā jā'a amrunā wafārat-tannūr(u), qulnaḥmil fīhā min kullin zaujainiṡnaini wa ahlaka illā man sabaqa ‘alaihil-qaulu wa man āman(a), wa mā āmana ma‘ahū illā qalīl(un).
[40] Lambi’i mua’ polemi parenta-I anna lapurang mappatumbur uai. Iyami’ ma’uang: “Padai’i di lopi tungga-tungga’ olo’-olo’ sipobali (muane anna baine), anna to di alawemu selaengna to mendiolo atattuang di sesena anna (padai’ toi) to matappa’. Anna andiang diang to matappa’ massiolangi (Nabi Nuh) selaengna saicco’ tappa’di.
۞ وَقَالَ ارْكَبُوْا فِيْهَا بِسْمِ اللّٰهِ مَجْرٰ۪ىهَا وَمُرْسٰىهَا ۗاِنَّ رَبِّيْ لَغَفُوْرٌ رَّحِيْمٌ٤١
Wa qālarkabū fīhā bismillāhi majrêhā wa mursāhā, inna rabbī lagafūrur raḥīm(un).
[41] Anna (Nuh) ma’uang: “Pendai’ nasangmo’o mie’ di lopi anna mupaui sawa’ sangana Puang Allah Taala di wattu sumombal anna di wattu molawu . Sitongangna Puangngu Masarro Pa’dappang na Makkesayang.
وَهِيَ تَجْرِيْ بِهِمْ فِيْ مَوْجٍ كَالْجِبَالِۗ وَنَادٰى نُوْحُ ِۨابْنَهٗ وَكَانَ فِيْ مَعْزِلٍ يّٰبُنَيَّ ارْكَبْ مَّعَنَا وَلَا تَكُنْ مَّعَ الْكٰفِرِيْنَ٤٢
Wa hiya tajrī bihim fī maujin kal-jibāl(i), wa nādā nūḥunibnahū wa kāna fī ma‘ziliy yā bunayyarkam ma‘anā wa lā takum ma‘al-kāfirīn(a).
[42] Anna iya di’o lopi-o lamba mambawai ise’iya iya lembongna sitteng buttu. Anna Nuh ma’illongngi ana’na, anna ana’na di’o dioi di engeang messara’ karambo: “E ana’u, pindai’mo’o di lopi siola iyami’ anna da siola to kaper.”
قَالَ سَاٰوِيْٓ اِلٰى جَبَلٍ يَّعْصِمُنِيْ مِنَ الْمَاۤءِ ۗقَالَ لَا عَاصِمَ الْيَوْمَ مِنْ اَمْرِ اللّٰهِ اِلَّا مَنْ رَّحِمَ ۚوَحَالَ بَيْنَهُمَا الْمَوْجُ فَكَانَ مِنَ الْمُغْرَقِيْنَ٤٣
Qāla sa'āwī ilā jabaliy ya‘ṣimunī minal-mā'(i), qāla lā ‘āṣimal-yauma min amrillāhi illā ma raḥim(a), wa ḥāla bainahumal-mauju fa kāna minal-mugraqīn(a).
[43] (Ana’na) ma’uang: “Na ma’itaia’ petturundungan lao di buttu iya mala mappiara’ pole di uai.” (Nuh) ma’uang: “Andiang diang na marrundungngio di allo di’e pole di awala’na Puang Allah Taala selaengna to naasayangngi Puang Allah taala.” Anna lembong menjari pallawa (Nuh anna ana’na); jaria diangi (ana’na) mettama di to dipatallang.
وَقِيْلَ يٰٓاَرْضُ ابْلَعِيْ مَاۤءَكِ وَيٰسَمَاۤءُ اَقْلِعِيْ وَغِيْضَ الْمَاۤءُ وَقُضِيَ الْاَمْرُ وَاسْتَوَتْ عَلَى الْجُوْدِيِّ وَقِيْلَ بُعْدًا لِّلْقَوْمِ الظّٰلِمِيْنَ٤٤
Wa qīla yā arḍubla‘ī mā'aki wa yā samā'u aqli‘ī wa gīḍal-mā'u wa quḍiyal-amru wastawat ‘alal-jūdiyyi wa qīla bu‘dal lil-qaumiẓ-ẓālimīn(a).
[44] Anna dipa’uangngi: “E lino, amme’i uaimmu, anna E langi’ (urang) pe’osamo’o,” anna uai dipasoro’ (dipamatti), parenta dipogau’ anna iya di’o lopi-o molawui diaya di buttu Judi, anna dipa’uangngi: "Binasai to ta’lalo pagau’ bawang.”
وَنَادٰى نُوْحٌ رَّبَّهٗ فَقَالَ رَبِّ اِنَّ ابْنِيْ مِنْ اَهْلِيْۚ وَاِنَّ وَعْدَكَ الْحَقُّ وَاَنْتَ اَحْكَمُ الْحٰكِمِيْنَ٤٥
Wa nādā nūḥur rabbahū fa qāla rabbi innabnī min ahlī, wa inna wa‘dakal-ḥaqqu wa anta aḥkamul-ḥākimīn(a).
[45] Anna Nuh me’illong (merau) lao di Puangna, ma’uang: “E Puangngu, sitongangna ana’u na to dialaweu (paalulluarea’u), anna sitongangna janji (talli’)mumo iya (tongang) parua. Anna I’omo (Puang) Hakim Kaminang Adil (Maroro).”
قَالَ يٰنُوْحُ اِنَّهٗ لَيْسَ مِنْ اَهْلِكَ ۚاِنَّهٗ عَمَلٌ غَيْرُ صَالِحٍ فَلَا تَسْـَٔلْنِ مَا لَيْسَ لَكَ بِهٖ عِلْمٌ ۗاِنِّيْٓ اَعِظُكَ اَنْ تَكُوْنَ مِنَ الْجٰهِلِيْنَ٤٦
Qāla yā nūḥu innahū laisa min ahlik(a), innahū ‘amalun gairu ṣāliḥ(in), falā tas'alnī mā laisa laka bihī ‘ilm(un), innī a‘iẓuka an takūna minal-jāhilīn(a).
[46] (Puang Allah Taala) ma’uang: “E Nuh, sitongangna taniai sangana’ (paalulluareangmu iya di janji na dipasalama’), sitongangna (panggauangna) panggauang andiang macoa. Sawa’ bassami di’o da perau Mai mesa seu-seuwa iya andiang muissang (hakikinna). Sitongangna Iyau mappaingarango’o mamoare’o andiang mettama di to cangngo.”
قَالَ رَبِّ اِنِّيْٓ اَعُوْذُ بِكَ اَنْ اَسْـَٔلَكَ مَا لَيْسَ لِيْ بِهٖ عِلْمٌ ۗوَاِلَّا تَغْفِرْ لِيْ وَتَرْحَمْنِيْٓ اَكُنْ مِّنَ الْخٰسِرِيْنَ٤٧
Qāla rabbi innī a‘ūżu bika an as'alaka mā laisa lī bihī ‘ilm(un), wa illā tagfir lī wa tarḥamnī akum minal-khāsirīn(a).
[47] (Nuh) ma’uang: “E Puangngu, sitongangna metturun­dunga’ Mating (di sese-Mu) pole diperau iya andiang uissang hakikinna. Anna mua’ andiango’-O maa’dap­pangana’, anna andianga’ muannang pakkesayangan mai di alaweu, na mettama’ di to rugi.”
قِيْلَ يٰنُوْحُ اهْبِطْ بِسَلٰمٍ مِّنَّا وَبَرَكٰتٍ عَلَيْكَ وَعَلٰٓى اُمَمٍ مِّمَّنْ مَّعَكَ ۗوَاُمَمٌ سَنُمَتِّعُهُمْ ثُمَّ يَمَسُّهُمْ مِّنَّا عَذَابٌ اَلِيْمٌ٤٨
Qīla yā nūḥuhbiṭ bisalāmim minnā wa barakātin ‘alaika wa ‘alā umamim mimmam ma‘ak(a), wa umamun sanumatti‘uhum ṡumma yamassuhum minnā ‘ażābun alīm(un).
[48] Dipa’uangngi: “E Nuh, perrawungmo’o na salama’ masagena, panno barakka’ pole di Iyami’ di sesemu anna umma’-umma’ (matappa’) pole di to massolangano’o. Anna diang umma’-umma’ iya Iyami’ dibei asannangan (di atuaoang lino), mane na diparuai ise’iya awala’ iya pemonge’ pole di Iyami’.”
تِلْكَ مِنْ اَنْۢبَاۤءِ الْغَيْبِ نُوْحِيْهَآ اِلَيْكَ ۚمَا كُنْتَ تَعْلَمُهَآ اَنْتَ وَلَا قَوْمُكَ مِنْ قَبْلِ هٰذَاۚ فَاصْبِرْۚ اِنَّ الْعَاقِبَةَ لِلْمُتَّقِيْنَ ࣖ٤٩
Tilka min ambā'il-gaibi nūḥīhā ilaik(a), mā kunta ta‘lamuhā anta wa lā qaumuka min qabli hāżā, faṣbir, innal-‘āqibata lil-muttaqīn(a).
[49] Iya di’o di antara karewa-karewa iya mallinrung iya Iyami’ wahyukang lao di sesemu (Muhammad); andiango’o rua ma’issangi anna andiang toi kaummu di andiangmupa di’e. Jari pe’asa’baro’o; sitongangna acapparang iya macoa iyamo di sesena to me’atakwa.
وَاِلٰى عَادٍ اَخَاهُمْ هُوْدًا ۗقَالَ يٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَيْرُهٗ ۗاِنْ اَنْتُمْ اِلَّا مُفْتَرُوْنَ٥٠
Wa ilā ‘ādin akhāhum hūdā(n), qāla yā qaumi‘budullāha mā lakum min ilāhin gairuh(ū), in antum illā muftarūn(a).
[50] Anna lao di kaumna ‘Ad (Iyami’ ma’utus) lulluare’na, Hud. Iya ma’uang: “E kaumnu, sombai Puang Allah Taala, sitongangna andiang sinala diang Puang saliwang-Na (Iya). (salama di’e maie) sangga’ mappadi-padiang tappa’o mie’.
يٰقَوْمِ لَآ اَسْـَٔلُكُمْ عَلَيْهِ اَجْرًا ۗاِنْ اَجْرِيَ اِلَّا عَلَى الَّذِيْ فَطَرَنِيْ ۗ اَفَلَا تَعْقِلُوْنَ٥١
Yā qaumi lā as'alukum ‘alaihi ajrā(n), in ajriya illā ‘alal-lażī faṭaranī, afalā ta‘qilūn(a).
[51] E kaumnu, andianga’ merau tambo di sesemu pole di piperoau di’e. Tambou andiang laeng selaengna sangga’ pole tappa’i di Puang Allah Taala, (Puang Iya) pura mappapia-a’. Jari apa’ andiangdo’o keakkalang?”
وَيٰقَوْمِ اسْتَغْفِرُوْا رَبَّكُمْ ثُمَّ تُوْبُوْٓا اِلَيْهِ يُرْسِلِ السَّمَاۤءَ عَلَيْكُمْ مِّدْرَارًا وَّيَزِدْكُمْ قُوَّةً اِلٰى قُوَّتِكُمْ وَلَا تَتَوَلَّوْا مُجْرِمِيْنَ٥٢
Wa yā qaumistagfirū rabbakum ṡumma tūbū ilaihi yursilis-samā'a ‘alaikum midrāraw wa yazidkum quwwatan ilā quwwatikum wa lā tatawallau mujrimīn(a).
[52] Anna (Hud ma’uang): “E kaumnu, perau a’dappango’o mie’ lao di Puangmu mane perau towa’o Lao (di sese-Na), Puang tongang na mappaturungano’o mie’ uai urang matamba’ sanna’. Anna Iya (Puang) na mattambai gassing lao di amakasauangmu, anna da mie’ peppon­do’ na mappogau’ dosa.
قَالُوْا يٰهُوْدُ مَاجِئْتَنَا بِبَيِّنَةٍ وَّمَا نَحْنُ بِتَارِكِيْٓ اٰلِهَتِنَا عَنْ قَوْلِكَ وَمَا نَحْنُ لَكَ بِمُؤْمِنِيْنَ٥٣
Qālū yā hūdu mā ji'tanā bibayyinatiw wa mā naḥnu bitārikī ālihatinā ‘an qaulika wa mā naḥnu laka bimu'minīn(a).
[53] Ise’iya (kaum ‘Ad) ma’uang: “E Hud, andiango’o mappapole di iyami’ anu mannassa, anna andiang sinalai iyami’ na mappelei anu iya iyami’ somba sawa’ paungmu, anna andiang sinalai iyami’ na maatappa’io,
اِنْ نَّقُوْلُ اِلَّا اعْتَرٰىكَ بَعْضُ اٰلِهَتِنَا بِسُوْۤءٍ ۗقَالَ اِنِّيْٓ اُشْهِدُ اللّٰهَ وَاشْهَدُوْٓا اَنِّيْ بَرِيْۤءٌ مِّمَّا تُشْرِكُوْنَ٥٤
In naqūlu illa‘tarāka ba‘ḍu ālihatinā bisū'(in), qāla innī usyhidullāha wasyhadū annī barī'um mimmā tusyrikūn(a).
[54] Iyami’ sangga’ ma’uang mua’ sambareang sombangna iyami’ mapparuaio amongeang atattarangan. (Hud) ma’uang: “Sitongangna usa’bi lao di Puang Allah Taala anna sa’bi-i mie’, anna sitongangna lappasa’ pole di anu iya mupappa’­duang.
مِنْ دُوْنِهٖ فَكِيْدُوْنِيْ جَمِيْعًا ثُمَّ لَا تُنْظِرُوْنِ٥٥
Min dūnihī fa kīdūnī jamī‘an ṡumma lā tunẓirūn(i).
[55] Anu pole disaliwang-Na (Puang), sawa’ tipatengmi di’o pogau’ nasangmi pepaganggemu mai, anna da le’ba’ mupapattanjeng-i.
اِنِّيْ تَوَكَّلْتُ عَلَى اللّٰهِ رَبِّيْ وَرَبِّكُمْ ۗمَا مِنْ دَاۤبَّةٍ اِلَّا هُوَ اٰخِذٌۢ بِنَاصِيَتِهَا ۗاِنَّ رَبِّيْ عَلٰى صِرَاطٍ مُّسْتَقِيْمٍ٥٦
Innī tawakkaltu ‘alallāhi rabbī wa rabbikum, mā min dābbatin illā huwa ākhiżum bināṣiyatihā, inna rabbī ‘alā ṣirāṭim mustaqīm(in).
[56] Sitongangna mattawakkala’ lao di Puang Allah Taala Puangngu anna Puangmu mie’. Andiang le’ba’ diang mesa olo’-olo’ mellene’ selaengna Iya (Puang) mattu’galang bungna. Sitongangna Puangngu dioi di tangalalang iya maroro.
فَاِنْ تَوَلَّوْا فَقَدْ اَبْلَغْتُكُمْ مَّآ اُرْسِلْتُ بِهٖٓ اِلَيْكُمْ ۗوَيَسْتَخْلِفُ رَبِّيْ قَوْمًا غَيْرَكُمْۗ وَلَا تَضُرُّوْنَهٗ شَيْـًٔا ۗاِنَّ رَبِّيْ عَلٰى كُلِّ شَيْءٍ حَفِيْظٌ٥٧
Fa in tawallau faqad ablagtukum mā ursiltu bihī ilaikum, wa yastakhlifu rabbī qauman gairakum, wa lā taḍurrūnahū syai'ā(n), inna rabbī ‘alā kulli syai'in ḥafīẓ(un).
[57] Mua’ meppondo’o mie’, jari tongang pura’ mappalambi’ (amanah) mating di sesemu (anu iya disioanga’) mappalambi’ di sesemu mie’. Anna Puangngu na massalleio di kaum laeng tania kaum sittengano’o mie’. Anna andiango’o mie’ mala mappapia adaeang di sese-Na mau nasaicco’na. Sitongangna Puangngu Masarro Pappiara inggannana seu-seuwa.
وَلَمَّا جَاۤءَ اَمْرُنَا نَجَّيْنَا هُوْدًا وَّالَّذِيْنَ اٰمَنُوْا مَعَهٗ بِرَحْمَةٍ مِّنَّاۚ وَنَجَّيْنٰهُمْ مِّنْ عَذَابٍ غَلِيْظٍ٥٨
Wa lammā jā'a amrunā najjainā hūdaw wal-lażīna āmanū ma‘ahū biraḥmatim minnā, wa najjaināhum min ‘ażābin galīẓ(in).
[58] Anna wattunna polemo passessa-I, Iyami’ mappasalama’ Hud anna to matappa’ massolangani sawa’ pammase pole di Iyami’, anna Iyami’ mappasalama’ toi ise’iya dio di allo keama’ pole di passessa iya mabe’i.
وَتِلْكَ عَادٌ ۖجَحَدُوْا بِاٰيٰتِ رَبِّهِمْ وَعَصَوْا رُسُلَهٗ وَاتَّبَعُوْٓا اَمْرَ كُلِّ جَبَّارٍ عَنِيْدٍ٥٩
Wa tilka ‘ādun jaḥadū bi'āyāti rabbihim wa ‘aṣau rusulahū wattaba‘ū amra kulli jabbārin ‘anīd(in).
[59] Anna iyamo di’o (curitana) kaum ‘Ad iya makkaperri tanda-tanda (alama’) akkuasangna Puangna, anna maadorakai para surona (Puang Allah Taala) anna matturu’i parentana inggannana to kuasa iya massusu’ elo na madoraka.
وَاُتْبِعُوْا فِيْ هٰذِهِ الدُّنْيَا لَعْنَةً وَّيَوْمَ الْقِيٰمَةِ ۗ اَلَآ اِنَّ عَادًا كَفَرُوْا رَبَّهُمْ ۗ اَلَا بُعْدًا لِّعَادٍ قَوْمِ هُوْدٍ ࣖ٦٠
Wa utbi‘ū fī hażihid-dun-yā la‘nataw wa yaumal-qiyāmah(ti), alā inna ‘ādan kafarū rabbahum, alā bu‘dal li‘ādin qaumi hūd(in).
[60] Anna ise’iya tulu napeccoe’i paccalla di baona lino anna tipateng toi di allo diboe’ (keama’). Ingarangi, sitongangna kaum ‘Ad di’o kaperi lao di Puangna. Ingarangi, abinasangannamo lao di kaumna ‘Ad (iyamo) kaumna Hud.
۞ وَاِلٰى ثَمُوْدَ اَخَاهُمْ صٰلِحًا ۘ قَالَ يٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَيْرُهٗ ۗهُوَ اَنْشَاَكُمْ مِّنَ الْاَرْضِ وَاسْتَعْمَرَكُمْ فِيْهَا فَاسْتَغْفِرُوْهُ ثُمَّ تُوْبُوْٓا اِلَيْهِ ۗاِنَّ رَبِّيْ قَرِيْبٌ مُّجِيْبٌ٦١
Wa ilā ṡamūda akhāhum ṣālihā(n), qāla yā qaumi‘budullāḥa mā lakum min ilāhin gairuh(ū), huwa ansya'akum minal-arḍi wasta‘marakum fīhā fastagfirūhu ṡumma tūbū ilaih(i), inna rabbī qarībum mujīb(un).
[61] Anna lao di kaumna Tsamud (Iyami’ ma’utus) lulluare’na, Saleh. (Saleh) ma’uang: “E kaumnu, Sombai Puang Allah Taala, sitongangna andiang diang Puang saliwan-Na (Iya). Iya (Puang) mappapiao mie’ pole di lita’ anna napajario pa’engeinna, sawa’ iyamo di’o perauo mie’ pa’dappang-Na, anna pe’atowa’o mie’ lao (di Puang). Sitongangna Puangngu kadeppu’ sanna’i (pammase-Na) anna mattarima (peraunna batuan-Na).”
قَالُوْا يٰصٰلِحُ قَدْ كُنْتَ فِيْنَا مَرْجُوًّا قَبْلَ هٰذَآ اَتَنْهٰىنَآ اَنْ نَّعْبُدَ مَا يَعْبُدُ اٰبَاۤؤُنَا وَاِنَّنَا لَفِيْ شَكٍّ مِّمَّا تَدْعُوْنَآ اِلَيْهِ مُرِيْبٍ٦٢
Qālū yā ṣāliḥu qad kunta fīnā marjuwwan qabla hāżā atanhānā an na‘buda mā ya‘budu ābā'unā wa innanā lafī syakkim mimmā tad‘ūnā ilaihi murīb(in).
[62] Ise’iya (kaumna Tsamud) ma’uang: “E Saleh, sitongangna diango’o di andiangnapai di’e mesa tau di iyami’ iya dirannuang, Apa’ muposaradi iyami’ na massomba anu nasomba ama-ama’i? Sitongangna iyami’ tongang lalang di abata-batang iya mepabalisa di agama iya mupe’illongan (mupesioang) di iyami’.”
قَالَ يٰقَوْمِ اَرَءَيْتُمْ اِنْ كُنْتُ عَلٰى بَيِّنَةٍ مِّنْ رَّبِّيْۗ وَاٰتٰىنِيْ مِنْهُ رَحْمَةً فَمَنْ يَّنْصُرُنِيْ مِنَ اللّٰهِ اِنْ عَصَيْتُهٗ ۗفَمَا تَزِيْدُوْنَنِيْ غَيْرَ تَخْسِيْرٍ٦٣
Qāla yā qaumi ara'aitum in kuntu ‘alā bayyinatim mir rabbī, wa ātānī minhu raḥmatan famay yanṣurunī minallāhi in ‘aṣaituh(ū), famā tazīdūnanī gaira takhsīr(in).
[63] (Saleh) ma’uang: “E kaumnu, me’apai tangngarmu mie’ mua’ maappunnaia’ butti iya mannassa pole di Puang­ngu anna na beia’ pammase (anabiang) di sese-Na, jari inai na mattulunga’ pole di passessana Puang Allah Taala mua’ iyau maadorakai’-I. Jari andiango’o mattambai di seseu selaengna arugiang.
وَيٰقَوْمِ هٰذِهٖ نَاقَةُ اللّٰهِ لَكُمْ اٰيَةً فَذَرُوْهَا تَأْكُلْ فِيْٓ اَرْضِ اللّٰهِ وَلَا تَمَسُّوْهَا بِسُوْۤءٍ فَيَأْخُذَكُمْ عَذَابٌ قَرِيْبٌ٦٤
Wa yā qaumi hāżihī nāqatullāhi lakum āyatan fa żarūhā ta'kul fī arḍillāhi wa lā tamassūhā bisū'in fa ya'khużakum ‘ażābun qarīb(un).
[64] Anna E kaumnu, iyamo di’e unta baine pole di Puang Allah Taala, menjari mu’jizat (patiroang atongangan) di sesemu, sawa’ bassami di’o pappaso’naimi ummande di baona linona Puang Allah Taala, anna da musara-sarai di pappasara-sara iya na massawa’io mie’ narua passessa iya kadeppu’.
فَعَقَرُوْهَا فَقَالَ تَمَتَّعُوْا فِيْ دَارِكُمْ ثَلٰثَةَ اَيَّامٍ ۗذٰلِكَ وَعْدٌ غَيْرُ مَكْذُوْبٍ٦٥
Fa ‘aqarūhā fa qāla tamatta‘ū fī dārikum ṡalāṡata ayyām(in), żālika wa‘dun gairu makżūb(in).
[65] Jari ise’iya mappatei di’o untao, jari (Saleh) ma’uang: “Pe’ariomo’o mie’ iyanasangna dio di boyangmu tallungallo saena, iya di’o pa’janjiang iya andiang mala diloso-losongan.”
فَلَمَّا جَاۤءَ اَمْرُنَا نَجَّيْنَا صٰلِحًا وَّالَّذِيْنَ اٰمَنُوْا مَعَهٗ بِرَحْمَةٍ مِّنَّا وَمِنْ خِزْيِ يَوْمِىِٕذٍ ۗاِنَّ رَبَّكَ هُوَ الْقَوِيُّ الْعَزِيْزُ٦٦
Falammā jā'a amrunā najjainā ṣāliḥaw wal-lażīna āmanū ma‘ahū biraḥmatim minnā wa min khizyi yaumi'iż(in), inna rabbaka huwal-qawiyyul-‘ażīz(u).
[66] Jari di wattu polena passessa-I, Iyami’ mappasalama’ Saleh siola to matappa’ massolangi sawa’ pammase pole di Iyami’ anna (Iyami’ mappasalama’i) pole di amatunang di allo di’o. Sitongangna Puangmu Iya Masarro Makasau’ na Maraya Pa’ulleang.
وَاَخَذَ الَّذِيْنَ ظَلَمُوا الصَّيْحَةُ فَاَصْبَحُوْا فِيْ دِيَارِهِمْ جٰثِمِيْنَۙ٦٧
Wa akhażal-lażīna ẓalamuṣ-ṣaiḥatu fa aṣbaḥū fī dārihim jāṡimīn(a).
[67] Anna mesa bamba makarras mengguttur marruai to ta’lalo pagau’ bawang, anna ise’iya mate siotto-ottongni dio di boyangna.
كَاَنْ لَّمْ يَغْنَوْا فِيْهَا ۗ اَلَآ اِنَّ ثَمُوْدَا۟ كَفَرُوْا رَبَّهُمْ ۗ اَلَا بُعْدًا لِّثَمُوْدَ ࣖ٦٨
Ka allam yagnau fīhā, alā inna ṡamūda kafarū rabbahum, alā bu‘dal liṡamūd(a).
[68] Ingga’na le’bai ise’iya andiangpa rua ma’engei (boyangna) di’o, Ingarangi, sitongangna kaumna Tsamud makkaperri Puangna. Ingarangi, abinasanganmo di kaumna Tsamud.
وَلَقَدْ جَاۤءَتْ رُسُلُنَآ اِبْرٰهِيْمَ بِالْبُشْرٰى قَالُوْا سَلٰمًا ۖقَالَ سَلٰمٌ فَمَا لَبِثَ اَنْ جَاۤءَ بِعِجْلٍ حَنِيْذٍ٦٩
Wa laqad jā'at rusulunā ibrāhīma bil-busyrā qālū salāmā(n), qāla salāmun famā labiṡa an jā'a bi‘ijlin ḥanīż(in).
[69] Anna sitongangna para sioa’-I (malaika’) polemi lao di Ibrahim mambawa karewa mapperio-rio, ma’uangi: “Salama’.” (Ibrahim) ma’uang: "Salama’,” jari andiang masae lao Ibrahim mappepetoanang ana’ saping iya ditapa.
فَلَمَّا رَآٰ اَيْدِيَهُمْ لَا تَصِلُ اِلَيْهِ نَكِرَهُمْ وَاَوْجَسَ مِنْهُمْ خِيْفَةً ۗقَالُوْا لَا تَخَفْ اِنَّآ اُرْسِلْنَآ اِلٰى قَوْمِ لُوْطٍۗ٧٠
Falammā ra'ā aidiyahum lā taṣilu ilaihi nakirahum wa aujasa minhum khīfah(tan), qālū lā takhaf innā ursilnā ilā qaumi lūṭ(in).
[70] Jari di wattunna naitai limanna ise’iya andiangi mandonggo, (Ibrahim) mambata-batai anna nasa’dingi marakke’ lao ise’iya. (Malaika’) di’o ma’uang: “Da parakke’, sitongangna iyami’ (malaika’) iya disio lao di kaumna Luth.”
وَامْرَاَتُهٗ قَاۤىِٕمَةٌ فَضَحِكَتْ فَبَشَّرْنٰهَا بِاِسْحٰقَۙ وَمِنْ وَّرَاۤءِ اِسْحٰقَ يَعْقُوْبَ٧١
Wamra'atuhū qā'imatun fa ḍaḥikat fa basysyarnāhā bi'isḥāq(a), wa miw warā'i isḥāqa ya‘qūb(a).
[71] Anna bainena mekke’de (dio diboe’ rinding) mane diangi mecawa ca’beru, jari Iyami’ mappalambi’ di sesena karewa mapperio-rio di (piananganna) Ishak anna pole di Ishak (na dipianangi) Ya’kub.
قَالَتْ يٰوَيْلَتٰىٓ ءَاَلِدُ وَاَنَا۠ عَجُوْزٌ وَّهٰذَا بَعْلِيْ شَيْخًا ۗاِنَّ هٰذَا لَشَيْءٌ عَجِيْبٌ٧٢
Qālat yā wailatā a'alidu wa ana ‘ajūzuw wa hāżā ba‘lī syaikhā(n), inna hāżā lasyai'un ‘ajīb(un).
[72] (Bainena) ma’uang: “tongang mappihera-herangi, apa’ na meana’da’ di’e anna iyau mabuwengma’, anna iya di’e muaneu-e mabuweng toi? Sitongangna iya di’e bassae tongang mesa anu iya mepatakkayanna’.”
قَالُوْٓا اَتَعْجَبِيْنَ مِنْ اَمْرِ اللّٰهِ رَحْمَتُ اللّٰهِ وَبَرَكٰتُهٗ عَلَيْكُمْ اَهْلَ الْبَيْتِۗ اِنَّهٗ حَمِيْدٌ مَّجِيْدٌ٧٣
Qālū ata‘jabīna min amrillāhi raḥmatullāhi wa barakātuh(ū), ‘alaikum ahlal-bait(i), innahū ḥamīdum majīd(un).
[73] (Para malaika’ di’o) ma’uang: “Apa’ takkayanna’ do’o mie’ lao di anu napato’ Puang Allah Taala? (Iya di’o) pammasena Puang Allah Taala anna barakka’-Na di sesemu mie’ E ahlul bait. Sitongangna Puang Allah Taala Masarro Tipuyi na Mala’bi’.”
فَلَمَّا ذَهَبَ عَنْ اِبْرٰهِيْمَ الرَّوْعُ وَجَاۤءَتْهُ الْبُشْرٰى يُجَادِلُنَا فِيْ قَوْمِ لُوْطٍ٧٤
Falammā żahaba ‘an ibrāhīmar rau‘u wa jā'athul busyrā yujādilunā fī qaumi lūṭ(in).
[74] Jari di wattunna amarakkeang lanynya’ (pa’da) dio di Ibrahim anna karewa mapperio-rio mappolei’i, (Ibrahim sibali pau malaika’-I) masalah kaumna Luth.
اِنَّ اِبْرٰهِيْمَ لَحَلِيْمٌ اَوَّاهٌ مُّنِيْبٌ٧٥
Inna ibrāhīma laḥalīmun awwāhum munīb(un).
[75] Sitongangna Ibrahim di’o tongang mesa to mappelomo na malawo anna naelo’i membali’ (lao di Puang Allah Taala).
يٰٓاِبْرٰهِيْمُ اَعْرِضْ عَنْ هٰذَا ۚاِنَّهٗ قَدْ جَاۤءَ اَمْرُ رَبِّكَۚ وَاِنَّهُمْ اٰتِيْهِمْ عَذَابٌ غَيْرُ مَرْدُوْدٍ٧٦
Yā ibrāhīmu a‘riḍ ‘an hāżā, innahū qad jā'a amru rabbik(a), wa innahum ātīhim ‘ażābun gairu mardūd(in).
[76] E Ibrahim, pelei’i di’e assibalipauang-e, sitongangna polemi pato’na Puangmu, anna sitongangna ise’iya na napolei passessa (awala’) iya andiang mala disu’eang.
وَلَمَّا جَاۤءَتْ رُسُلُنَا لُوْطًا سِيْۤءَ بِهِمْ وَضَاقَ بِهِمْ ذَرْعًا وَّقَالَ هٰذَا يَوْمٌ عَصِيْبٌ٧٧
Wa lammā jā'at rusulunā lūṭan sī'a bihim wa ḍāqa bihim żar‘aw wa qāla hāżā yaumun ‘aṣīb(un).
[77] Anna di wattunna polemo para sioa’-I (malaika’) di’o lao di Luth, diangi masussai anna sippi’i dadanna sawa’ apoleangna ise’iya anna ma’uangi: “Iya di’e allo kaminang masussa.”
وَجَاۤءَهٗ قَوْمُهٗ يُهْرَعُوْنَ اِلَيْهِۗ وَمِنْ قَبْلُ كَانُوْا يَعْمَلُوْنَ السَّيِّاٰتِۗ قَالَ يٰقَوْمِ هٰٓؤُلَاۤءِ بَنَاتِيْ هُنَّ اَطْهَرُ لَكُمْ فَاتَّقُوا اللّٰهَ وَلَا تُخْزُوْنِ فِيْ ضَيْفِيْۗ اَلَيْسَ مِنْكُمْ رَجُلٌ رَّشِيْدٌ٧٨
Wa jā'ahū qaumuhū yuhra‘ūna ilaih(i), wa min qablu kānū ya‘malūnas-sayyi'āt(i), qāla yā qaumi hā'ulā'i banātī hunna aṭharu lakum fattaqullāha wa lā tukhzūni fī ḍaifī, alaisa minkum rajulur rasyīd(un).
[78] Anna polemi lao di kaumna me’asiga-siga. Anna diolo’ duapai na samata mappogau’ adaeang (carupu’). Luth ma’uang: “E kaumnu, iyamo di’e (ne’ibainena) banua’u, diangi la’bi mapaccing di sesemu, jari pe’atakwao mie’ lao di Puang Allah Taala anna da mie’ mupasiria’ lao di toanau di’e. Apa’ andiangdi diang di sesemu mie’ pambei patiroang?”
قَالُوْا لَقَدْ عَلِمْتَ مَا لَنَا فِيْ بَنٰتِكَ مِنْ حَقٍّۚ وَاِنَّكَ لَتَعْلَمُ مَا نُرِيْدُ٧٩
Qālū laqad ‘alimta mā lanā fī banātika min ḥaqq(in), wa innaka lata‘lamu mā nurīd(u).
[79] Ise’iya ma’uang: “Sitongangna pura muissangi iyami’ mua’ andiangi iyami’ maappunnai ameloang (cinna) lao di ne’ibainemu, anna sitongangna muissangi anu iya iyami’ akkattai.”
قَالَ لَوْ اَنَّ لِيْ بِكُمْ قُوَّةً اَوْ اٰوِيْٓ اِلٰى رُكْنٍ شَدِيْدٍ٨٠
Qāla lau anna lī bikum quwwatan au āwī ilā ruknin syadīd(in).
[80] (Luth) ma’uang: “tenna’ maappunnaida’ agassingan (na massu’eango’o) iyade’ (tenna’) mala’ metturundung lao di pallulluareang iya magassing (na upogau’i).”
قَالُوْا يٰلُوْطُ اِنَّا رُسُلُ رَبِّكَ لَنْ يَّصِلُوْٓا اِلَيْكَ فَاَسْرِ بِاَهْلِكَ بِقِطْعٍ مِّنَ الَّيْلِ وَلَا يَلْتَفِتْ مِنْكُمْ اَحَدٌ اِلَّا امْرَاَتَكَۗ اِنَّهٗ مُصِيْبُهَا مَآ اَصَابَهُمْ ۗاِنَّ مَوْعِدَهُمُ الصُّبْحُ ۗ اَلَيْسَ الصُّبْحُ بِقَرِيْبٍ٨١
Qālū yā lūṭu innā rusulu rabbika lay yaṣilū ilaika fa asri bi'ahlika biqiṭ‘im minal-laili wa lā yaltafit minkum aḥadun illamra'atak(a), innahū muṣībuhā mā aṣābahum, inna mau‘idahumuṣ-ṣubḥ(u), alaisaṣ-ṣubḥu biqarīb(in).
[81] (malaika’) ma’uang: “E Luth, sitongangna iyami’ sioang­na Puangmu, andiang sinalai ise’iya mala na massara-saraio, sawa’ bassami di’o lambamo’o bawai pallullua­reangmu anna to mappeccoe’io di cappa’ bongi anna da diang mottong mau na mesana tau, selaengna bainemu. Sitongangna na naruai passessa (awala’) iya marruai ise’iya. Sitongangna (wattu ise’iya pole) passessa di wattu suwu. Apa’ taniadi wattu suwu di’o kadeppu’mi ?”
فَلَمَّا جَاۤءَ اَمْرُنَا جَعَلْنَا عَالِيَهَا سَافِلَهَا وَاَمْطَرْنَا عَلَيْهَا حِجَارَةً مِّنْ سِجِّيْلٍ مَّنْضُوْدٍ٨٢
Falammā jā'a amrunā ja‘alnā ‘āliyahā sāfilahā wa amṭarnā ‘alaihā ḥijāratam min sijjīlim manḍūd(in).
[82] Jari di wattunna pole passessa-I. Iyami’ mappajari banuanna kaumna Luth di’o anu tondo dai’ menjari tondo naung (Iyami’ mappatitumballe’), anna Iyami’ mappaurangngi’i batu pole di lita’ iya titunu,
مُسَوَّمَةً عِنْدَ رَبِّكَۗ وَمَا هِيَ مِنَ الظّٰلِمِيْنَ بِبَعِيْدٍ ࣖ٨٣
Musawwamatan ‘inda rabbik(a) wa mā hiya minaẓ-ẓālimīna biba‘īd(in).
[83] Iya na bei Puangmu alama’ (tanda), anna iya di’o sessa-o andiangi karao pole di to ta’lalo pagau’ bawang.
۞ وَاِلٰى مَدْيَنَ اَخَاهُمْ شُعَيْبًا ۗقَالَ يٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَيْرُهٗ ۗوَلَا تَنْقُصُوا الْمِكْيَالَ وَالْمِيْزَانَ اِنِّيْٓ اَرٰىكُمْ بِخَيْرٍ وَّاِنِّيْٓ اَخَافُ عَلَيْكُمْ عَذَابَ يَوْمٍ مُّحِيْطٍ٨٤
Wa ilā madyana akhāhum syu‘aibā(n), qāla yā qaumi‘budullāha mā lakum min ilāhin gairuh(ū), wa lā tanquṣul-mikyāla wal-mīzāna innī arākum bikhairiw wa innī akhāfu ‘alaikum ‘ażāba yaumim muḥīṭ(in).
[84] Anna lao di (pakkappung) Madyan (Iyami’ massio) lulluare’na, Syuaib. Iya ma’uang: “E kaumnu, sombai mie’ Puang Allah Taala, sitongangna andiang sinala diang Puang di sesemu selaengna Iya. Anna da mie’ pakkurangngi ukurang anna timbangan. Sitongangna uitao mie’ lalang di apiangan anna sitongangna upaarakkeango’o mie’ pole di passessa (awala’) allo iya mappabinasa (keama’).
وَيٰقَوْمِ اَوْفُوا الْمِكْيَالَ وَالْمِيْزَانَ بِالْقِسْطِ وَلَا تَبْخَسُوا النَّاسَ اَشْيَاۤءَهُمْ وَلَا تَعْثَوْا فِى الْاَرْضِ مُفْسِدِيْنَ٨٥
Wa yā qaumi auful-mikyāla wal-mīzāna bil-qisṭi wa lā tabkhasun-nāsa asy-yā'ahum wa lā ta‘ṡau fil-arḍi mufsidīn(a).
[85] Anna (Syuaib) ma’uang: “E kaumnu, paganna’i ukurang anna timbangan cara adil, anna da mie’ mapparugi tau di ha’na anna da mie’ mappogau’ adaeang di baona lino sawa’ mappogau’ anu iya marrusa’.
بَقِيَّتُ اللّٰهِ خَيْرٌ لَّكُمْ اِنْ كُنْتُمْ مُّؤْمِنِيْنَ ەۚ وَمَآ اَنَا۠ عَلَيْكُمْ بِحَفِيْظٍ٨٦
Baqiyyatullāhi khairul lakum in kuntum mu'minīn(a), wa mā ana ‘alaikum biḥafīẓ(in).
[86] La’binna passaroang sangga polei di Puang Allah Taala la’bi macoai di sesemu mie’ mua’ diango’o to matappa’. Anna iyau tania’ pa’jaga di alawemu mie’.”
قَالُوْا يٰشُعَيْبُ اَصَلٰوتُكَ تَأْمُرُكَ اَنْ نَّتْرُكَ مَا يَعْبُدُ اٰبَاۤؤُنَآ اَوْ اَنْ نَّفْعَلَ فِيْٓ اَمْوَالِنَا مَا نَشٰۤؤُا ۗاِنَّكَ لَاَنْتَ الْحَلِيْمُ الرَّشِيْدُ٨٧
Qālū yā syu‘aibu aṣalātuka ta'muruka an natruka mā ya‘budu ābā'unā au an naf‘ala fī amwālinā mā nasyā'(u), innaka la'antal-ḥalīmur-rasyīd(u).
[87] Ise’iya ma’uang: “E Syuaib, apa’ agamamudi massio’o malaai iyami’ mappelei iya anu nasomba to mabu­wengngi iyade’ mappusara iyami’ mappogau’ anu iya iyami’ dipoelo’ di sesena barang-barangngi. Sitongangna i’o tongang pappelomo na pambei patiroang.”
قَالَ يٰقَوْمِ اَرَءَيْتُمْ اِنْ كُنْتُ عَلٰى بَيِّنَةٍ مِّنْ رَّبِّيْ وَرَزَقَنِيْ مِنْهُ رِزْقًا حَسَنًا وَّمَآ اُرِيْدُ اَنْ اُخَالِفَكُمْ اِلٰى مَآ اَنْهٰىكُمْ عَنْهُ ۗاِنْ اُرِيْدُ اِلَّا الْاِصْلَاحَ مَا اسْتَطَعْتُۗ وَمَا تَوْفِيْقِيْٓ اِلَّا بِاللّٰهِ ۗعَلَيْهِ تَوَكَّلْتُ وَاِلَيْهِ اُنِيْبُ٨٨
Qāla yā qaumi ara'aitum in kuntu ‘alā bayyinatim mir rabbī wa razaqanī minhu rizqan ḥasanaw wa mā urīdu an ukhālifakum ila mā anhākum ‘anh(u), in urīdu illal-iṣlāḥa mastaṭa‘t(u), wa mā taufīqī illā billāh(i), ‘alaihi tawakkaltu wa ilaihi unīb(u).
[88] (Syuaib) ma’uang: “E kaumnu, me’apai tangngarmu mie’ mua’ maappunnaia’ butti mannassa pole di Puangngu anna di bengana' pappidalle’ macoa (sipato’da’ mappelei pesio-Na)? Anna andianga’ mappeleio (na mappogau’) iya anu uposara. Andiang diang akkattau selaengna (mappapole) apiangan mua’ paulle duapa’. Anna andiang diang patiroang di seseu selaengna (pattulungna) Puang Allah Taala. Sangga’ lao di Puang Allah Taala iyau mattawakkal anna sangga’ di sese-Nai iyau membali’.
وَيٰقَوْمِ لَا يَجْرِمَنَّكُمْ شِقَاقِيْٓ اَنْ يُّصِيْبَكُمْ مِّثْلُ مَآ اَصَابَ قَوْمَ نُوْحٍ اَوْ قَوْمَ هُوْدٍ اَوْ قَوْمَ صٰلِحٍ ۗوَمَا قَوْمُ لُوْطٍ مِّنْكُمْ بِبَعِيْدٍ٨٩
Wa yā qaumi lā yajrimannakum syiqāqī ay yuṣībakum miṡlu mā aṣāba qauma nūḥin au qauma hūdin au qauma ṣāliḥ(in), wa mā qaumu lūṭim minkum biba‘īd(in).
[89] Anna E kaumnu, dai assisalang di seseu (anna di sesemu) massawa’io me’ menjari adae’ lambi’o narua passessa (awala’) sitteng iya marruai kaumna Nuh, iyade’ kaumna Hud, iyade’ kaumna Saleh, anna kaumna Luth andiang toi karao engeangna di sesemu mie’.
وَاسْتَغْفِرُوْا رَبَّكُمْ ثُمَّ تُوْبُوْٓا اِلَيْهِ ۗاِنَّ رَبِّيْ رَحِيْمٌ وَّدُوْدٌ٩٠
Wastagfirū rabbakum ṡumma tūbū ilaih(i), inna rabbī raḥīmuw wadūd(un).
[90] Anna perau a’dappango’o mie’ lao di Puangmu mane towa’o di sese-Na. Sitongangna Puangngu Masarro Masayang na Makkesayang.
قَالُوْا يٰشُعَيْبُ مَا نَفْقَهُ كَثِيْرًا مِّمَّا تَقُوْلُ وَاِنَّا لَنَرٰىكَ فِيْنَا ضَعِيْفًا ۗوَلَوْلَا رَهْطُكَ لَرَجَمْنٰكَ ۖوَمَآ اَنْتَ عَلَيْنَا بِعَزِيْزٍ٩١
Qālū yā syu‘aibu mā nafqahu kaṡīram mimmā taqūlu wa innā lanarāka fīnā ḍa‘īfā(n), wa lau lā rahṭuka larajamnāk(a), wa anta ‘alainā bi‘azīz(in).
[91] Ise’iya ma’uang: “E Syuaib, andiangi mae’di pa’isssanga’i di anu iya mupau anna sitongangna iyami’ ma’ita malammao di sesei, tenna’ tania sawa’ sangana’mu (pallulluareangmu) dirajammo’o, anna taniao to diasiri’ (dipakaraya) di sesei.”
قَالَ يٰقَوْمِ اَرَهْطِيْٓ اَعَزُّ عَلَيْكُمْ مِّنَ اللّٰهِ ۗوَاتَّخَذْتُمُوْهُ وَرَاۤءَكُمْ ظِهْرِيًّا ۗاِنَّ رَبِّيْ بِمَا تَعْمَلُوْنَ مُحِيْطٌ٩٢
Qāla yā qaumi arahṭī a‘azzu ‘alaikum minallāh(i), wattakhażtumūhu warā'akum ẓihriyyā(n), inna rabbī bimā ta‘malūna muḥīṭ(un).
[92] (Syuaib) ma’ang: “E kaumnu, apa’ to di alaweu la’bi mala’bi’di mi’apa tanggarmu dadi Puang Allah Taala, anna Puang Allah Taala mupajari seu-seuwa iya musim­bangan lao di pondo’mu? Sitongangna (pa’issa­nganna) Puangngu (massalippuri) di inggannana anu mupogau’.
وَيٰقَوْمِ اعْمَلُوْا عَلٰى مَكَانَتِكُمْ اِنِّيْ عَامِلٌ ۗسَوْفَ تَعْلَمُوْنَۙ مَنْ يَّأْتِيْهِ عَذَابٌ يُّخْزِيْهِ وَمَنْ هُوَ كَاذِبٌۗ وَارْتَقِبُوْٓا اِنِّيْ مَعَكُمْ رَقِيْبٌ٩٣
Wa yā qaumi‘malū ‘alā makānatikum innī ‘āmil(un), saufa ta‘lamūn(a), may ya'tīhi ‘ażābuy yukhzīhi wa man huwa kāżib(un), wartaqibū innī ma‘akum raqīb(un).
[93] Anna E kaumnu, pogau’i mie’ me’apa pa’ulleangmu, sitongangna iyau mappogau’ toa’. Na muissangi maniniinai na narua passessa (awala’) iya mappamatuna anna inai losong. Anna eppei’i mie’ passessa (awala’na Puang), sitongangna iyau metteppe toa’ siola tau.”
وَلَمَّا جَاۤءَ اَمْرُنَا نَجَّيْنَا شُعَيْبًا وَّالَّذِيْنَ اٰمَنُوْا مَعَهٗ بِرَحْمَةٍ مِّنَّاۚ وَاَخَذَتِ الَّذِيْنَ ظَلَمُوا الصَّيْحَةُ فَاَصْبَحُوْا فِيْ دِيَارِهِمْ جٰثِمِيْنَۙ٩٤
Wa lammā jā'a amrunā najjainā syu‘aibaw wal-lażīna amanū ma‘ahū biraḥmatim minnā, wa akhażatil-lażīna ẓalamuṣ-ṣaiḥatu fa aṣbaḥū fī diyārihim jāṡimīn(a).
[94] Anna di wattu polena passessa-I (awala’-I), Iyami’ mappasalama’ Syuaib anna to matappa’ siola-olai sawa’ pammase pole di Iyami’, anna to ta’lalo pagau’ bawang dipabinasai sawa’ mesa bamba mengguttur, anna menjarimi ise’iya mate siotto-ottongngi sisembur dio di boyangna,
كَاَنْ لَّمْ يَغْنَوْا فِيْهَا ۗ اَلَا بُعْدًا لِّمَدْيَنَ كَمَا بَعِدَتْ ثَمُوْدُ ࣖ٩٥
Ka allam yagnau fīhā, alā bu‘dal limadyana kamā ba‘idat ṡamūd(u).
[95] Ingga’na le’bai ise’iya andiangpa rua mottong di engeang di’o. Ingarangi, abinasang di sesena to mottong dio di Madyan me’apa kaumna Tsamud binasa.
وَلَقَدْ اَرْسَلْنَا مُوْسٰى بِاٰيٰتِنَا وَسُلْطٰنٍ مُّبِيْنٍۙ٩٦
Wa laqad arsalnā mūsā bi'āyātinā wa sulṭānim mubīn(in).
[96] Anna sitongangna Iyami’ pura ma’utus Musa sawa’ tanda-tanda (alama’ akkuasa’-I anna mu’jizat iya ma’nyata (mannassa),
اِلٰى فِرْعَوْنَ وَمَلَا۟ىِٕهٖ فَاتَّبَعُوْٓا اَمْرَ فِرْعَوْنَ ۚوَمَآ اَمْرُ فِرْعَوْنَ بِرَشِيْدٍ٩٧
Ilā fir‘auna wa mala'ihī fattaba‘ū amra fir‘aun(a), wa mā amru fir‘auna birasyīd(in).
[97] Lao di Fir’aun anna pangulu-pangulu kaumna, jari ise’iya mappeccoe’i parentana Fir’aun, anna parentana Fir’aun tongang tania (parenta) iya tongang.
يَقْدُمُ قَوْمَهٗ يَوْمَ الْقِيٰمَةِ فَاَوْرَدَهُمُ النَّارَ ۗوَبِئْسَ الْوِرْدُ الْمَوْرُوْدُ٩٨
Yaqdumu qaumahū yaumal-qiyāmati fa auradahumun-nār(a), wa bi'sal-wirdul-maurūd(u).
[98] (Fir’aun) millamba dio di olona kaumna di allo keama’ mane napatamami ise’iya lalang di naraka. Anna (naraka iyamo) kaminang adae’na engeang iya dipolei.
وَاُتْبِعُوْا فِيْ هٰذِهٖ لَعْنَةً وَّيَوْمَ الْقِيٰمَةِۗ بِئْسَ الرِّفْدُ الْمَرْفُوْدُ٩٩
Wa utbi‘ū fī hāżihī la‘nataw wa yaumal-qiyāmah(ti), bi'sar-rifdul-marfūd(u).
[99] Anna ise’iya tulu napeccoe’i paccallana di’e lino-e anna (tipateng toi) di allo keama’. Iya di’o paccall-o di’o kaminang adae’na pappibengan iya napibengan.
ذٰلِكَ مِنْ اَنْۢبَاۤءِ الْقُرٰى نَقُصُّهٗ عَلَيْكَ مِنْهَا قَاۤىِٕمٌ وَّحَصِيْدٌ١٠٠
Żālika min ambā'il-qurā naquṣṣuhū ‘alaika minhā qā'imuw wa ḥaṣīd(un).
[100] Iyamo di’o sambareang pole di karewana banua (iya pura dipabinasa) iya Iyami’ curitango’o (Muhammad), di banua-banua di’o diang dita batena anna diang tomo accur.
وَمَا ظَلَمْنٰهُمْ وَلٰكِنْ ظَلَمُوْٓا اَنْفُسَهُمْ فَمَآ اَغْنَتْ عَنْهُمْ اٰلِهَتُهُمُ الَّتِيْ يَدْعُوْنَ مِنْ دُوْنِ اللّٰهِ مِنْ شَيْءٍ لَّمَّا جَاۤءَ اَمْرُ رَبِّكَۗ وَمَا زَادُوْهُمْ غَيْرَ تَتْبِيْبٍ١٠١
Wa mā ẓalamnāhum wa lākin ẓalamū anfusahum famā agnat ‘anhum ālihatuhumul-latī yad‘ūna min dūnillāhi min syai'il lammā jā'a amru rabbik(a), wa mā zādūhum gaira tatbīb(in).
[101] Anna Iyami’ andiang manggau’ bawangi ise’iya, anna iya tia ise’iya di tia manggau’ bawang alawena, iyamo tu’u na andiang diang gunana mau nasaicco’na di sesena somba-sombang iya na somba selaengna Puang Allah Taala, di wattu passessa (awala’)na Puangmu pole. Anna somba-sombang di’o andiangi mattambai di sesena selaengna abinasang.
وَكَذٰلِكَ اَخْذُ رَبِّكَ اِذَآ اَخَذَ الْقُرٰى وَهِيَ ظَالِمَةٌ ۗاِنَّ اَخْذَهٗٓ اَلِيْمٌ شَدِيْدٌ١٠٢
Wa każālika akhżu rabbika iżā akhażal-qurā wa hiya ẓālimah(tun), inna akhżahū alīmun syadīd(un).
[102] Anna bassami di’o passessa (awala’na) Puangmu, mua’ Iya na massessa pa’banua iya mappogau’ ata’la­loang. Sitongangna passessa (awala’)-Na di’o pemonge’sanna’ na makarras.
اِنَّ فِيْ ذٰلِكَ لَاٰيَةً لِّمَنْ خَافَ عَذَابَ الْاٰخِرَةِ ۗذٰلِكَ يَوْمٌ مَّجْمُوْعٌۙ لَّهُ النَّاسُ وَذٰلِكَ يَوْمٌ مَّشْهُوْدٌ١٠٣
Inna fī żālika la'āyatal liman khāfa ‘ażābal-ākhirah(ti), żālika yaumum majmū‘(un), lahun-nāsu wa żālika yaumum masyhūd(un).
[103] Sitongangna iya bassa di’o tongang diang pe’guruang di sesena to marakke’ lao di passessa (awala’) na ahera’. Allo keama’ di’o (iyamo) mesa allo iya inggannana rupa tau dipasirumung nasangi (na ma’oloi allo keama’). Anna iya di’o allo-o nasa’bi (inggannana anu dipajari).
وَمَا نُؤَخِّرُهٗٓ اِلَّا لِاَجَلٍ مَّعْدُوْدٍۗ١٠٤
Wa mā nu'akhkhiruhū illā li'ajalim ma‘dūd(in).
[104] Anna Iyami’ andiang mappamautu’ (mappependiboe’), selaengna lambi’ di wattu iya pura dipatttantu.
يَوْمَ يَأْتِ لَا تَكَلَّمُ نَفْسٌ اِلَّا بِاِذْنِهٖۚ فَمِنْهُمْ شَقِيٌّ وَّسَعِيْدٌ١٠٥
Yauma ya'ti lā takallamu nafsun illā bi'iżnih(ī), fa minhum syaqiyyuw wa sa‘īd(un).
[105] Di polenamo di’o allo-o, andiang diang mesa tau mappau, selaengna pa’elorang-Na (Puang), anna di antarana ise’iya diang cilaka anna diang to’o masannang.
فَاَمَّا الَّذِيْنَ شَقُوْا فَفِى النَّارِ لَهُمْ فِيْهَا زَفِيْرٌ وَّشَهِيْقٌۙ١٠٦
Fa ammal-lażīna syaqū fa fin-nāri lahum fīhā zafīruw wa syahīq(un).
[106] Anna to cilaka, jari (engeanna lalang) di naraka, di lalangna ise’iya mappasung na mambeso nappas (merrae-raeng).
خٰلِدِيْنَ فِيْهَا مَا دَامَتِ السَّمٰوٰتُ وَالْاَرْضُ اِلَّا مَا شَاۤءَ رَبُّكَۗ اِنَّ رَبَّكَ فَعَّالٌ لِّمَا يُرِيْدُ١٠٧
Khālidīna fīhā mā dāmatis-samāwātu wal-arḍu illā mā syā'a rabbuk(a), inna rabbaka fa‘‘ālul limā yurīd(u).
[107] Ise’iya mannannungan di lalangna selama diang duapa langi’ anna lino, selaengna mua’ Puangmu mappoelo’ (laeng). Sitongangna Puangmu napogau’i di anu iya napoelo’.
۞ وَاَمَّا الَّذِيْنَ سُعِدُوْا فَفِى الْجَنَّةِ خٰلِدِيْنَ فِيْهَا مَا دَامَتِ السَّمٰوٰتُ وَالْاَرْضُ اِلَّا مَا شَاۤءَ رَبُّكَۗ عَطَاۤءً غَيْرَ مَجْذُوْذٍ١٠٨
Wa ammal-lażīna su‘idū fa fil-jannati khālidīna fīhā mā dāmatis-samāwātu wal-arḍu illā mā syā'a rabbuk(a), ‘aṭā'an gaira majżūż(in).
[108] Anna to masannang, engeangna lalang di suruga, se’iya mannannungan di lalangna selama diang duapa langi’ anna lino, selaengna mua’ Puangmu mappoelo’ (laeng), Pammasena iya andiang rua me’osa.
فَلَا تَكُ فِيْ مِرْيَةٍ مِّمَّا يَعْبُدُ هٰٓؤُلَاۤءِ ۗمَا يَعْبُدُوْنَ اِلَّا كَمَا يَعْبُدُ اٰبَاۤؤُهُمْ مِّنْ قَبْلُ ۗوَاِنَّا لَمُوَفُّوْهُمْ نَصِيْبَهُمْ غَيْرَ مَنْقُوْصٍ ࣖ١٠٩
Falā taku fī miryatim mimmā ya‘budu hā'ulā'(i), mā ya‘budūna illā kamā ya‘budu ābā'uhum min qabl(u), wa innā lamuwaffūhum naṣībahum gaira manqūṣ(in).
[109] Jari da (Muhammad) di lalangna di a bata-batang di anu iya nasomba ise’iya. Ise’iya andiangi massomba selaengna me’apai kanne-kanne’na massomba diolo’ mai. Anna sitongangna Iyami’ na mappasukku’ tongang pambalasan (ise’iya) anna andiangi dikurangngi mau nasaicco’na.
وَلَقَدْ اٰتَيْنَا مُوْسَى الْكِتٰبَ فَاخْتُلِفَ فِيْهِ ۗوَلَوْلَا كَلِمَةٌ سَبَقَتْ مِنْ رَّبِّكَ لَقُضِيَ بَيْنَهُمْ ۗوَاِنَّهُمْ لَفِيْ شَكٍّ مِّنْهُ مُرِيْبٍ١١٠
Wa laqad ātainā mūsal-kitāba fakhtulifa fīh(i), wa lau lā kalimatun sabaqat mir rabbika laquḍiya bainahum, wa innahum lafī syakkim minhu murīb(in).
[110] Anna sitongangna Iyami’ pura mambei Kitta’ (Taurat) lao di Musa, mane iya di’o kitta’-o nasisakka’i. Anna tenna’ andiang diang attattuang madiolo pole di Puangmu, tongang na dipato’mi hukum lao ise’iya. Anna sitongangna ise’iya (to kaper Makkah) di lalangnai di abata-batang iya mappapuse’i (lao di Koroang).
وَاِنَّ كُلًّا لَّمَّا لَيُوَفِّيَنَّهُمْ رَبُّكَ اَعْمَالَهُمْ ۗاِنَّهٗ بِمَا يَعْمَلُوْنَ خَبِيْرٌ١١١
Wa inna kullan lammā layuwaffiyannahum rabbuka a‘mālahum, innahū bimā ya‘malūna khabīr(un).
[111] Anna sitongangna lao di tungga-tungga’ to (sisakka’ di’o) Puangmu tongang mappasukku’ na mappa­ganna’ (pambalasan) lao di pappogauangna ise’iya. Sitongangna Iya (Puang) Masarro Pakkarewa di anu iya napogau’ ise’iya.
فَاسْتَقِمْ كَمَآ اُمِرْتَ وَمَنْ تَابَ مَعَكَ وَلَا تَطْغَوْاۗ اِنَّهٗ بِمَا تَعْمَلُوْنَ بَصِيْرٌ١١٢
Fastaqim kamā umirta wa man tāba ma‘aka wa lā taṭgau, innahū bimā ta‘malūna baṣīr(un).
[112] Jari tatta’mo’o (Muhammad) di tangalalang iya tongang, me’apa iya disioango’o anna to pura towa’ massolango’o anna da mambulallo atorang. Sitongangna Iya (Puang) Masarro Paita di anu iya mupogau’.
وَلَا تَرْكَنُوْٓا اِلَى الَّذِيْنَ ظَلَمُوْا فَتَمَسَّكُمُ النَّارُۙ وَمَا لَكُمْ مِّنْ دُوْنِ اللّٰهِ مِنْ اَوْلِيَاۤءَ ثُمَّ لَا تُنْصَرُوْنَ١١٣
Wa lā tarkanū ilal-lażīna ẓalamū fa tamassakumun-nār(u), wa mā lakum min dūnillāhi min auliyā'a ṡumma lā tunṣarūn(a).
[113] Anna da mie’ patottong lao di to ta’lalo pagau’ bawang iya massawa’io nadu’du’ api naraka, anna togang andiango’o maappunnai mesa tau pattulung saliwangna Puang Allah Taala, mane andiango’o na dibengan pattulungan.
وَاَقِمِ الصَّلٰوةَ طَرَفَيِ النَّهَارِ وَزُلَفًا مِّنَ الَّيْلِ ۗاِنَّ الْحَسَنٰتِ يُذْهِبْنَ السَّيِّاٰتِۗ ذٰلِكَ ذِكْرٰى لِلذّٰكِرِيْنَ١١٤
Wa aqimiṣ-ṣalāta ṭarafayin-nahāri wa zulafam minal-lail(i), innal-ḥasanāti yużhibnas-sayyi'āt(i), żālika żikrā liż-żākirīn(a).
[114] Anna ke’deangi sambayang dio di da’dua biringna allo (malimang anna arawiang) anna dipammulanna bongi. Sitongangna panggauang iya macoa di’o maapusi panggauang adae’ (dosa). Iyamo di’o pappaingarang di sesena to paingarang (lao di Puang Allah Taala).
وَاصْبِرْ فَاِنَّ اللّٰهَ لَا يُضِيْعُ اَجْرَ الْمُحْسِنِيْنَ١١٥
Waṣbir fa innallāha lā yaḍī‘u ajral-muḥsinīn(a).
[115] Anna pe’asa’baro’o, sawa’ sitongangna Puang Allah Taala andiang mappalaosala appalangna to mappogau’ apiangan.
فَلَوْلَا كَانَ مِنَ الْقُرُوْنِ مِنْ قَبْلِكُمْ اُولُوْا بَقِيَّةٍ يَّنْهَوْنَ عَنِ الْفَسَادِ فِى الْاَرْضِ اِلَّا قَلِيْلًا مِّمَّنْ اَنْجَيْنَا مِنْهُمْ ۚوَاتَّبَعَ الَّذِيْنَ ظَلَمُوْا مَآ اُتْرِفُوْا فِيْهِ وَكَانُوْا مُجْرِمِيْنَ١١٦
Fa lau lā kāna minal-qurūni min qablikum ulū baqiyyatiy yanhauna ‘anil-fasādi fil-arḍi illā qalīlam mimman anjainā minhum, wattaba‘al-lażīna ẓalamū mā utrifū fīhi wa kānū mujrimīn(a).
[116] Jari mangapai na andiang diang di umma’ diolo’ (di andiangmupa) to maappunnai palla’birang iya mappusarao mappogau’ adaeang iya marrusa’ di baona lino, selaengna sambareang saicco’di Iyami’ mappasalama’i di antarana ise’iya. Anna pole di to ta’lalo pagau’ bawang sangga’ mappetondolaoi anyamangan iya keangga’ iya naappunnai ise’iya. Anna diangi ise’iya to madosa.
وَمَا كَانَ رَبُّكَ لِيُهْلِكَ الْقُرٰى بِظُلْمٍ وَّاَهْلُهَا مُصْلِحُوْنَ١١٧
Wa mā kāna rabbuka liyuhlikal-qurā biẓulmiw wa ahluhā muṣliḥūn(a).
[117] Anna Puangmu andiang sinalai na mappabinasa banua sawa’ pagau’ bawang (ata’laloang), anna (mua’) pa’banuana to mappogau’ apiangan.
وَلَوْ شَاۤءَ رَبُّكَ لَجَعَلَ النَّاسَ اُمَّةً وَّاحِدَةً وَّلَا يَزَالُوْنَ مُخْتَلِفِيْنَۙ١١٨
Wa lau syā'a rabbuka laja‘alan-nāsa ummataw wāḥidataw wa lā yazālūna mukhtalifīn(a).
[118] Anna mua’ Puangmu mappoelo’, tantu na napajarimi bassa tau umma’ iya mesa, anna ise’iya samata sisala (pahangi).
اِلَّا مَنْ رَّحِمَ رَبُّكَ ۗوَلِذٰلِكَ خَلَقَهُمْ ۗوَتَمَّتْ كَلِمَةُ رَبِّكَ لَاَمْلَـَٔنَّ جَهَنَّمَ مِنَ الْجِنَّةِ وَالنَّاسِ اَجْمَعِيْنَ١١٩
Illā mar raḥima rabbuk(a), wa liżālika khalaqahum, wa tammat kalimatu rabbika la'amla'anna jahannama minal-jinnati wan-nāsi ajma‘īn(a).
[119] Selaengna to dibei pammase pole di Puangmu. Anna iyamo tu’u di’o Puang Allah Taala mappadiangi ise’iya. Paunna Puangmu dipato’mi, “Sitongang­na na U-punnoi tongangi Naraka Jahannam pole di bassa jin anna bassa tau (iya madoraka) iyanasangna.”
وَكُلًّا نَّقُصُّ عَلَيْكَ مِنْ اَنْۢبَاۤءِ الرُّسُلِ مَا نُثَبِّتُ بِهٖ فُؤَادَكَ وَجَاۤءَكَ فِيْ هٰذِهِ الْحَقُّ وَمَوْعِظَةٌ وَّذِكْرٰى لِلْمُؤْمِنِيْنَ١٢٠
Wa kullan naquṣṣu ‘alaika min ambā'ir-rusuli mā nuṡabbitu bihī fu'ādaka wa jā'aka fī hāżihil-ḥaqqu wa mau‘iẓatuw wa żikrā lil-mu'minīn(a).
[120] Anna inggannana curita pole di para suro-I dicuritangano’o mating, iyamo kissa-kissa massawa’i Iyami’ mappamakasau’ atemu, anna di lalang sura’ di’e polemi di sesemu atongangan siola pe’guruang anna pappaingarang lao di to matappa’.
وَقُلْ لِّلَّذِيْنَ لَا يُؤْمِنُوْنَ اعْمَلُوْا عَلٰى مَكَانَتِكُمْۗ اِنَّا عٰمِلُوْنَۙ١٢١
Wa qul lil-lażīna lā yu'minūna‘malū ‘alā makānatikum, innā ‘āmilūn(a).
[121] Anna pa’uango’o (Muhammad) lao di to andiang matappa’: “Pogau’mi mie’ ingga ulle’mu (mi’apa onromu), sitongangna Iyami’ tu’u mappogau’ toi.
وَانْتَظِرُوْاۚ اِنَّا مُنْتَظِرُوْنَ١٢٢
Wantaẓirū innā muntaẓirūn(a).
[122] Anna eppei mie’ (a’dupanna panggau­ang­mu), sitongang­na Iyami’ mitteppe toi tu’u.”
وَلِلّٰهِ غَيْبُ السَّمٰوٰتِ وَالْاَرْضِ وَاِلَيْهِ يُرْجَعُ الْاَمْرُ كُلُّهٗ فَاعْبُدْهُ وَتَوَكَّلْ عَلَيْهِۗ وَمَا رَبُّكَ بِغَافِلٍ عَمَّا تَعْمَلُوْنَ ࣖ١٢٣
Wa lillāhi gaibus-samāwāti wal-arḍi wa ilaihi yurja‘ul-amru kulluhū fa‘budhu wa tawakkal ‘alaih(i), wa mā rabbuka bigāfilin ‘ammā ta‘malūn(a).
[123] Anna appunnanna Puang Allah Taala anu mallinrung di langi’ anna di lino anna sangga’ di sese-Nai dipepembali’ inggannana urusan, jari somba-I, anna pattawakkalo’o lao di (Puang). Anna Puangmu andiang sinalai lese pole di anu iya mupogau’.